سؤال عن الخصم من مرتب شهر مارس
يا ريت أى معلم عنده فكرة عن سبب الخصم من مرتب شهر مارس يا ريت يكتب رد :(:(

بيقوك يا سيدي
ان انتوا لستم على الدرجة الثالثة
ولذلك ليس من حقك بدل نجدي او غتراب ( بالنسبة للمعلمين الجدد )
أما الباقي ( كان بتم زمان خصم 3 % معاش )
حاليا ( 6 % )
انا من اسيوط
كان مرتبي 661 جنية اصبح 611 جنية
معلم يبحث عن درجة

سؤال عن الخصم من مرتب شهر مارس
يا ريت أى معلم عنده فكرة عن سبب الخصم من مرتب شهر مارس يا ريت يكتب رد :(:(

اخى الفاضل:
بالاسكندرية نحن نقبض 490ج
بدءا من شهر مارس القبض 478ج نظرا لزيادة المبلغ الذى سيصرف بالمعاش ان شاء الله

لمضاعفة نهاية الخدمة

انامن البحيرة تم خصم 14 جنيه خصم علشان المعاش في نهاية الخدمه موش عارفين يعملو ا ايه في المرتب والله حرام منهم لله

انا بقبض 630 بس شهر 3 قبضنا 601 ونص احنا ادارة بلبيس محافظة الشرقية

فى الغربيه المرتب 502 بعدما كان 640

قبض شهر 3 ............. 600.45
وكان شهر 2................ 613.50

معلش يا حماعه هما فهموا زودونا نقصونا وراحوا منقصين من المرتب على طول

مكافأة نهاية الخدمة وفقًا للنظام القديم تحسب بواقع شهر عن كل سنة من سنوات الخدمة مقابل خصم نسبة 5% (حصة الموظف منها 2%، وتتحمل الحكومة 3%) من الأجر الأساسي.

ودلوقتي بقت شهرين عن كل سنة مقابل خصم 10% ( حصة الموظف منها 4% والحكومة 6% )

وف مارس تم الخصم عن فبراير ومارس ........

ثم يكون الخصم شهري ابتاء من ابريل

يعني كل الزيادة 2 جنيه عن كل 100 جنيه من الاساسي ..



السؤال اللي فعلا عاوز اجابة ان المكافاة على الاساسى ولا الشامل ولا متوسط اخر 3 شهور ؟؟؟؟؟

جميع موظفى الدولة زادت مرتباتهم دون وجع دماغ الكل بيزيد الا المعلمين الشطار الخنوعين المستسلمين هو حد ضامن عمره هو احنا عارفين نعيش بالمرتب التعبان لما يخصموا منه ما يزودوا مرتباتنا ومعاشنا هو حرام علينا الزيادة
مين يقبل ان مرتبه ينقص كفاية استسلام
منيش عارف اقول ايه للمعلمين الخنوعين واللهى حرام عليا انى اكلمكم
الدروس الخصوصية الزائلة باذن الله نيمتكم عن المطالبة بحقوقكم ربنا ينتقم من مدرسى الدروس الخصوصية
عيش محترم ولك كرامة يا مدرس الدروس الخصوصية وخلى عندك نقطة دم

ادارة ديروط أسيوط كنا 700 و 666 و أصبحنا 574 فى مارس,, و سلم لى عالثورة و حسبنا الله و نعم الوكيل فى ادارة ديروط و الدرجة المالية

معاش ايه - احنا دلوقتي اللي محتاجين الفلوس - يا عالم مين اللي هيتهني بالمعاش بتاعنا

احنا ادارة مركز دمنهور
قبضنا 616.5 علشان نهاية الخدمة
و يااااااااااااااااعالم
:022yb4::022yb4::022yb4:

بيقولوا علشان معاش النقابة قال ايه حيزيد دي اللى سمعناه بس احنا الخصم حوالي 15 جنيه بس وعلي كل المدرسين مش احنا الجداد وبس

كان مرتبنا 645 اصبح 631 محافظة الغربية

يقال انه تم خصم 6% من الراتب مقابل جعل مكافأة نهايه الخدم 72 شهرا بدلا من 36 شهر