بسم الله الرحمن الرحيم
ياذن الله هحاول اعرض المشاكل بتاعتنا المعلمين بالازهر وعلى فكرة انا معلم (مش عارف مساعد ولا متثبت) ع العموم انا مسابقه 2006 وامتحنت الكادر وخدت icdl وخريج كلية التربية جامعة الازهر

1- الاساسي بتاعنا بعد التثبيت بقى ع المجرد بخلاف التربية والتعليم يعني الواحد لما يتثبت ينقص مرتبهبدل من 219.60 يبقى 48ج ولسه جاي رد جهاز التنظيم والادارة ان المعين يبقى على اساسي مربوط الدرجه ويضاف له العلاوات السابقه (الخمس علاوات) ع المربوط لكن علاوة 2012 شهر تبقى تبقى ع الاساسي الكلي (48 + الخمس علاوات) ( بس كان عندي سؤال مش معنا شهر مارس الحالي الاساسي فيه رجع ع المجرد ما رجعش في يناير ليه او يوليو اللي جاي ليه ؟؟؟؟؟) وامشي بسرعة النملة على رمل صغير في عز الحر وابقى قابلني اذا وصلت

2- فين كادر المعلم اللي احنا المفروض نصرفه (المرحلة التانيه اللي اسمها بدل اعتماد) من 2009 (اللي انا سمعت والله اعلم ان في بعض المعلمين في النوفية صرفوه باثر رجعي عن طريق القضاء يا ريت اللي عنده معلومة ممكن يوضحها ) مع العلم ان شيخ الازهر طلع قرار في شهر مارس الحالي بصرف بدل الاعتماد من تاريخ التثبيت باثر رجعي (بس هيفرق ايه ما الدوله طلعت قرار بصرف حافز الاثابه وتكملة 200% لكل القطاعات يعني لو خدنا كادر مرحلة اولي 50% وحوافز 25% وبدل اعتماد مرحلة تانيه 50% يبقى هنصرف 75% حافز اثابه .... ما احنا كدا كدا خدنا 125% حافز اثابه يعني ممكن يتضاف ع الاساسي كمان اربع خمس عشر سنين مثلا؟؟؟؟ بس انا اعتقد ان الفرق بين 75+50 وال 125 ان ال 50+75 يعني معلم مثبت لو الواحد غاب اكثر من خمس ايام في الشهر هيخصموا حافز الاثابه فقط ال 75% والله اعلم

3- الحمد لله اخيرا وليس اخرا ان الحكومه بتاعتنا ربنا يكرمهااااااااااااا قررت صرف حافز الاداء لمعلمي الازهر (مش حافز الاثابه ) بس والله اعلم الصرف امتى ؟ في علم الغيب!!!!
وذلك باثر رجعي من شهر يوليو الماضي 2011 حافز أداء شهري بواقع 75% من المرتب الأساسي لشاغلي وظيفة معلم مساعد أو ما يقابلها، وبواقع 50% من المرتب الأساسي لوظيفة معلم أو ما يقابلها، وبواقع 25% من المرتب الأساسي بالنسبة لشاغلي وظائف معلم أول ومعلم أول(أ) ومعلم خبير وكبير معلمين أو ما يقابلها.

تزاد نسبة حافز الأداء الشهري المنصوص عليه بالمادة الأولي من هذا القرار اعتبارا من أول أكتوبر 2011 لتصبح كالآتي:
•المعلم المــساعد: 125% بدلا من 75% من المرتب الأساسي.
•المعلم : 75% بدلا من 50% من المرتب الأساسي.
•المعلم الأول: 50% بدلا من 25% من المرتب الأساسي.
وفي شروط لصرفه ان يكون في الشهر ما يقلش عن 18 توقيع ويكون تقرير الناظر او الشيخ كفء وكمان مفيش جزاءات اكتر من 5 ايام
السؤال هنا
هيعاملونا ازاي اللي اتثبتوا حديثا ع الاساسي القديم اللي هو 219.60 وللا 48ج؟؟؟
هيعاملونا على اساس ان احنا معلمين من شهر يوليو الماضي وللا على اساس ان احنا كنا لسه ما اتثبتناش ؟؟؟
انا مش عارف ؟؟؟؟ دماغي هتشت؟؟؟؟
عموما انا مش بدور ع الجانب المادي بقدر ما انا بسعى ان يكون هناك مساواة في المعاملة ع الاقل بين قطاعات الدولة من تربية وتعليو وازهر وخلافة

4- الحمد لله وهي بشرى ساره ان شيخ الازهر طلع قرار بتاريخ 23 مارس بتعديل الاجازة الاعتيادية وبقت 10 ايام بحد اقصى بعد موافقه المنطقة وجهة العمل
بس السؤال
لو واجد خد اجازة اعتيادية وقدمها واتوافق عليها لمده 10 ايام هل ياخد الحافز ثواء الاثابة او الاداء الجديد؟؟؟؟؟

5- احتساب الاقدمية اللي هي سنوات الخبرة اللي فاتت وضمها للمده ولقد قامت التربية والتعليم بضم المده السابقة طبقا لل...... الدوري رقم 7 وهو لجميع العاملين بحد اقصى خمس علاوات.... لكن الازهر دائما تابع للتربية والتعليم كما قال الشيح عبد التواب على لسان شيخ الازهر ( لو التربية والتعليم خدت مليم الازهر ياخده واللي يطبق فيها يطبق عندنا فوررررررررررررااااااا) والله اعلم
السؤال هنا
قولوه انتم فكروا فكروا فكروااااااااااا !!!!!

6- المعلمين اللي ما امتحنوش الكادر ليه؟؟؟؟ ليه؟؟؟؟ ما امتحنوش عشان ما اخدوش تربوي طب ما هو منهم اللي خد تربوي في 2010 وكان جاهز
فين الازهر مع الاكاديمية ؟؟ لكن التربية والتعليم امتحنو وخلصو وبقوا تمام ماعتشي في قعرالحلة الا معلمي الازهر اللي امتحنوش وخللي بالكم الاكاديمية قالت ميت ميعاد اخرها كان نص مارس والموقع قافل تقريبا حد قفل ع الموقع والمفتاح وقع منه؟؟؟؟
السؤال هنا
اين المفتاح؟؟؟؟؟؟؟؟؟؟

هسيها مفتوحه وخلينا نفضفض مع بعض وعلى فكرة انا مش ضد شيخ الازهر نهائي لما قريت عنه عرفت انه انسان كويس ومثقف ومتعلم وفقيه وبقولكم بجد الدكتور الطيب كويس جدا بس ما تنسوش انه شيخ الازهر بالعالم كله وسلطاته ليس لها حدود مع انه شيخ الازهر لقرارات الجامعات الازهريه كلها والتعليم الثانوي والاعدادي والابتدائي والقطاعات و...............
دا اللي عنده عيلين مدوخينه فتحلوا بالصبر فهو من الايمان

لكن عاجبني تعليق جميل من اخ في المنتدى (أ. مجدي حسن )بيقول
والله نحن نحتاج حافز بدل صبر على الأزهر والقائمين عليه
لكن عاجبني اخوكم محمد انور من منطقة الغربية؟؟؟ (لا تعليق)

48 مشاهده ومفيش ولا تعليق
هو الموضوع مش قد المقام

مقام موضوعك كبير وجليل مثل مقام صاحبه
الحقيقة التي اجدها لا شك فيها
أن جميعنا يعلم ما كتبته و ما نحن نمر به من ظلمات في الازهر و تعليمه بل و بعضنا لديه ما يكفي لملء مواضيع تعبأ أن تم طبعها في كراتين..والهموم الازهرية لن تنتهي
و هذا سبب عدم الرد ، فجميعنا بلا استثناء اصبح كاسطوانة الجاز الممتلئه - و التي لا نجدها بالمناسبة - و فقط نحتاج احد الشيئين /
1- اما شعله خطأ لننفجر
2- أو طريقة آمنه لتفريغ هذا الجاز في موضعه بحيث نضئ تعليم الازهر
و ان كنت اشك في النقطة الثانية
لكننا بسبب بلادنا الان نريد فقط الصبر بل و محاولة ايجاد حلول يمكننا تطبيقها لتكون هي وجتهتنا لحل مشاكل اكبر
و بالفعل بدء الاخوة في انشاء النقابة العامة للمعلمين بأيدي المعلمين بالازهر
و هي اكبر خطوة لتحقيق القوة للمعلمين و لم شملهم وجمعهم على كلمة واحدة
و نسأل الله صلاح الاحوال
و يولي من يصلح ، و يولي من يفهم معنى ادارة مؤسسة تعليمية بطريقة علمية وليس بالعشوائية.

كل مانعانيه بسبب مشايخ الازهر الذين لايفقهون شيئا فى الامور الادارية
وكله بالواسطة او الاقدمية دون النظر الى الكفاءة
وطول ما الازهر ماشى كدا سنظل ندور فى حلقة مفرغة
ولنا الله

حسبنا الله ونعم الوكيل

والله نحن نحتاج حافز بدل صبر على الأزهر والقائمين عليه

حسبنا الله ونعم الوكيل

طيب حضرتك
ايه اللى ممكن اى واحد فينا يعمله
ونقف كلنا وقفة راجل واحد

اولا اشكر الاستاذ مصطفى محمود مشرف المنتدى والاخوة الاعضاء الذين قاموا بكتابة رد او تعليق ع الموضوع البسيط وده شرف كبير ليه ان اول رد عندي يكون من مشرف النتدى
ثانيا الحل الاولاني وهو الصبر اصبح صعبا جدا جدا هذه الايام لاسباب كثيرة وعلى راسها ضعف الايمان بالرغم ان المنتدى لمعلم الازهر بالاخص لكن من يتحلى بالصبر وهو محسوب عند الله في ميزان حسناته باذن الله فنطلب منه الدعاء لنا بجد نطلب منه الدعاء لنا في احوالنا اولا واحوالنا بالازهر ثانيا وان نتحلى بالصب قبل كل شيء

ولكن يجب ان نطالب بحقنا ( ما ضاع حق ورائه مطالب) فكما اهدرنا حقنا سنسأل عليه ايضا كما اهدرنا حقوقنا من قبل في المرحلة الثانية من الكادر من 2009
وعندما تحدث الافاضل مع شيخ الازهر في هذا الموضوع قال سابحث في هذا الموضوع ولو ليكم حق وفلوس متاخرة ستاخذوها ولو باثر رجعي واعتقد والله اعلم انها دفنت( اندر دا ايرث) تحت الارض ولا شيء غير الاسترجاع

ولذلك لابد ان نطالب بحقنا وان نطرح حلول ليجد ما يمكن ان يجدي في هذا الجانب المظلم من الازهر
وساقد اول اقتراح لي
وهو مخاطبه اعضاء مجلس الشعب لمخاطبه الحكومة بانشاء وزارة للازهر ودا مجرد اقتراح فكرة خطرت في بالي لا اعلم ان كانت على صحة ام على خطا ( واقسم بالله العظيم اني لا اقلل من شأن شيخ الازهر فلقد ازدهر التعليم على خطاه وازدهرت احوالنا المادية بكثير عن الفترة السابقة بكثير ولكن كما ذكرت سالفا اني اري من وجهة نظري الضيقة انها مسؤليه كبيرة جداااااا على شيخ الازهر ونسال الله ان يعينه علينا ان كنا قدره
واذكر الشيخ الشعراوي عندما سافر الي السعودية وعرض عليه امام المسجد الحرام ان يؤوم بالناس فرفض وقال انها مسئولية كبيرة (نعم انها مسؤلية الامام لانه راع ومسئول عن رعيته )
وكذلك شيخ الازهر الدكتور الطيب مسئول عن رعيته وعلى رأسها ابناؤه الا وهم نحن معلمي الازهر ومربي النشئ وبعد معاناتنا بالتعليم من كثرة المواد والتقدم الدراسي و و و وكثيييييييييييييييير وكثيييييييير من ضغوط الحياة من مشاكل العصر ووووووو ولا تعد ونسال الله ان يلهمنا الصبر عليها
فان الانسان يوجد في نفسه بعض الشيء ولا اقول ضغينه بل اقول بعض الشيء انه بعد تلك المعاناه نجد من هم ايسر حالا (واني لا اعترض على قضاء الله بل الحمد على الذي اطعمنا وسقانا وجعلنا مسلمين و و و وو و وكثير ) (اريد ان اضرب مثال لو والدك حب اخوك اكتر منك وزاده في المصروف والطعام ووو وانت ما قصرتش بل بالعكس انك تقدمت واجتهدت لكن هو رزقه وانا بقول رزقه ان دخل التربية والتعليم وانت دخلت ازهر عشان كنت شاطر ( مش معنى كده اني اقلل من معلمي التربية والتعليم بل هم افضل مني الف مرة ) وتلاقي في الاخر اوضاعه بالبلدي عنب وانت ما انتش عارف حاجه (عارفين من كتر ما الواحد بيقرا وبيسمع من القرارات والتخبط بها الواحد اعصابه بتضيع بس مش يا وديع)
يا ريت نلاقي حل نعرض افكار
قبل كده قلنا موعدنا يوم كذا امام المناطق ويوم كذا امام المشيخة ووووووووو ولا شيء جديد الا القليل
انا لا ادعو ابدا الى وقف او تعطيل العمل او تعطيل الامتحانات لان كل منا مسئول عن اولاده(تلاميذه وطلابه) لكن مشروع ان احنا نتجمع في مكان معين ما جبش ثماره قبل كده الا القليل
فاريد منكم طرح افضل الحلول لحل مشاكلنا وعرضها على شيخ الازهر والله الموفق
وان كان لديكم حلول من الامكان ان تجني ثمارها فشاركوا بها
هذا المنتدى ان كان يعرض اوضاع واحوال ومشاكل الازهر فلابد ان يحاول ان يجد حلول فعلية والا كان المغزى منه هو لاشي
فنرجو عند طرح المشكله الجماعية الخاصه بنا ان نشارك كلنا في حلها ولو عن طريق الاستفتاء او التحدث مع اصحاب القرار واني على علم ان بهذا المنتدى من هم على صلة من اصحاب القرار
والله وكيلنا في جميع اعمالنا والله الموفق
اخوكم في الله محمد انور

والله يا استاذ محمد حضرتك قلت كل اللي بيدور في قلب وعقل الواحد من مشاكل الازهر التي لا تنتهي...وانا بعد دا كله لو عرض علي اسيب الازهر مش هاسيبه لاني ابن من ابنائه ومش من الرجولة ان الواحد يسيب السفينة وهي بتغرق وينط منها بل يعافر ويداحل لاخر نفس لاننا محسوبين على الازهر بكل غلطاته وتناقداته اللا متناهية
ممكن من ضمن الحلول زي ما قال الاستاذ المشرف على المنتدى اننا نوحد جهودنا وطاقتنا كلها وراء النقابة الخاصة بينا....احنا لنا اكتر من سنتين او تلاتة بنعاني فعلا ووقفنا كتير قبل التثبيت او بعده في جميع المحافظات ولازم تكون نتيجة الشغل ده والجهد ده كيان يمثلنا احنا بغض النظر عن اختلافنا او اتفاقنا مع كيفية تكوينه واعتقد ان ان النقابة هي افضل ثمرة لينا ويكون همنا الاول انها تظهر للنور وتكون كيان رسمي معترف بيه وخصوصا انهم ناس مننا يعني ذاقوا المر الوان... وان ده حصل من السهل ان النقابة تعرض كل مشاكلنا على المسئولين وتتعامل معاهم ان شاء الله

نتمني ذلك ان شاء الله