مش عارف .... !* [الأرشيف] - بوابة الثانوية العامة المصرية

مشاهدة النسخة كاملة : مش عارف .... !*

بقايا قلب

27-03-2012, 09:40 PM

Dr..Soha

27-03-2012, 10:16 PM

السلام عليكم ورحمه الله وبركاته

ازيكم : اتمنى انكم تكونوا بخير :bosyht9:

انا بصراحه مش عارف انا عملت الموضوع ده ليه

بس هي نونوت فى دماغى انى اعمل موضوع ... :(علشان بقالى كتير معملتش مواضيع

اقعدت افكر ... افكر .. افكر اعمل موضوع عن ايه ... ملقيتش ...

...

بس صدقونى كان لازم انى اعمل موضوع لانى قلقان جدا جدا ومش لاقى حد اتكلم معاه

واليوم فاااااااااضى وطووووويل

ومهما الواحد يذاكر بيحس انه لسه فيه اكتر

وانا بصراحه خايف جدا جدا لانى لما بقلق مش هذاكر

انا فى اول السنه كان ممكن اعدى مثلا 8 ساعات وكنت ببقى مبسوط جدا

دلوقتى انا بذاكر 6 ساعات بس بطلوووووووع الروح وببقى قرفان ومش طايق شكل الكتب
وحاسس ان ال6 ساعات دول ما ينفعوش

وفيه ايام بتضيع من الواحد .. ازاى مش عارف

:(

(ياريت اى حد يطمنى )

واعذرونى ..ع الاطاله ... :( ..... بس صدقونى انا مليش غيركم :friendsxs3:

ده شىء طبيعى بس انت لازم متزهقش وتحط ادامك هدف واحد بسسسسسسسسس ان كلها شهرين وهتنام مش قلقان وافتكر يوم النتيجة واهلك مبسوطين بيك ولو طالو يجيبولك حتة من السما هيجيبوهالك الشهرين دول خلاصة تعب السنتين واللى هيتحدد بيهم مصيرنا واللى لو مذكرناش فيهم هنضيع مجهود السنتين وعلشان متزهقش خليك دايما قريب من ربنا ولما تزهق افتح المصحف اقرا فيه هتلاقيك ارتحت وعندك طاقة تدفعك للمذاكررة ودايما قول اذكار الصباح والمساء . وربنا معاك ويحققلك هدفك واجى بلدكو " طنـــــــــــــــــطـــــا". بالتوفيق.:022yb4::)

مناجاةُ النجاةَََِ

27-03-2012, 10:20 PM

اطمن
يعني المفروض نقول ايه؟؟
6ساعات احسن من ولا حاجة خالص
ربنا يصبرك و يوفقك

بقايا قلب

27-03-2012, 10:21 PM

بقايا قلب

27-03-2012, 10:23 PM

6ساعات احسن من ولا حاجة خالص

انا والله بقول كده .. بس انا برضه 6 ساعات مش كل يوم

فيه ايام بتحصل ظروف .. ما بكملش 4 ساعات

ربنا يسترها

* Dr.Nour *

27-03-2012, 10:27 PM

شكرا لمرورك الجميل يا دكتوره ( ان شاء الله )

بس انا سؤال بحاول اساله لاى حد ممكن اشوف

الواحد المفروض يذاكر قد ايه

ابن عمتى فى طب بيقولى تنام 6 ساعات وتذاكر اليوم كله

بصراحه صدمنى جدااا وخوفنى

المفروض الواحد يذاكر بس ما يضغطش على نفسه
المذاكرة مش بكم ساعات معين أهم حاجة الكيف يعني إنك في آخر اليوم فعلاً تكون ذاكرت كل اللي كنت ناوي عليه
و في أوقات المذاكرة نفسها يفضل إننا نذاكر ساعة و ناخد راحة 10 دقايق بس ما نضيعش الوقت و المهم إننا نحاول على قد ما نقدر نستغل وقتنا بس مش طول اليوم مذاكرة لازم نخصص وقت للقرآن و وقت للترفيه و هكذا
بس ياريت نعمل جدول في أول كل يوم بالحاجات اللي عايزين نخلصها و لو نفذناه نكافئ نفسنا و لو ما نفذناهوش نعاقب نفسنا يعني مثلا ممكن يكون العقاب إننا ما نقعدش على النت لمدة يوم بس نكون فعلاً ملتزمين بالجدول دة

بقايا قلب

27-03-2012, 10:33 PM

انا بعمل جدول وبمشى عليه

بس للاسف انا بتغابى فى عمل الجدول

بقوم جاى قايل انا هذاكر من 6 ل 6

افضل اذاكر متواصل 4 ساعات

بعدين دماغى تصدع ... اقوم

بس للاسف برجع بصعوبه جداااااااااا

Dr..Soha

27-03-2012, 10:34 PM

شكرا لمرورك الجميل يا دكتوره ( ان شاء الله )

بس انا سؤال بحاول اساله لاى حد ممكن اشوف

الواحد المفروض يذاكر قد ايه

ابن عمتى فى طب بيقولى تنام 6 ساعات وتذاكر اليوم كله

بصراحه صدمنى جدااا وخوفنى
فعلا الكيف اهم من الكم وانا بصراحة عمرى ممسكت الساعة لنفسى علشان اعد ساعات المذاكرة بس ده بيتوقف على المادة نفسها بس المفروض فعلا اننا ننام 6 ساعات كحد اقصى والباقى مذاكرة بس ميمنعش نروح عن نفسنا شوية ونقرا قران ونصلى السنن مع الفروض لان الدراسة عبادة بردو بنتقرب بيها لربنا . بالتوفيق ومعلش عالرغى الكتير ده .

Dr..Soha

27-03-2012, 10:37 PM

انا بعمل جدول وبمشى عليه

بس للاسف انا بتغابى فى عمل الجدول

بقوم جاى قايل انا هذاكر من 6 ل 6

افضل اذاكر متواصل 4 ساعات

بعدين دماغى تصدع ... اقوم

بس للاسف برجع بصعوبه جداااااااااا
ماهو انت المفروض تقول من 6 ل6 بس كل اربع ساعات نروح نص سلعة عن نفسك وترجع تانى كدة مش هتزهق علشان ده من ضمن الجدول وهترجع بسهولة ان شاء الله .

* Dr.Nour *

27-03-2012, 10:38 PM

انا بعمل جدول وبمشى عليه

بس للاسف انا بتغابى فى عمل الجدول

بقوم جاى قايل انا هذاكر من 6 ل 6

افضل اذاكر متواصل 4 ساعات

بعدين دماغى تصدع ... اقوم

بس للاسف برجع بصعوبه جداااااااااا
هو فعلا المذاكرة المتواصلة بتجيب صداع فأهم حاجة ناخد ريست بسيط بين كل ساعة
و دة بيخلينا نرجع تاني للمذاكرة بنشاط

Dr..Soha

27-03-2012, 10:42 PM

هو فعلا المذاكرة المتواصلة بتجيب صداع فأهم حاجة ناخد ريست بسيط بين كل ساعة
و دة بيخلينا نرجع تاني للمذاكرة بنشاط
كدة احنا فضفضنا شوية يلا نقفل النت ونقوم بقى اللى هيذاكر يذاكر اما انا هنام وهصحى كمان 3 ساعات اصل جدولى غريب شوية ههههههه . تصبحو على خير وقومو ذاكرو احسن . بالتوفيق.

* Dr.Nour *

27-03-2012, 10:44 PM

كدة احنا فضفضنا شوية يلا نقفل النت ونقوم بقى اللى هيذاكر يذاكر اما انا هنام وهصحى كمان 3 ساعات اصل جدولى غريب شوية ههههههه . تصبحو على خير وقومو ذاكرو احسن . بالتوفيق.
هههههههههههه ماشي يللا نقوم نذاكر كلنا

بقايا قلب

27-03-2012, 10:54 PM

انا هقوم انام وان شاء الله نبدا من بكره .... تصبحوا على خير