مشاهدة النسخة كاملة : 4 مايو الاضراب الثاني
amr_2010 07-04-2008, 03:35 PM http://profile.ak.facebook.com/object3/888/84/n10376462286_8797.jpg
الأحد 4 مايو
الاضراب التاني
عيد ميلادك يا ريس
مين قال ان اضراب 6 ابريل فشل
بالعكس كل اللى كان المطلوب في الإضراب حصل
البلد بدأت تتحرك
يوم الأحد أول ايام الاسبوع المعروف بإزدحامه كان زي يوم الأجازة
أما عدم حدوث المظاهرات
فانها لم تكن الهدف من الأساس
لكن الإعتصام إتعمل و البلد فعلا بدأت تتحرك
عايزين ننسق بقى هانعمل اية في المرة التانية
محدش عارف اللى بيحصل دا هايوصلنا لحد فين
بس أكيد احنا ضاغطين على الحكومة جامد لدرجة أنها بدات تخاف مننا فعلا و هاتبدا تتخذ اجراءات فعليه لخفض الأسعار و دا هو المطلوب
على العموم مستنينكم تانى يوم 4مايو
عيد ميلاد الريس
مزيد من المعلومات ادخل على الفيس بوك و دور على 4 مايو
مس رانيا حسن 07-04-2008, 03:39 PM كل سنه والريس طيب
هههههههههههه
واحتفالنا بيه يكون بالاضراب ولا ايه
اجمل احتفال ربنا يستر
amr_2010 07-04-2008, 03:46 PM يا جماعة احنا لازم نعرف ان الأيام دي لو حصل فيها حاجة
التاريخ كله هايتكلم عن اللى احنا عملنا
وماتنساش ان شخص واحد على الفيس بوك كان سبب في كل اللى حصل يوم 6 ابريل
بالك لو ان مصر كلها حاولت تعمل حاجة
"اية الفائدة من الاضراب"
او اية الحكمة من الاساس
أقولكم
لو حبينا نعمل ثورة بكرة هل الناس هاتشارك و لا لأ؟؟؟
اكيد لأ
ليه؟؟؟؟
اغلبيه الشعب نوعين
نوع كسول و نوع خايف
لو قلنا مظاهرات
النوع الكسول هايقول لسه هانروح و نعمل دا كلام مالهوش لازمة
و الخايف هايخاف على مستقبله و مستقبل عياله و هايقعد في البيت لأنه كمان خايف من البهدله
بس في كل الاحوال النوعين نفسهم البلد تتغير ولو قامت ثورة بجد ممكن يشاركوا فيها
دلوقتى احنا عايزين نجس نبض الشعب لو قلنا اعمل مظاهرة هايخاف و يكسل
فبنقول خليك في البيت
لو هو كسول هايفضل في بيته و يبقر اخر تمام و لو هو خايف هايفضل في بيته و في الحالتين احنا كسبانين
لأننا ساعتها هانحس ان المواطن ممكن يساعد على التغير
لكن لو انه حتى يوم الاضراب ما أضربش يبقى اكيد لو قامت ثورة مش هايتحرك (يعنى لما قلتلك امشي مامشيتش لو قلتلك اجري هاتجري؟؟؟)
كمان دي جس لنبض الحكومة عايزين نعرف هي ممكن تعمل اية؟؟ لأرضاء الشعب
في النهاية المطلوب مصلحة البلد احنا مش عايزين ننهب ولا حاجة=========
ملحوظات
أحنا : المقصود بها المواطنين المصريين
الثورة : تعبير مجازي عن التغيير (غير مقصود بها المعنى الحرفي)
فيه فئة من الشعب يائسة من التغيير : ياريت تروح بيئسها في جنب و تسيب الناس اللى لسه عندها امل تحاول تعمل حاجة
الناس الكبيرة اللى اخدت على الوضع و عاجبهم الحال و بيكسروا مقديفنا لو كانوا هما عملوا حاجة زمان --مكناش اضطرينا اننا نعمل حاجة دلوقتى (كفاية اننا اتاخرنا سنة ضوئية عن العالم)
أماالفئة من الشعب اللى مستغله الوضع: لا تعليق كلنا عارفين ممكن نقولهم ايه
************************************
على فكرة موضوع المقاطعة و الجلوس في البيت يتم في الدول المتقدمة عندما ييأس الشعب من جميع المحاولات لاصلاح الوضع
فيضرب في البيت فترة 10 ايام مثلا
فلا تجد الحكومة احد لتحكمه و تفشل في السيطرة على الوضع مما يضطرها الى الاستقالة
طبعا لو اننا سيبنا الحكومة 100 سنة برضه مش هاتستقيل بس على الأقل هاتبدا تحاول تحترم المواطن
و أدينا شايفين انه لأول مرة من 4 سنين حاجة تنقص شلن
و الاسعار بدات تنزل
والاضراب دا كمان شهر علشان نضغط على الحكومة أكتر
أسيل رزق 07-04-2008, 03:46 PM كل سنه والريس طيب
هههههههههههه
واحتفالنا بيه يكون بالاضراب ولا ايه
اجمل احتفال ربنا يستر
هههههههههه
هما عملوا كدبة مايو .. دى غير كدبة إبريل؟؟
ربنا يزيدهم كمان وكمان
وشعار الحكومة دايماً : فاشلة فى خدمة الشعب المصرى ولكنها بالطبع ناجحة بل وممتازة فى كتم أرواحه وعندها كافة الطرق لفعل ذلك :D
mR . mOstafa Fathi 07-04-2008, 03:56 PM الأحد 4 مايو
زى كدبه
ابريل
اتمنيت امنيه من ربنا
قبل ما ماموت اشف البلد دى حاجة
عارف الحل الوحيد ايه
صابر
أسيل رزق 07-04-2008, 04:03 PM أه نسيت أقول حاجة
لو الاضراب كان نفع امبارح اتأكد انه هينفع بعد كده ;)
دا مصنع فى المحلة عمل إضراب أمن الدولة راحوا جابوا العمال من بيوتهم يشتغلوا
هتقولى يعنى نعمل مظاهرات؟؟
هقولك حل كويس لكن الحكومة غالبة فى يومين اعتقلت ناس بسبب المظاهرات فالكل خاف
طيب إيه الحل؟؟
كلنا بربطة المعلم كده نجمع من بعض ونجيب تورتة للريس حبيب قلب المصريين ونقوله كمان كان يوم أبيض يوم ما جيت :D
SENDRILLA 07-04-2008, 06:03 PM ما قلنا كل اضراب وانتم طيبين
كل سنه وانت طيب يا رييييييس
وعقبال سنه كمان وتتكل ونستريح
حد سامع حاجه ؟؟؟؟
رجب سعد محمود 07-04-2008, 06:20 PM ولو أن أهل القرى آمنوا واتقوا لفتحنا عليهم بركات من السماء والأرض
صدق الله العظيم
مش هينصلح حال الحكومة إلا بصلاح أحوالنا .. فكروا كويس في كلامي
ومشكوريييييييييييييين على الموضوعات الهايلة دي ..
amr_2010 09-04-2008, 03:01 AM يا جماعه انتم من ضمن الناس الكسله وكل واحد فيكو معندوش امل
علي فكرة بقي الاضراب الاول نجح
جميع السلع الي اسعارها غليت نزلت عشرين في الميه ولسه هتنزل تاني
اصحو بقي
ماليها حق الحكومه تعمل كده علشان لقت شعبها نايم
midoxp 09-04-2008, 03:32 AM انا معاك ياعمرو فى الاضراب
ولازم نعمل حاجة عشان مصر حتى لو هموت من الحكومة لازم اتحرك
بحبك يامصر يام الدنيا
لازم نعمل حاجة خلاص ياجامعة عشان كل واحد بياكل وشراب يبقى خلاص مش مهم الاسعار تزيد او تقل
مش مهم عندكم ان نسبة الفقراء ارتفعات وفى ناس كتير مش لقى تاكل حرام علينا هنتحاسب عنهم
midoxp 09-04-2008, 03:49 AM على فكرة الاضراب تم بحمدالله
ودة مش كدابة ابريل ولا حاجة وملفات الفديو اكبر دلليل
فيديو تانى للى حصل فى المحلة
http://www.youtube.com/watch?v=En8qt0CpkaY
انسخوا الموقع معلش
وده فيديو للى حصل فىا لقاهرة
http://www.youtube.com/watch?v=7MkBY6HSvO4
اضرابات عمال الغزل والنسيج المصريين
http://www.youtube.com/watch?v=LXBNhTSarEU&feature=related
إعتصام عمال المنصورة-اسبانيا للملابس 2
http://www.youtube.com/watch?v=uM2K9oB8cro&feature=related
8جامعة القاهرة
http://www.youtube.com/watch?v=7V_Y_mJUOj4&feature=related
Am.k.A 09-04-2008, 12:24 PM ياجماعة الحل مش فى الاضراب والله
والعيب منا قبل ما يكون من الحكومة
سلبيات المجتمع بسببنا احنا
لازم كل واحد ينتبه لسلباته ويحاول يصلحها ويبطل يتحجج بسوء حال الدولة لأنه كان بسبب سوء حالنا
وبعدين فى مؤسسات مينفعش يحصل فيها اضراب زى شركات القناة و شركات التصدير و الاستيرادو
المطارات وغيرها كتير
وان كان على غلاء الأسعار فالحل بمقاطعة السلع و ان مكنش ينفع يبقى بتقليل الأستخدام قدر المكان
يعنى الضغط هيكون على اصحاب الشركات و المصالح و ده المهم
و ده رأى واختلاف الراى لا يفسد للود قضية
أسيل رزق 09-04-2008, 09:12 PM ههههههه
حد يقدر يفهمنى إيه اللى إتعمل فى المحلة
المصريين دول أمرهم غريب
يعنى أنا بدل ما أمسك حتة ورقة وأكتب عليها لا للفساد بلاش لا للفساد .. أكتب عليها لا للعدوان الثلاثى .. أى حاجة
أقوم رايح مولع فى عربيات الناس واحرق المحلات واكسر الدنيا و اضرب فى البنى ادمين واحرقهم
بالله عليكم ده عقل ناس طبيعية
مهو كده أنا ضريت نفسى بنفسى .. يادوبك الحكومة خافت على مصنع الغزل والنسيج والأمور مشيت
ماشى الغلا مبهدل الدنيا وانا عن نفسى اليوم ده ولا اللى قابله اشتريت حاجة ولا رحت المدرسة
لكن مش يحصل اللى حصل
أيوه الحكومة هدت الموضوع وعملت وعملت
خافت كده الحكومة؟؟!!!
بكره نشوف الأسعار هتوصل لفين
هقول إيه بس غير
حسبى الله ونعم الوكيل
amr_2010 09-04-2008, 11:25 PM انا معاك ياعمرو فى الاضراب
ولازم نعمل حاجة عشان مصر حتى لو هموت من الحكومة لازم اتحرك
بحبك يامصر يام الدنيا
لازم نعمل حاجة خلاص ياجامعة عشان كل واحد بياكل وشراب يبقى خلاص مش مهم الاسعار تزيد او تقل
مش مهم عندكم ان نسبة الفقراء ارتفعات وفى ناس كتير مش لقى تاكل حرام علينا هنتحاسب عنهم
والله انت بتتكلم صح
وده فعلا الكلام الي بقوله
amr_2010 09-04-2008, 11:36 PM ياجماعة الحل مش فى الاضراب والله
والعيب منا قبل ما يكون من الحكومة
سلبيات المجتمع بسببنا احنا
لازم كل واحد ينتبه لسلباته ويحاول يصلحها ويبطل يتحجج بسوء حال الدولة لأنه كان بسبب سوء حالنا
وبعدين فى مؤسسات مينفعش يحصل فيها اضراب زى شركات القناة و شركات التصدير و الاستيرادو
المطارات وغيرها كتير
وان كان على غلاء الأسعار فالحل بمقاطعة السلع و ان مكنش ينفع يبقى بتقليل الأستخدام قدر المكان
يعنى الضغط هيكون على اصحاب الشركات و المصالح و ده المهم
و ده رأى واختلاف الراى لا يفسد للود قضية
انا عايز اقولك حاجه انت عندك بلد زي السعوديه
اهلها كلهم بقر وميعرفوش اي حاجه في اي حاجه وحكومتهم مريحاهم ومابتضحكش عليهم
و حكاية ان في مصالح مينفعش تعمل فيها اضراب
طب ما الحكومه لما تلاقي هيحصل اضراب في الحاجات المهمه دي هتعملنا الي احنا عايزينه
وحكاية المقاطعه دي هنعملها ازاي ماكل واحد هيقلك يعني انا الي هقصر لما اقاطع
وهتقنعلي ازاي الوليه ام احمد بتاعة المحشي انها ماتروحش تجيب روز او مكرونه او فراخ لجوزها ابو احمد علشان لما يرجع من الشغل يأكله
ماينفعش احنا فكرنا في حكاية المقاطعة دي علي الفيس بوك ومنفعتش
amr_2010 09-04-2008, 11:44 PM ههههههه
حد يقدر يفهمنى إيه اللى إتعمل فى المحلة
المصريين دول أمرهم غريب
يعنى أنا بدل ما أمسك حتة ورقة وأكتب عليها لا للفساد بلاش لا للفساد .. أكتب عليها لا للعدوان الثلاثى .. أى حاجة
أقوم رايح مولع فى عربيات الناس واحرق المحلات واكسر الدنيا و اضرب فى البنى ادمين واحرقهم
بالله عليكم ده عقل ناس طبيعية
مهو كده أنا ضريت نفسى بنفسى .. يادوبك الحكومة خافت على مصنع الغزل والنسيج والأمور مشيت
ماشى الغلا مبهدل الدنيا وانا عن نفسى اليوم ده ولا اللى قابله اشتريت حاجة ولا رحت المدرسة
لكن مش يحصل اللى حصل
أيوه الحكومة هدت الموضوع وعملت وعملت
خافت كده الحكومة؟؟!!!
بكره نشوف الأسعار هتوصل لفين
هقول إيه بس غير
حسبى الله ونعم الوكيل
هو انا قولتلك ولعي واعملي ولا حتي اكتبي ورقه
احنا بنقول بس متخرجش من بيتك في اليوم ده
وعلي فكرة انتي فكرتيني بواحد صاحبي
مرة سألته انت ايه رايك في حسني مبارك قالي رئيس كويس جدا
عارفه ليه قالي كده علشان هو بياكل وبيشرب وبينام ومش حاسس بأهله ولا بحاجه
بس صاحبي ده دلوقتي كل مايشوفني يكلمني في السيايه ويقولي علي ايامنا هنعمل ايه في البلد دي
عارفه ليه قالي كده علشان فكر هو هيعمل ايه لما يكبر ويلاقي نفسه مش عارف يعيش
انما انتي بقي هتكلي وتشربي وتنامي واهلك هيصرفو عليكي لحد لما تتجوزي وانتي مش تعبانة في اي حاجه ولا حاسه بحاجه الي حاسين بس اهلك وجوزك
MohammeD el_SadaT 09-04-2008, 11:52 PM أشوفك يوم 4 مايو
:D
انا معاك يا عمرو فى كل كلمة قلتها احنا سكوتنا دة هيودينا فى دهية اكبر من كدة كمان
و اهم حاجة ان المصريين كلهم يكونوا ايد واحدة لية منعملش زى ثورة1919 تفتكروا المصريين ايام الاحتلال كانوا بيعانوا اكتر مننا ؟؟؟ مفتكرش مع ان المحتلين كانوا اجانب لكن احنا اللى بيحكمنا مصرى يعنى مننا لكن هقول اية ربنا موجود :(
أسيل رزق 10-04-2008, 12:58 PM هو انا قولتلك ولعي واعملي ولا حتي اكتبي ورقه
احنا بنقول بس متخرجش من بيتك في اليوم ده
وعلي فكرة انتي فكرتيني بواحد صاحبي
مرة سألته انت ايه رايك في حسني مبارك قالي رئيس كويس جدا
عارفه ليه قالي كده علشان هو بياكل وبيشرب وبينام ومش حاسس بأهله ولا بحاجه
بس صاحبي ده دلوقتي كل مايشوفني يكلمني في السيايه ويقولي علي ايامنا هنعمل ايه في البلد دي
عارفه ليه قالي كده علشان فكر هو هيعمل ايه لما يكبر ويلاقي نفسه مش عارف يعيش
انما انتي بقي هتكلي وتشربي وتنامي واهلك هيصرفو عليكي لحد لما تتجوزي وانتي مش تعبانة في اي حاجه ولا حاسه بحاجه الي حاسين بس اهلك وجوزك
ههههههههههههههههه
لا بجد ضحكتنى يا عمرو
يا ابنى حد قالك انى باكل بمعلقة دهب ولا بنام على ريش نعام
الحمد لله ربنا ساترها معانا وكل حاجة
وانا شفت بعينى اللى حصل للناس واللى مازال بيحصل
كل الحكاية ان لو انت جمعت 10 هتلاقى 8 منهم غيروا رايهم فى ثانية
مش هتقدر تقنع 80 مليون مصرى انهم يعملوا اضراب
المرة اللى فاتت هههههه بقا كل واحد مايشتريش حاجة يوم 6 ويعوض اللى ماشترهوش يوم 7 او العكس يجيبوا حاجة يوم 6 اليوم اللى قابلة .. قمة الذكاء بصراحة :p
مش هقول المرة دى علشان كل واحد خايف على بيته وعيال والكلام ده
بس علشان تكون عارف ان المصريين طبعهم كده
احنا فعلا طبعنا كده ومش هتقدر تغير حتى لو نص الشعب
عموماً علشان ماتتعصبش
أنا مش هروح فى حتة يوم 4 مايو ولا هشترى تورتة للريس ولا حاجة
لما نشوف أخرتها.. بعد كده تقولوا اعملوا اضراب عن الامتحانات ههههه ساعتها الاضراب هيبقا ضرب
وزى ما قال السادات أشوفك يوم 4 مايو :D
بندق__2007 10-04-2008, 02:32 PM هى مرة واحدة بس و عدت بحلوها و بمرها ......... بنجاحاتها و فشلها
انما هى مش سلسلة اضرابات الشعب هيعملها شوية 6 ابريل و 4 مايو 8 يونيو و 24 أغسطس لالالالالالا
اللى عايز يتحرك يتحرك بس من غير كلمة عصيان مدنى و اضراب و ثورة و كلام من ده لان الشعب بتاعنا فاشل فى عمل الاضرابات و الاعتصامات و العصيانات
و انا مش مؤيد للفكرة دى لسببين أولهم قولته و التانى عشان يتوافق مع عيد ميلاد محمد حسنى مبارك
و ده له دلالة اننا بنعمل تشخيص للقضية
احنا هدفنا بس مصر ....... مش هدفنا ان مبارك يمشى ولا نجرح فى شخصه عشان ده شئنا ان أبينا يبقى
رمز البلد
A7md G 10-04-2008, 08:34 PM عنوان جروب الفيس بوك الجديد للمسؤولين عن تنظيم الاضراب الثاني 4 مايو :
http://www.facebook.com/group.php?gid=14351401806
|