أمة فقدت رونق اخلاقها
النهارده وانا راجع من الكليه
السواق بتاع العربيه اللي راكبها كان مشغل برنامج اذاعي بتاع انا والنجوم وهواك لأسامه منير أكيد كلنا عارفينه
المهم كان بيكلم بنت بتقول
انا عندي 22 سنه مكتوب كتابي بس لسه ماتعملش الفرح
وبعد ما اتكتب كتابي حبيت واحد وبقى هو كل حياتي
وكل شويه بقوله تعالى اتقدملي ممكن اهلي يرضوا يطلقوني من الشخص الل انا متجوزاه
يقولي طب استني افكر
بكرا ارد عليكي
ومش عمل حاجه
انا بس عايزه اقوله من خلالك يا اسامه اني بحبه اوووووي
ومستعده اضحي بكل حاجه عشانه
انا ضحيت بأهلي وبكل الناس عشانه هو بس وهو مش راضي ماعرفش ليه
المهم وقعدت تسرد قصتها بقى وهي بتعيط
انا كان نفسي اكون مكان اسامه منير وقتها واشتمها
واستنيت لما هو رد عليها
رده كان كويس بس اقل من المطلوب
قالها
اولاً انك تكلمي واحد وانتي مكتوب كتابك فدا اول شيء غلط
لأنّك مقدرتيش نفسك وآدميتك ولا الانسان اللي متعلق بيكي واسمك ارتبط باسمه وبقيتي مراته
هو مخسرش حاجه بس انتي خسرتي كل حاجه خسرتي اهلك واخلاقك وكل شيء
كل اللي عايز اقولهولك كفاياكي كدا ومتبهدليش نفسك اكتر من كدا وتبهدلي الانسان اللي انتي على ذمته
............................
كل اللي عايز اقوله
لو الحب وصل انه يبقى كدا
فلتذهب الى الجحيم ايها القسيس فلانتاين
ومعنديش تعليق اكتر من كدا على أمّه فقدت اخلاقها ومعايير القيم بتاعتها
انا اول ما روحت البيت لقيت مسلسل يوميات ونيس ف احد اجزائه الحلقه الاخيره شغاله على نايل كوميدي
قعدت اتفرج عليه وأولاده بيرددوا الحكم والمواعظ والعبر الي علمهالهم
والله جسمي قشعر وكنت هعيط ع اننا نسينا العبر دي وكأنّنا مش عارفين ايه فايدة المسلسلات النضيفه دي اللي كنا بنتفرج عليها
عسى أن نعرف الرجوع
ولا حول ولا قوة إلا بالله العلي العظيم

لا حول و لا قوة الا بالله العلي العظيم
حسبي الله و نعم الوكيل
حسبي الله و نعم الوكيل
لا حول و لا قوة الا بالله العلي العظيم
رحمااااااااااااااك يا رب
انا مبحبش اشتم عشان مش اخلاق مسلم انه يشتم و يسب
بس "ربنا يهدي شباب و فتيات الاسلام و يعفو عنهم و يردهم الي دينه ردا جميلا"
يا رب فرج كروبنا و أزل همومنا و اشرح صدورنا و علق قلوبنا بحبك أنت وحدك و علق قلوبنا بحبك أنت وحدك و علق قلوبنا بحبك أنت وحدك "لا اله الا الله

لا حول ولا قوة الا بالله
ايه قلة الادب دى
يعنى انتى وافقتى على واحد
وانكتب كتابك عليه وبقيتى مراته
تروحى تبصى لواحد تانى
وكمان بيتسلى بيكى
والله خسارة فيكى الشخص اللى
اللى كاتب عليكى
امثالك مكانهم معروف:angry2:
شكررا على الموضوع

للأسف كثيرات من مثيلاتها يتواجدنّ بيننا في الطرقات ولكنَنا لا نعرفهنّ

حقاً عسى الله ان يهدينا جميعا

أزمه الأخلاق
مش عارفه هتوصل بينا لفين
أنا بترحم ع أخلاقنا اللي بتروح مننا حبه حبه . . . إلا من رحم ربي
ربنا يهدينا لأننا بجد أمه عظيمه وجوانا أعظم وأروع . . . بس محتاجين نتوجه صح

مشكور ع التوبيك

إذا لم تستح فاصنع ما شئت-_--_--_-
لعن الله المجاهرين:mad::mad::mad:
ديه لو كان عندها ذرة حياء مكنتش عملت كده بعد كتب كتابها:(:(:(:(:(
طب مااشي حياء و مفيش لكن بجاحة و مجاهرة لأ كفاية:040vk0::040vk0: ربنا موجود اكيد هيردلها او يهديها
ارجع ف الآخر و اقول لا تعليق لإن الموقف فاق تعليقي
No comment
مشكوووووووووووووووووووررررررررررررررر بجد حلقة ملفتة للانتباه :078111rg3::022yb4::022yb4:

أزمه الأخلاق
مش عارفه هتوصل بينا لفين
أنا بترحم ع أخلاقنا اللي بتروح مننا حبه حبه . . . إلا من رحم ربي
ربنا يهدينا لأننا بجد أمه عظيمه وجوانا أعظم وأروع . . . بس محتاجين نتوجه صح

مشكور ع التوبيك


والله صح لسانك فأخرج " زتونة الموضوع :d "
لا بجد والله حضرتك عندك كل الحق
نورتيني بمرورك :)
الشكر لله :)

إذا لم تستح فاصنع ما شئت-_--_--_-
لعن الله المجاهرين:mad::mad::mad:
ديه لو كان عندها ذرة حياء مكنتش عملت كده بعد كتب كتابها:(:(:(:(:(
طب مااشي حياء و مفيش لكن بجاحة و مجاهرة لأ كفاية:040vk0::040vk0: ربنا موجود اكيد هيردلها او يهديها
ارجع ف الآخر و اقول لا تعليق لإن الموقف فاق تعليقي
no comment
مشكوووووووووووووووووووررررررررررررررر بجد حلقة ملفتة للانتباه :078111rg3::022yb4::022yb4:
رحم الله اخلاقنا إذ أنّها ماتت وأقيمت جنازتها دون مصلين ورائها حتى للأسف
الشكر لله :)
نورتي :)

حضرتك بتقول محدش عارف قيمة المسلسلات النضيفة
عشان انت شفت القصة جميلة وفيها مواعظ
عندك حق بس المشكلة مش فى كدة
المشكلة ان المسلسلات دى حتى لو كانت هادفة
فيها حاجات كتير غلط
زى التبرج وصورة الحب الصحيح بالنسبة لهم
هى غلط وفيها مخالفات شرعية
انا مش هقول ان مفيش حاجة اسمها حب
بس هقول حاجة وحدة للناس اللى بتقول ان الحب مش بالايد
نفترض ان الحب مش بالايد
بس كلامك فى التليفون مع بينت مش بايدك
لسانك والفاظك وكلامك مش بايدك برده
لو الموضوع فى القلب بس ممكن تكون معذور لكن التليفون والمقابلات والكلام
كل دة حصل وانت مش واخد بالك
فى بقى سؤال تانى
هل النصايح والعبر والارشادات موجودة فى المسللسلات النظيفة فقط ام انها اوامر اسلامية ولا تحتاج الى المسلسلات البته بل تحتاج الى القران والسنة
والبرامج المفيدة كبرامج دكتور ابراهيم الفقى وغيره
يعنى معلش وانت بتتفرج على مسلسل ونيس
هتلاقى وحدة ادامك لابسة قصيروبشعرها
يعنى معلش لازم نبص للارشادات الكاملة مش
اللى فيها معاصى
ومع احترامى الشديد لحضرتك انت انسان بصيت للمسلسل بايجابية مش كل الناس هتكون زيك
نظرتهم اجابية قليل اللى هيكونوا زيك
كل الناس هتتفرج يا اما تسلية يا ما عشان البطل عاجبهم
يريت كل الناس زى حضرتك هيبصوا للجانب الكويس فى المسلسل
وفى كل الاحوال التمثيل حرام
يعنى واحدة تحضن اخوها وابوها فى المسلسل
بس فى الحقية!!!!!!! علاقتهم ايه ببعض؟؟؟؟؟؟؟؟

اسفة على الاطالة
وشكرا على الموضوع

حضرتك بتقول محدش عارف قيمة المسلسلات النضيفة
عشان انت شفت القصة جميلة وفيها مواعظ
عندك حق بس المشكلة مش فى كدة
المشكلة ان المسلسلات دى حتى لو كانت هادفة
فيها حاجات كتير غلط
زى التبرج وصورة الحب الصحيح بالنسبة لهم
هى غلط وفيها مخالفات شرعية
انا مش هقول ان مفيش حاجة اسمها حب
بس هقول حاجة وحدة للناس اللى بتقول ان الحب مش بالايد
نفترض ان الحب مش بالايد
بس كلامك فى التليفون مع بينت مش بايدك
لسانك والفاظك وكلامك مش بايدك برده
لو الموضوع فى القلب بس ممكن تكون معذور لكن التليفون والمقابلات والكلام
كل دة حصل وانت مش واخد بالك
فى بقى سؤال تانى
هل النصايح والعبر والارشادات موجودة فى المسللسلات النظيفة فقط ام انها اوامر اسلامية ولا تحتاج الى المسلسلات البته بل تحتاج الى القران والسنة
والبرامج المفيدة كبرامج دكتور ابراهيم الفقى وغيره
يعنى معلش وانت بتتفرج على مسلسل ونيس
هتلاقى وحدة ادامك لابسة قصيروبشعرها
يعنى معلش لازم نبص للارشادات الكاملة مش
اللى فيها معاصى
ومع احترامى الشديد لحضرتك انت انسان بصيت للمسلسل بايجابية مش كل الناس هتكون زيك
نظرتهم اجابية قليل اللى هيكونوا زيك
كل الناس هتتفرج يا اما تسلية يا ما عشان البطل عاجبهم
يريت كل الناس زى حضرتك هيبصوا للجانب الكويس فى المسلسل
وفى كل الاحوال التمثيل حرام
يعنى واحدة تحضن اخوها وابوها فى المسلسل
بس فى الحقية!!!!!!! علاقتهم ايه ببعض؟؟؟؟؟؟؟؟

اسفة على الاطالة
وشكرا على الموضوع


مع كامل احترامي لحضرتك
انا معنديش اولاً أي اعتراض ع رأي حضرتك
بس متعجب من إنّ حضرتك خرجتي عن الموضوع الرئيسي لمجرد رؤيتك جمله
يعني كان يجدر بكِ الإهتمام بصلب الموضوع والتغاضي عن تلك الكلمه او اعطاء تعليق صغير عنها ثم العوده إلى صلب الموضوع اما الغريب أنكِ خرجتي عن الموضوع برمته
الشكر لله
ونورتي الموضوع :)

انا عندى رأى مختلف شوية

انا شايفة ان المشكلة فعلا ان الناس او السباب مش بقا عارف معنى كلمة حب اصلا

وبقا بيخلط بين الاعجاب او التعلق او الهوى الفاضى والحب اللى ربنا قدسه بين الزوجين

واللى بيربط بينهم باولادهم واسرتهم الكامله

العيب فعلا ان البعض عمل ثقافته من منطلق هواه واهواء الفضائيات والمسلسلات التركى

والعشق الممنوع وغيره

ربنا يهدينا اجمعين ويعلق قلوبنا بالله اولا ثم من كتب الله لنا ان يكون بقلوبنا ف رضاه

لا حول ولا قوة إلا بالله
اللهم أرحمنا برحمتك

لا حول ولا قوة الا بالله

السلام عليكم
انا ماقدرش اقول اكتر من اللى حاضرتكم كتبتوه
لكن هقول ربنا يهديها ويرحمها ويرحمنا جميعا
هى اكيد بتعمل كده من الفراغ اللى فى حياتها
انا مش هبرر
لكن والله بضايق قوى لما بعرف اى حاجه زى كده
جزاكم الله خيرا

لا حول ولاقوة الابالله البنات اليومين دول متش فى حياء خالص خالص انعدم ولالبسهم ولا..............ولا...........ولا......!!
وتيجى تسالهم ليه كدة يقولك حرية ومواكبة العصر والزمن كدة مكل البنات بيعملوا كدة جات علينا احنا ربنا يهديننا
شكرا على الموضوع

لو فيه تربية اسلاميه صح فى البيت مكنتشى عملت كده

واضح ان البيت كله ماشى على هواه

اين الأم واين الأب منشغلين بايه عن أغلى شيئ لديهم؟

هذه البنت هى نتاج أسرة لم تربيها على دين الأسلام

وأعلام فاسدة وتقليد أعمى

سبحان المنجى دى مش حاسة انه بيضحك عليها

لو كان لها عقل لادركت ذلك لان اللى تعمل كده وهى مكتوب كتابها

ممكن تعمل اى شيئ

ربنا يهديها وتدرك جرم ما هى فيه وتفوء لنفسها قبل ما يفوت الأوان

حقا لديكم حق جميعا في ما قلتم
جزاكم الله خيراً وفعلاً الإعلام احد اكبر الاسباب لما وصلت اليه اخلاق الفتيات وعدم تربيتهن كما قال ديننا

حاجة تقرف
وتصرف سفيه
الدنيا باظت خالص
بس برده فى بنات ولاد ناس محترمين
فلا نعمم هذه القصة الفاشلة على كل البنات
وربنا قادر على ان يهدى هذه الطائشه

حاجة تقرف
وتصرف سفيه
الدنيا باظت خالص
بس برده فى بنات ولاد ناس محترمين
فلا نعمم هذه القصة الفاشلة على كل البنات
وربنا قادر على ان يهدى هذه الطائشه
لا والله انا لا اقصد التعميم أطلاقا حضرتك ال فهمت غلط

انا بجيب مثال من المجتمع وبقول أن ما خفي كان اعظم لأن اكيد في زيه كتير بس مقولتش ان كله كدا اطلاقاً ولا استطيع اصلاا اني اقول كدا

مع كامل احترامي لحضرتك
انا معنديش اولاً أي اعتراض ع رأي حضرتك
بس متعجب من إنّ حضرتك خرجتي عن الموضوع الرئيسي لمجرد رؤيتك جمله
يعني كان يجدر بكِ الإهتمام بصلب الموضوع والتغاضي عن تلك الكلمه او اعطاء تعليق صغير عنها ثم العوده إلى صلب الموضوع اما الغريب أنكِ خرجتي عن الموضوع برمته
الشكر لله
ونورتي الموضوع :)

مش معنى ان انا اتكلمت بس عن كلمة المسلسلات النضيفة ان انا شايفة
ان كلامك اسوا من اللى البنت عملته
لا طبعا بس والله ردى برده كان هيبقى فى النطاق دة
اخلاق البنت دى والله فى زيها كتير ومن الاسباب
الرئيسية الافلام والمسلسلات
ومش كلامى لوحدى دى دراسات لاكبر دكاترة
نفسيين حتى فى العالم الغربى اللى ميعرفش الحرام
والحلاال
والتلفزيون له تاثير سلبى جدا على الاخلاق والشخصية وكل حاجة
حتى اما بيجيبوا وحدة خانت جوزها فى فيلم
لازم يجيبوا تبرير عريييييييييييييييض اوى ليها
ويظهروا ان حبها كان اقوى من كل حاجة
يعنى انا رايي ان الظاهرة دى كترت بسبب الافلام
وعلى فكرة دة فى صلب الموضوع اوى لانى
بقول سبب السوء الاخلاقى للبنت دى واللى
زيها بدايته ايه ونص الناس مش حاسة
ومش شرط طبعا يكون السبب الوحيد بس هو من
اقوى الاسباب

مع كامل احترامي لرأي حضرتك بس يبدو ان حضرتك ملاحظتيش الصفه اللي اتبعتها للفظ كلمة المسلسلات النضيفه دي
لأن المسلسل دا بشكل خاص كان فعلاً بيمثل اخلاقيتنا وقيمنا الحقيقه وبجد أثر ف ناس كتير جدا بشكل ايجابي
انا مجمعتش ع كل الاعمال الفنيه بس خصيت المسلسل دا بغض النظر مثلاً عن اللبس او الحجاب او الحاجات دي بس انا بتكلم عن كونسبت معين عاوز اوصله

احب اطمنكم كلكم انى طلقتها
والى سبتنى عشانه طنشها
واصبحت عانس :d