يا جماعة والله انا كنت النهارده عند رئيس التعيينات الاستاذ ابراهيم حسين وسالتوا عن التثبيت قال لى بالحرف الواحد لسه مجاش ليه اى حاجة بخصوص التثبيت قلت له طب والاشاعة اللى طلعت ان القرار وصل المنطقة من يومين قال احنا فى انتظار القرار انما مفيش اى شيئ قلت له معتدكش اى فكرة عن الاوراق المطلوبة للتثبيت قال لما القرار ييجى هو اللى هيبين ايه المطلوب قلت طب لو جه القرار هيتم التثبيت امتى قال قدامك شهر بعد وصول القرار ليه
أظن بعد رئيس التعيينات مفيش كلام تانى وهذا ما حدث اليوم 28/3/2012 الاربعاء

اتصلت اليوم بالتعيينات بالقاهرة وسألت عن تثبيت متعاقدى الشرقية فأخبرنى المختص ان القرار طلع ولماسألته عن رقم القرار
قال ان القرار مش تحت ايده دلوقتى فسألته عن الاسماء قال المفروض تكون عندهم دلوقتى او على اول الاسبوع القادم

ابقوا قابلونى ومفيش غير الاعتصام يوم الاحد حسبى الله ونعم الوكيل

اقل ما يقال على منطقة الشرقية منطقة تل ابيب كلها كذب ونفاق

هو ده الموظف اللى عامل اشاعات قالك القرار طلع فين ياعم مش تحت ايدى والاسماء عندكم ومسئول التعيينات قالك مفيش حاجه اكيد موظف القاهره كداب يعنى من الاخر مفيش حاجه واكيد اى حد بيتصل بيه يقوله مبروك القرار طلع زى الاشاعة اللى طلعت من يومين وكلام رئيس التعيينات أ/ إبراهيم سليم 100 %

انا فعلا كنت ف المنطقه النهارده وسألت عن التثبيت من سكرتير وكيل الوزاره قالي بصراحه انا مش هضحك عليكي القرار لسه ما وصل بس احنا مستنين حد يجيبه من القاهره بيقولي الاسماء بتتطبع هناك وقالي انه هو اقترح ان الجوابات توصل ع المعاهد علطولومكتوب فيه المطلوب نبقي احنا نسلمه بعدها هتبدأ بمسابقة 2005 .....بس هو اكد ان التنظيم والاداره خلص الورق...وكان معايا واحده زميلتي اتصلت بالمشيخه وقالولها ان ورق الشرقيه وصل ليهم من التنظيم والاداره....واعطاني ورقه مكتوب فيها المستندات المطلوبه للتثبيت ....والله اعلم ولن اصدق الا بعد انا اري اسمي بنفسي....

كل ما فى المنطقة كدااااااااااااااااااب

يا جماعه لو شايفين مدرسين الشرقيه ايد واحدة مكنش حد قدر يكدب عليهم لكن الشرقيه متربيه على الخوف والجبن انا بنادي كل المدرسين الفرصة الي جايه مش هتتعوض موعدنا يوم الاحد القادم

فرار رقم 2150 بتاريخ 21/3/2012 لتثبيت متعاقدى الشرقية

الصبر القرار بياخد حوالى اسبوع او 10 ايام لحد ما يوصل المنطقه يجماعه لان بيعدى على كذا جهه

ان شاء الله موعدنا الاحد

ياجماعه أنا مدرس بمعهد بالشرقيه وكنت فى المنطقه اليوم الخميس 29/3/2012 ودخلت على التعيينات وسألت الأستاذ عاطف والأستاذ محمد المقدم عن القرار قالوا القرار موجود والأسماء موجوده ومن يوم الأحد هايبدأو ارسال المطلوب للثبيت ومعاه صوره للقرار وصوره للأسماء التي تخص المعهد من المثبتين بس كل مسابقه على حده ياعني هايبدأو بمسابقة 2005 ولما تخلص تسليمها يبدأ 2006 وهكذا وقالوا بلغ الناس تجهز افاده من المعه بتاريخ العمل من أول تعاقد وأنك على رأس العمل الى الان وكل سنه شغل بالعقد ليها افاده على رأس العمل وقالوا ماتستعجلوش لأنكم كلكم مثبتين والتنفيذ من 29/9/2011 وكن دي اجراءات تخص ادارة التعيينات بالمنطقه حتى يتمكنوا من تخليص الناس بدون تزاحم والله الموفق وألف مليون مبروك على رقم القرار 2150 بتاريخ 21/3/2012 وعقبال باقى الناس اللى لسه ماتثبتوش

حاضرت شفت الكشفوف