..
هل ممكن اى موظف فى الازهر او فى التربية والتعليم مثلا متعين ومتثبت ياخد اجازة بدون مرتب للتعاقد مع جهة حكومية تانية مثلا زى وزارة البترول.
ولو مفيش حل هل يوجد حل بحيث مثلا ااقدم استقالتى من الازهر ولو الوظيفة التانية معجبتنيش ارجع فى الاستقالة ولا الاستقالة مفيهاش رجوع.
وشكرا للجميع
للى عايز الرزق جرب الدعاء دة كل يوم وهتشوف الفرق عن تجربة بس لا تنسوا اخوكم عصام من الدعاء.
... استغفر الله العظيم الذى لا اله الا هو الحى القيوم واتوب اليه...
... استغفر الله العظيم الذى لا اله الا هو الحى القيوم واتوب اليه...
ياريت تكرروه اكتر من مرة فى اوقات اليوم وهتشوفوا الخير باذن الله
........
...........................
...........................................

نصيحة من اخ..لو جتلك فرصة للتعاقد مع وزارة زى البترول يبقى متفكرش كتير عشان التعاقد فيها بيبقى تثبيت بعد فترة معينة ومن غير قرف تثبيت زى الازهر كده ده غير المزايا الكتير اللى انت عارفها

صلى صلاة استخارة وتوكل على الله بس اللى اعرفه ان الاستقالة مفيهاش رجوع وانك ممكن تاخد اجازة بدون مرتب لو انت متثبت لأى فترة تحبها بس مش عارف هل ممكن ف فترة الاجازة دى تشتغل ف جهة حكومية تانية ولا لا بس الاخوة الفاهمين حيفيدوك ان شاء الله وربنا ييسرلك اللى فيه الخير

اعتقد انه ينفع بس بشرط تقدم العقد عند التقديم على الاجازه عشان تتاكد اكتر اذهب لادارتك واسال فيها

ما اعلمه..
اذا كنت معينا في جهة حكومية في مصر ، فلا يجوز الجمع بين وظيفتين بنفس الدولة سواء كانت تعاقد أو تعيين
و لكي تحصل على اجازة بدون مرتب يجب ان يكون لديك عقد رسمي موثق من الجهة التي ستعمل بها
حتى تتم الموافقة على طلب اجازتك
كما ان الجهة الحكومية الاخرى ( ان كانت في مصر ) ستطلب منك خطاب اخلاء طرف من الجهة الأولى و هي الازهر ، و خطاب استقالة

بالتالي كل جهة تريد أن تؤمن نفسها ( ان كانو في مصر معا )
فالأولى ستطلب منك عقدا موثقا من الجهة الثانية لكي توافق على اجازتك
الثانية ستطلب منك خطاب اخلاء طرف ، واستقالة من الجهة الأولى لكي تتعاقد معك لأن التعاقد معناه بعد عام قد يتم تعيينك في الجهة الجديدة

بالتوفيقـ

ما اعلمه..
اذا كنت معينا في جهة حكومية في مصر ، فلا يجوز الجمع بين وظيفتين بنفس الدولة سواء كانت تعاقد أو تعيين
و لكي تحصل على اجازة بدون مرتب يجب ان يكون لديك عقد رسمي موثق من الجهة التي ستعمل بها
حتى تتم الموافقة على طلب اجازتك
كما ان الجهة الحكومية الاخرى ( ان كانت في مصر ) ستطلب منك خطاب اخلاء طرف من الجهة الأولى و هي الازهر ، و خطاب استقالة

بالتالي كل جهة تريد أن تؤمن نفسها ( ان كانو في مصر معا )
فالأولى ستطلب منك عقدا موثقا من الجهة الثانية لكي توافق على اجازتك
الثانية ستطلب منك خطاب اخلاء طرف ، واستقالة من الجهة الأولى لكي تتعاقد معك لأن التعاقد معناه بعد عام قد يتم تعيينك في الجهة الجديدة

بالتوفيقـ

تمام انا اعتقدت كده بردو

استقيل واطلع على البترول

استقيل وتوكل على الله فى البترول وبالتوفيق.بس احذر لو كانت الفرصة اللى قدامك فيها دفع فلوس.احذر من النصب.وما اكثر النصب هذة الايام.

يا استاذى الفاضل بلاش تستقيل انتا ممكن فى الاجازه 3شهور تشتغل فيهم من غير متقول لاحد فى السر وتجرب الشغل الجديد وبعدين تقرر ولو اخترت البترول برضو بلاش استقاله خليها انقطاع عن العمل لانك لو انقطعت عن العمل ممكن ترجع فى اى وقت حتى لو بحكم محكمه او شهاده صحيه لكن لو استقلت مستحيل ترجع تانى .هذه نصيحه اخويه والله اعلم

شكل لكل الناس اللى ردت على كلامى
والاستاذ عبده السوهاجى طب المشكلة كدة انى هبقى معايا وظيفتين ودى اكيد مشكلة

يا استاذى الفاضل بلاش تستقيل انتا ممكن فى الاجازه 3شهور تشتغل فيهم من غير متقول لاحد فى السر وتجرب الشغل الجديد وبعدين تقرر ولو اخترت البترول برضو بلاش استقاله خليها انقطاع عن العمل لانك لو انقطعت عن العمل ممكن ترجع فى اى وقت حتى لو بحكم محكمه او شهاده صحيه لكن لو استقلت مستحيل ترجع تانى .هذه نصيحه اخويه والله اعلم

يجرب ف السر ازاى يا استاذنا ماهو لازم يقدم استقالة والا مش حيشتغل ف التانية :d

عادى ممكن يجرب فى السر يعنى هيمضى على اقرار انه لا يعمل بأى جهة حكومية اخرى بس لو انكشف وحد بلغ فيه هيروح فى نصيبه ويخسر الإتنين :)))
آه من الطمع .

بس موضوع يجرب فى السر ده حرام ودى فرصه عمل يسيبها لحد تانى يكون محتاجلها افضل

يا اخى الفاضل انتا اصلا فى البترول هتشتغل بالعقد يعنى مش معين على درجه ودا مش هيطلب منك اوراق كتير انتا ممكن تتعاقد وقبل التثبيت هتكون قررت تستمر ام لا وعموما التعاقدات فى البترول انواع منها اللى ملوش اى لازمه عقد المشروع ودا مفيهوش تثبيت ابدا ولو بعد 30 سنه وفيه عقد شامل ودا بينتهى بالتثبيت لكن لو تعيين رسمى هيلبو منك اوراق كتير منها اخلاء طرف من العمل بشكل نهائى وبعدين يا اخى ان شاء الله اوضاع التعليم هتتحسن شويه ومش كل شركات البترول ممتازه ماليا والافضل صلاة الاستخاره والله اعلم .