محتاجة مساعدة [الأرشيف] - بوابة الثانوية العامة المصرية

LoNeCorE

13-04-2008, 02:09 AM

مع انى باخد درس بس مش بعرف اركز فى الحصة وبالتالى مش بفهم كل حاجة دة غير انى مش بثق فى ملازم ( مع الاحترام لكل المدرسين ) لان فية بعض مدرسين الملازم بتاعتهم فيها اخطاء بس انا باخد من المدرس اللى باخد معاه افكار اقدر ارتب بيها شرح كتاب المدرسة عشان اقدر اعمل ملخص يساعدنى فى الحفظ يعنى من الاخر

دية طريقتى والحمد لله تمام معايا

1- شرح كتاب المدرسة
2- كتاب الامتحان
3- كتاب الوزارة وكتاب النماذج

واهم حاجة انك تبقى عاملة حسابك على وقت تحلى فية اسئلة كتاب النماذج بتاع الوزارة وكتاب المدرسة بس انا قولت متبصيش لكتاب الوزارة فى الاول وحلى من كتاب الامتحان عشان لو رحتى لكتاب الوزارة حتتعقدى ( انا اتعقدت عشان الاسئلة داخلة فى بعضها وانا لسة بقول يا هادى :D ) انما كتاب الامتحان مقسم الاسئلة ومزودها

يعنى مثلا قسمى الدروس على 8 دروس زى ما كتاب الامتحان مقسمها وكل ماتخلصى درس فى كتاب المدرسة روحى لكتاب الامتحان وحلى الاسئلة كلها اللى على الدرس دة وصدقينى لو ركزتى شوية بس حتلاقى الاسئلة بتاعت كتاب الامتحان بتتحل ومفيهاش اى مشاكل وللعلم كتاب الامتحان واخد اسئلة كتير من كتاب المدرسة يعنى حتشوفى السؤال اكتر من مرة وان مفهمتيهوش فى المرة الاولى حتحفظية من كتر التكرار بس نصيحة متفكريش تحفظى حاجة انتى مش فاهماها حاولى تفكرى من غير ملل

بعد ماتخلصى فهم الدروس من كتاب المدرسة و تحلى الاسئلة فى كتاب الامتحان على كل الدروس بتاعت الباب ادخلى بقا على كتاب النماذج بتاع الوزارة و ان شاء الله مش حتلاقى حاجة صعبة :)

اكيد حتلاقى معادلات كتير بس انا لاحظت ان معظم المعادلات فيها تشابة كبير يعنى مثلا

ميثان - الايثين - الايثاين ---- > معادلة الاحتراق بتبقا ناتج ( ثانى اكسيد الكربون + ماء )

حاولى تربطى حياتك بالمركبات الكيميائية حتتحفظ بطريقة مش حتتنسى ابدا وحيبقا فيها متعة فى المذاكرة

ان شاء الله خير

fariooo

13-04-2008, 02:23 AM

الحالمة

13-04-2008, 02:30 AM

والله انا بقول لو عايزه الكيمياء العضويه تبقى سهله احفظى العشر رموز (ميثان-ايثان-بروبان-بيوتان-بنتان-هكسان-هبتان-اوكتان-نونان-ديكان)
بعد كده هتعرفى المقاطع اللى بتتغير اللى هى (ان)و(يل)وبس هتغير اخر حرفين وهتبقى زى الفل

:mad: ياريت كانت الكيمياء كدة ماكانش حد غلب :mad:

بس احنا محتاجين نركز شويه ونقسم المنهج كله على عشر ايام والحل في خمس ايام

ده برضه ومننساش المواد التانية طبعا

fariooo

13-04-2008, 02:39 AM

ان شاء الله

tarekessam

13-04-2008, 02:59 AM

tarekessam

13-04-2008, 03:11 AM

http://www.geocities.com/dream_land_00/new13.gif

س1 / علل تسمية الكيمياء العضوية بكيمياء الكربون ؟

ج/ لان عنصر الكربون عنصر اساسي فيها

س2/ علل سميت المركبات العضوية بهذا الاسم؟

ج/ لانها مركبات كيميائية تدخل في تركيب اعضاء الكائن الحي

س3/ خطأ تعريف برازيليوس للمركبات العضوية؟

ج/ لان العالم فوهلر الالماني تمكن من تكوين مركب اليوريا (مركب عضوي يوجد في بول الثديات) في المعمل بواسطة تسخين مادتين غير عضويتين هما كلوريد الامونيوم و سيانات الفضة

س4/ علل انتشار المركبات العضوية؟

ج/ بسبب قدرة ذرات الكربون علي الارتباط مع بعضها او مع غيرها بطرق عديدة

س5/ عرف كل من:-

1. الصيغة الجزيئية : هي عبارة عن صيغة توضح نوع و عدد ذرات كل عنصر في المركب ولا توضح طريقة ارتباطها مع بعضها في الجزئ

2. الصغية البنائية : هي عبارة عن صيغة توضح نوع و عدد ذرات كل عنصر و طرق الارتباط مع بعضها بالروابط التساهمية

3. البلمرة : هي عملية تجميع عدد من الجزيئات الصغيرة (مونمر) لتكوين جزئ اكبر او مركب اكبر (بوليمر)

دنيا شعبان محمد

13-04-2008, 04:49 AM

LoNeCorE

13-04-2008, 12:37 PM

انا كمان لسة فايق من الغيبوبة بس فعلاً انا شايف انه ممكن يبقي في قدامي فرصة في خلال الشهرين و انا بدات في اول درس من العضوية و لخصته علي شكل اسئلة و اجوبة بس لسة مكملتش و مش متاكد علي العموم انا هكتبهم و ياريت لو في غلط تبهوني بس من غير قلة ادب هههههههه الاسئلة في المشاركة الجاية

انا وانت فوقنا من الغيبوبة متاخر اوى اوى اوى

مش اكتر منى :D
بس صدقونى 6 ساعات مذاكرة فى اليوم من اول دلوقتى لحد شهر 5 حتكون مخلص الكيمياء مش الباب التاسع بس
اهم حاجة تنظيم الوقت ومتخلوش مادة تاخد وقت مادة تانية لو محتاجين وقت وفروه من وقت النوم انما مش من وقت مادة تانية و ان شاء الله خير:)

Z A R D

13-04-2008, 12:43 PM

عندك حق بس المشكلة ان الكيميا العضوية دى حاجة فظيعة لانها عايزة حفظ

و انا غلطت ان انا مكنتش بذاكرها اول باول فاتراكمت عليا بس ربنا يسهل و اخلصها

و ربنا يوفقنا جميعا السنة دى:rolleyes:

تسنيم توتا

13-04-2008, 02:40 PM

انا زيكم لسه فايقة من الغيوبوبه بس انا لقيت الحل للكل اللى فاق زى متاخر انا جبت اسطوانه المعلم فيها شرح صوت وصورة مع كتاب المثالى انا خلاص انا بظبط بقالى 3 ايام بزاكر وباذن الله ناويه اخلص العضويه خلال ايام بسيطة ياريت الطريقة دى تفيدكم زى ما فاددتنى على فكرة انا بشكر كل اللى حاولى يساعدونى علشان اعرف الم العضويه وانا اكيد هفكر كمان في الحلول اللى اقولتوها اختكم في الله تسنيم

تسنيم توتا

13-04-2008, 02:45 PM

LoNeCorE

13-04-2008, 03:13 PM

انا بشكرك على مساعدتك ليا واوعدك انى اعمل زيك بظبط وادعيلي انى اعدى السنه دى

الشكر لله والحمد لله انى قدرت اساعد
وخلى عندك امل مهما كانت درجة الصعوبة لان الواحد لما بيفقد الامل بيخسر كل حاجة
وان شاء الله مش حتعدى بس حتجيبى درجة عالية كمان :)
وشكرا على المعلومة بالنسبة لاسطوانة المعلم انا كنت بفكر اجيب برضو حاجة زى كدة بس ناس كتير قالولى ان مفيهاش حاجة على العموم مش حخسر حاجة لما اجرب.

ان شاء الله خير

تسنيم توتا

13-04-2008, 04:51 PM

اكيد لازم يكون عندى امل وعلى فكرة الاسطوانه بجد جميلة جدا يعنى مدرس معاك في البيت 24 ساعة هتنفعك جدا وهتلم المنهج بسرعة اوى معاك وغير كدة فيها امتحانات واسئلة كتيرة اوى جرب مش هتخسر شئ وابقي برضه ادعيلي علشان انجح السنه دى معنديش استعداد انى اعيد تانى علشان خاطر الكيمياء محتاجة دعواتكم اوى

fariooo

13-04-2008, 07:11 PM

fariooo

13-04-2008, 07:20 PM

س4/ علل انتشار المركبات العضوية؟

ج/ بسبب قدرة ذرات الكربون علي الارتباط مع بعضها او مع غيرها بطرق عديدة
والله انا بقول ان احنل المفروض نكتب طرق الارتباط
اولاً انها ترتبط مع بعضها بروابط احاديه او روابط ثنائيه او ثلاثيه
ثانياً انها ترتبط مع بعضها بسلاسل مستمره او سلاسل متفرعه او حلقات متجانسه او غير متجانسه

تسنيم توتا

14-04-2008, 05:02 AM

قبل ما نفهم الروابط لازم نفهم الكيمياء العضويه صح علشان نكمل صح

الاسطورة

14-04-2008, 11:20 AM

اتصلى على تم الحذف وانا ااولك على الحل ومش هتندمى
عيب يا كابتن
سيتم اتخاذ اللازم حالآ

تسنيم توتا

14-04-2008, 04:06 PM

لو عندك حاجة مفيدة وهتنفعنى يبقي تكتبها وانا اقراها اوك وشكرا اوى على اللى بيحصل ده

سامسون

14-04-2008, 05:22 PM

يا جماعة حد يعرف ازاي نحصل علي حمض كربوكسيلي اروماتي من حمض كربوكسيلي اروماتي ارجو ردكم

fariooo

14-04-2008, 05:44 PM

عيب عليك ياريت الاداره تقوم بالاجراءات اللازمه

صوت الحق

14-04-2008, 07:31 PM

نم ايقاف العضو وقف نهائيا واذا تكررت من اى عضو اخر سوف احذف العضوية فورا

LoNeCorE

14-04-2008, 09:52 PM

شوفو ياجماعة الموضوع دة وان عجبكم حاولو تعملو زيه لباقى الهيدروكربونات وانا معاكو ان شاء الله

http://www.thanwya.com/vb/showthread.php?t=42329

سلام

أ / إيهاب

14-04-2008, 10:09 PM

والله انا بقول ان احنل المفروض نكتب طرق الارتباط
اولاً انها ترتبط مع بعضها بروابط احاديه او روابط ثنائيه او ثلاثيه
ثانياً انها ترتبط مع بعضها بسلاسل مستمره او سلاسل متفرعه او حلقات متجانسه او غير متجانسه

-ترتبط مع بعضها بأشكال عديدة (روابط احاديه او روابط ثنائيه او ثلاثيه )
2- ترتبط مع العناصر الأخرى بأشكال عديدة (hcho Ch3oh مثال ذرة الأكسوجين )
3- تتشكل فى اشكال عديدة (سلاسل مستمره او سلاسل متفرعه او حلقات متجانسه او غير متجانسة)

تسنيم توتا

15-04-2008, 12:36 AM

اولا بشكر الادرارة على رد الفعل

الحالمة

15-04-2008, 08:31 PM

[ بصراحة انا باخد دروس في جميع المواد وطبعا عندي الملازم بتاعتهم
بس انا لما باجي اذاكر وخصوصا الكيمياء عملا كشكول لكل مادة الخص فيه اللي انا ذاكرته من كتاب المدرسة ومن الملزمه
واربط المعادلات ببعض واعمل اسئلة
والحمد لله انا حاسة اني اتحسنت كتير فاعملوا زيي ومش هتندموا

الحالمة

15-04-2008, 08:32 PM

نم ايقاف العضو وقف نهائيا واذا تكررت من اى عضو اخر سوف احذف العضوية فورا

شكرا على رد فعل الادارة عشان ميتكررش الفعل ده تاني

محمود الخطيب

17-04-2008, 03:44 AM

يا ريت يا تسنيم تقدري تعملي copy لمحتويات الاسطوانة وارفعيها على الموقع وجزاك الله خيرا وربنا يوفقك في العضوية وفي باقي المواد ورايي في مشكلتك ان انتي تحاولي تروحي عند مدرس بس يكون شديد شوية في المراجعات الى جانب السي دي والمذاكرة بتاعتك دة هيفيدك كتييييييير

mahmodhosny

17-04-2008, 10:41 PM

mahmod_elngar2007@yahoo.com
للمساعدة فى العضوية

fariooo

20-04-2008, 12:03 PM

ياجماعه كتاب الامتحان المراجعه النهائيه ده كويس جداً

يمنىالشابورى

20-04-2008, 01:24 PM

ازانا يا جماعه كل ما اذاكر الكيمياء العضويه دى بنساها المعادلات صعبه قوى وكل الرموز شبه بعض دا غير المواد التانيه وضغط المدرسين علينا وكل مدرس يقولك متتعبوش نفسكوا فى الكيمياء مهما ذاكرتوها مش هتجيبوا اكثر من35وانا طول عمرى من المتفوقين وخايفه لضيع السنه دى

fariooo

20-04-2008, 07:29 PM

انتى اعميلى اللى عليكى وربنا معاكى ومعانا كلنا

ككك

21-04-2008, 05:48 PM

vfربنا معانا كلنا عموما انا عايزة اسئلكوا سؤال حد لاحظ ان القانون بتاع Ksp اتغير من كتاب السنة دى والسنة الى فاتت يعنى لما هتيجى فى الامتحان نحل بالطريقة ايه

fariooo

21-04-2008, 07:15 PM

السنه دى طبعاً

LoNeCorE

21-04-2008, 10:10 PM

ياجماعه كتاب الامتحان المراجعه النهائيه ده كويس جداً

كلامك صح بس اللى ميعرفش حاجة عن باب معين معتقدش انه حيفهم حاجة من التلخيص والله اعلم

ازانا يا جماعه كل ما اذاكر الكيمياء العضويه دى بنساها المعادلات صعبه قوى وكل الرموز شبه بعض دا غير المواد التانيه وضغط المدرسين علينا وكل مدرس يقولك متتعبوش نفسكوا فى الكيمياء مهما ذاكرتوها مش هتجيبوا اكثر من35وانا طول عمرى من المتفوقين وخايفه لضيع السنه دى

سيبك من المدرس او اى حد ومتخليش حد يهز ثقتك فى نفسك انا لو كنت بسمع كلام حد مكنتش حتى قدرت انجح فى سنة اولى
ومهما كان المدرس يعرف عنك معتقدش انه يعرف انتى اخرك اية وتقدرى تستحملى قد اية ولو هو فاكر حاجة حاولى تثبتيله العكس ;)
بالنسبة للحفظ انا برضوا زيك كدة بس انا عن نفسى لاحظت انى لما بحل كتير بحفظ بسهولة وحاولى تعلمى المركبات بحاجة تخليكى تفتكرى وربنا معاكى ومعانا كلنا :)

prof_zohney

22-04-2008, 02:51 AM

أرجو منك قراءة تحويلات العضوية في المنتدي وأرسلي تعليقك عليه

كتكوتة مصرية

23-04-2008, 02:35 PM

u متقولوش ان الكميا العضوية صعبة لانها مش صعبة الا اذ اولنا عليها صعبة

تسنيم توتا

23-04-2008, 08:54 PM

مش مشكلة اذا كانت صعبة احنا عاوزين حل للمشكلة نفسها يعنى حل سريع يلم منهج العضويه قبل الامتحانات وياريت بسرعة لحسن خلاص انا ممكن اضيع

fariooo

24-04-2008, 06:25 PM

لو انتى مذاكره نص نص ذاكرى من ملخص كتاب الامتحان

تسنيم توتا

25-04-2008, 01:07 AM

احنا عاوزين حل سريع ويكون جزرى

تسنيم توتا

27-04-2008, 11:30 PM

من الواضح ان مفيش حل يسعفنا في مشكلتنا

حسام الشرقاوى

27-04-2008, 11:51 PM

تسنيم توتا

28-04-2008, 12:03 AM

على فكرة انا عملت كوبى للاسطوانه اللى عندى بس معرفتش ارفعها على الموقع

حسام الشرقاوى

28-04-2008, 12:08 AM

من الواضح ان مفيش حل يسعفنا في مشكلتنا

انا هعترف ليكم بسر خطير انا لحد شهر 3 مكنتش مزاكر اى حاجة فى اى حاجة ولا حتى كنت بروح الدروس لانى لما كنت بروح مكنتش بقدر اركز فى الحصة بسرح كتير بفكر هاكل اية لما اروح وكدة
عملت انا اية بقى
كل يوم قبل صلاة الفجر بساعة اقوم اصلى صلاة القيام وادعى ربنا
وبعدين افتح المزكرات اللى عندى على الجهاز اول حاجة استفتح بيها مزكرة الاستاذ عاطف خليفة وبعدين ادخل على مزكرة الاستاذ سيد عثمان(الخلاصة)ومسك الختام مزكرة الحريف للاستاذجابر شكرى ولما اتعب ادخل العب شوية فيفا 2007 يكون اخدت راحة وبعدين الم كل اللى زاكرتة بانى اشغل الاسطوانة واركز معاها واسرح فيها

انا عملت كدة ولما عرفت اننا عندنا امتحان كمياء على العضوية يوم الجمعة روحت الامتحان وجبت فية درجة كدة مش عجبانى 49.5من 50 اعتقد ان دة حل كويس

ويبدوا ان الموضوع دة هيتثبت قوريب اوى

حسام الشرقاوى

28-04-2008, 12:14 AM

على فكرة انا عملت كوبى للاسطوانه اللى عندى بس معرفتش ارفعها على الموقع
عملتيها ازاى يا عبقرية

يعنى عملتى الصعب ومش عارفة السهل

اقولك انا

انتى تضغطى الملف اللى فية الاسطوانة وبعدين تكتبى فى جوجل موقع طق طق
هيظهر ليكى طق طق لتحميل الملفات افتحى الموقع واختياى تحميل الملفات وبعدين هتختارى الملف من على جهازك وتختارى تحميل وبعدين هيظهر ليكى رابط التحميل اعمليلة كوبى واعمليلة باسط هنا فى الموضوع دة
او ممكن حل تانى بس هو دة اللى انا اعرفة

حسام الشرقاوى

28-04-2008, 12:17 AM

نم ايقاف العضو وقف نهائيا واذا تكررت من اى عضو اخر سوف احذف العضوية فورا
ماذا فعل هذا الاحمق

تسنيم توتا

28-04-2008, 12:18 AM

على فكرة انا عملت كدة السنة اللى فاتت وكانت النتيجة انى شيلت المادة وانا عن نفسي مرعوبة من الكيمياء وثانيا انا بجد مش هعرف ارفع الكوبى من الاسطوانه على الموقع

حسام الشرقاوى

28-04-2008, 12:23 AM

على فكرة انا عملت كدة السنة اللى فاتت وكانت النتيجة انى شيلت المادة وانا عن نفسي مرعوبة من الكيمياء وثانيا انا بجد مش هعرف ارفع الكوبى من الاسطوانه على الموقع
عملتى اية اللى انا بعملة دة يالهوى يعنى انا هشيلها انا كمان وهعيد السنة لوحدى يا حلولى

daye3

30-04-2008, 05:27 PM

ممكن ياجماعة تقولولى انهى احسن اسطوانة شرح للكيمياء يعنى المعلم ولا المرجع ؟

و ياترى هما بيجيبو شرح بالصور للمركبات والتجارب والحاجات دية من الحقيقة ولا اية نظام الشرح ؟

ياريت الرد بسرعة لانى عايز ابتدى من بكرة :)

mostafa_mostafa499

30-04-2008, 08:20 PM

يبييبوص ذاكر من كتاب مردسة او ورق شرح مدرس وحل من كتاب الأمتحانات والله تجيب فيه الدرجة النهائية

dody22

01-05-2008, 08:18 AM

على فكرة انا عملت كوبى للاسطوانه اللى عندى بس معرفتش ارفعها على الموقع

ادام الأسطوانة معمول عليها حماية ممكن تعمليها ببرنامج CloneCD دة بينسخ اى اسطوانة محمية على الهرد

وبعد كدة تاخدى الملفات الى نزلت وتضغطيها وترفعيها على اى موقع بيرفع ملفات

تسنيم توتا

01-05-2008, 11:43 AM

اسطوانه الشرح احسن بكتير جدا وبزات اسطوانه المعلم وعلى فكرة النتيجة مضمونه وادعولى انى انجح

الامبراطورةالفارسة

01-05-2008, 12:09 PM

ممكن تكون الاسطوانات كويسة ولكن الحل الى انت تحلى بيدك احسن

mostafa_mostafa499

01-05-2008, 06:56 PM

بوصى هقولك على حاجة ذاكرى من كتاب المدرسة واحفظى من كتاب الأمتحان او الملم او مندليف جامد برضه وحلى بس المهم تحلى كتير انصحك تحلى من كتاب الأمتحان بتاع الأسئلة

كويتية صغيرونة

01-05-2008, 08:13 PM

ياجماعة اسطوانة الاستاذ حلوة جدا
سرح المدرس أكنه أمامك
يشرحلك بالعامية
وأذا في شي ممكن تتلخبط فيه ينبهك ويعيد المعلومة كذا مرة
وفيها التعاريف والمقارنات ومراجعة ماقبل الامتحان

تسنيم توتا

01-05-2008, 10:22 PM

ميرسي على الحلول دى يا جماعة وربنا يوفقنا جميعا

ولاء البحيرى

01-05-2008, 10:59 PM

ياجماعة ستعينوا بالله وانت هتعرفوا تزاكروا وركزوا اوى على كتاب المدرسة ومش مهم اى حاجة تانية
اتمنى التوفيق ليا ولكم

LoNeCorE

07-05-2008, 09:26 PM

ياجماعة ستعينوا بالله وانت هتعرفوا تزاكروا وركزوا اوى على كتاب المدرسة ومش مهم اى حاجة تانية
اتمنى التوفيق ليا ولكم

عندك حق وعلى فكرة اسطوانة المعلم بتاعت الشرح انا حاسس انى جايب واحد يقرالى الكتاب بتاع المدرسة :D
انا بذاكر من كتاب المدرسة ولو مفهمتش انزل على ملزمة الاستاذة اللى باخد معاها ولو كل دة ونص ونص بمسك كتاب الامتحان الاخير فى المراجعة واحفظ كل المقارنات والتعريفات و بعد كدة بدخل احل اسئلة كتاب المدرسة وكتاب النماذج
لو بعد كل دة فية حاجة مفهمتهاش بروح اجنن الاستاذة اللى باخد معاها ولو مفهمتش برضو حابقا ارخم على الفلاتات اللى باخد معاهم :p

والغريبة انى لحد دلوقتى ماشى تمام قفلت الباب الاول والتانى مع انى مكنتش اعرف عنهم حاجة من اول السنة وحليت عليهم كل اسئلة كتاب المدرسة ودليل التقويم واسئلة كتاب الامتحان بتاع المسائل
الحمد لله الباب الواحد مش بياخد معايا اكتر من يوم وانهاردة بخلص فى الثالث واهو ادعولى ربنا يفضل مسهلها كدة لحد ماخلص الابواب الباقية

وقولولى انتوا عملتو اية وانتى ياتنسيم عملتى اية
ان شاء الله خير :cool:

تسنيم توتا

13-05-2008, 01:28 PM

بس جامدة في الشرح

™MaDo

13-05-2008, 06:20 PM

تسنيم توتا

15-05-2008, 06:17 PM

بس احساس ان في حد بشرح ليك احسن بكتير حلوة اوى الاسطوانه جامدة

LoNeCorE

15-05-2008, 11:46 PM

مش حتلاقوا حل غير انكوا تذاكروا من كتاب المدرسة وبسسسسس

وبعدين انا زيكم بس مضيع اوي في الاهمية الاقتصادية اكتر من التحويلات

ومضيع بارضوا في الباب الثامن والتاسع علشان مذاكرتهومش خالص اصلا

بس اللي بيحب نظام التلخيص وكده في كتاب الامتحان في المراجة النهائية

جايب كل باب تعريفات وتجارب ومعادلات وتعليلات وعلماء ومقارنات واهميات وكده

ده غير 24 امتحان ثانوية عامة مصر مجاوبين بالكامل للسنين اللي فاتت

بجد كتاب شديد

شد حيلك وظبط البابين اللى فاضلينلك وان شاء الله تقفل الكيمياء السنة دى
بالنسبة لكلامك على كتاب المدرسة فعلا اللى حاطين الكتاب مظبطينه بطريقة حلوة انا كنت فاكر ان كتاب المدرسة حيبقا كلة كلاكيع وكلام ورغى بس فعلا كتاب الكيمياء دة تحفة وبالنسبة لكتاب الامتحان يعتبر احسن كتاب خارجى الواحد يذاكر منه
ربنا يسهلها علينا كلنا ان شاء الله :)