النهارده الصبح كان عندي مشوار .. رحت وبعد معاناه كبيره
علي بال ما قدرت الحق علبة سردين _ اتوبيس بس بالمصري _
ركبت
طبعا عارفين كلكم الله يباركلهم المسئولين موفرين لنا اتوبيسات
مش مكيفه خايفين علينا طبعا علشان لما ننزل في الشارع مناخدش برد
_صحتنا مهمه ياجماعه محدش يزعل _
المهم لما ركبت الحمد لله لقيت كرسي فاضي _مفاجاه ,مش كده؟_
شويه ولقيت الناس بقه اللي دخلت وقفت_ طبعا الاتوبيس اتحول لعلبة السردين
وبقي شبيه بيها تماما ,علشان محدش يقول اننا بنتجني عليهم _
ناهيكم بقه عن الشباب والبنات الواقفين واللي بيحصل طبعا مع المطبات الصناعيه
والولاد اللي قاعده وسايبه البنات واقفه في وسط الشباب _ماعلينا _

تصوروا معايا بقه ان كل اللي فات ده ما استفزنيش في حاجه... اه والله
ما تستغربوش _ ما كلنا اتعودنا عالمنظر ده _
اللي استفزني حاجه تانيه خالص _قصدي سادسه او سابعه _
انا كنت قاعده تقريبا في اول الاتوبيس
ومن التلت الاخير من الاتوبيس برغم الزحمه والمطبات وصوت الناس العالي
والتكييف اللي مبيشتغلش و......و........و.......الخ
كانت بترن ضحكات في ودني وكأن صاحبتها قاعده فوق راسي وبتضحك
في حياتي شفت كتير صوت عالي وضحك عالي
لكن كده..عمري ما شفت
البنت كانت بتضحك بمعدل ضحكه لكل 30 ثانيه_ شيء بشع _
اللي يغيظ بقه ان الضحكه كانت بتيجي من وسط زحمه وصوت عالي ومع ذلك عاليه
تخيلوا لو كان الجو هادي ومفيش زحمه ولا ناس واقفه ولا موتور الاتوبيس اللي اشتكي
كان الصوت هيكون عامل ازاي ؟؟؟؟

طيب تفتكروا ايه السبب ؟ صوتها ده وضحكها المتكرر مع ان صوت البنات اللي كانت بتكلمهم
مكانش عالي زيها هو كان عالي بس مش مستففز
وماسمعتش ضحكات خالص غير هي بس اللي كانت بتضحك كده
اكيد كانوا بيضحكوا بس في العادي مسمعتهمش _يعني اصحابها اهو مش كده_
هو البيت والتربيه ؟ ولا ايه ؟
انا مش لاقيه سبب تاني
ياريت تشاركوني بأرائكم وتجاوبوني علي سؤالي
وطبعا متنسوش ان مشكلة المواصلات بقت بايته
بس هقبل ارائكم فيها برده

السلام عليكم ورحمه الله وبركاته

ما قولنا قبل كده يا جماعه إن خلاص زمن البنات ولا وخلص ومبقاش فيه بنات
بقى فيه رجاله وبنات بتقلب على رجاله
حتى الولد فى المكان الزحمه بيتكسف يعلى صوته او يضحك بيحس إن الناس كلها بتبص عليه


بس أرجع وأقول
قال رسول الله صلى الله عليه وسلم
" تركت فيكم ما إن تمسكتم به لن تضلو بعدى أبداً {كتاب الله . وسنتى } "

فين بقه إحنا من كتاب الله وسنه مصطفاه
إحنا جيل الكوفير والكفاه والنت والآنسه روبى و نانسى وهيفا ربنا يخليهم للشعب المصر
بقى الحلم البنت تكون زى هيفا والشاب يكون تامر حسنى
عايش بحلم بلفت البنات حوليا والبنت بلفت الصبيان ونسينا دينا وعشنا لدنيتنا

وطول ما تفكرنا كده وعقلنا كده هنفضل
ملناش أى لزمه
وده ما هو إلا غضب من الله سبحانه وتعالى على عباده الغير مخلصين
ودلوقتى مفيش بإدينا غير التوجه إلى الله سبحانه وتعالى والدعاء والإستغفار

يـــــــــــــــــــــــــــــــــــــــــــــــــ ــــــــــــــــــــــــــــــارب

ده بس اللي مضايقك ؟
دا انتي طيبة قوي ..... اكيد انتي ماشفتيش التوك توك وبلاويه
او مابتركبيش مواصلات كتير زيي انا تقريباً بركب اربع مرات في اليوم عشان اعرف اروح الدروس الموجودة واحد شرق والتاني غرب
وبشوف حاجات زي مابيقولوا " يندى لها الجبين "
بس للامانة اكثر من مرة اركب الاوتوبيس وحد يقوم لي علشان اقعد
يعني لسه الدنيا شوية بخير
وشكراً للطرح
على فكرة هي مشكلة اخلاق

شكرا ليك يا محمد لمرورك
بس انت كده دخلتني لموضوع تاني
عايزه اقولك اني لمحت البنت دي
البنت كانت محجبه
تخيل معايا كده ورد عليا
البنت دي لابسه الحجاب ليه؟ فرض من اهلها مثلا؟
ولا علشان كلام الناس ؟
ياريت ترد عليا
انا طبعا لا أملك الا اني أقول معاك
يــــــــــــــــــــــــــــــــــــــــ ــــــــــــــــــــــــــــــــــــارب





شكرا la rouse لمرورك الكريم
وفعلا عندك حق الناس خلاص _ربنا يستر علينا_
اما بالنسبه للتوك توك انا عمري ما ركبته
بس هسأل ويمكن يتعمل له موضوع تاني
شكرا مره تانيه لمرورك يا قمر

بصى
فى مثل بيقول
" الحرامى بيستخبى فى سبحته "

محجبه بقه منقبه المهم السلوك
لكن هى فعلاً
حاجه مستفزه

لا حول ولا قوة الا بالله
محجبة كمان !!!!!!!!
هو بجد شئ مستفز ومحزن
انا طبعا مش بركب اتوبيس
بس فى الجامعة بشوف من دة كتير جدا وبكون فى قمة الاسى عليهم لكل شئ حدود :mad:
تضحك بس فى احترام ووتهزر فى حدود مش ضحك الصوت يجيب لاخر الدنيا ووووو حاجات كتير اوى ربنا يهدينا ويهديهم يارب

هو البيت والتربيه ؟ ولا ايه ؟

لا والله اوقات كتيرة مش بيكون السبب البيت بيكون السبب الصحبة السوء ولو انى بردو الواجب على البيت المتابعة
بس اولا واخيرا السبب بيكون البعد عن الدين كل لما بعدنا كل لما هنشوف من المواقف دة كتير
و
افتقاد الاحترام للذات والنفس دة بردو سبب من الاسباب

ربنا يهدينا جميعا

شىء مستفز فعلا وحصل معايا اكتر من مرة ...بيبقوا مشغلين نكت ع الموبايل او اغانى شعبية تقريبا وبيقعدوا يضحكوا باسلوب غريب وعجيب مايطلعش من الولاد اصلا
اعتقد بيتبعوا مقولة ( خالف تعرف) ...المهم لفت الانظار وخلاص حتى لو طريقة لفت الانظار كانت طريقة غير محترمة ...زى الولد اللى بيسقط البنطلون او اللى بيوقف شعره كأنه متكهرب او او ...
اللهم احفظنا وطلعنا منها على خير

انا بشوف اه بلاوى اكتر كمان بس هعلق ع حكاية الضحك ومياصة البنات دى

انا بقى دا كمان مش بشوفه فى المترو ولا الميكروباص بس ( صدق من قال انها عربية سيئات مش سيدات ، حتى لو حصلت خناقة فى المترو بتبقى فى عربية السيدات )

البنات اللى معايا فى الدروس ،، لو فاتوا عليا عشان حصة مكانها اتغير وهنروح سوا عشان معرفش الطريق او غيره

هما بالضبط 4 بنات بمشى معاهم
منهم واحدة بمشى معاها واقول لل2 التانيين اطلعوا قدامنا انتم
منهم بقى ،،
ممكن صوتهم يعلى فى الشارع وضحك مايص وعادى ، وممكن يزعقوا ويتخانقوا قال كمان فى الشارع وانا بقى اقعد اهدى واقول عيب كدة

دايما بمشى ببقى عاوزة اضربهم ،، باخد اللى معايا دى فى جمب واقعد ازعق لل2 التانيين ( مش بزعق بمعنى زعيق ،، يعنى اكشر لهم واشخط بصوت هادى بردو الناس مش سمعانا )
وعيب كدة يا بنات ميصحش افتكروا انكم بنات ،،، الخ
بس لا حياة لمن تنادى ،، يقولوا لى : سيبك ، و كلام غريب

وواحدة مثلا ترد ع مدرس الرياضة وهو بيشوفها حلت المسألة ولا لاء: تقول له وانت مالك كدة بمنتهى البساطة
والمستر بتاع الفيزياء بيقول : سكتوا البت دى بتستفزنى ،،

_______ربنا يهدى _________

العيب مش فى البيت ولا فى التربية و لا فى البنت حتى

العيب





فى




ودانا اللى بتسمع الضحكة
فياريت كل واحد يخلى معاه كيس قطن عشان يحطه فى ودانه لما يلاقى واحدة بتضحك زى اللى بتحكى عنها دى

و ميرسى لموضوعك الجميل

والله انا كنت قاعدة فى الاتوبيس و الناس (كتير قوى)وقفوا قدامى لدرجة ان شاب حط رجله على كتفى...........تصدقى.........مبقيتش عارفة اعمل ايه غير انى جبت شنطتى وحشرتها بينى وبينه وكنت ماكسوفة جدا وماقدرتش حتى اعرف احنا وصلنا فين.........متزعليش عادى النبى قال:بروا ابائكم يبركم ابنائكم وعفوا تعف نسائكم)صدق النبى الكريم لانه اكيد اسرتها.......ايزى....والبنت(عموما)عنوان بيتها وبيئتها................اعذرينى طولت عليكى.....ادعى لها بالهداية ولجميع المسلمين فى مشارق الارض ومغاربها.

*بيلا*

فعلا حاجة مستفزه جدا
النهارده بئا شوفت منظر غريب جدا
كنت راكبه في ميكروباص
وكان في ميكروباص ماشي جنبنا
فببص عالناس عادي
لقيت البنات اللي راكبين في اخر كرسي قاعيدن يطرقعو صوابعهم ومسخسخين وقاعدين بيرقصو كتافهم بجد
تخيلي
والبنات ما شاء الله لابسين اسدالات
بجد انا كنت هفرقع من الغيظ
بصي
هتلاقي ان الحجاب مش مفروض عليهم ولا حاجة
بالعكس لابسينه موضه
شكله حلو
وهتلاقي شعرهم وحش ولا حاجة فبيغطوه :D
ويمكن دا فعلا بسبب سوء التربيه
وانهم مش عارفين ان ده عيب وبعد عن الدين لان طبعا من الاساس اكيد مش عارفين ان دا حرام
والله بجد ربنا يهدي المسلمين جميعا ويرحمنا احياء واموات
وميرسي ليكي يا جميل ع الموضوع
تقبلي مروري

شكرا لمروركم كلكم

محمد المثل بتاعك والله في محله
عندك حق وهي فعلا حاجه مستفزه


فتاة الاسلام
بجد فعلا رأيك ممتاز وهي كلها احتمالات محدش عارف ايه الصح فيها
ويمكن كل الحاجات دي مع بعضها
و يارب يهدينا جميعا

علومجي
بتقول حتي لو كانت طريقة لفت الانظار غير محترمة..
تفتكر في طريقة لفت نظر من بنت للي حواليها تكون محترمة ؟
انا مفتكرش... الحال بقه ما يسرش ربنا يستر علي الاجيال الجاية


حابي
ياريت تبعدي عن الاتنين دول هيشبهوكي
ربنا يهديهم ويهدينا


بندق 2007
بدال ما نشتري اللبن بتاع الصبح احنا نشتري القطن
و نجرب بس بيتهيألي مش هيحوق _ صوتهم عالي اوى _
(( ملحوظه : قلت بدال اللبن لأن الميزانيه مش هتستحمل الاتنين مع بعض مهو احنا في مصر ))


بيلا
ما طولتيش ولا حاجه
جميله فكرة الشنطة دي اوعي تنزلي في مره من غيرها
هتحصل ازمة .. ممكن برده تشيلي فيها جزمه زياده
اللي يقربلك اديله بيها علي دماغه


همسه
بيرقصوا في الميكروباص ؟
هههههههههههه
انا لو كنت مكانك كنت حدفتهم بأي حاجه في ايدي
الحمد لله انه مش انا اللي كانت مكانك (( كنت هخسر الحاجه اللي هحدفهم بيها :( ))
ممكن فعلا يكون شعرهم مش حلو (( كنتي قوليلهم ع الوافير اللي ع الناصيه اسعاره رخيصة ))

بصى هى مشكلتنا اننا مش بنقدر نفصل بين البيت و الشارع

يعنى البنت الدلوعة فى البيت لازم تثبت ده بره انتى فاهمة لاسباب معينة الله اعلم بيها

بس بصى انا هقولك ع حاجة انا على نفسى شخصية عصبية جدااااااااااااااااااا و لما بتعصب لو كان اللى قدامى مستفز بتنرفز و فعلا صوتى بيعلى بس ده بيبقى خارج عن ارادتى انتى فاهمانى و كمان مش فى الشارع

لانى بصراحة عارفة نقطة ضعفى _عصبية موووووووووووووووووت_فبتجنب انى اتعصب فى اى مكان لدرجة ان صوتى يعلى

بس ارجع و اقولك اى انسان ليه البصمة الاخيرة ع شخصيته التربية ليها عامل اه و الاخلاق و كل حاجة بس الواحد لو مش عايز يتغير .........انسى ان اى حد يقدر عليه خاصة البنت

بصى هى مشكلتنا اننا مش بنقدر نفصل بين البيت و الشارع

يعنى البنت الدلوعة فى البيت لازم تثبت ده بره انتى فاهمة لاسباب معينة الله اعلم بيها

بس بصى انا هقولك ع حاجة انا على نفسى شخصية عصبية جدااااااااااااااااااا و لما بتعصب لو كان اللى قدامى مستفز بتنرفز و فعلا صوتى بيعلى بس ده بيبقى خارج عن ارادتى انتى فاهمانى و كمان مش فى الشارع

لانى بصراحة عارفة نقطة ضعفى _عصبية موووووووووووووووووت_فبتجنب انى اتعصب فى اى مكان لدرجة ان صوتى يعلى

بس ارجع و اقولك اى انسان ليه البصمة الاخيرة ع شخصيته التربية ليها عامل اه و الاخلاق و كل حاجة بس الواحد لو مش عايز يتغير .........انسى ان اى حد يقدر عليه خاصة البنت
العصبية دي مرض من أمراض العصر
من اللي بنشوفه
انا كمان بطبعي عصبيه لكن مش جدا زيك كده
في مواقف لازم ناخد بالنا فيها خاصة و احنا في الشارع
نحاول نمسك اعصابنا وما نتنرفزش ده علي الاقل لو بنحب اهلنا قبل نفسنا
لان اول كلمه هتتقال هي ان اهلها معرفوش يربوها
بيتهيألي لو اي بنت اخدت بالها من النقطه دي وكانت بتحب اهلها بجد
مش هتعمل كده ابداااااا
و ربنا يهدينا جميعا

العصبية دي مرض من أمراض العصر
من اللي بنشوفه
انا كمان بطبعي عصبيه لكن مش جدا زيك كده
في مواقف لازم ناخد بالنا فيها خاصة و احنا في الشارع
نحاول نمسك اعصابنا وما نتنرفزش ده علي الاقل لو بنحب اهلنا قبل نفسنا
لان اول كلمه هتتقال هي ان اهلها معرفوش يربوها
بيتهيألي لو اي بنت اخدت بالها من النقطه دي وكانت بتحب اهلها بجد
مش هتعمل كده ابداااااا
و ربنا يهدينا جميعا


حبيبة قلبى لو قريتى كلامى كويس كنتى تعرفى انى بتجنب اى حاجة ممكن تعصبنى فى الشارع

مش للاهل بس لا للدين يا حبيبتى

حبيبة قلبى لو قريتى كلامى كويس كنتى تعرفى انى بتجنب اى حاجة ممكن تعصبنى فى الشارع

مش للاهل بس لا للدين يا حبيبتى

ارق ملاك يا حبيبة قلبي
انا اخدت بالي من كلامك
وردي مكانش عليكي انتي
انا كنت اقصد البنات عموما
اسفه لو كان وصلك غير كده
والله ما قصدت
و عموما حفاظي علي اهلي وسمعتهم
ده من الدين برده
يعني ده جزء لا يتجزأ من ده
و اتمني متكونيش زعلانه مني
انا والله ما قصدتك انتي
وشكرا لمرورك حبيبتي

للاسف امثال هذه البنت كتروا فى زماننا هذا
لا املك سوى الدعاء لهم بالهدايه

ارق ملاك يا حبيبة قلبي
انا اخدت بالي من كلامك
وردي مكانش عليكي انتي
انا كنت اقصد البنات عموما
اسفه لو كان وصلك غير كده
والله ما قصدت
و عموما حفاظي علي اهلي وسمعتهم
ده من الدين برده
يعني ده جزء لا يتجزأ من ده
و اتمني متكونيش زعلانه مني
انا والله ما قصدتك انتي
وشكرا لمرورك حبيبتي

حبيبتى و لا يهمك مش زعلانة منك خالص و الله احنا اخوات فى اخت تزعل من اختها

و ع فكرة انا موافقة ع كلامك

شكرا استاذه رانيا لمرورك الكريم
وفعلا هما كتروا
ادعي معانا ربنا يهديهم ويهدينا جميعا لما يحبه ويرضاه


ارق ملاك
حاسه ان اسمك فيه منك كتير
انتي فعلا رقيقه وعامله زي الملايكه
يبان في كل مشاركاتك
انا احبك في الله
وطبعا اخوات و مش هنزعل من بعض خالص

هو فعلا شئ مستفز
دلوقتى والله البنات بقوا اكثر جرأة من الولاد
لا حول ولا قوة الا بالله
اين ذهب الحياء
وللاسف أى بنت بتعمل كده مش بتسئ لنفسها فقط ولكنها تسئ الى الحجاب والى الاسلام ايضا
ولكن أمة محمد "عليه الصلاة والسلام " مازالت بخير وفعلا هناك فتيات في قمة الاحترام وربنا يكثر من امثالهن
اللهم اهدى جميع فتيات المسلمين
جزاك الله خير على هذا الموضوع

اللهم اهدى جميع فتيات المسلمين

امين يارب العالمين
شكرا لمرورك اختي الفاضله
جزانا الله واياكم كل خير باذنه تعالي

بصي عشان اكون صريحه معاكي
انا اذا نسيت نفسي ممكن تسمعي اكتر ضحكه مستفزه في حياتك :d
عشان كدا بمسك نفسك بالذات في الشارع وببقي عامله زي الغفر:d
اما بالنسبه للبنات دول فهما كتير وغالبا الضحكه دي بتكون مقصوده ومصطنعه
ودا ناتج علي الهو اللي جوا بكسر الهاء:d
يعني من الاخر مخهم وتفكيرهم فاضي وتافهه وابعد عن الشر وغنيله احسن
لان اللي زي دول خساره فيهم النصيحه :)

السلام عليكم ورحمة الله وبركاته
طبعا المشهد اللي بتحكيه ده عادي جدا
وفي النطاق العادي
والرسول صلي الله عليه وسلم قال " إن لم تستح ِ فاصنع ما شئت "
وفيه بنات بقت كتير كدا فعلا
انا في الأول - الله يرحم -
كنت فاكر ان الصبيان الجنس الوحيد اللي ممكن يعمل غلط والبنات لاء ( علي اساس انهم ملائكه وحور )
لقيت ألعن واسخم ماشاء الله - هو فيه حاجة بتفضل علي حالها يابني - علي رأي الانسه اطاطا

هي أولا دي غلطه من الأهل
فلو دي كانت حاجة طبيعيه وغصبن عنها وانها مهزاره - كثيره الهزار -
فدي غلطه الأهل
كان مفروض يعودوها من صغرها انها بنت
اقصي ضحكه ليها اللي تبان فيها سنانها
دي ضحكة المسلم اصلا
اقصي ضحك له لما يبان فيها سنانه وبتبقي بصوت خفيف
سواء بنت ولا ولد
مش دلوقتي "هعهعهعهعهع"




لو هي مصطنعه فأدعو لها بالهدايه
واسأل الله ان يمنحها العقل هي وامثالها
اللهم اسألك الهدايه لهم ولهن جميعا


---
بالنسبه لعروبة

لان اللي زي دول خساره فيهم النصيحه

من امتي والنصيحه في الإسلام خسارة
وايه الشروط اللي ربنا والرسول قالوا عليها لما نيجي ننصح واحد ومقبلهاش
نقول خساره فيه النصيحه ?
:)
---

دمتم بود جميعا
وجزاك ِ الله كل خير

--

ملحوظة
انا مبركبش اتوبيسات اطلاقا
ولا قطارات إلا ومكيفه ولو المكيف زحمه مركبهوش
مش بقولك عشان ابينلك اني ربنا رازقني واقدر ادفع في مواصلات تانيه
لاء حتي لو مكانش معايا
ممكن استلف
وممكن ادفع لتاكسي 20 جنيه
حتي لو الاتوبيس بـ 20 قروش
لاني لحسن الحظ عندي فوبيا الاماكن الضيقه
فأقل ما يُقال
ياقاتل
ياقاتل
العمر مش لعبه
:rolleyes:

والله الدنيا دى بقى بيحصل فيها حاجات كتيرة اوى مستفزة والحمد لله ان الحاجات اللى بتحكوا عليها دة مش فى كل المناطق يعنى انا مشوفتش الكلام دة غير فى القاهرة

بس بجد انا مبقدرش اسيطر على نفسى فى الحاجات دى اقل واجب قلمين ولا حاجة

شى مستفز جدا انا الصراحة عمرى مركبت اتوبيس او موصلات بس الاكتر استفزاز انى مرة كنت فى كلية صيدلة مع اخى وحضرت معاهة المحضرات الدكتورة واقفة تشرح والطلبة قاعدين بيسمعوا mp3ولا هممهم مش عارفة دخلوا صيدلة اذاى؟؟

لا اله الا الله * العيب مش فى الزمن العيب فينا

الموضوع فعلا محتاج مناقشة كتير بس اكلام مش بيعبر عن كل حاجة

والموضوع مهم جدا

بس انا من صدمتي مش قادرة اتكلم ولا اقول اي حاجة غير ان ربنا يهديه ويهدي امثالها يااااااااااااااااااااااااااااااااارب

وربنا يحمي اي حد بيركب الاتوبيسات او اي مواصلات

ولا تتعرضوا لا شيئ وحش ابدا

امين يا رب

عروبة
تمسكي بأن تكوني كالغفر:D
لا بصي مش لدرجة الغفر بس زي منا قلت قبل
كده احنا قدر الامكان هنحافظ علي نفسنا وكرامتنا وسمعتنا
بس و هما اكيد دماغهم فاضيه ده شيء مفروغ منه
لكن تفتكري ازاي ممكن نساعدهم انهم يملوها؟؟؟؟
نورتي موضوعي يا قمر وحاولي تجاوبي علي السؤال

استاذ أحمد ياللي نورت و شرفت موضوعي
انا مع حضرتك في رأيك وفي كل كلمة قلتها
الا ان اطاطا انسه (( يبقي عوكل ده مش تبعها بقه :unsure: ))
اما بالنسبة لانك مش بتركب اتوبيس ولا قطارات زحمة
طيب حضرتك بتخاف من ايه؟؟ وليه بقه البنات مش بتخاف؟؟
هو كله اتقلب .. حتي في دي ؟؟؟؟؟
ربنا يهدي بنات المسلمين اجمعين وشبابهم طبعا
بس البنات الاول اديك شايف الحال
و شكرا لمرورك اللي اسعدني جدااااااااا


استاذ حسام
واضح انه حضرتك مش بتركب في حته غير القاهره
اللي حضرتك متعرفوش انه مصر كلها بقت كده حتي الصعيد
والنبي عليه الصلاه والسلام قال (( من رأي منكم منكرا فليغيره بيده
فإن لم يستطع ف بلسانه وان لم يستطع ف بقلبه وهذا اضعف الايمان ))
صدق الرسول الكريم
ف لو حضرتك عندك القدره انك تدي قلمين اديهم ومتخافش هتروح عند ربنا صحيح
بس في حاجه كويسه وكلنا هناخد عزاك متقلقش عليه:lol:
شكرا لمرورك


الامبراطورة
ده برده بيحصل في كل الكليات مبقتش تفرق
صيدله زي تجارة زي علوم زي اي معهد ( كله زي بعضه )
اصلها مبقتش بالكليات ولا بالمستوي العلمي احنا قلنا
هي ازمة دين و تربية
نورتيني يا قمر

طائر الحزن
نعيب زماننا والعيب فينا .. وما لزماننا عيب سوانا
فعلا احنا اللي بوزنا كل حاجه
شكرا لمرورك

نيرو
هي فعلا صدمه بس مش اوى بيتهيألي
ههههههه
الناس بقت فاضيه من جواها مبقاش في حد عنده هدف
بيحاول يحققه لكن بقه كله عايشها كده زي ما تيجي
بيعيشوا النهارده للنهارده
فاكرينها دايمة
شكرا لمرورك


شكرا لكل اللي مروا ووضعوا ردودهم وارائهم
شكرا جزيلا اخوتي واخواتي
هدانا الله جميعا لما يحبه ويرضاه

---
بالنسبه لعروبة



من امتي والنصيحه في الإسلام خسارة
وايه الشروط اللي ربنا والرسول قالوا عليها لما نيجي ننصح واحد ومقبلهاش
نقول خساره فيه النصيحه ?
:)
---



اقولك انا ليه خساره فيهم النصيحه لان البنات المايصه دول مش مستنين حد يعرفهم الصح من الغلط خلاص معدل سنهم من 16 لما فوق يوصل ل25 يمكن اكتر
مش محتاجه انا اقولهم دا غلط ودا صح ودا حرام ودا حلال وانا ممكن انصح اي حد في اي غلطه ان شا الله تكون سرقه انما الموضوع دا بالذات تقدر تقول حاجه شخصيه :)البنت اللي متحافظش علي سمعتها وشرفها وكرامتها افضل عقاب ليها انك تسيبها زي ما هي كدا :)

اقولك انا ليه خساره فيهم النصيحه لان البنات المايصه دول مش مستنين حد يعرفهم الصح من الغلط خلاص معدل سنهم من 16 لما فوق يوصل ل25 يمكن اكتر
مش محتاجه انا اقولهم دا غلط ودا صح ودا حرام ودا حلال وانا ممكن انصح اي حد في اي غلطه ان شا الله تكون سرقه انما الموضوع دا بالذات تقدر تقول حاجه شخصيه :)البنت اللي متحافظش علي سمعتها وشرفها وكرامتها افضل عقاب ليها انك تسيبها زي ما هي كدا :)[/center]

وياتري دي حاجة تبع الاهواء
ولا في ديننا وديننا امرنا اننا نعملها يا آنسه سارة
وانتي ايه عرفك ان هي عرفه ان ده غلط
وياستي هي لو عرفه ان ده غلط بردو
احتمال بكلمتك تكوني انتي سبب في هدايتها
وبعدين هو كل واحد عارف الصح من الغلط ميستاهلش الدعوه
وخساره فيه النصيحه ؟
:)
علي العموم ربنا يهدي الجميع

طيب حضرتك بتخاف من ايه؟؟ وليه بقه البنات مش بتخاف؟؟


مش قولنا نغير الاسم ده يا دائمه الحزن
;)
انا زي ما قولتلك عندي فوبيا من الاماكن المزدحمه
يعني مينفعش ادخل اسواق
او اركب قطارات
او اتوبيسات
:)

وياتري دي حاجة تبع الاهواء
ولا في ديننا وديننا امرنا اننا نعملها يا آنسه سارة
وانتي ايه عرفك ان هي عرفه ان ده غلط
وياستي هي لو عرفه ان ده غلط بردو
احتمال بكلمتك تكوني انتي سبب في هدايتها
وبعدين هو كل واحد عارف الصح من الغلط ميستاهلش الدعوه
وخساره فيه النصيحه ؟
:)
علي العموم ربنا يهدي الجميع

يـــــــــــــــــــــــــــــــــــــــــــــــــ ـــــــــــــــــــــــــارب
يا استاذ أحمد


مش قولنا نغير الاسم ده يا دائمه الحزن
;)

قلنا
بس بصراحة مش لاقيه نفسي غير بالاسم ده
مش قادره الاقي حاجه تانيه
يمكن لما اهدي اكتر الاقي اسم افضل
عموما ياريت لو عند حضرتك اسم قولي عليه
انا زي ما قولتلك عندي فوبيا من الاماكن المزدحمه
يعني مينفعش ادخل اسواق
او اركب قطارات
او اتوبيسات

ربنا معــــــــــــاك يا استاذنا:)
عروبه انا مع الاستاذ أحمد
ياريت راجعي نفسك تاني
وشكرا لمروركم