فى التجربة الأولى
*وضع الخارصين فى محلول كبريتات النحاس
لايمكن استخدام هذا التفاعل كخلية " لان موضع الأكسدة هو موضع الأختزال فلابد من فصلهما و السماح للألكترونات بالمرور فى سلك وبالتالي الحصول على تيار كهربي "
*

قطب الهيدوجين القياسى
1- الحمض هو الهيدروكلوريك كما بالرسم وتركيزه 1 مولارى
2- الجملة الأخيرة فى الكتاب يقصد بها " ان جميع أنصاف الخلايا الغازية تتأثر ب الضغط الجزئي والتركيز "
3- نرمز له Pt+H2 (1 atm.)/ 2H+ (1M)


سلسلة الجهود الكهروكيميائية
1- المادة الأعلى فى جهد التأكسد هى اللى تتأكسد
وطبعا- المادة الأعلى فى جهد الأختزال هى اللى تختزل
مثلا عنصرين س . ص جهد تأكسدهما 6. و 4. على الترتيب يعنى اللى يتأكسد س وطبعا ص يختزل
العنصر اللى جهد تأكسده يساوى جهد اختزالة هو الهيدروجين = صفر



**المعادلة الأيونية هى " التفاعل عند الأنود +التفاعل عند الكاثود"



بعض الناس مفكرين ان الخلايا صعبة
المهم اية نظمها كالأتى فى جدول كل الخلايا
1- اسم الخلية
2- الرسم
3- التركيب
انود
كاثود
الكتروليت
التفاعل عند الأنود
التفاعل عند الكاثود
التفاعل الكلى
القوى الدافعة
الرمز الأصطلاحى
وهناك بعض الملاحظات بعد ذلك وهى الأستخدامات و التخلص منها و امكانيه شحنها ام لا


لسهولة الحفظ "القوى الدافعة هى 1.5 فولت 1.35 فولت 1.3 فولت بتقل وده نفس ترتيب الخلايا فى الكتاب"


عند اعادة الشحن لها شرطان
1- امرار تيار من مصدر خارجى فى اتجاه عكس اتجاه التفريغ (صفحة 203)
2- استخدام مصدر خارجى اعلى فى الجهد من البطارية المراد شحنها ((صفحة 205)

**تعمل الخلايا الجلفانية الثانوية
كخلايا الجلفانية عند التفريغ و كخلايا الكتروليتية عند الشحن "و محدش يقولى طب لية سموها تعمل الخلايا الجلفانية الثانوية هقولك علشان وظيفتها الأساسية هى تحويل الطاقة الكيميائية الى كهربية ولها ميزة الشحن "

*للفهم فقط
القنطرة الملحية تمنع تكون فارق جهد بين محلولى الخلية
تكون فارق جهد بين محلولي الخلية " نصف خليه الخارصين تشبعت بالأيونات الخارصين الموجبة مما يعوق ان يحدث للذرات الأخرى عملية أكسدة ونزول شحنة موجبة أخرى للمحلول ( الشحنات المتشابهة تتنافر) "
" نصف خليه النحاس نقص فيها أيونات النحاس الموجبة ووجود ايونات الكبريتات الزائدة و السالبة مما يعوق ان يحدث أيونات النحاس الموجبة عملية اختزال وترسب أيونات النحاس ( الشحنات المختلفة تتجاذب)"


وحسبى الله ونعم الوكيل فى رسمة بطاربة الرصاص

والله تمام //////////اخي ///////ايهاب
جزاك الله خيرا

وجزاكم الله خيرا يا دكتور وشكرا على مرورك

أضافات ممتازة / وعلى الطلبة الأعزاء الأنتباه لموضوع تنقية عنصر بطريقة كهربية !! مين كاثود ومين آنود ؟ والأهم ... شوائب الحديد والخارصين لماذا تتأكسد فقط ولكن لايحدث لها أختزال عند المهبط , وشوائب الذهب والفضة لماذا لاتتأكسد من أصله عند المصعد وتتساقط ... طبعا الأجابة واضحة فى كتاب الوزارة لكن التنويه هنا مهم لأن هذة الأسئلة تحدث لبسا لدى الطلبة .. ومع أجمل التمنيات بالتفوق للطلاب .. واجمل التحيات للسادة المشرفين

ملحوظة هامة في الكيمياء الكهربية

لابد من الربط بين كمية الكهرباء وكتلة المادة المتكونة عند الأقطاب وكذلك عدد المولات المتكونة وحجم الغاز المتصاعد
فمثلا 1-المول من أي غاز يحتاج كمية كهرباء تساوي=عدد الفاراداي×تكافؤ العنصر×2
مثال مول من غاز الأكسيجين (22.4 لتر)يحتاج 4 فاراداي
-مول من غاز النيتروجين (22.4لتر) يحتاج6 فاراداي
-مول من غاز الكلور (22.4لتر)يحتاج 2 فاراداي

شكرا للأستاذ ذكى على توضيح النقطة دى فعلا صعبة
وشكرى لأستاذى العزيز الأستاذ سيد عثمان على حرصة على مصلحة الطلبة جزاك الله خيرا الكلام ده مهم الطلبه اتلخبطت فيه السنه الماضية
واستأزن بالتكملة

الكتروليتية جلفانية
1- الأنود تحدث عنده اكسدة والكاثود يحدث له اختزال
2- الأنود كتلته تقل والكاثود كتلته تزيد
3- الكتروليت قوى محلول او مصهور

التكافؤات مهمة جدا

ملاحظات على الخلايا الألكتروليتية
1- ليس شرط ان يكون الأقطاب من مادتين مختلفتين قد يكونوا من مادة واحدة او مادتين مختلفتين
2- الأشارة ق.د.ك سالبة " يحتاج لمصدر خارجى"
3- والكاثود كتلته تزيد يعنى اى حاجة عايزين نرسبها بنرسبها على الكاثود ( القطب السالب فى الخلية التحليلية )

فى الطلاء الكهربى
مش اى ملح والسلام لازم يكون الكتروليتى يعنى مش كلوريد الفضة !!!!!!!!! علشان راسب

فى استخلاص
1- الحديد تجهيزالخام - الأختزال - انتاج
2- الألومنيوم بالتحليل الكهربى


وضع خليط من املاح فلوريد الألومنيوم و الصوديوم و الكالسيوم على البوكسيت لهم فائدتين
1- انخفاض كثافته ويسهل فصل الألومنيوم المنصهر والذى يكون راسب فى القاع
2- انخفاض درجة انصهاره

تنقية المعادن صفحة 213 كلامها صعب وده شرحها وحاول تفهمها
المستخدم محلول مائى من كبريتات النحاس
H+ OH- SO4-- Cu+2
الفقرة الأخيرة
*فى الجملة الأولى "عند مرور تيار كهربى من البطارية الخارجية عند جهد يزيد قليلا عن الجهد القياسى لخلية النحاس "
و شكلها مش ! المهم قصده إجبار النحاس على الأكسدة و الذوبان فى المحلول فالتفاعل هنا غير تلقائي
**باقى الفقرة " تتجة الأيونات .................................................. ..................التى تحدث عند الأقطاب "
سؤال : مين اللى يفقد الكترونات يتأكسد ؟؟طبعا لوح النحاس الغير نقى و بعض الشوائب
والأيونات الموجبة مين اللى يكتسب الكترونات ويحدث له اختزل ( كاتيون النحاس ام الهيدروجين الموجب) الأقل جهد تأكسد " كاتيون النحاس " لانه غير نشط بالنسبه للهيدروجين وبالتالى هو أسهل فى الاختزال ذي ما بيقول فى الكتاب (لوتفتكر الكلام اللى فى الكيمياء العامة وليه العناصر النشطة لا تختزل بسهولة ) الهيدروجين انشط من النحاس
***الصفحة اللى بعدها
اللوح فيه ايه ؟ حديد وخارصين ونحاس وذهب وفضة
دى مين اللى يفقد الكترونات و يتأكسد ؟ طبعا الأسهل و الأنشط " عكس الأختزال"
ذهب وفضة يقعوا فى مصيده صعوبة الأكسدة " من اقل العناصر نشاط كيميائى " فتتساقط أسفل الأنود
حديد وخارصين جهد تأكسدهم كبير ونشطين فيتأكسدا ويذوبا فى المحلول ولكن ويقعا فى مصيده صعوبة الأختزال فيظلا فى المحلول دون ترسيب

انا أسف شكلي فسرت اكتر من اللازم

بارك الله فيكم جميعا وجزاكم خيرا