يلا بينا يلا بينا مفيش وقت انجججججججززززز [الأرشيف]

Engineer ..

15-04-2012, 07:46 PM

لسه هقول ازيكم
يا جماعة يلا مفيش وقت لسه قليل ع الإمتحانات
كل واحد يش حيله و يقرب من ربنا جااااااااامد وإن كان مقصر في طاعة الله فالله غفور رحيم
كتر من الإستغفار قول أستغفر الله العظيم كتييييييييير
وخلي مذاكرتك محفوفه بذكر الله عشان الملايكة يبقوا معاك في مكانك وتنزل عليك السكينة و تجيب مجموع عالي و تفرح أهلك
ياااااااااااااااااه يوم ما نجحت في الثانوية العامة بمجموع كنت فاقد الأمل اني هجيبه في 3 ثانوي مكنتش مصدق نفسي
الحاجات دي أنا مش بحب أتكلم فيها بس مضطر أتكلم عشان اللي بيقول هيهات مش هقدر
انسى
انا مش بفهم اوي ومخي على قدي و مش بعرف أحفظ كمان لكن عندي إرادة و قدرت أخلص المنهج والله بسهولة جداً بتوفيق الله أنا أفتكر اني قولت بالنص " يارب متخزلنيش يارب متخزلش أمي يارب متخزلش والدي اللي تعب عشان يربينا كلنا يارب خلي صورتي عند الخلق طيبة يارب مع احترامي لكل الوظائف نفسي أدخل هندسة و أبقى مهندس يارب متخزلنيش لو عليا فأنا مش مهم لكن أمي وأبي أين يذهبون ؟ " اقسم بالله يا جماعة حسيت ساعتها اني دخلت هندسة وأمنت وسلمت بالقضاء والقدر خصوصاً اني كنت فاقد الأمل أصلاً لكن يشاء ربنا اني أدخل الكلية بفرق 1ونص درجة فقط
ايوة والله اللي حضراتكم مش عارفينه ومفكرني شاطر و ممتاز بالعكس تماماً أنا ولا حاجه بدون ارادتي بعد توفيق الله
صدقوووووووووووووووووووووني أنا كنت بلعب لعب طوووووووول السنة ,, ومازلت ومش بحرم :d .. لكن بجد الضرورة ليها وقتها وحالياً حان وقت الضروووووووووووووورة
والله اللي ما ذاكرش من أول السنة أنا نفسي أمسك ودانه و أخلعها كلها منه لكن أقدر أقوله دلوقتي اعمل اللي عليك أنا ياما اتشد وداني . لغاية ما كبرت :d , وقدرنا نوصل في الأخر بفرق صغير جداً جداً جداً زي ما قولتلك 1ونص درجة أنا قلبي حاسس انهم بسبب الدعوة اللي دعيتها لنفسي دي
يا حبيبي ويا أختي احنا كلنا رسالتنا واحده تعمير الأرض بجد لازم نعمر الأرض دي مينفعش ميبقاش لينا أهمية في المجتمع و احنا اللي نقدر نبني المجتمع واياك تفقد الأمل أبداً و تذكر مقولة الدكتور ابراهيم الفقي رحمه الله كان بيقول " عش كل لحظة في حياتك كانها أخر لحظة في حياتك " استغل الكسر من الثانية نظم وقتك دلوقتي اتعلم ازاي تكون منظم من خلال تجربتك دي ف ال6 اسابيع اللي جايين
شششششششششششششششششششششششد حييييييييييييييييييييييلك
لله أولاً
لوالديك ثانيا
لنصرة الأمة ودينك السمح ثالثاً
مش مهم انت دلوقتي انت لو عملت ال3 دول فده أعظم مكانة ممكن تاخدها لأنك هتبقى عبد لله سبحانه وتعالى انت بكده نفذت أمره كاااااملاً
يلا بئه نظم نفسك كويس و خلي عندك ثقة في الله وفي نفسك وإن الله لا يضيع أجر من أحسن عملاً
هتكتب ورقة كده من اللي هي اللي بيقولوا عليها الفلوسكات دي :d هههههههه
الفلوسكاب افتكرت ايون صح كده :d
هتكتب فيها الأيام اللي فاضله من عمر الدراسة
الأحد 15/4/2012
الإثنين 16/4/2012
الثلاثاء 17/4/2012
وهكذا لغاااااية يوم 8/6/2012
وتكتب المهام اللي هتعملها في اليوم ده حسب راحتك انت بحيث ان كل يوم تكون مخلص اللي قولت عليه و لو مقدرتش ,, وده دلع ,, يبقى حاجات الاسبوع فعلاً تكون مخلص اللي قولت عليه في الأسبوع ده كما ينبغي :)
واللي عنده أي استفسار كلنا تحت أمركم هنا و على بركة الله ابدأوا بئه
ملحوظة بس صغيرة
أنا عايز أقدم كل احترامي وتقديري للمحترم اللي تعب من أول السنة لأخرها و أقوله ربنا يزيدك عمل وجهد وينفع بيك الأمة كلها ويفرح والديك بيك و أنصحه ألا يغتر في نفسه :)
و أقدم للكسلان و اللي لسه جاي يفوق دلوقتي نصيحة صغيرة جداً .. اللي فاضل وقت مش قليل اخواتك في الكلية بيذاكروا قبل الإمتحان بشهر ويجيبوا امتياز وانت عارف منهج الكلية عامل ازاي بس الفرق التوتر فقط لا غير فشد حيلك وبلاش تبيع القضية والا انت حر :d

بالتوفيق يا أحلى جيل ان شاء الله

هالة محمد 2

15-04-2012, 09:02 PM

حسونة بيه

15-04-2012, 10:16 PM

اولا موضوع جاى فى وقتة
بس فى حاجة الكل بيقولها ودى غلط
يعنى كدا الواحد ميكونش متقرب من ربنا ودلوقتى علشان الامتحان نقول نتقرب من ربنا
طيب لية دا امتحان عادى امال امتحان يوم القيامة نعمل اية
لازم يا جماعة تقربنا من ربنا مش يكون علشان امتحان او فى محنة لا لازم نكون اصلا بدون اى حاجة متقربين من ربنا
وربنا يوفق الجميع يارب
جزاك الله كل خير
انا مش عارف اقولك بجد ايه غير ربنا يحميك ويحفظك يارب والله العظيم انا دلوقتى اتغيرت 360 درجة وبذاكر حوالى يعنى 14 ساعة عاوز اخليهم 18 بس مش قادر الحقيقة (النوم غلاب) وبصراحة حاسس انى مش هقدر اجيب مجموع انا متعبتش زى اللى تعب من اول السنة او ممكن عشان مش متفوق ومستوايا عادى السنين اللى فاتت بس والله العظيم انا انفسى ابقى حاجة كويس وناجح فى حياتى
ياااااااااااااااااارب وفقنا يارب وربنا يوفقك يا بشمهندس ويحميك لاهلك
وبجد توبيك اكتر من رائع وجدد طموحى

حسونة بيه

15-04-2012, 10:18 PM

Dr/Reem2011

16-04-2012, 03:25 PM

الموضووووووووووووووووووووووووووووع راااااااااااااااااااااااائع ياباش مهندس
بس مش مستغربين طبعا لان ده العادي منك
ربنا يزيدك يارب ويجعله في ميزان حسناتك ياااااااارب :)

د/نداء الجنة المصرية

16-04-2012, 07:43 PM

شكرا على الموضوع الرائع ده ياباش مهندس جه فى وقته لانى كنت لسه قايمة من على كتاب الاحياء شايفة الدنيا رمادى بسبب اول امتحان كامل احاول احله يللا اقوم احاول تانى

EZEL coming

17-04-2012, 07:26 AM

موضوع جميل وجزاك الله خيرآ

جهاد14

17-04-2012, 10:55 AM

Engineer ..

18-04-2012, 12:48 AM

اولا موضوع جاى فى وقتة
بس فى حاجة الكل بيقولها ودى غلط
يعنى كدا الواحد ميكونش متقرب من ربنا ودلوقتى علشان الامتحان نقول نتقرب من ربنا
طيب لية دا امتحان عادى امال امتحان يوم القيامة نعمل اية
لازم يا جماعة تقربنا من ربنا مش يكون علشان امتحان او فى محنة لا لازم نكون اصلا بدون اى حاجة متقربين من ربنا
وربنا يوفق الجميع يارب
جزاك الله كل خير

أولاً أنا بشكرك وبشكر بمرورك الجميل وأسف على التأخير في الرد للإنشغال :d
ومعاكي حق بصراحة
لكن قصدي اننا نقرب من ربنا أكتر في الفترة دي وربنا سبحانه وتعالى بيرحب بضيوفه وبيكرمهم
وجزاكي مثله
شكراً مرة تانية للمرور :)

Engineer ..

18-04-2012, 12:52 AM

انا مش عارف اقولك بجد ايه غير ربنا يحميك ويحفظك يارب والله العظيم انا دلوقتى اتغيرت 360 درجة وبذاكر حوالى يعنى 14 ساعة عاوز اخليهم 18 بس مش قادر الحقيقة (النوم غلاب) وبصراحة حاسس انى مش هقدر اجيب مجموع انا متعبتش زى اللى تعب من اول السنة او ممكن عشان مش متفوق ومستوايا عادى السنين اللى فاتت بس والله العظيم انا انفسى ابقى حاجة كويس وناجح فى حياتى
ياااااااااااااااااارب وفقنا يارب وربنا يوفقك يا بشمهندس ويحميك لاهلك
وبجد توبيك اكتر من رائع وجدد طموحى

ربنا يخليك
أنا فرحت جداً والله انك قولت كده و ياريت بجد تبشرني بالخير على طول كده :d
هات الوسط الحسابي بتاعهم

14+18
ــــــــــــــ =16 ساعة حلوين أوي :d
2
ومتقولش انك مش هتقدر تجيب مجموع لأ انت تقدر انت ذكي انت عندك قوة وعزيمة وارادة قوم واتحرك و اشتغل واتعب قوم قوم متتفرجش كده ومتحطش اديك على حدك قوم وكلم نفسك بصوت عالي وقولها أنا هقدر انا هقدر لغاية قبل الإمتحان يدقيقة وانت تديها الأمل
ربنا يخليك و باذن الله تكون حاجه مشرفة ودعواتك بس مش أكتر والله ادعيلي بس :d
وربنا يوفقك ان شاء الله

Engineer ..

18-04-2012, 12:54 AM

الموضووووووووووووووووووووووووووووع راااااااااااااااااااااااائع ياباش مهندس
بس مش مستغربين طبعا لان ده العادي منك
ربنا يزيدك يارب ويجعله في ميزان حسناتك ياااااااارب :)

ربنا يخليكي يا دكتورة ريم انتي مرورك الأجمل قطعاً
امين يارب وربنا يعزك ومستنين منك حاجه حلوة برده ياريت متحرميناش من تواجدك الثري
:d
نورتي التوبيك :slap1qk6:

Engineer ..

18-04-2012, 12:56 AM

شكرا على الموضوع الرائع ده ياباش مهندس جه فى وقته لانى كنت لسه قايمة من على كتاب الاحياء شايفة الدنيا رمادى بسبب اول امتحان كامل احاول احله يللا اقوم احاول تانى

ههههههههههههه
رائع والله
يارب تكوني حلتيه كويس وصح ان شاء الله
وعقبال ال50 في المواد كلها أحياء و فيزيا و المادة الأدبية :d
نورتي التوبيك يا دكتورة
وابقي طمنينا برده:028ja7:

Engineer ..

18-04-2012, 12:58 AM

طيب اللي كان بيذاكر من اول السنة زي حالتي ومكنش فيه حد في حماسه جه على الاخر وضيع نفسه وقعد اخر 3 شهور في تضيع الوقت بعد ماكان بيذاكر بحماس بقا بيذاكر بملل لكن بعد ماقريت الموضوع ده اوعد حضرتك اني هشد حيلي وربنا يكرم حضرتك على اللي بتعملو معانا\ه ويوفقك ويوفقنا كلنا

ماهو انا بقول حاجه
انك تكمل وتشد أكتر الفترة الجاية دي وتحمس نفسك عشان تبقى بنيت نفسك بنفسك ومحدش ليه فضل عليك بعد الله ثم والديك :)
لازم تشتغل أكتر من الفترة اللي فاتت مفيش وقت يلا انجز بجد وحللك امتحانات كتير
وربنا يوفقني ويوفقك ويوفق كل الطلبة في مصر والعالم كله :d

Engineer ..

18-04-2012, 12:59 AM

موضوع جميل وجزاك الله خيرآ

وجزاك مثله شكراً لمرورك الجميل:rolleyes:

د/نداء الجنة المصرية

18-04-2012, 01:44 AM

ههههههههههههه
رائع والله
يارب تكوني حلتيه كويس وصح ان شاء الله
وعقبال ال50 في المواد كلها أحياء و فيزيا و المادة الأدبية :d
نورتي التوبيك يا دكتورة
وابقي طمنينا برده:028ja7:
ياااااااااارب بس انا فعلا خفت ارجع احل امتحان وكان فى جزء مش مراجعة عليه كويس رجعت له بس هحاول تانى برضه اصل كل مااشوف طول امتحان الاحياء اتفزع

Engineer ..

18-04-2012, 03:30 AM

ياااااااااارب بس انا فعلا خفت ارجع احل امتحان وكان فى جزء مش مراجعة عليه كويس رجعت له بس هحاول تانى برضه اصل كل مااشوف طول امتحان الاحياء اتفزع

يا بنتي دا سهل والله الأحياء هايفة :)
شوية معلومات عامة بس :d
احفظي كويس أوي الفترة دي يا سارة عشان تجيبي 50
لأن الوقت ضيق ف الإمتحان :)

بقايا قلب

18-04-2012, 04:40 AM

Engineer ..

18-04-2012, 05:04 AM

موضوع جميل كالعاده يا باشمهندس :d

بس بصراحه انا مش عارف الامبالاه اللى نزلت عليا السنه دى ليه ؟؟;)

حاسس كده ان انا مطمن .. يعنى انا خلصت وراجعت بس حاسس انى هنام الشهر ونص ده

ربنا يستر ... :romarioxp6:

الجماعه فى البيت عندنا قلبوها مناحه وصويت ولطم ( :bosyht9: )

كل ده علشان زهقت شويه

وده جزاء اللى يذاكر من اول السنه حلو

( انا والله كنت هحلف انى مش هفتح كتاب تانى )
بس المسامح كريم

يعنى انا هعاقبهم ولا هعاقب نفسى:friendsxs3:

بيحسسونى انى ما فتحتش كتاب من اول السنه

ان شاء الله هاخد 3 ايام اجازه وارجع تانى

دعواتكم

أولاً أنا بشكر مرورك الجميل
ثانياً مش مشكلة لما ترفه عن نفسك شوية الحياة مش شغل دايماً
:)
ابتسم للخير و خد راحتك 3 أيام و ياريت تنام فيهم بدري وتصحى الفجر في المعاد ده
جسمك هيرتاح وهتتنشط للمذاكرة كمان وكمان
وعايز أقولك كلمة الحاج والدي الله يحفظه دايماً بينصحني بيها
تدفع كام ؟ دي غالية أوي :d
"دماغك بتفرح لما تشغلها وبتزعلك لما بتركنها ":)
الكلمة دي خطيرة أوي :d
يلا بئه شغل دماغك و ظبط كده ذاكر أكتر وأكتر ومتملش من عمل في سبيل الله أبداً
حفظ الله مصر وشعبها وسدد على طريق الحق خطاها
والله الموفق والمستعان
,, المجلس الأعلى للقوات الطهطاوية :d

بقايا قلب

18-04-2012, 05:23 AM

"دماغك بتفرح لما تشغلها وبتزعلك لما بتركنها "http://1.1.1.5/bmi/thanwya.com/vb/images/smilies/smile.gif

تصدق ... جامده مووووت دى

عنده حق والله .. ربنا يباركله ويحفظه يارب

-------------

وان شاء الله انا مش طول فى القعاد

يعنى شويه كده وان شاء الله هرجع للكتب تانى

وربنا يسهل ان شاء الله

Engineer ..

18-04-2012, 05:36 AM

تصدق ... جامده مووووت دى

عنده حق والله .. ربنا يباركله ويحفظه يارب

-------------

وان شاء الله انا مش طول فى القعاد

يعنى شويه كده وان شاء الله هرجع للكتب تانى

وربنا يسهل ان شاء الله

اللهم امين يارب
ربنا يخليك ويحفظك
وعلى فكرة في بيت بيقول
وكم من علوم في بطون الكتب ..... وعُشر العُشر منها لا يٌطبقُ
ولو أننا طبقنا ما جاءت به ,,,,, لكان لنا فوزاً وخير و أرفقُ

يعني لو طبقنا اللي بنسمه من نصايح هيبقى اسهل لينا من اننا نطنشه
:d

amirahosni

18-04-2012, 09:57 PM

Engineer ..

18-04-2012, 10:18 PM

ربنا يكرمك والله الموضوع جميل
بس حاسة اني مش هجيب اي حاجة خالص
انا اصلا وانت عارف ان في مواد كتير وكل لما بلاقي الوقت خلاص بحبط اوي وانا والله نفسي اجيب مجموع
انا امش بذاكر غير 3 ساعات بالكتير اوي ودماغي بتصدع او بتخنق ومبشربش منبهات الحمد لله بقول اشربها يمكن تضيع الصداع بس بخاف متحوقش والصداع يزيد وادمانها كمان
ده غير انه في النصوص اصلا مفتحتهاش
ده موادنا
شرعي ( توحيد -فقه -ميراث-تفسير -حديث )
عربي ( ادب - نصوص - بلاغة -نحو -صرف )
فيزياء - كيميا - اجياء - رياضة -انجليزي
حاجة تسد النفس مش كده
علي فكرة كل مادة لوحدها امتحان باستثناء الفقة مع الميراث والادب مع النصوص
ممكن تساعدني وتقلي ازاي اظبط المواد علي الوقت اللي فاضل وصراحة الاحياء عكة فيها خالص
ومفيش وقت والواحد بيتخق خالص والله :(

أولاً أهلا بيكي
بصي الإحباط مش بيزيد الشخص غير احباط تاني أشد منه ,,, مينفعش أفكر ف الإمتحان دلوقتي لأنه زي ماهو شئ ثابت مش هيتغير خالص خالص خالص
لكن في نقطه هنا
المواد كتيرة بعض الشئ لكن دا جهاد اجتهدي في اليومين دول بجد والله زي ما قولت مكوناش نعرف حاجه خالص عن اي مادة غير العناوين والله والحمد لله عرفنا نتخطى الإحباط بإرادة قوية
انتي كمان خلي عندك ارادة وركزي كويس في اللي بتعمليه
يعني 4 أيام متعرفيش تخلصي فيهم مادة ؟
والله تعرفي وسهل جداً

قوليلي عايزة ايه وانا تحت أمرك بس شدي حيلك متعتمديش الا على الله

حسونة بيه

18-04-2012, 10:25 PM

doha94

18-04-2012, 10:59 PM

انا زهقت من العربى مش عارفه المه خالص كتييييير جدا
اعمـــــــــــل اييييييه بيتنسى بسرعه وبالذات الادب والقراءه تنحه اووووووووووى :blush:

د/نداء الجنة المصرية

19-04-2012, 01:54 AM

انا زهقت من العربى مش عارفه المه خالص كتييييير جدا
اعمـــــــــــل اييييييه بيتنسى بسرعه وبالذات الادب والقراءه تنحه اووووووووووى :blush:

على فكرة العربى ده بمذاكرة قليلة بيتلم يعنى انا مقضية طول السنة احياء وفيزيا والعربى ده معتمده على ساعتين الدرس فى الاسبوع وجيت دلوقت لقيت العربى احسن ماتقلقيش من العربى لانك مجرد ماتفهمى الفكرة تقدرى تكتبى زى ماانتى عايزة اما الادب فسهل يعنى اى نعم هو طويل بس هم كلمتين بتكتبيهم فى كل سؤال مع شوية تحريف بس يعنى المدارس كلها تقريبا نفس النمط والحاجات المختلفة بتبقى سهلة وواضحة

amirahosni

19-04-2012, 06:28 AM

أولاً أهلا بيكي
بصي الإحباط مش بيزيد الشخص غير احباط تاني أشد منه ,,, مينفعش أفكر ف الإمتحان دلوقتي لأنه زي ماهو شئ ثابت مش هيتغير خالص خالص خالص
لكن في نقطه هنا
المواد كتيرة بعض الشئ لكن دا جهاد اجتهدي في اليومين دول بجد والله زي ما قولت مكوناش نعرف حاجه خالص عن اي مادة غير العناوين والله والحمد لله عرفنا نتخطى الإحباط بإرادة قوية
انتي كمان خلي عندك ارادة وركزي كويس في اللي بتعمليه
يعني 4 أيام متعرفيش تخلصي فيهم مادة ؟
والله تعرفي وسهل جداً

قوليلي عايزة ايه وانا تحت أمرك بس شدي حيلك متعتمديش الا على الله

ربنا يبارك فيك يا رب ويكرمك
هو الموضوع مش كده لا ممكن باذن الله اخلص مادة بس المشكلة اني بمل بسرعة وافتكر امل اهلي فيا بتحنق وببقا عايزة اعيط والله انا اصلا السنة الوحيدة ان احس اني في مدرسة

وجزاك الله خيرا والله كلامك فدني كتير ربنا يجعله في ميزان حسناتك

Engineer ..

19-04-2012, 07:09 AM

ربنا يبارك فيك يا رب ويكرمك
هو الموضوع مش كده لا ممكن باذن الله اخلص مادة بس المشكلة اني بمل بسرعة وافتكر امل اهلي فيا بتحنق وببقا عايزة اعيط والله انا اصلا السنة الوحيدة ان احس اني في مدرسة

وجزاك الله خيرا والله كلامك فدني كتير ربنا يجعله في ميزان حسناتك

امين يارب
الله يكرمك و متتصوريش الواحد بيفرح قد ايه لما الناس تكون مبسوطه
المشكلة وما فيها اننا بنمل بسرعة من العمل الصالح :)
ما هو أنا لو حطيت في دماغي اني بمذاكرتي دي برضي ربي خلاص مش هتعب تاني :d
فتجديد النية هنا شئ عظيم ومهم ولابد منه :d
نيجي لكيف أذاكر بلا ملل
في حاجه واقعية جداً بتقول اني لو مش فاهم الدرس المعين ما أقفش بلاااااااااااااش تقفي لو مش فاهمة جزئية بل لو مش فاهمه الدرس ككل وتعالي نبص الدرس عايز ايه م الأخر
مثال صغير
درس قاعدة باسكال مثلاً في الفيزيا انا مش داخل دماغي الراجل بتاع المكبس الصغير والكبير والإيتا والكلام العجيب ده
الطلبة المحبطين لو مفهمش من اول مرة بيكبر دماغه ويتلف تحت بالبطانية وينام تحت السرير :d مع العلم انه لو فكر شوية ببساطه هيعرف يخلص ويفهم
طب لو مش فاهم فعلاً بدل المرة 10 ومفيش أمل أعمل ايييييييه ؟
اركز على المهم من الدرس
حتة تعليلاية و حتة مسألة مثلاً تطبيق قانون أشوف مساحة المكبس بعرفها ازاي عشان مقفش ف حل المسائل اخليني حرك في شغلي مش شرط يعني لما أجي اذاكر الدرس أجيبه من اوله لأخره ولو نسيت ارجع م الأول تاني "" مش هنخلص كده ""
فجربي كده يمكن تفهمي مني حاجه :d
we are zeere if you want any thing :D

Engineer ..

19-04-2012, 07:18 AM

يا بشمهندس انا الحمد لله ابتديت بالفرسناوى عشان خدت كل يوم درسين بقواعدهم والحمد لله خلصت اول 6 دروس بقواعدهم بسلاطتهم بحلهم وخلصت درس المتتابعات وقولت اخد معاهم كام يونيت انجلش بس المشكلة يا بشمهندس انى حضرتك بتاكدة على حل امتحانات وانا لسه بذاكر من الاول بس انا فكرت فى فكيرة كدة يعنى مثلا خدت درس المتتابعات فى الرياضة وحليت عليه المسائل بتاعة اخر السنة كدة اوك ولا ايه يا بشمهندس ومعلش هتقل عليك انا فى النجلش مبحلش امتحانات عشان فى حاجات كتير اوى بتقف قصادى وترجمة فا بياس بصراحة والكمياء ااااااااااااااه من الكميا مش عارف عليه مش بيجيلى نفس ازاكرها يمكن عشان مذاكرتهاش من اول السنة

عااااااااااااااااااااااش عاااااااااااااااااااش
جميل أوي أوي أوي أوي والله
انا فعلاً بأكد على حل الإمتحانات لكن نسيت أوضح حاجه
الإمتحانات مش شرط ككل ( يعني هي طبعاً مهمه ) لكن هحل امتحان كامل ازاي وأنا لسه ما رجعتش مرة و2 ؟؟؟
لو حليت مسائل الإمتحانات على الدروس خلاص يا معلم اشطه كده :)
تعرف أنا هضحكك على حاجه
تصدق بالله ؟
لا اله الا الله
انا عمري ما حليت امتحان انجليزي في حياتي :022yb4::022yb4::022yb4:
كل اللي كنت بعمله شوية كلمات على فايند ذا مستيك وحبهان :d
وشوية كده م ال languenotes والله نسيت بتتكتب ازاي :d
والكيميا دي بئه انا الأستاذ بتاع الدرس كان هيعملي تمثال في الكيميا وخاصة العضوية دي
والله أي تحويلة كنت بعملها لدرجة انه سأل سؤال مرة ازاي نحول الطولوين الى بنزوات صوديوم وخدت 5 جنيه :d
بسبب ايه ؟
بسبب اني عمري ما مليت من الكيميا كانت موووووووووووووووووووووووووووتعة والله
انت كمان متسبش معادلة كيميائية غير لما تحفظها حفظا جيداً جيضاً كمان :d
وفي حركة حلوة اوي ونفعتني كنت بعملها

Na2Co3
رايح على فييييييييييييييييييييييييييييييييييييييييييييييييي ين يا منيل ؟
جاي منييييييييييييييييييييييييييييييييين يا منيل ؟
بتشتغل ايه يا منيييييييل ؟
رايح على فين واكتب كل المعادلات اللي المركب بيدخل فيها في خطوة بعد كده
جاي منين اللي هي طيقة تحضيره
بتشتغل ايه اللي هي وظيفته
واي حاجه أنا موجود بس اشتغلللللللللللللللللللللللل جامد الفترة دي :d

Engineer ..

19-04-2012, 07:21 AM

انا زهقت من العربى مش عارفه المه خالص كتييييير جدا
اعمـــــــــــل اييييييه بيتنسى بسرعه وبالذات الادب والقراءه تنحه اووووووووووى :blush:

سهله أوووووووووووووووووووووووووووي والله القراءة
الأدب أنا كنت اخده هزار بس كان جميل والله اوي وجالنا سؤال ف الأدب عجيب اوي
اذكر أسماء شعراء الرابطة القلمية تقريباً
كنت هتشل بعيد عنك :d
ما علينا
بس بجد سهل جداً والله العربي هو بس محتاج ناس شاطرة في الحفظ والربط شوية والحل الكتيييييييييير
والاستاذ بيقول انها مادة كلام يعني الرغايين بيشجعوا واحنا معاهم
وكل عام وانتم بخير وشدوا حيلكم بئه عايزين نخلص م السنة دي على خير :d

Engineer ..

19-04-2012, 08:03 AM

على فكرة العربى ده بمذاكرة قليلة بيتلم يعنى انا مقضية طول السنة احياء وفيزيا والعربى ده معتمده على ساعتين الدرس فى الاسبوع وجيت دلوقت لقيت العربى احسن ماتقلقيش من العربى لانك مجرد ماتفهمى الفكرة تقدرى تكتبى زى ماانتى عايزة اما الادب فسهل يعنى اى نعم هو طويل بس هم كلمتين بتكتبيهم فى كل سؤال مع شوية تحريف بس يعنى المدارس كلها تقريبا نفس النمط والحاجات المختلفة بتبقى سهلة وواضحة

تمام يا سارة انتي كنتي معايا وأنا بذاكر ولا ايه ؟ :d:d:d

حسونة بيه

19-04-2012, 12:40 PM

عااااااااااااااااااااااش عاااااااااااااااااااش
جميل أوي أوي أوي أوي والله
انا فعلاً بأكد على حل الإمتحانات لكن نسيت أوضح حاجه
الإمتحانات مش شرط ككل ( يعني هي طبعاً مهمه ) لكن هحل امتحان كامل ازاي وأنا لسه ما رجعتش مرة و2 ؟؟؟
لو حليت مسائل الإمتحانات على الدروس خلاص يا معلم اشطه كده :)
تعرف أنا هضحكك على حاجه
تصدق بالله ؟
لا اله الا الله
انا عمري ما حليت امتحان انجليزي في حياتي :022yb4::022yb4::022yb4:
كل اللي كنت بعمله شوية كلمات على فايند ذا مستيك وحبهان :d
وشوية كده م ال languenotes والله نسيت بتتكتب ازاي :d
والكيميا دي بئه انا الأستاذ بتاع الدرس كان هيعملي تمثال في الكيميا وخاصة العضوية دي
والله أي تحويلة كنت بعملها لدرجة انه سأل سؤال مرة ازاي نحول الطولوين الى بنزوات صوديوم وخدت 5 جنيه :d
بسبب ايه ؟
بسبب اني عمري ما مليت من الكيميا كانت موووووووووووووووووووووووووووتعة والله
انت كمان متسبش معادلة كيميائية غير لما تحفظها حفظا جيداً جيضاً كمان :d
وفي حركة حلوة اوي ونفعتني كنت بعملها

na2co3
رايح على فييييييييييييييييييييييييييييييييييييييييييييييييي ين يا منيل ؟
جاي منييييييييييييييييييييييييييييييييين يا منيل ؟
بتشتغل ايه يا منيييييييل ؟
رايح على فين واكتب كل المعادلات اللي المركب بيدخل فيها في خطوة بعد كده
جاي منين اللي هي طيقة تحضيره
بتشتغل ايه اللي هي وظيفته
واي حاجه أنا موجود بس اشتغلللللللللللللللللللللللل جامد الفترة دي :d
حبيبى يا واقف جمبى جامدة الطريقة بتاعة الكميا بتخليها لذيذة والله يا بشمهندس شغال باديا واسنانى والصلاة والله مصبرانى انى مخفش من الامتحانات انا كل اللى شاغل تفكيرة دلوقتى انى اذاكر صح يعنى مثلا كنت مجزا الكميا انى كل يوم هاخد باب واحد قولت لا مينفعش كدة انا ازكر باب واخد معاه درس عضوية عشان متتصعبش عليا ومتتنسيش
ياااااااارب يا بشمهندس يحميك يارب والمناسبة حضرتك تخصص ايه انا نفسى تكون طيران عشان ده بجد حلم حياتى

princees gehad

19-04-2012, 04:04 PM

موضوع حلو اوي بجد وربنا يوفقنا كلنا

Engineer ..

19-04-2012, 07:58 PM

حبيبى يا واقف جمبى جامدة الطريقة بتاعة الكميا بتخليها لذيذة والله يا بشمهندس شغال باديا واسنانى والصلاة والله مصبرانى انى مخفش من الامتحانات انا كل اللى شاغل تفكيرة دلوقتى انى اذاكر صح يعنى مثلا كنت مجزا الكميا انى كل يوم هاخد باب واحد قولت لا مينفعش كدة انا ازكر باب واخد معاه درس عضوية عشان متتصعبش عليا ومتتنسيش
ياااااااارب يا بشمهندس يحميك يارب والمناسبة حضرتك تخصص ايه انا نفسى تكون طيران عشان ده بجد حلم حياتى

ربنا معاك يا بني ويوفقك
وكل الطرق لو ادت الى انك تخلص المنهج خلاص توكل على الله :d
بس عشان تراجع لأن المواجعة جميلة جداً
تعرف اني مرة راجعت حسيت اني كنت واليد السودان سنة 1902 كده :d
مش فاكر حاجه خالص يا عم ايه ده
اسبوع بالظبط بعدها من التعب و اتلاقيت نفسي الحمد لله المنهج ف دماغي
فصبر جميل والله المستعان على ما تصفون

Engineer ..

19-04-2012, 08:18 PM

موضوع حلو اوي بجد وربنا يوفقنا كلنا
ءامين يارب
الله يكرمك شكراً لمرورك

حسونة بيه

19-04-2012, 09:54 PM

ربنا معاك يا بني ويوفقك
وكل الطرق لو ادت الى انك تخلص المنهج خلاص توكل على الله :d
بس عشان تراجع لأن المواجعة جميلة جداً
تعرف اني مرة راجعت حسيت اني كنت واليد السودان سنة 1902 كده :d
مش فاكر حاجه خالص يا عم ايه ده
اسبوع بالظبط بعدها من التعب و اتلاقيت نفسي الحمد لله المنهج ف دماغي
فصبر جميل والله المستعان على ما تصفون
ممكن اخد رايك فى حاجة فى يا بشمهندس انا والله بقيت بذاكر كتنير بس ساعات بنام كتير برضو فمقدرتش بصراحة اتغلب على نومى نزلت للصيدلى الى تحت بيتنا (رجل كبارة كدة ومحترم ) قولتله يا دوك عاوز دواء مينيمنيش كتير ادانى دواء كدة قالى ده فيتامين سالته طبعا لى اعراض وكدة قالى لا دا فيتامين ماهو اللى خلانى ازاكر انى طلعت فى دماغى فكرة انى اطلع الاول على مدرستنا مش عارف ليه المهم ايه رايك استمر واخد الدواء ولا لا وبصراحة انا قلقان من انى ربنا يعاقبنى على الوقت اللى ضيعته معلش يا بشمهندس طولت عليك بس حضرتك عارف والله دلوقتى بعتبرك اخويا الكبير (لو تسمحلى يعنى)

Engineer ..

19-04-2012, 10:27 PM

ممكن اخد رايك فى حاجة فى يا بشمهندس انا والله بقيت بذاكر كتنير بس ساعات بنام كتير برضو فمقدرتش بصراحة اتغلب على نومى نزلت للصيدلى الى تحت بيتنا (رجل كبارة كدة ومحترم ) قولتله يا دوك عاوز دواء مينيمنيش كتير ادانى دواء كدة قالى ده فيتامين سالته طبعا لى اعراض وكدة قالى لا دا فيتامين ماهو اللى خلانى ازاكر انى طلعت فى دماغى فكرة انى اطلع الاول على مدرستنا مش عارف ليه المهم ايه رايك استمر واخد الدواء ولا لا وبصراحة انا قلقان من انى ربنا يعاقبنى على الوقت اللى ضيعته معلش يا بشمهندس طولت عليك بس حضرتك عارف والله دلوقتى بعتبرك اخويا الكبير (لو تسمحلى يعنى)

لا أنا مش هسمحلك :p
لأني اخوك أصلاً من غير ما تستأذن
" إنما المؤمنون إخوة " وربنا يجعلنا من المؤمنين يارب
بص يا سيدي مع احترامي للدكتور المحترم الكبارة
بتبدأ بفيتامينات وبتنتهي ببرشام ترامادول :d
وكل لبيب بالإشارة يفهمُ
ففيها ايه يعني لو تشرب أعشاب طبيعية أحسن ؟ ؟ ؟ ؟
وبعدين الفيتامين مثلاً لو مهم فميش مانع ادور على المواد الفعالة ف الفيتامين واشوف نظائرها في الطبيعة واكل براحتي واشرب براحتي بدل الكيميا العضوية (الأدوية والإسترات) :d
دا بالنسبة للنوم الكتير
وعامة انت لو مهتم مش هتنام أصلاً :d
انك تطلع الاول دا شئ سامي وعظيم جداً لكن تمنه غالي أوي وهو انك تقهر الشهوات بتاعتك وأولها اللعب والجلوس امام الكمبيوتر وال TVكتير
يعني نص ساعة ف اليوم بس :o
اه والله اسمع الكلام لأنها تشتت عزم الفلب " كلمة الشيخ أبو اسحاق "
فحارب نفسك والله عشان تفلح
هتقولي مانت قاعد ليل نهار عليه اهوه
أقولك انا اينعم أقل منكم مذاكرة جداً والله ويمكن ف الأسبوع كاملاً مبكملش 12 ساعة يعني بمعدل ساعة وربع في يوم مثلاً و يوم تاني ممكن نص ساعة بتاعت الشيت بس
لكن انت في ثااااااااانوية عامة = دح أكتر تجيب مجموع أكبر :d
والدح هنا يعني الحل الكتير والحفظ
أما انك تقول ربنا يعاقبك على تضييع الوقت يا أخي فإعلم أن الله لا يعاقب على بلاء بل أنما يتبع البلاء فرج
وانت إبتليت بالكسل من قبل فإنشب لا تكن في الإجابة واني
يعني بمجرد انك تسمع كلامي مش عايزك ترد ( إلا لو في حاجه ) تقوم على طول لو عايز تاخد دوش حلو :d و تشرب عصير حلو برده :d وبعدها تذاكر والثانية بتتحسب دلوقتي
انت فاهم
ربنا يوفقك

د/نداء الجنة المصرية

20-04-2012, 01:04 AM

ممكن اخد رايك فى حاجة فى يا بشمهندس انا والله بقيت بذاكر كتنير بس ساعات بنام كتير برضو فمقدرتش بصراحة اتغلب على نومى نزلت للصيدلى الى تحت بيتنا (رجل كبارة كدة ومحترم ) قولتله يا دوك عاوز دواء مينيمنيش كتير ادانى دواء كدة قالى ده فيتامين سالته طبعا لى اعراض وكدة قالى لا دا فيتامين ماهو اللى خلانى ازاكر انى طلعت فى دماغى فكرة انى اطلع الاول على مدرستنا مش عارف ليه المهم ايه رايك استمر واخد الدواء ولا لا وبصراحة انا قلقان من انى ربنا يعاقبنى على الوقت اللى ضيعته معلش يا بشمهندس طولت عليك بس حضرتك عارف والله دلوقتى بعتبرك اخويا الكبير (لو تسمحلى يعنى)

على فكرة ظاهرة النوم دى عامة قبل الامتحانات انا عن نفسى بقيت اكون صاحية طول الليل ونايمة طول النهار عشان دايما عايزة انام بس ياريت بلاش حكاية الدوا ده لان الادوية فى مصر اليومين دول بالذات مش مضمونة ومافيش عليها رقابة وبتكون مغشوشة ممكن تعتمد على الشاى بس ماتكترش السكر فيه لان السكر بيساعد على النوم وده بما ان اللى فاضل مش مدة طويلة انا مش بقول ان الدكتور مش فاهم او ان هو اللى بيغش لكن الادوية فى مصر هى اللى مش كويسة ولاسليمة وربنا يعين الناس اللى بتعانى بسبب الادوية دى وبعدين بغض النظر عن ان الادوية مغشوشة انا زمان اوى كان الدكتور كاتب لى فيتامين حديد اخدته فترة وبعدين سبته لما عرفت اضرار اى فيتامين لانها بتخل توازن الفيتامينات فى الجسم المهم يعنى بلاش الدوا ده وعلى فكرة حكاية النوم دى حالة نفسية لاننا خايفين وكمان الشيطان بيحاول يخلينل نسيب الكتاب باى طريقة يعنى ممكن تاخد الدوا ده وبرضه تحس بالنوم هو انا اديت رايى من غير ماحد يسالنى بس بجد الادوية فى مصر خطيرة جدا

جهاد14

20-04-2012, 01:13 AM

طب معلش يابش مهندس ممكن حضرتك تقولي ازاي كنت بتحفظ معادلات الكيميا العضوية وخاصة الاجزاء اللي في اخر الباب

To Be Is To Do

20-04-2012, 04:23 PM

بارك الله فيك ي بشمهندس:):):)
وأسف إذا ضايقتك ف يوم من الأيام هنا ف المنتدى

Engineer ..

24-04-2012, 06:44 AM

طب معلش يابش مهندس ممكن حضرتك تقولي ازاي كنت بتحفظ معادلات الكيميا العضوية وخاصة الاجزاء اللي في اخر الباب
أولاً أنا أسف على التأخير يا جهاد
بص يا سيدي
انا مكنتش بحفظ معادلات كيميا :d
بس كانت في دماغي على طول :d
تناقض صح ؟
لا والله مش تناقض أنا هضربلك مثال بسيط جداً
لما يبقى عندك مثلاً حمض زي HcL و قاعدة زي NAOH متعرفش نوع التفاعل اسمه ايه ؟
أكيد تعادل طب والتعادل بيدي ايه ؟
أكيد ملح ومايه
أنا كنت ماشي على الأساس ده ومكنتش بحفظ معادلات خالص
اعرف وافهم ازاي المركب بيتكون وايه هي مكوناته واسم التفاعل بتاعه وخلاص وشوية وزن معادلة وانتهينا
لكن مع الحل الكتير هتلاقي نفسك عايز تحضر الطولوين في بيتك بل ممكن تعمل ال TNT وعلى مهلك بس لحسن تروح في شربه بومب ربنا يستر :d
وعندك أسماء معادلات كتيرة جداً اهتم بيها زي النيترة و الفلورة والكلورة و زي الهيدرة و تكوين الإستر من تفاعل كحول مع حمض زي تكووين الأسبرين كده والموضوع ده سهل جداً مش سهل بس عايز مذكرة من اول مرة كده كويسه وهتلاقي نفسك بتحل من كذا كيف تحصل على كذا
ووالله انا كنت بحط اسئلة من كذا كيف تحصل على كذا دي انا اللي كنت بحطها وبديها للأستاذ بتاعنا كان بيقولي جايبها منين دي ؟
أقوله مألفها يفضل يضحك بس كانت جامده
أما لو مش قادر تشتغل بالقواعد وأسماء المعادلات فلازم تحفظ بئه ودي عملية سهله أوي
انك تحفظ معادلات الدرس بدرسه
الميثان مثلاً كان في 4 معادلات بتوع تفاعلات النزع في ضوء الشمس وغياب ضوء الشمس والكلام ده ( على قد ما افتكر ) دول بتحفظهم بالتتابع المرة الاولى ذرة كلور بتحل محل هيدروجينايه و المرة اللي بعدها الذرة التانية وهكذا ودي اسمها كلورة :d
بس العملية سهلة والله يا جهاد يا عم انت جيت ع المعادلات العضوية يا جدع دي سهلة موت :d

Engineer ..

24-04-2012, 06:46 AM

بارك الله فيك ي بشمهندس:):):)
وأسف إذا ضايقتك ف يوم من الأيام هنا ف المنتدى

اللهم أمين جزاك الله خيراً يا خالد
أنا مش بضايق من حد والله يا خي مالم يتخطى الأدب فقط لا غير :)
دمت بخير و ربنا يوفقك
محتاجين دعواتك بس :d

جهاد14

24-04-2012, 07:32 AM

انا بشكر حضرتك جدا بجد مش عارف اقول ايه وربنا يوفق حضرتك زي مابتحاول تساعدنا وتاعب نفسك معانا

banota sha3nona

24-04-2012, 08:44 AM

يا جماعه انا مشكلتي الانجلش اعمل فيه ايه

To Be Is To Do

24-04-2012, 09:07 AM

اللهم أمين جزاك الله خيراً يا خالد
أنا مش بضايق من حد والله يا خي مالم يتخطى الأدب فقط لا غير :)
دمت بخير و ربنا يوفقك
محتاجين دعواتك بس :d

ربنا معاك ويوفقك ي بشمهندس :d:d

Engineer ..

24-04-2012, 10:24 AM

انا بشكر حضرتك جدا بجد مش عارف اقول ايه وربنا يوفق حضرتك زي مابتحاول تساعدنا وتاعب نفسك معانا
اللهم أمين يارب
الشكر لله يا جهاد أنا تحت أمركم
دعواتكم بس وانا هفضالكم :)
دمت بخير :028ja7:

Engineer ..

24-04-2012, 10:28 AM

يا جماعه انا مشكلتي الانجلش اعمل فيه ايه

الإنجليزي كده مرة واحدة !!:d
كله يعني ؟
طب what's your name ? اوعي متعرفيش :d
بصي الإنجليزي أتفه ما يكون والله بس انتي مش بتذاكريه وعايزة تحلي ازاي مش عارف
كل يوم يونت وشابتر قصة و تحفظي كلمات الوحده كلها والlanguage notes كلها وتسمعيها في كراسة أو ورقة كبيرة
وشابتر القصة احفظي اسألته كويس جداً
هتيجي ف الأخر تتلاقي نفسك بتعرفي تحلي سبحان الله :d
مع شوية ثوابت من اللي بتيجي ف الإمتحان زي البراجراف والترجمة و غيره
واقري كنتير في منهجك هتجيبي درجة حلوة باذن الله

Engineer ..

24-04-2012, 10:30 AM

ربنا معاك ويوفقك ي بشمهندس :d:d

امين يارب
شكراً يا خالد على دعواتك الجميلة
ربنا يوفقك :d

Engineer ..

25-04-2012, 02:17 PM

السلام عليكم يا شباب
النهارده بئه 25 /4 يعني كل عام وانتم بخير السنة بح :d
مش بح أوي يعني :d
لسه كام ؟
ايه ده انت مبتحسبش باليوم ولا ايه ؟
لا لا لازم تبقى واعي كويس جداً اليومين دول لدبة النملة في الأرض :d
واحفظ كويس جداً وذاكر على قد ما تقدر
وللجماعة بتوع رياضة 2 أقولهم نفذوا في نفسكم الدالة دي
س^2+2س=د(س)
وعايزك انت المتغير س ماشي ؟
وهاتلي جهدك اٌقصى مايكن :d
تمام وتبحث بئه اشارتك على خط الأعداد وكده برافو عليك يا عم :)
ولبتوع الأحياء لو سمحتم احفظوا شوية و عايز نسبة الأمودروفين تزيد بئه ماشي ؟ وبلاش أسبرين ولا منبهات انتوا فاهمين ولا لأ ؟:d
ومقلقش عارفك يا بتاع التاريخ انت هقولك ايه ؟
انا عايزك تدخل التاريخ من أوسع أبوابة تخلص المنهج في اليومين اللي فاضليين دول
وعد ؟؟
يلا ربنا يوفقكم ان شاء الله و يارب تجيبوا أعلى الدرجات عشان تلحقونا بئه في الكلية وتقرفونا أسئلة من بتاعت أول السنة دي """ موسم بجد """
متنساش : إن الله لا يضيع أجر من أحسن عملاً
فإعمل في ما بقى لتسعد بعده :d
في رعاية الله

doha94

25-04-2012, 02:57 PM

طيب واللى متضايق يعمل اييييه !!!!
وبقاله كتييير مش بيذاكر
وحلمت انى سقط فى الانجليزى مع انى بحبه وبعرف احل فيه
اعمل اييييييييييييييييه ؟؟؟؟؟؟؟؟؟؟

Engineer ..

25-04-2012, 03:34 PM

طيب واللى متضايق يعمل اييييه !!!!
وبقاله كتييير مش بيذاكر
وحلمت انى سقط فى الانجليزى مع انى بحبه وبعرف احل فيه
اعمل اييييييييييييييييه ؟؟؟؟؟؟؟؟؟؟

متضايقه من ايه بس !!!
والله انتي المفروض تفرحي لإنك هتخلصي سنة مهمة من عمرك بل هي أهم سنة في عمرك من حيث الحياة المهنية :d
لازم تحفزي نفسك الفترة دي ومش عايزين كسل بئه
ومش مجرد حلم يتعب اعصابي بالعكس دا خير والله
وان شاء الله تبقي زي الفل :)
ربنا معاكي يارب

doha94

25-04-2012, 05:07 PM

متضايقه من ايه بس !!!
والله انتي المفروض تفرحي لإنك هتخلصي سنة مهمة من عمرك بل هي أهم سنة في عمرك من حيث الحياة المهنية :d
لازم تحفزي نفسك الفترة دي ومش عايزين كسل بئه
ومش مجرد حلم يتعب اعصابي بالعكس دا خير والله
وان شاء الله تبقي زي الفل :)
ربنا معاكي يارب

انا كنت فرحاااانه
بس فى اتنين ماتوا فى اسرتى ومضايقه من ساعتها ومش عارفه اذاكر زى الاول بذاكر بس كميه قليله ومش بتركيز

وانا بدعى ربنا يصبرنى واخلص السنه دى لانى تعبت

وان شاء الله ربنا يرزقنا كلنا

يارب

To Be Is To Do

25-04-2012, 05:13 PM

انا كنت فرحاااانه
بس فى اتنين ماتوا فى اسرتى ومضايقه من ساعتها ومش عارفه اذاكر زى الاول بذاكر بس كميه قليله ومش بتركيز

وانا بدعى ربنا يصبرنى واخلص السنه دى لانى تعبت

وان شاء الله ربنا يرزقنا كلنا

يارب

سورى ف الكلام
زعلك وعدم تركيزك مش ح يرجع إللى توفوا
م تضيعيش تعب سنتين هدر
حرام عليكى بجد
زى م إنتى زعلانه عشانهم ، بصى كمان لمستقبلك
مش بقولك م تفكريش فيهم ، بس ع الأقل بلاش الفتره دى ....... أرجوكى

doha94

25-04-2012, 05:48 PM

سورى ف الكلام
زعلك وعدم تركيزك مش ح يرجع إللى توفوا
م تضيعيش تعب سنتين هدر
حرام عليكى بجد
زى م إنتى زعلانه عشانهم ، بصى كمان لمستقبلك
مش بقولك م تفكريش فيهم ، بس ع الأقل بلاش الفتره دى ....... أرجوكى

صح انا بحاااااااول انساهم وبدعيلهم على طووول

وبحاول والله ارجع زى الاول

كان المفروض اراجع الاسبوع ده فلسفه ومنطق وعلم النفس والاجتماع

مراجعتش غير علم الاجتماع واول بابين علم نفس بس لغايه النهارده

ان شاء الله ارجع زى الاول تانى ولازم ارجع علشان مفيش وقت
وشكرا لنصايحكوا ووقوفكوا جمبى بجد اجدع اخوات

To Be Is To Do

25-04-2012, 05:51 PM

صح انا بحاااااااول انساهم وبدعيلهم على طووول

وبحاول والله ارجع زى الاول

كان المفروض اراجع الاسبوع ده فلسفه ومنطق وعلم النفس والاجتماع

مراجعتش غير علم الاجتماع واول بابين علم نفس بس لغايه النهارده

ان شاء الله ارجع زى الاول تانى ولازم ارجع علشان مفيش وقت
وشكرا لنصايحكوا ووقوفكوا جمبى بجد اجدع اخوات

إن شاء الله ترجعى أحسن من الأول
وتشكرينا ع إيه ..............؟ ده إحنا إخوه ف الله ي ضحى
ربنا يعينك ويوفقك:):):)

doha94

25-04-2012, 05:53 PM

إن شاء الله ترجعى أحسن من الأول
وتشكرينا ع إيه ..............؟ ده إحنا إخوه ف الله ي ضحى
ربنا يعينك ويوفقك:):):)

يارب ربنا معانا كلنا ان شاء الله

Engineer ..

26-04-2012, 04:11 PM

انا كنت فرحاااانه
بس فى اتنين ماتوا فى اسرتى ومضايقه من ساعتها ومش عارفه اذاكر زى الاول بذاكر بس كميه قليله ومش بتركيز

وانا بدعى ربنا يصبرنى واخلص السنه دى لانى تعبت

وان شاء الله ربنا يرزقنا كلنا

يارب

لا حول ولا قوة بالله
شوفي دا قدر ربنا ولازم نعرف على قدر أهل العزم تأتي العزائم
ووالله ما في شدة الا بعدها فرررررررررررررج كبييييييييييييير وعظيم في شدته أكثر من شدة في شدتها :)
فلازم تفصلي تماماً بين اللي حصل وبين " مستقبلك "
أنا معاكي ان الفراق صعب لكن زي ما قالك خالد مش هيرجع الأموات :)
فأسأل الله أن يوفقك ولو احتاجتي حاجه اجنا هنا نساعدك ان شاء الله
ربنا يوفقك

د/نداء الجنة المصرية

27-04-2012, 01:00 AM

انا كنت فرحاااانه
بس فى اتنين ماتوا فى اسرتى ومضايقه من ساعتها ومش عارفه اذاكر زى الاول بذاكر بس كميه قليله ومش بتركيز

وانا بدعى ربنا يصبرنى واخلص السنه دى لانى تعبت

وان شاء الله ربنا يرزقنا كلنا

يارب
على فكرة انا باستغرب جدا من حزن الناس على الموت انا عمرى مازعلت على حد مات خالتى وابن خالتى ماتوا فى اسبوع واحد ومااتاثرتش عندنا جيران سنهم صغير ماتوا زعلت شوية بس عشان كان صعبان عليا اهلهم مش اكتر انما الموت ده بايد ربنا يمكن ماحدش زيى فى الطبع ده لانى جامده شوية لكن هكلمك بالعادى كلنا هنموت وبعدين ده قدر ربنا اللى اراد كده ومافيش فى عدل ربنا وكل شئ بيكتبه ربنا فيه خير فلازم نواجه كل حاجة ونكون فاهمين ان كل شئ فيه خير وبلاش تربطى اى حاجة بالمذاكرة لان ده مش وقته انسى كل حاجة تماماوان شاء الله السنة دى تخلص على خير ربنا يستر

doha94

27-04-2012, 01:07 AM

على فكرة انا باستغرب جدا من حزن الناس على الموت انا عمرى مازعلت على حد مات خالتى وابن خالتى ماتوا فى اسبوع واحد ومااتاثرتش عندنا جيران سنهم صغير ماتوا زعلت شوية بس عشان كان صعبان عليا اهلهم مش اكتر انما الموت ده بايد ربنا يمكن ماحدش زيى فى الطبع ده لانى جامده شوية لكن هكلمك بالعادى كلنا هنموت وبعدين ده قدر ربنا اللى اراد كده ومافيش فى عدل ربنا وكل شئ بيكتبه ربنا فيه خير فلازم نواجه كل حاجة ونكون فاهمين ان كل شئ فيه خير وبلاش تربطى اى حاجة بالمذاكرة لان ده مش وقته انسى كل حاجة تماماوان شاء الله السنة دى تخلص على خير ربنا يستر

يمكن انتى بتقدرى تستحملى فى غيرك لا يا ساره
انا قرايبى دووول ماتوا موته مش طبيعيه كلمه بشعه قليله عليها
كمان انا من منطقه وهما من منطقه وبسافر لمنطقتهم فى اجازه اخر السنه بس
بقالى سنه مش شفتهم وماتوا فاجأه

وهما كانوا عزاااز علياااا اوى انا فى ناس معيطش عليها ازعل شويه وانسى
بس دووول لأ

وكلنا هنموت ماشى مقلناش حاجه بس انتى لما تفتكرى مواقف حصلتلك معاهم وانك مش هتكرربها تانى
بتزعلى وتعيطى كمااان ومتقنعنيش انك استحاله تزعلى ولا تعيطى على حد غالى عليكى بعد الشر ماااات

خالد مصطفـى

27-04-2012, 01:09 AM

د/نداء الجنة المصرية

27-04-2012, 01:14 AM

فى ناس كتير بتقول عليا قاسية لكن الحياة لازم كده عشان تستمر انتى ممكن تدعيلهم بالرحمة تقرئى ليهم قران كده هم هيستفيدوا لكن زعلك مش هيغير شئ وبعدين انا بفتكر الناس اللى كنت بحبهم وماتوا مش بزعل ولابعيط بادعيلهم بالرحمة وبس احنا كلنا هنموت وعايشين فى الدنيا دى عشان نعمل وبس لو فضلنا نزعل على اقل حاجة مش هنقدر نعيش

خالد مصطفـى

27-04-2012, 01:22 AM

د/نداء الجنة المصرية

27-04-2012, 01:29 AM

لأ حضرتك بتزعلي أكيد

انا اكيد بزعل ماهو انا بشر برضه لكن باعتبره تحدى وباصمم اتخلص من اى زعل نهائيا عشان مافيش حاجة تغلبنى ابدا وبعدين مثلا ضحى قالت انها بتفتكر مواقفهم وتعيط طب ماتحاول ماتفكرش كده وتفكر انهم باذن الله يدخلوا الجنة وانها لما ترضى ربنا وتدعيلهم هاتلتقى بيهم هناك والخلود ان شاء الله فى الجنة وبالنسبة لانها ماكانتش بتشوفهم احنا اصلا عندنا ممكن افضل سنة كاملة من غير مااشوف حد من قرايبنا وبرضه لما حد بيموت باعتبره حدث عادى هى الدنيا كده

صدى الدمعة

27-04-2012, 12:54 PM

doha94

27-04-2012, 03:01 PM

انا اكيد بزعل ماهو انا بشر برضه لكن باعتبره تحدى وباصمم اتخلص من اى زعل نهائيا عشان مافيش حاجة تغلبنى ابدا وبعدين مثلا ضحى قالت انها بتفتكر مواقفهم وتعيط طب ماتحاول ماتفكرش كده وتفكر انهم باذن الله يدخلوا الجنة وانها لما ترضى ربنا وتدعيلهم هاتلتقى بيهم هناك والخلود ان شاء الله فى الجنة وبالنسبة لانها ماكانتش بتشوفهم احنا اصلا عندنا ممكن افضل سنة كاملة من غير مااشوف حد من قرايبنا وبرضه لما حد بيموت باعتبره حدث عادى هى الدنيا كده

انــــــــــا مش عارفه انا بشوف ناس مقتنعين ومش بيزعلوا ولا بيعطوا اصلا على حد
وانتى برده يا ساره ليكى نقطه ضعفك برده
يعنى بعد الشر لو باباكى ماااات او اى حد من اسرتك مش هتعيطى عليه ازااااااااى بقى !!!!
ودى مش حاجه اسمها انك قاسيه لا انتى باين عليكى مبتتعقليش بحد اصلااااا

doha94

27-04-2012, 03:02 PM

لاحول ولاقوة الا بالله
البقاء لله ياضحى
ربنا يصبركم

البقاء والدوااام لله وحده يا صدى
ربنا يخليكى يا قمر

ان شاء الله امين يارب

EZEL coming

27-04-2012, 03:06 PM

doha94

27-04-2012, 03:11 PM

اولا: انا اسف على التدخل ثانيا: هو فعلا الانسان المفروض يزعل بس بصى على كل الناس اللى مات ليها حد قريب بيعيطو وفترة وبعد كدة الحياة بتستمر عادى هى دى سنة الحياة واذا كان على البكاء احنا نبكى على فقدنا رسول (ص) طول العمر بس انا واثق ان شاء الله هاشوفو فى الاخرة

عليه الصلاه والسلام ان شاء الله كلنا نشوف الرسول (ص) فى الاخره

انا بقول كده الناس بعد مده بتنسا بس مش فى ساعتها
ساره بتقول ان احنا منحزنش على حد مااات !! وان هى دى الحياه كلنا هنموت ماشى مقلناش حاجه بس برده الناس اللى بتموت دى بتأثر فينا

EZEL coming

27-04-2012, 03:35 PM

عليه الصلاه والسلام ان شاء الله كلنا نشوف الرسول (ص) فى الاخره

انا بقول كده الناس بعد مده بتنسا بس مش فى ساعتها
ساره بتقول ان احنا منحزنش على حد مااات !! وان هى دى الحياه كلنا هنموت ماشى مقلناش حاجه بس برده الناس اللى بتموت دى بتأثر فينا
اكيد طبعآ انا معاكى فى الكلام دة عندك حتى لازم نزعل طبعآ دة حتى لو واحد يسمع حد مات زى امبارح طالب فى اعلام مات فانا زعلات علية من غير ماكون عرفو

doha94

27-04-2012, 03:40 PM

اكيد طبعآ انا معاكى فى الكلام دة عندك حتى لازم نزعل طبعآ دة حتى لو واحد يسمع حد مات زى امبارح طالب فى اعلام مات فانا زعلات علية من غير ماكون عرفو

اه حتى احمد دوله اللى كان فى المنتدى
لما قالوا انه مات زعلت جدااا
وطلع فى الاخر بيهظروا وانه عايش

EZEL coming

27-04-2012, 03:44 PM

اه حتى احمد دوله اللى كان فى المنتدى
لما قالوا انه مات زعلت جدااا
وطلع فى الاخر بيهظروا وانه عايش
يلا ربنا يحاسبو على القلق و وجع القلب اللى عملو لينا

doha94

27-04-2012, 03:46 PM

يلا ربنا يحاسبو على القلق و وجع القلب اللى عملو لينا

ربنا يحاسبوا ايه بس
ربنا يهديه ان شاء الله

EZEL coming

27-04-2012, 03:50 PM

ربنا يحاسبوا ايه بس
ربنا يهديه ان شاء الله
قد كدة كان دعائى صعب فى حقو عمتن ربنا يهدية كدة طلعتنى وحش وقلبى قاسى :mad:

doha94

27-04-2012, 03:52 PM

قد كدة كان دعائى صعب فى حقو عمتن ربنا يهدية كدة طلعتنى وحش وقلبى قاسى :mad:

هههههههههههههههههههههههه
لا والله ما قصدى كده خالص

غلط وربنا يهديه وخلاااص :d

EZEL coming

27-04-2012, 03:55 PM

هههههههههههههههههههههههه
لا والله ما قصدى كده خالص

غلط وربنا يهديه وخلاااص :d
يلا المسامح كريم عمتن ربنا يهدينا كلنا يارب العالمين و يوفقنا

د/نداء الجنة المصرية

27-04-2012, 09:48 PM

انــــــــــا مش عارفه انا بشوف ناس مقتنعين ومش بيزعلوا ولا بيعطوا اصلا على حد
وانتى برده يا ساره ليكى نقطه ضعفك برده
يعنى بعد الشر لو باباكى ماااات او اى حد من اسرتك مش هتعيطى عليه ازااااااااى بقى !!!!
ودى مش حاجه اسمها انك قاسيه لا انتى باين عليكى مبتتعقليش بحد اصلااااا

انا فعلا مش متعودة اتعلق بحد لانى معظم الوقت بقضيه لوحدى من وانا صغيرة لكن اى حاجة بزعل عليها اول ماتحصل واتاثر جدا بس مافيش خمس دقايق بارجع اقول وبعدين؟هاستفيد ايه من الزعل كل شئ بايد ربنا وعلى فكرة الحكاية دى بتسبب لى ضغط لانى دايما بحب اظهر انى متماسكة وانى مش بزعل لكن انا بكون بحارب الحزن وطبعا كل الناس بقى بيرموا عليا همومهم ومش بيراعوا اى حاجة من ناحيتى سواء فى فعل او كلام على اساس انى عقلانية ومش بانظر للعواطف وده لانى زى ماقلت مع نفسى معظم الوقت وحتى لما باتكلم مش بزود فى الكلام وكمان مش بحب حد يعرف حاجة عنى غير انى شجاعة وعملية وده اللى انا شايفة ان كل انسان لازم يعمله عشان يقدر يستمر اما بالنسبة لنقطة ضعفى فهى مش ان حد يموت لا دى ان حد يفهم انا بفكر ازاى او يحس انى باتاثر باى حاجة لان وقتها هايبقى صعب اتعامل مع الناس زى مااحب واكيد طبعا لو فى حاجة حصلت غلط هاعيط بس برضه مع نفسى مش قدام الناس وهتماسك برضه لان الحزن مش هيغير شئ المواجهة بس هى اللى بتغير انا اعرف واحدة بنتها ماتت وماعيطتش نهائى وكانت بتهدى الناس كمان دى اكيد زعلانة بس بتواجه