لكل الي مش عارف يذاكر !!!!!!!! [الأرشيف] - بوابة الثانوية العامة المصرية

هالة محمد 2

23-03-2012, 08:01 PM

بســم الله الـرحمــن الرحيــم

]لكل الي مش عارف يذاكر لكل الي عنده شك في نجاحه وبيقول انا مش هعدي السنادي

والي بيقول ربنا يستر واتخرج السنادي ولكل حد كل لما يجي يذاكر يسرح

ولكل واحد معندوش نفس للمذاكره وعلي طول مخنوق

هنا هنخلي للمذاكره طعم تاني

هنذاكر يعني هنذاكر .. وهننجح يعني هننجح .. وهنتخرج يعني هنتخرج .. السنادي كلنا كلنا كلنا ان شاء الله هننجح

السنادي هنعين بعض بجد علي المذاكر هنذاكر مع بعض وهننجح مع بعض وهنعين بعض وناخد بايد بعض

وهناخد كذا خطوه مع بعض

1- هو احنا بنذاكر ليه ؟؟؟

لازم بجد قبل ما نبدأ المذاكره نكون عارفين اخنا بنذاكر ليه ونجدد نيتنا لو حطينا نيه قبل المذاكره وقولنا احنا بنذاكر علشان نرضي ربنا ونبر والدينا ونفيد مجتمعنا ودينا بعلمنا .... وكنا صدقين في كده فعلا ... والله والله ربنا هيعنا علي المذاكره بجد وهيباركلنا في وقتنا بجد وهينجحنا ان شاء الله

2- هنكون فريق

الفريق ده مش هيدخل فيه الا العضو او العضوه الي مستعده فعلا تنفذ برنامج الفريق للمذاكره

حد عنده استعداد تااام للدخول ومتابعة البرامج الي هنمشي عليها للمذاكره وعنده استعداد تام انه لو معملش في يوم الي اتفقنا عليه من مذاكره اننا هنفرض عليه عقاب وهينفذه

3- هنختار اسم للفريق ده

4عليه لا- هنعمل جدول احنا الي هنعمل وهنتفق زم نمشي عليه كلنا

يعني هنتفق علي عدد ساعات يوميه هنذاكرها وهنبدأ بكذا وهننتهي بكذا

وهنححد مكافأت بجد بس كل واحد هيكافأبيها نفسه للي هيذاكر فعلا

5- هندخل كل يوم علي الموضوع ده نطمن علي بعض ذاكرنا ولا ما ذكرناش

وكل واحد يدخل يقول عمل ايه النهارده بالتفصيل في المذاكره ونطمن علي بعض ولو حد في مشكله بالنسباله في المذاكره نحلهاله ونتناقش ازاي نحلهاله (( الله في عون العبد مادام العبد في عون اخيه))

6-هنتواعد كلنا

كلنا هنتوعد رجاله (بلاش رجاله علشان البنات ما تزعلش وعد بجد اننا هنفذ الي نتفق عليه ونعين بعض علي المذاكره

وان شاء الله هنخلي للمذاكره طعم تاني

ده شعارنا :: هنخلي للمذاكره طعم تاني

يلا هنا

هنبدأ في التسجيل في الفريق بسرعه

علشان نلحق نذاكر بسرعه

يلا

مين هيذاكر معانا

منقوووووووووول
توبيك عجبنى فحبيت نستفيد بيه كلنا
يلا بينا نذاكر مع بعض:022yb4:

اسحاق نيوتن

23-03-2012, 08:06 PM

هالة محمد 2

23-03-2012, 08:22 PM

يا هالة فى حاجة انا بستغرب منها هو احنا كل يوم نعمل موضوع زى دة وبردوك مفيش فايدة الاحباط هو هو للاسف الموضوع موضوع ارادة مش اكتر لو حد عايز يذاكر هيذاكر من نفسه لكن اللى بنعملة دا تاثيرة مش هيبقى اوى فعشان كدة ياريت كل واحد يخاف على مصلحتة
اولا يا استاذ اسحاق فى ناس بتكون محبطة وانا اولهم ولما تشوف موضوع زى كدا بيرجع الامل ليها من تانى وتتشجع انها تذاكر
بعد كدا يرجع الاحباط من تانى
احنا بنعمل مواضيع جديدة لان كل انسان محتاج تشجيع ولو انتا مش هتستفاد منة غيرك اكيد هيستفاد

$ Hager $

23-03-2012, 11:28 PM

محمود ابو عيشة

24-03-2012, 12:08 AM

هالة محمد 2

24-03-2012, 12:44 AM

والله موضوع كتييير حلو
و هيشجه ناس كتير على المذاكرة و بجد فكره حلووة
و أنا أكيد معاكى و ياريت فعلا نطبق الكلام اللى فى موضوع
هيساعد ناس كتير انها تخلص حاجات كتيرة فى المذاكرة
جزاك الله خيرا على الموضوع
جزانى واياكم
اكيد هيساعد ناس كتير انا بعمل دا من زمان مع بنات اعرفهم هنا وبجد شجعونى فا قولت نساعد بعض بكد
كل اوحد يقول ادبى ولا علمى علشان نعرف نقسم المنهج

هالة محمد 2

24-03-2012, 12:59 AM

بجد فكره روعه ان متفق بس ياريت التنفيذ يبقي بسرعه عشان العد التنازلي بدأ من زمان وانا خايف جدا جدا جدا
انا ادبي ومعاي فلسفه +تاريخ + علم نفس
يلا شوفوا هنبدأ ازاي وانا معاكو
ونخلي للمذاكرة طعم تاني
والشعب يريد طعم النجاح
اه احنا هنبدا فعلا من بكرة ان شاء الله
وانا كمان ادبى ونفس المواد
انا قولت باقى 8 ايام من الشهر دا ويخلص يعنى لو مسكنا التاريخ كدا ممكن خمس ايام من شهر اربعة نخلص التاريخ ودى اصعب مادة عندنا
بس كل يوم نذاكر باب تاريخ
او نشوف رايكم اية ونتفق وندخل بليل نشوف عملنا اية

$ Hager $

24-03-2012, 01:28 AM

طيب أنا علمى علوم
موادى هى فيزيا و أحياء و علم نفس و إنجلش و عربى
اقسمهم ازاى فى المذاكرة

هالة محمد 2

24-03-2012, 01:38 AM

طيب أنا علمى علوم
موادى هى فيزيا و أحياء و علم نفس و إنجلش و عربى
اقسمهم ازاى فى المذاكرة
انتى كدا متفقة معانا فى علم النفس والعربى والانجلش
بصى احنا هنبدا بالمواد الصعبة علشان نكون خلصنا العقبات الى قدامنا انتى شوفى اية االمادة الصعبة وابداى بيها وان شاء الله حد يدخل من علمى ويشجعك
وكل يوم تذاكرى باب من كل مادة علشان تحاولى فى شهر 4 تكونى خلصتى المواد وشهر خمسة نبدا حل امتحانات
يعنى قسمى موادك شوفى حسب الشهر وشوفى بقا كل يوم تذاكر كام باب علشان تخلصى اخر الشهر
فهمتينى

$ Hager $

24-03-2012, 01:44 AM

انتى كدا متفقة معانا فى علم النفس والعربى والانجلش
بصى احنا هنبدا بالمواد الصعبة علشان نكون خلصنا العقبات الى قدامنا انتى شوفى اية االمادة الصعبة وابداى بيها وان شاء الله حد يدخل من علمى ويشجعك
وكل يوم تذاكرى باب من كل مادة علشان تحاولى فى شهر 4 تكونى خلصتى المواد وشهر خمسة نبدا حل امتحانات
يعنى قسمى موادك شوفى حسب الشهر وشوفى بقا كل يوم تذاكر كام باب علشان تخلصى اخر الشهر
فهمتينى

اها فهمتك و انا هحاول اخد باب من كل ماده كل يوم و ربنا معانا جميعا و يوفقنا

هالة محمد 2

24-03-2012, 01:47 AM

اها فهمتك و انا هحاول اخد باب من كل ماده كل يوم و ربنا معانا جميعا و يوفقنا
تمام ربنا يوفقنا ونجيب مجاميع حلوة باذن الله

محمود ابو عيشة

24-03-2012, 06:20 AM

doha94

24-03-2012, 09:34 AM

banota sha3nona

24-03-2012, 10:11 AM

طب انا تانيه وموادي عربي /رياضه/انجلش/ايطالي/علم نفس انا قررت ابدا من نهارده

هالة محمد 2

24-03-2012, 11:31 AM

انا معاكي ومستعد ابدأ من النهارده حتي لو مفيش الا انا وانتي
شوفي انا لسه في الباب 13 تاريخ شرح بس المستر بتاعي بيرجع ع طول فايعني التاريخ حلو شوية
اما بالنسبه للفلسفه فدي انا خلصتها من زمان ورجعتها برضوا مع المستر وبجد بدأت اظبطها شوية بس انتي مش تايهه ع الفلسفه سبرتو بتطير بسرعه يعني عايزه مراجعه ع طول
اما بالنسبه لعلم النفس فدي لا افقه فيها شىئ ع الرغم انا اخنا بنرجعها دلوقتي بس منفض لها
نيجي بقي للانجليزي انا في مجموعه خاصه شرح لسه في الوحده 13 مع اني خلصت المنهج قبل كده بس هتقولي اية ...

اكلم عن العربي ولا بلاش
اكيد انتي عارفه العربي ده لعبتنا
ما شاء الله حافظ فهرس الكتاب مع ان احنا بنراجعه حاليا بس بزضو منفض

محلوظه : شكرا ليكي لان انا كده بدأت اعرف انا ماشي ازاي
اولا الشكر لله
انا التاريخ وصلت للفصل ال11 وحسيت نى نسيت الى فات فا رحت بدات فية من الاول
قولت باقى 8 ايام والشهر يخلص يعنى لو كل يوم ذاكرت باب هخلص التاريخ اخر الشهر لانى راجعت على اول 5
اما الفلسفة فا انا مخلصة المنطق الفلسفة باقى 3 ابوبا
وعلم النفس مخلصه
بس انا هبدا مراجعة فى المنهج من الاول خالص علشان لما نبدا نحل نكون مذاكرين كويس

هالة محمد 2

24-03-2012, 11:37 AM

انـــــــــــــــا معـــــاكوا بــــــــــــس يا هـــــــــاله المـــــــوضوع بتــــــــــــــاعى مـــــــــوجود ومـــــــــــتثبت
مـــــــــا تـــــــــــدخلوا عـــــــــــليه ونــــــــــــــــــــتفق فـــــــــــــــــــــــــيه :022yb4: :022yb4:
الموضوع الى حضرتك عملتية اسمة للادبى فقط
اما دا هيكون للعملى والادبى مع بعض يعنى شامل الكل وعادى موضوعك او موضوعى المهم نذاكر
نورتى الموضوع

هالة محمد 2

24-03-2012, 11:38 AM

جزاك الله كل خير هاله55
جزانى واياكم
شكرا لمرورك العطر

highlight

24-03-2012, 11:39 AM

موضوع جميل اوى يا هالة
يلا كلوا كونوا فرقكوا و ابدءوا المنافسة
عايزين نشوف مين احسن
بالتوفيييييييييييييييق :)

هالة محمد 2

24-03-2012, 11:39 AM

طب انا تانيه وموادي عربي /رياضه/انجلش/ايطالي/علم نفس انا قررت ابدا من نهارده
ماشى كويس انك هتبداى علشان الوقت واكيد اى حد من تانية هيدخل هيشجعك
انتى مشتكرة معانا فى علم النفس يعنى هنذاكرة مع بعض

هالة محمد 2

24-03-2012, 11:45 AM

موضوع جميل اوى يا هالة
يلا كلوا كونوا فرقكوا و ابدءوا المنافسة
عايزين نشوف مين احسن
بالتوفيييييييييييييييق :)

احنا هنكون فعلا قريق ونتغلب على الملل واحنا بنذاكر ونشجع بعض
شكرا لمرورك الجميل

To Be Is To Do

24-03-2012, 01:00 PM

يلا نبدأ طيب إن مأضينها شعارات وشكر وبس
يلا نبدأ من دلوقتى

هالة محمد 2

24-03-2012, 01:16 PM

احنا بدانا حضرتك لو عايز تشارك اوك
شوف هتذاكر اية وادخل بليل قول ذاكرت ولا لاوبعدين لما ندخل كلنا نتفق على مادة معينة

doha94

24-03-2012, 02:10 PM

خـــــــــــــــــــــــــــلاص مـــــاشـــــى

محمود ابو عيشة

24-03-2012, 02:44 PM

انا ناوي اذاكر فلسفه عشان عندي تست فلسفه يوم الاحد فهحاول اراجع علي قد ماقدر النهاردة وبكره اكمل والله ولي التوفيق

هالة محمد 2

24-03-2012, 02:48 PM

انا ناوي اذاكر فلسفه عشان عندي تست فلسفه يوم الاحد فهحاول اراجع علي قد ماقدر النهاردة وبكره اكمل والله ولي التوفيق
ان شاء الله وربنا يوفقك ويوفقنا
انا ان شاء الله ناوية اذاكر كام وحدة انجلش ونص الباب السابع تاريخ علشان اذاكرة كويس وندخل بليل نشوف وصلنا لحد فين ان شاء الله

محمود ابو عيشة

24-03-2012, 02:56 PM

ان شاء الله وربنا يوفقك ويوفقنا
انا ان شاء الله ناوية اذاكر كام وحدة انجلش ونص الباب السابع تاريخ علشان اذاكرة كويس وندخل بليل نشوف وصلنا لحد فين ان شاء الله

ربنا معاكي ان شاء الله

اسحاق نيوتن

24-03-2012, 03:15 PM

ايوة كدة عايزين نذاكر ونتعب عشان نحصد فى الاخر

AHMEDHOLZ

24-03-2012, 04:51 PM

موضوع جميل جزاك الله كل خير
و ربنا يوفقكم
بس انا مش هينفع اشترك لاني لسه في سنة اولى ههههههه

diablover

24-03-2012, 10:15 PM

تمام يا ريت بجد الموضوع دا يتطبق و هيدي نتائج جميلة جدا
و انا الفكرة عجباني

انا تانية علمي

هالة محمد 2

24-03-2012, 10:20 PM

موضوع جميل جزاك الله كل خير
و ربنا يوفقكم
بس انا مش هينفع اشترك لاني لسه في سنة اولى ههههههه
انتا ذاكر وادخل قول عملت اية وممكن تلاقى حد فى اولى يشجعك

هالة محمد 2

24-03-2012, 10:22 PM

تمام يا ريت بجد الموضوع دا يتطبق و هيدي نتائج جميلة جدا
و انا الفكرة عجباني

انا تانية علمي

طيب كويس ياريت الكل يبدا بقا ويدخل بليل او اى وقت يقول ذاكر اية
وربنا يوفقنا

اسحاق نيوتن

24-03-2012, 10:50 PM

انا ذاكرت النهاردة شوية مذاكرة حلوين بقالى كتير مذاكرتش كدة

هالة محمد 2

24-03-2012, 11:02 PM

انا ذاكرت النهاردة شوية مذاكرة حلوين بقالى كتير مذاكرتش كدة
طيب كويس الحمد لله الموضوع نفع اهو
ربنا يوفقنا

Engineer ..

24-03-2012, 11:54 PM

الموضوع ده عجبني اوي والله يا هاله من اول ما قريته لأنه بيمثل شخصية نفس شخصيتي وهي التعاون
انا بحب التعاون اوي وممكن مزهقش منه ابداً بحس بلذة ملهاش حل لما اكون بتعاون مع شخص و نخلص العمل ده ونتمه على خير , أياً كان , بس بجد بيبقى جميل اوي ...
أنا بدعي ليكم كلكم ولكل الطلبة وليا برده لأني لسه طالب صغير كمان بالنجاح والتوفيق والمراكز العالية ...
وانا ملاحظ انك وبعض الطلبة يائسين !! لأ لأ والله متيأسوش سيبوها لله ومتخافوش الأمور بسيطه
هو ايه اللي يفرق طالب جامعي عن طالب ثانوي ؟
التوتر فقط لا غيييييييييييييييييييييييير
بس كمية المواد عندنا اضعاف اضعاف اضعاف اللي عندكم ومطلوبة في أقل من 3 شهور كلها و زيادة عليها كمان
فلازم نذاكر الشهرين 3 اللي باقيين دول وربنا يعينا يارب
وبجد العلم جميل والمذاكرة حلوة اوي بس احنا اللي بنحبط نفسنا بنفسنا
نبدأ من دلوقتي بئه مندخلش نت الا ساعة او اتنين بس كل يوم و كل جمعة نراجع بابين من مادتين بجد لو عملنا كده هنجيب مجموع عاااااااااااااالي جداً بإذن الله وكله بتوفيق الله يسير
اسف على الإطالة ... في رعاية الله وربنا يوفقكم يارب

هالة محمد 2

25-03-2012, 01:11 AM

محمود ابو عيشة

25-03-2012, 09:19 AM

ياااااااه مذكرتش كده من زمان بجد شكرا ع الفكره الروعه دي مع اني مذكرتش الا جزء صغير بس مستعد ادخل بيه الامتحان النهائي معتش محتاج اذاكره تاني
الحمد لله علي كل شئ

يمنى محمد عبد السلام

25-03-2012, 09:29 AM

فكرتك جميييييلة ما شاء الله انا كمان علمى علوم وموادى عربي وانحلش وفيزيا واحياء وعلم نفس
وحاسة ان الوقت ضاااااااع ومش هلحق انجز ادعولى كتير

هالة محمد 2

25-03-2012, 09:37 AM

ياااااااه مذكرتش كده من زمان بجد شكرا ع الفكره الروعه دي مع اني مذكرتش الا جزء صغير بس مستعد ادخل بيه الامتحان النهائي معتش محتاج اذاكره تاني
الحمد لله علي كل شئ
طيب الحمد لله الفكرة نفعت يارب كدا على طول
ما هى بتيجى بكدا جزء بسيط وبعد كدا تاخد اليوم كلة تذاكرة

هالة محمد 2

25-03-2012, 09:38 AM

فكرتك جميييييلة ما شاء الله انا كمان علمى علوم وموادى عربي وانحلش وفيزيا واحياء وعلم نفس
وحاسة ان الوقت ضاااااااع ومش هلحق انجز ادعولى كتير
خلاص كويس متشركة معانا فى 3 مواد طيب شوفى عايزة تبدا باية كدا وقولى

ياسو محمد صابر

25-03-2012, 09:52 AM

انا علمى رياضة وموادى هى فيزياء ورياضة2 وعربى وعلم نفس وانجليزى ياريت تساعدونى

هالة محمد 2

25-03-2012, 10:08 AM

انا علمى رياضة وموادى هى فيزياء ورياضة2 وعربى وعلم نفس وانجليزى ياريت تساعدونى
طيب الاول حضرتك عايز تبدا بمادة معينة او اية المادة الى مقصر فيها وانا اساعدك

ياسو محمد صابر

25-03-2012, 10:30 AM

انا مقصرة فى الفزياء والعربى ولكن انا عايزة اذاكر معاكو

محمود ابو عيشة

25-03-2012, 10:37 AM

وانتي يا هاله اية انجازك انبارح

هالة محمد 2

25-03-2012, 10:44 AM

انا مقصرة فى الفزياء والعربى ولكن انا عايزة اذاكر معاكو
طيب بص انا ادبى يعنى موادى مش زيك واهم حاجة اخلص المواد الى عليها 50 الاول
فا طبعا فى هنا ناس علمى شوفهم وزاكور فيزيا طالما مقصر ولا اية رايك

ياسو محمد صابر

25-03-2012, 10:59 AM

ولو ممكن حد يعملى جدول اذاكر علي لانى مبعرفش اعمل جدول

ياسو محمد صابر

25-03-2012, 11:04 AM

ماشى انا هذاكر الفيزياء ولكن اريت احد يشجعنى

هالة محمد 2

25-03-2012, 11:23 AM

ماشى انا هذاكر الفيزياء ولكن اريت احد يشجعنى
والله احنا اهنا بنشجع بعض خالص بس انتا كل يوم ذاكر باب من اى مادة ومتدخلش النت غير لما تخلصة وادخل لما تخلص تقول عملت اية ولازم كل يوم تعمل كدا

يمنى محمد عبد السلام

25-03-2012, 11:54 AM

عايزة ابدأ بالفيزيا والاحياء

هالة محمد 2

25-03-2012, 11:57 AM

عايزة ابدأ بالفيزيا والاحياء
خلاص تمام اوى
كل يوم تذاكرى باب كامل ومتقعديش على النت غير لما يخلص انا علشان ادبى هذاكر تاريخ وندخل بليل نشوف عملنا اية:022yb4:

يمنى محمد عبد السلام

25-03-2012, 12:00 PM

خلاص تمام هبقي ادخل بالليل واقولك عملت ايه
شكراااااااااااا جداااااااااااااا

هالة محمد 2

25-03-2012, 12:07 PM

خلاص تمام هبقي ادخل بالليل واقولك عملت ايه
شكراااااااااااا جداااااااااااااا
الشكر لله
انا كمان هقوم دلوقتى وابدا اذكر وادخل بليل اقول خلصت اية

Dr..Soha

25-03-2012, 02:04 PM

AHMEDHOLZ

25-03-2012, 02:34 PM

تمام اوووي ، أنا ذاكرت امبارح شوية تاريخ مش كتير اوي عشان تعبان شوية
و النهارده هذاكر أحياء بإذن الله .

هالة محمد 2

25-03-2012, 08:14 PM

ماشاء الله عليكى ياهالة فكرتك جميلة وتسلم ايدك عالتوبيك الجميل ده وعلى فكرة انا اكبر منكم بسنة لكن حصلى ظروف فى الامتحانات ومعايا السنة دى احياء ومستوى رفيع لانى علمى علوم وانا تحت امركم فى اى حاجة تحتاجونى فيها او اى استفسار لانى فاكرة حاجات كتير فى المناهج بالذات الانجلش والنحو والبلاغة .
اسفة على الاطالة وربنا يوفقكم جميعا ويوفقنى انا كمان وادخل الكلية اللى بحبها وبتمناها من ربنا .
ربنا يخليكى والله انا طبعا الحمد لله وعارفة قدرات نفسى كويس انى الحمد لله متفوقة بس طبعا الحظ مش مساعدنى وبحل كويس وكل حاجة وفى الامتحانات كمان بس مش بجيب مجموع فا الحمد لله كل كل حال وربنا عالم بكل انسان فا خطرت فى بالى الفكرة دى لانى السنة دى مخنوقة خالص ومش بذاكر اوى مع انى مثلا لو قعدت ساعة بخلص حاجات كتير دى ميزة فيا بس مش بستغلها فا قولت اجرب نشجع بعص والحمد لله ناس كتير شاركت والموضوع شكلة نفع
ويارب تدخلى الكلية الى حضرتك عايزها يارب ويوفقنا كلنا السنادى

هالة محمد 2

25-03-2012, 08:16 PM

تمام اوووي ، أنا ذاكرت امبارح شوية تاريخ مش كتير اوي عشان تعبان شوية
و النهارده هذاكر أحياء بإذن الله .
طيب كويس خالص لو كل يوم ذاكرت حاجة اكيد هتشجع انك تذاكر على طول
وربنا يوفقنا

اسحاق نيوتن

25-03-2012, 08:25 PM

طيب كويس خالص لو كل يوم ذاكرت حاجة اكيد هتشجع انك تذاكر على طول
وربنا يوفقناربنا ينورلك طريقك يا هالة ويحققلك اللى انت بتتمنيه ويسعدك ويجازيك على كل طيب بتعمليه انتى بجد تسحقين كل خير على تعاونك واهتمامك بنا وتقديمك للموضوعات التى بتساعدنا اننا نتخطى الصعاب ونكمل طريقنا للاخر .....................

هالة محمد 2

25-03-2012, 08:45 PM

ربنا ينورلك طريقك يا هالة ويحققلك اللى انت بتتمنيه ويسعدك ويجازيك على كل طيب بتعمليه انتى بجد تسحقين كل خير على تعاونك واهتمامك بنا وتقديمك للموضوعات التى بتساعدنا اننا نتخطى الصعاب ونكمل طريقنا للاخر .....................
اولا انا طالبة زيكم وطبعا اكيد عارفة كل واحد حاسس باية ونفسة فى اية انا حتى عندى فى المدرسة بحب اوى اساعد البنات بس هما بيقدمولى العكس تماما واتمنا انى اكون فعلا ساعدت حد ولو بجزء بسيط وربنا يوفقنا ويحقق كل احلمنا كلنا يارب

AHMEDHOLZ

25-03-2012, 11:59 PM

الحمد لله ، ذاكرت Unit13 و خلصته
بس تعبت و ملحقتش اذاكر أحياء كتير ..
لكن لما حالتي تتحسن المعدل هيزيد بإذن الله

جهاد14

26-03-2012, 01:49 AM

لكل علمي علوم انهاردة باقي في الشهر 6 ايام
راي ناخد في الكيميا في اليوم الاول اول 3 ابواب وبعد كده كل باب ليه يوم والعضوية تتقسم على ال6 ايام يعني في اليوم الاول الهيدروكربونات اللي هيا البداية والالكانات والالكينات والاكاينات والتاني البنزين والتالت الكحولات والرابع الفينولات والخامس الاحماض والسادس الاسترات

ThèGôldènBôy

26-03-2012, 07:50 AM

محمود ابو عيشة

26-03-2012, 08:31 AM

اخباركم شباب
امتحنت فلسفه انبارح ومجبتش مجموع حلو بس بجد حسيت اني بعمل حاجه حلوه جدا
انا خايف جدا من العربي لو حد عنده خطه للعربي ممكن يساعدني

جهاد14

26-03-2012, 12:12 PM

لا اصل اول 3 ابواب سهلين اوي ومرتبطين ببعض

ThèGôldènBôy

26-03-2012, 12:33 PM

طيب انتي مذاكرة الكيمياء كلها وبتراجعيها ولا اية؟؟

اصل انا بصراحة من كل باب كدة في جزئية مذكرتهاش خالص ولا اخر بابين

Dr..Soha

26-03-2012, 02:50 PM

اخباركم شباب
امتحنت فلسفه انبارح ومجبتش مجموع حلو بس بجد حسيت اني بعمل حاجه حلوه جدا
انا خايف جدا من العربي لو حد عنده خطه للعربي ممكن يساعدني
منهج العربى بتاع تانية سهل جدا وان شاء الله تلحق تذاكره انا هقولك اقتراح وان شاء الله تقدر تعمل بيه كل يوم تاخد درس قراءة مع ادب وكل يوم معاك طبعا النحو والبلاغة عالاقل قطعتين وقطعتين هتقولى ان النصوص تطبيق عالادب هقولك خليها للاخر لانها بتعتمد اكتر على فصاحتك فى الشرح لو انت فاهم النص وكمان هتكون ذاكرت الادب وكمان لو ملحقتش تخلصها متقلقش هتذاكرها فى ايام الامتحان .بالنسبة للقصة انا كنت بقراها كانها رواية وبفهمها جدا علشان اعرف اعبر كويس .انا جايبة 29.5فى تانية وتالتة 29 . ان شاء الله انت افضل من كدة . ويارب اكون قدرت اساعدك . بالتوفيق.:022yb4:

جهاد14

26-03-2012, 02:58 PM

Bahy_Ahmed

26-03-2012, 03:11 PM

موضوع جاااااااااااااامد اوي وانا معاكو بس كام ساعة كده عمال ما اخلص العضوية

أنين الأنين

26-03-2012, 03:51 PM

موضوع جميل جداا يا هالة ربنا يباركلك ومش هقول حاجه تانية ربنا هو اللى هيكافئك من عنده
وانا معاكم ان شاء الله وانا زى ماانتى عارفة سنه3 علمى احياء السنادى
ان شااء الله ابدأ بالاحياء

Dr..Soha

26-03-2012, 04:53 PM

موضوع جميل جداا يا هالة ربنا يباركلك ومش هقول حاجه تانية ربنا هو اللى هيكافئك من عنده
وانا معاكم ان شاء الله وانا زى ماانتى عارفة سنه3 علمى احياء السنادى
ان شااء الله ابدأ بالاحياء
انا معاكى احياء لو عاوزة نراجعها مع بعض مفيش مشكلة :022yb4:

ThèGôldènBôy

26-03-2012, 06:18 PM

الحقيقة والله مامخلص الكيميا بقالي الاحماض والاسترات وانا كمان زي حالة حضرتك كده كل باب مش مذاكره اوي بس احنا نعتبرها مراجعة علشان الوقت كاننا بنذاكر الباب واول مرة واللي عنده مراجعة على كل باب ياريت يحلها كلها بعد مايذاكر بضمييييييييييييييييييييييييييير لان مفيش وقت الواحد يضحك على نفسه فيه تاني

طيب انا عندي فكرة احنا نقول هنخلص الباب كذا في وقت كذا مش شرط كيمياء

بس بالراحة علية شوية علشان انا في البطاطة خالص

اوك ولا انتي عايزة تذاكري لوحدك؟؟

بس سؤال غلس شوية انتي عايشة في السعودية ولا في مصر؟؟

محمود ابو عيشة

26-03-2012, 06:40 PM

منهج العربى بتاع تانية سهل جدا وان شاء الله تلحق تذاكره انا هقولك اقتراح وان شاء الله تقدر تعمل بيه كل يوم تاخد درس قراءة مع ادب وكل يوم معاك طبعا النحو والبلاغة عالاقل قطعتين وقطعتين هتقولى ان النصوص تطبيق عالادب هقولك خليها للاخر لانها بتعتمد اكتر على فصاحتك فى الشرح لو انت فاهم النص وكمان هتكون ذاكرت الادب وكمان لو ملحقتش تخلصها متقلقش هتذاكرها فى ايام الامتحان .بالنسبة للقصة انا كنت بقراها كانها رواية وبفهمها جدا علشان اعرف اعبر كويس .انا جايبة 29.5فى تانية وتالتة 29 . ان شاء الله انت افضل من كدة . ويارب اكون قدرت اساعدك . بالتوفيق.:022yb4:

شكرا علي مساعدتك وان شاء الله احاول اظبطه بالطريقه دي بس هراجع الاول علي النحو و البلاغة عشان انتهي منه8 في الاول كده بجد شكرا كمان مره و ع فكرة انا 3 ث

Dr..Soha

26-03-2012, 08:15 PM

شكرا علي مساعدتك وان شاء الله احاول اظبطه بالطريقه دي بس هراجع الاول علي النحو و البلاغة عشان انتهي منه8 في الاول كده بجد شكرا كمان مره و ع فكرة انا 3 ث
كويس جدا انا هقولك بقى نحو تالتة بيتذاكر ازاى طبعا زى ماانت عارف ان النحو مفتووح جدا فى تالتة ومهما تذاكر فيه هتحس انك مش قادر تلمه انا كنت بحل قطع كتيييييييييييييييييييييييييير جدا والقاعدة اللى مش فاكراها اجيبها من الكتاب اذاكرها وطبعا لما اجى اطبق عليها تانى تكون ثبتت خلاص وبالتكرار فى الحل هتلاقيك لميت النحو كله بالنسبة للبلاغة هما خمس اسئلة بالظبط لو حفظتهم هتجيب ال 3 درجات بتوع البلاغة ولو عاوزنى احطهملك مفيش مشكلة بس الاول هدور عالورق ويارب الاقيه . اتمنى تكون استفدت تانى واى استفسار او مساعدة انا تحت امركم جمييييعا.:022yb4::rolleyes:

هالة محمد 2

26-03-2012, 08:27 PM

كويس جدا انا هقولك بقى نحو تالتة بيتذاكر ازاى طبعا زى ماانت عارف ان النحو مفتووح جدا فى تالتة ومهما تذاكر فيه هتحس انك مش قادر تلمه انا كنت بحل قطع كتيييييييييييييييييييييييييير جدا والقاعدة اللى مش فاكراها اجيبها من الكتاب اذاكرها وطبعا لما اجى اطبق عليها تانى تكون ثبتت خلاص وبالتكرار فى الحل هتلاقيك لميت النحو كله بالنسبة للبلاغة هما خمس اسئلة بالظبط لو حفظتهم هتجيب ال 3 درجات بتوع البلاغة ولو عاوزنى احطهملك مفيش مشكلة بس الاول هدور عالورق ويارب الاقيه . اتمنى تكون استفدت تانى واى استفسار او مساعدة انا تحت امركم جمييييعا.:022yb4::rolleyes:
بجد والله انا استفدت منك كتير
جزاكى الله كل خير

محمود ابو عيشة

26-03-2012, 08:33 PM

Dr..Soha

27-03-2012, 07:04 AM

بجد والله انا استفدت منك كتير
جزاكى الله كل خير
جزانا واياكى ياهالة . ربنا يوفقك للخير .

Dr..Soha

27-03-2012, 07:13 AM

شكرا ليكي واسئلة البلاغة المستر عطهيا لنا هو بس مشكلتي في النحو دا بس عايز المه قبل ما ابدأ مذاكرة وان شاء الله هبدأ من بكرة اما بالنسبه
للقراءه فدي مطمن عليها حبه عشان كنت ذكرتها قبل كده
و ياسلام بقي ع قصة الايام مش هقولك عليها قصة سقعانة جدا بجد يعني وفي رأيك اذاكر الادب دلوقتي ولا اية وبالنسبه للنصوص طريقة مذكرتها ازاي و مذاكرة مظاهر الجمال وشكر كمان مره
اولا الادب لازم تبدأ فيه علشان مليان وبالذات بتاع تالتة فلما هتخلصه هتحس انك اطمنت اما النصوص خليها اخر حاجة خالص ومظاهر الجمال بالنسبة لمذاكرتها هى مبتتحفظش وبتعتمد طبعا على فهمك للنص والبلاغة وانك تبقى مركز مع المدرس وهو بيشرحها 100% علشان تقدر تطلع مظاهر الجمال لوحدك يعنى مثلا لو انت فاهم شرح الاستعارات والكنايات عامة هتقدر تطبقها على اى نص يعنى الخلاصة مظاهر الجمال = فهم معانى النص + فهم البلاغة
ثانيا القصة متقلقش منها حاول تخلص اول جزء مذاكرة يعنى مثلا خد فصل كل يوم مع درس الادب اللى هتذاكره
والجزئين التانيين خليهم مع النصوص للاخر ومش لازم تتقنهم اوى زى الجزء الاول بصراحة انا كنت داخلة الامتحان بالجزء الاول لان المستر قالنا لازم بيجى من اول جزء وزى ماانت عارف بيجى سؤالين فى القصة وانت بتختار واحنا فعلا جالنا سؤال من الجزء الاول حليته وخلاص وسبت التانى بس كنت مكملة الجزئين التانيين قراءة
نسيت اقولكم ان الادب ذاكروه من مذكرة لان اسئلته بتيجى بسيطة وواضحة فلو ذاكرتوه من الكتاب هيضيع وقت وكمان مش هتتقنوه كويس فانتوا توفروا الوقت ده لمادة تانية .
بالتوفيق واى استفسار تانى انا تحت امركم .:022yb4::)

جهاد14

27-03-2012, 07:19 AM

انا جهاااااااااد بس ولد وعايش في السعودية

princees gehad

27-03-2012, 07:23 AM

انا جهاااااااااد بس ولد وعايش في السعودية
انا كمان عايشة في السعودية و الفكرة دي حلو اوي

جهاد14

27-03-2012, 07:24 AM

اكيد انت ثانوية مصرية منازل صح

princees gehad

27-03-2012, 07:25 AM

اه صح ربنا معانا كلنا يارب

جهاد14

27-03-2012, 07:31 AM

طيب استنو بقا لما افكر في جدول هيعجبكو كلكو

محمود ابو عيشة

27-03-2012, 08:06 AM

اولا الادب لازم تبدأ فيه علشان مليان وبالذات بتاع تالتة فلما هتخلصه هتحس انك اطمنت اما النصوص خليها اخر حاجة خالص ومظاهر الجمال بالنسبة لمذاكرتها هى مبتتحفظش وبتعتمد طبعا على فهمك للنص والبلاغة وانك تبقى مركز مع المدرس وهو بيشرحها 100% علشان تقدر تطلع مظاهر الجمال لوحدك يعنى مثلا لو انت فاهم شرح الاستعارات والكنايات عامة هتقدر تطبقها على اى نص يعنى الخلاصة مظاهر الجمال = فهم معانى النص + فهم البلاغة
ثانيا القصة متقلقش منها حاول تخلص اول جزء مذاكرة يعنى مثلا خد فصل كل يوم مع درس الادب اللى هتذاكره
والجزئين التانيين خليهم مع النصوص للاخر ومش لازم تتقنهم اوى زى الجزء الاول بصراحة انا كنت داخلة الامتحان بالجزء الاول لان المستر قالنا لازم بيجى من اول جزء وزى ماانت عارف بيجى سؤالين فى القصة وانت بتختار واحنا فعلا جالنا سؤال من الجزء الاول حليته وخلاص وسبت التانى بس كنت مكملة الجزئين التانيين قراءة
نسيت اقولكم ان الادب ذاكروه من مذكرة لان اسئلته بتيجى بسيطة وواضحة فلو ذاكرتوه من الكتاب هيضيع وقت وكمان مش هتتقنوه كويس فانتوا توفروا الوقت ده لمادة تانية .
بالتوفيق واى استفسار تانى انا تحت امركم .:022yb4::)

بجد متشكر ع نصايحك الغالية ديوان شاء الله ربنا يقدرني واعمل بيها واجيب مجموع حلو السنة دي متشكر كمان مره