اقتراح يا ادارة الموقع ياريت تجاوبونى بسرعة [الأرشيف]

مشاهدة النسخة كاملة : اقتراح يا ادارة الموقع ياريت تجاوبونى بسرعة

احمد فاروق666

10-04-2008, 11:02 AM

المنتدى هنا شغال كويس جدا والاعضاء فيه فعالين
بس بقترح لو نعمل زى منتدى الاستاذ التعليمى
ونخفى الموضوعات لحد ما يتم الرد عليها بالتاكيد هيكون فيه تفاعل اكتر انا مش بقول اننا نفرض على العضو التفاعل معانا بس اكيد كل طالب داخل علشان يحمل موضوع او مرفق من مرفقات الاساتذة عارف الاستاذ اللى هيحمل ورقة وبالتالى لما يشكرة او يعلق على موضوعة ده مش فرض لانه مدرك انه بيحمل ورق استاذ هو واثق فيه

ارجو من الادارة والاعضاء التفاعل معايا

postan algana

10-04-2008, 11:14 AM

كويس جداااا
انا اوفق

Ahmed Salah

10-04-2008, 11:18 AM

موافقه طبعا

حتي لا يضيع تعب صاحب الموضوع

Sir/Mahmoud

10-04-2008, 12:07 PM

انا مش معاكم في الراي

ليه؟؟؟؟

اولا زي ماحضرتك قلت ان الطالب مجبر علي الرد لهدف انه عايز يستفيد من الشرح ويكسب وقت فكون انه يرد ويستني تحميل وبعد كده يدخل علي المرفق ويضغط علي الرابط و و و و فده مضيعه للوقت

ثانيا ان حضرتك ممكن تلاقي ردود غريبه زي مشكوووووووووووووور و شكراااااااااااااااااااااا و thxxxxxxxxxxxxx وحجات غريبه تانيه

الاسطورة

10-04-2008, 01:40 PM

لالالالالالا اطلاقآ
مرفوض تمامآ
احنا هنا موقعنا تعليمى ونعمل لوجه الله ليس اكثر!
ليه نضيع وقت الطلبة يسجل ويرد ومش عارف ايه!
وكل الاساتذة اللى بيشتغلوا مش منتظرين حاجة زى كده
كل اللى هما عايزينه هو كتابة هذا العمل فى ميزان حسناتهم يوم القيامة!

الاهلاوى 2007

10-04-2008, 05:03 PM

على فكره استاذى انا مشترك فى الاستاذ ورفضت هذا الموضوع لماذا هقول لحضرتك
اولا انا برد من غير مشوف الشرف او المرفق فكيف اشكرك على شيء لم اراه حتى هذه اللحظة فأطررت ان اقول مشكوررررررررررررررررررررررررررررر
على شيء لم اشاهدة وكمان عند الذهب الى الموضوع لم احملة لان الرابط كان معطوب
استاذى انت تعمل من اجل كلمة شكر ام من اجل الله هو الذى يكافئك
الطالب الذى يتفاعل مع الاستاذ سوف يتفاعل بعد وقبل وأثناء الموضوع
اتمنى ان اكون وفقت فى عرض هذا الرائ

مس رانيا حسن

10-04-2008, 05:09 PM

انا لا أويد ذلك

فيه تضييع للوقت
وعموما كلنا نعمل ابتغاء وجه الله

احبك ربي

10-04-2008, 05:14 PM

mR . mOstafa Fathi

10-04-2008, 05:42 PM

موافق جداً
واعتقد
جارى تركيب الهاك

هتاخد اوووووقات
وننتظر رد عبقرينومان

مغترب وبس

10-04-2008, 09:16 PM

غير موافق والاسباب ناس كتير قالوها قبلي ...

احمد فاروق666

10-04-2008, 10:49 PM

مشكورين على تفاعلكم
وردودكم المقنعة
لكن اعتقد ان زى ما كلنا بنعمل لوجه الله حرام ان الواحد ميتقدرش ولو بكلمة شكر
لان اولا الشكر او المديح بيرفعوا الروح المعنوية للمدرس
ثانيا : انا بتكلم على المرفقات واعتقد ان اغلب المرفقات بتفضل فترة لانها على سيرفر المنتدى مش بتكلم على روابط خارجية وحتى لو روابط خارجية اعتقد ان كل مدرس منا يقدر يعمل لنفسة اشتراك على موقع 4shared يحمل علية شغلة ويكون كلة محفوظ فى مجلد واحد على النت ومفيش روابط هتكون معطوبة

ثالثا : وده الاهم انا لما اقترحت الاقتراح اعتقد ان التسجيل والرد مش هياخدوا وقت كل الموضوع مش هيكمل اربع او خمس دقائق للتسجيل فى المنتدى انا بقول انى لما هركب هاك زى هاك اخفاء الموضوعات انا بكده بقول للى بيرد انك زى المدرس ما تعب وكتب الموضوع او الملزمة بتاعتة ورفعهالك على النت انت المفروض تتعب وتكتبلة ولو كلمة ( شكرا )

كلمة شكرا مش فى عدد حروفها لكن فى مضمونها

مشكورين ويا رب اكون وفقت فى نقل وجهة نظرى

لكم خالص ودى وتقديرى على اهتمامكم

اخوكم فى الله

MohammeD el_SadaT

10-04-2008, 11:52 PM

_GUIDE_

11-04-2008, 02:06 AM

عاشقـــ الانمى ـــة

11-04-2008, 02:08 AM

انا كمان معاكم مش موافقة الموقع معمول خدمة الطلبة لوجه الله مش أكتر

Sir | Youri

11-04-2008, 04:43 PM

تسجيل متابعة

عمومًا لم يتم التنفيذ في الأستاذ إلا بعد أن ثبت أن عدد كبير من المدرسين يطلبونه نظرًا لأن الطلبة بتحمل وتمشي دون حتى كلمة شكر مما سبب إحباطًا لعدد من المدرسين ، ولو الطلبة بيردوا أو بيعلقوا دون إجبار فلا فائدة له

تحياتي

DR.Neuro

11-04-2008, 11:33 PM

لا طبعا لا اوافق
لان بعض تلك المرفقات تتضمن احيانا اسئلة يتناقش فيها الطلية مع المدرس
ولكى تبحث عن تلك الاجابات تكون كانك تبحث عن ابرة فى كوم قش
بحس ان الطالب مجبر على انه يرد وكانها سلعة والثمن الرد على الموضوع
وبحس ان الواحد مجبر على انه يشترك فى المنتدى يرد فبيبقى الرد من غير نفس ولا شكر حقيقى
مجرد وسيلة الى غاية

المدرس عامل الحجات دى ابتغاءا لوجه الله فالله سيوفيه الجزاء الاوفى والطالب ان شاء الله سيتفاعل وان

متخلوش الواحد يكره المنتدى ويحس انه وسيلة موضوع ورد فقط لكى تحصل على الذى تريده

واحـد من النــاس

11-04-2008, 11:34 PM

مشكورين على تفاعلكم
وردودكم المقنعة
لكن اعتقد ان زى ما كلنا بنعمل لوجه الله حرام ان الواحد ...............

كده حضرتك معلش زودت حاجة غير وجه الله وهي تقدير الطلبة لمجهودك

حضرتك ممكن تزعل لو كان عدد المشاهدات في موضوعك قليل فبتحس ان مجهودك راح ع الفاضي

انما لو المشاهدات كتير والتحميل من المرفقات كتير بس مفيش ردود يبقى مفيهاش زعل .. ممكن بعض الأساتذة يزعلوا .. بس المدرس اللي مش حاطط في دماغه غير العمل لوجه الله وحاجة تتكتبله يوم القيامة في ميزان حسناته مش هيزعل لأنه مش منتظر شكر هو منتظر تحميل واستفادة الطلبة والثواب اللي هياخده :)

والتشجيع ورفع الروح المعنوية يبقى من إدارة الموقع والأوسمة اللي بتديها للمدرسين :D

شكرا لحضرتك

_GUIDE_

11-04-2008, 11:52 PM

وملحوظة كمان
لو حبيت تقدم اقتراح تانى
متكتبش الادارة
اكتب أقتراح لمدير الموقع اشرف
علشان صيغت الموضوع تبئا مقبولة
بالمناسبة كل ردودنا دى حتى لو وفقنا او رفضنا مصيرها النسيان
وكلها يوم او اتنين وتتنقل الصفحة التانية او التالته
انسه ياعمرو مفيش فائدة

بندق__2007

15-04-2008, 01:00 AM

عبقرينومان

15-04-2008, 05:18 PM

السلام عليكم

انا لا اوفق ولاسباب تم ذكرها سابقاً

والآن انظر للاحصائية بالاعلي ستجد نسبة الرفض والقبول

ستجد الرفض للفكرة

وشكرا للفكرة بتاعك حضرتك والاقتراح

ولكن هذا رأئي فقط