بسم الله الرحمن الرحيم

1300 مرشح رئاسى الان فى الساحة .. او اكثر

و اخرهم عمر سليمان .. بعبع الامة !

عمتاً .. كلامى هنا هيبقى عن سؤال غريب ؟!

ليه بتتنرفز لما حد يترشح للرئاسة ! حتى و ان كان من الحكومة السابقة ؟!

ايه اللى مزعلك .. ان كنت مش عايزه غيرك عايزه ..

ايه اللى تعبك منه ؟

طالما الانتخابات نزيهة و بإشراف قضائى ( طبعاً هتقولولى مش واثقين فى القضاء ) يبقى سافروا عيشوا فى بلد تانية لان اى حاجة هيقولها القضاء انشالله ريان يا فجل .. هتعارضوه بردو .احنا شعب ما صدق يبقى سياسى بقوا كلهم 80 مليون سياسى !

مش عاجبك سليمان .. رشح موسى ..

اخوانى .. رشح الشاطر ..

سلفى .. رشح ابو اسماعيل ..

معتدل عندك بردو ابو الفتوح كويس ..

ليبرالى .. عندك خالد على

حنين ... رشح احمد شفيق :cool:

الاختيارات موجوده .. و لا اقولك على حاجة اسهل .. رشح اللى انت مقتنع بيه .. رشح اللى تشوفه هيفيد عيالك و هيفيدك و هيفيد بلدك ..

رشح عمر بن عبد العزيز هذا الزمان ..

رشح عمر بن الخطاب هذا الزمان ..

رشح من تجد به العدل و الامانة و الاخلاص ..

دون ان تجرح و تشكك فى غيره .. فأنت لم تكن مكانه ..

و انت لست بنبى لكى تتهكم عليه .. و انت بك العبر و الدوائر !

يا مصريين .. لا تشتتوا نفسكم بين المرشحين ..

رشح من تقتنع به ..

حتى لا نصبح كلنا .

على ما فعلنا .. نادمين ..

USERNAMO
THANWEYA

جزاكم الله خيرا