:022yb4:فى ادارة ميت غمر التعليمية أنة ابتداء من مرتب شهر مارس سيتم خصم 3% من المرتب الأساسي بحجة رفع مقابل المعاش شهرين عن كل سنة خدمة

وهذا الكلام سارى
والله حرام :022yb4:

شوف يا سيدى الموضوع كويس مش وحش لان كنا بندفع 5% مخصومين من المرتب بحيث تتحمل الحكومة 2% تقريبا انا حقيقى مش فاكر قوى والعامل يتحمل 3% على ان تحصل على نهاية الخدمة 36 شهرا فتم استطلاع رأى ووافق عليه الاغلبية ان تكون نهاية الخدمة 72 شهرا على ان تزداد النسبة الى 10% خصم تدفع الحكومة او النقابة مش فاكر برضو 4% والباقى يدفعه العامل وبم انك كنت بتدفع اصلا 3% فبالبالى باقى كمان 3% لتكملة نسبة ال10%

باختصار الفكرة حلوة وربنا يديك طولة العمر والصحة

بص يا سيدي
انا مهعطلكمش
لو فية زيادة في المرتب تستناها حضرتك شهر اتنين تلاتة وممكن اربعة - دة لو ادارتك شغالة وتمام
اما لو فيه خصم من المرتب تلاقي الخصم فورا - بمجرد بس اعلان صغير - تلاقي صواريخ اشتغلت في مرتبك وخصموا من المرتب - خوفا انك تهرب بيه ومترجعش تاني الشغل - زي ما قال عمك ايوب " طمعت في الباقي طفشت"
وسلملي علي التربية والتعليم

فقط للتوضيح
فى إدارة سوهاج تم خصم 6 % من مرتب شهر مارس ،
وكذلك خصم 9% بواقع 3% عن كل شهر من الشهور الثلاثة السابقة " يعنى خصم بأثر رجعى " .

وهو ما يعنى أن الخصم يسرى إعتباراً من ديسمبر 2011 ، بحسب قول سكرتير المدرسة لدينا
والله أعلى وأعلم

حسبي الله ونعم الوكيل

احنا فى المنوفية االاساسى بتاعى حوالى 345 جنية واتخصم منى الشهر دة 20 جنية وانا مش عارف دول يبقوا كام فى المية هو دة كل اللى اتخصم منى الشهر دة
عموما لما بيقولوا فية زيادة للمدرسين بيعملوا دراسة وعرض على مجلس الوزراء ومجلس الشعب ومجلس ام للى لكن لما يبقى فية خصم بيبقى الخصم فورى بدون اى عروض على اى مجلس وهى دى مصر طول عمرها ظالمة اهلها
وشكرا :bosyht9:

ربنا يرحمنا بقي من الخصم واللي بيخصوموا كمان وشكرا

يا تري فيه كلمة بحد اقصي ولا لاء
يعني كان الاول بحد اقصي 15000 جنيه في التعديل الجديد 72 شهر بحد اقصي ولا لاء ده اللي انا مش عارفه

مجرد توقع مني لا عن معلومات مؤكدة أن الحد الأقصى سيكون له دوره وأظن أن الحد الأقصى كان 15000 ج ولكن ستكون الزيادة 72 شهرا بحد أقصى لن يزيد عن 15000 ج وسلملي على الوزارة

فقط للتوضيح
فى إدارة سوهاج تم خصم 6 % من مرتب شهر مارس ،
وكذلك خصم 9% بواقع 3% عن كل شهر من الشهور الثلاثة السابقة " يعنى خصم بأثر رجعى " .

وهو ما يعنى أن الخصم يسرى إعتباراً من ديسمبر 2011 ، بحسب قول سكرتير المدرسة لدينا

اسمحوا لى بالتصحيح الذى تقتضيه الأمانة ، فتكون صحة المداخلة كالتالى
فى إدارة سوهاج تم خصم 6 % من مرتب شهر مارس ،
وكذلك خصم 6% بواقع 3% عن كل شهر من الشهرين السابقين " يعنى خصم بأثر رجعى " .

وهو ما يعنى أن الخصم يسرى إعتباراً من يناير 2012 ،
بحسب قول سكرتير المدرسة لدينا ، والله أعلى وأعلم