انا نفسي ادخل الكلية دي بصراحة , وحابب اخد رأيكم
انا لسة في اولى ثانوي وبفكر في الكلية دي وكنت قريت عن قسم اسمه قسم تكنولوجيا المعلومات Information Technology Department = IT
وقريت ان دة بتدرس فيه لغات برمجة خاصة بالمجال ده زي الفي بي سكريبت و الروبي و البايثون و الجافا وازاى تبرمج مواقع انترنت
بس قريت ان القسم دة مش في كل الجامعات , عاوز اعرف بيبقى في كليات ايه
وعاوز اعرف اكتر عن القسم دة عامةً , وانا كنت قريت في نهاية الموضوع اللي قريت فيه عن الكلية لقيت مكتوب ان الدراسة بالانجليزي , كنت حابب اعرف مقصود بالانجليزي ان كل الدراسة بالانجليزي يعني الشرح وكل حاجة كدة ولا المقصود المصطلحات والكلام دة , وهل الكلية بتقبل في الحالة دي اللي كانوا في لغات ولا عادي ثانوي عام ( علمي رياضة )
مع العلم إني انا مستوايا في الانجليزي ( اللي بدرسه ) كويس اوي

وشكراً وياريت تعرفوني معلومات اكتر عن الكلية وخاصةً القسم دة

السلام عليكم ورحمة الله وبركاته

مبدايا عاوزة اقول ان فعلا الكلية ممتعة جدا في دراستها لو انت حببها وهتلاقي مجال انك تبدع فيها ان شاء الله :)

قسم it اعتقد موجود في جامعة القاهرة بس ... المشكلة انك لو توزيعك الجغرافي مثلا عين شمس مش هتقدر تخش القاهرة .. بس عموما الاقسام بالنسبة للكلية مش بتفرق اوي لان بداية الكلية اول سنتين زي القاهرة مثلا او 3 سنين زي عين شمس بيبقى الدراسة واحدة وبيبدأ تنسيق الاقسام من بعد كدة .. فالاساسيات الكل بيخدها في الاول وبعد كدة كل واحد حابب جزء معين بيدرسه اكتر في القسم بتاعة وده ميمنعش انك تقدر لما تتخرج تشتغل في المجال بتاع قسم تاني .. اهم حاجة ان الواحد يبقى عنده مرونة انه يشتغل في حاجة اول مرة يشوفها طالما هوة فاهم الاساسيات
بالنسبة للدراسة بالانجليزي دي بتبقى اول مطب لكل الطلبة اللي داخلين كليات عملية :) مفيش كليات عملية بتدرس بالعربي .. بس طبعا الدكاترة بيبقوا واخديين بالهم ان اغلب الدفعة من مدارس عربي وهتلاقوا الدكاترة بتشرح عربي بس بمصطلاحات انجليزي ولاامتحانات طبعا انجليزي ... بس عموما الواحد بيتعود بعد كام اسبوع كدة متقلقش

وربنا معاك ان شاء الله السنتيين اللي جايين دول ولو عندك اي استفسار هبقى سعيدة جدا :)

السلام عليكم ورحمة الله وبركاته

مبدايا عاوزة اقول ان فعلا الكلية ممتعة جدا في دراستها لو انت حببها وهتلاقي مجال انك تبدع فيها ان شاء الله :)

قسم it اعتقد موجود في جامعة القاهرة بس ... المشكلة انك لو توزيعك الجغرافي مثلا عين شمس مش هتقدر تخش القاهرة .. بس عموما الاقسام بالنسبة للكلية مش بتفرق اوي لان بداية الكلية اول سنتين زي القاهرة مثلا او 3 سنين زي عين شمس بيبقى الدراسة واحدة وبيبدأ تنسيق الاقسام من بعد كدة .. فالاساسيات الكل بيخدها في الاول وبعد كدة كل واحد حابب جزء معين بيدرسه اكتر في القسم بتاعة وده ميمنعش انك تقدر لما تتخرج تشتغل في المجال بتاع قسم تاني .. اهم حاجة ان الواحد يبقى عنده مرونة انه يشتغل في حاجة اول مرة يشوفها طالما هوة فاهم الاساسيات
بالنسبة للدراسة بالانجليزي دي بتبقى اول مطب لكل الطلبة اللي داخلين كليات عملية :) مفيش كليات عملية بتدرس بالعربي .. بس طبعا الدكاترة بيبقوا واخديين بالهم ان اغلب الدفعة من مدارس عربي وهتلاقوا الدكاترة بتشرح عربي بس بمصطلاحات انجليزي ولاامتحانات طبعا انجليزي ... بس عموما الواحد بيتعود بعد كام اسبوع كدة متقلقش

وربنا معاك ان شاء الله السنتيين اللي جايين دول ولو عندك اي استفسار هبقى سعيدة جدا :)

انا متشكر أوي لردك :)
وكمان عاوز استفسر عن حاجة كمان , هى الكلية بتاخد من كام ؟
وشكراً :)

انا متشكر أوي لردك :)
وكمان عاوز استفسر عن حاجة كمان , هى الكلية بتاخد من كام ؟
وشكراً :)

هوة بيبقى على حسب تنسيق كل سنة بس بيبقى في متوسط 93 او 92مثلا ممكن يزيد او يقل على حسب التنسيق ... وبتبقى قريبة من هندسة احيانا بتبقى اعلى منها واحيانا العكس

و لا شكر على واجب :)

انا زيك انا فى اولى ثانوى و نفسى ادخل حاسبات
وقسم يكون فيه برمجة و ويب

هوة بيبقى على حسب تنسيق كل سنة بس بيبقى في متوسط 93 او 92مثلا ممكن يزيد او يقل على حسب التنسيق ... وبتبقى قريبة من هندسة احيانا بتبقى اعلى منها واحيانا العكس

و لا شكر على واجب :)

ربنا يوفقني إن شاء الله وأجيب مجموع كويس أقدر أدخلها :)
ومتشكر على ردكـ

انا زيك انا فى اولى ثانوى و نفسى ادخل حاسبات
وقسم يكون فيه برمجة و ويب

ربنا معانا إن شاء الله :)

بالظبط زى ما الباشمهندسة قالت

الدكاترة بياخدوا بالهم م الموضوع بتاع الانجلش دة

وبيحاولوا يوصلوا المعلومة على قد ما يقدروا بالعربى والانجليزى

بس نصيحة منى لو ناوى ع الكلية وهتشتغل وهتزاكر كويس عشان تدخلها

ربنا يكرمك يعنى وتدخلها

استغل اجازات الصيف بتاعتك ف كام كورس انجلش كدة يخلوك تمام قبل ماتدخل

دة هيخليك متفوق اكتر وفاهم اكتر

لان كل الدراسة انجلش والامتحانات كمان :)