احساس غريب [الأرشيف] - بوابة الثانوية العامة المصرية

مشاهدة النسخة كاملة : احساس غريب

ملكة زمانى

11-04-2008, 12:30 PM

احيانا مواقف بتحصل معايا وفى اثناء الكلام الشخص اللى بيتكلم معايا بسمع صوت بيكمل الحوار مع ان هو لسة مكملش كلام شوية وبيقول نفس الكلام اللى سمعتة بيتقال بصوتة مش عارفة دا اية
بس انا كدة بكون عارفة بقيت الحوار كاملا وبالتفاصيل وسمعتة بصوت صاحب الكلام كمان :confused:
واحيانا اكون بذاكر مثلا واسمع موقف بيتقال فى راسى بكل التفاصيل اقول يمكن الكلام دة حصل قبل كدة
بس للاسف مش بيطلع حصل قبل كدة
مش عارفة دا عبارة عن اية
ياترى جنون ولا اية ؟
بجد الموضوع دة بيتكرر كتير وياريت مفيش حد ياخد الموضوع تريقة
انا سالت اصحابى قالولى انهم مش بيحصل معاهم كلام من دة خالص
مش عارفة ممكن حد يساعدنى

أميرة الحب

11-04-2008, 12:35 PM

حاجة غريبة فعلا ومحصلتش معايا قبل كدا غير نادرااااااا
بس عادي
كل انسان وليه حاجات كدا ممكن تكون مش بتحصل غير ليه هوا بس
بس مش معنى كدا انك مجنونة او حاجة عادي متخافيش
ممكن تحصل:rolleyes:

net_devil_2008

11-04-2008, 03:03 PM

هذا ما يسمى بالحاسه السادسه لدى المرأه بس حالتك دى غريبه شويه

احمد رضا

11-04-2008, 03:03 PM

السلام عليكم ورحمة الله وبركاته

ازيك يا " ملكه زماني "

أولا : احب اقولك دي مش حاجة غريبه ولا حاجة
بس كلامك ممكن يكون فيه بعض المبالغه - الغير مقصوده -

فكل ما قد ذُكر في ابحاث عن الحاسه السادسه و المنحه التنبؤيه وكل الحاجات دي
متوصلش للدرجات دي إلا بحالات معينه

انك تسمعي الكلام بنفس الصوت ونفس التفاصيل
ولكن يمكن يكون بسبب معرفتك للشخص اللي قدامي كويس
فعندك نوع من انواع الفراسه الصادقه
انك تقدري تقري افكاره
او تقدري تستنبطيه
وده نوع من الشفافيه كمان
وكل الحاجات دي ذُكرت من قبل كدا
سواء في ابحاث
او في تاريخ اسلامي
ان ناس كانوا عندهم منحه وكانوا بيقدروا يتنبؤا باشياء لم تحدث

انا مكنتش فاكر الحدث كويس فجبتهولك

عن ابن عمر عن أبيه أنه كان يخطب يوم الجمعة فعرض في خطبته أن قال "يا سارية الجبل! من استرعى الذئب ظلم". فالتفت الناس بعضهم لبعض، فقال لهم علي: ليخرجن مما قال. فلما فرغ سألوه فقال: وقع في خلدي أن المشركين هزموا إخواننا، وأنهم يمرون بجبل فإن عدلوا إليه قاتلوا من وجه واحد، وإن جاوزوا هلكوا، فخرج مني ما تزعمون أنكم سمعتموه. فجاء البشير بعد شهر وذكر أنهم سمعوا صوت عمر في ذلك اليوم. قال: فعدلنا إلى الجبل ففتح الله علين[ كشف الخفاء للعجلوني].

--
روي عن أمير المؤمنين عثمان بن عفان:
يروى أنه دخل رجل على سيدنا عثمان فقال : "أيدخل علينا رجل وأثر الزنا في عينيه ؟ فقالوا : أوحي بعد رسول الله ؟! قال : لا، ولكنها فراسة صادقة".

--

ولكن لو عندك فعلا الموهبه دي
فياريت تنميها
وتنميتها
بالتقرب من الله
وانك تحافظي علي الجو اللي حواليكي
بحيث تكوني في حاله صفاء زهني اغلب الاوقات

اوعي تفتكري الحاجات دي خرافات
لاء الحاجات دي اتعمل عليها ابحاث في اكسفورد
وعلي فكرة فيه ناس موهوبين فعلا
بيكون عندهم حالة من الوعي
والاستبصار
وبتتحول حياتهم لأحلام محققه - بإذن الله -

فحاولي تنمي الحدث والحاسه اللي عندك دي
واتقربي من ربنا
والله المستعان

اتمني الإفادة
:)

tarekessam

11-04-2008, 03:49 PM

بالنسبة لـ حالتك دية انتي لازم تعرضي نفسك علي دكتور نفسي ههههههههههههه

لا بس فعلاً الحاجات ده كلها جائز حدوثها و تكرارها مع اي شخص و دة بيبقي في حالة الانسان الذكي بمعني انه بيستطيع انه يحدد مستوي ذكاء الانسان اللى قدامة و بيقدر يحدد باقي الموضوع من مجرد العنوان بس
(الكتاب بيبان من عنوانة ) و والله الموضوع دة بيحصل ليا بس كان بيحصل ليا في الصيف اكتر علشان كنت ببقي مختلط مع الناس اكتر بسبب انشغالي بالدراسة و كنت لما يجي الصيف اروح اقعد عند اولاد خالتي كانوا 2 توأم اكبر مني بسنة و احدة بس في فرق في السن بيينا بس انا كنت بفوقهم في الذكاء مش بتمنظر و الله بس فعلاً ودة علشان هما كانوا بيحبوا يأنتخوت :p ومكنوش بيتعاملو مع تقدمات العصر يعني كبيرهم البلاي استيشن و دة مفيش منه اي فائدة نرجع للموضوع كانوا لما يحولوا يتفقوا عليا بعرف من بداية كلامهم هم عايزين يوصلوا لـ اية الخطط كمان ويمكن دة بتحصلك مع اي حد لاني بصراحة شايف انك ذكية جداً ودة انا لحظتة في حل الرياضيات

السلام عليكم و رحمة الله و بركاتة
شكراً

nisreen

11-04-2008, 04:14 PM

الكلام دة عادى خالص وما تقلقيش

ملكة زمانى

11-04-2008, 05:53 PM

لا يا جماعة مش حاسة سادسة ولا حاجة
انا مش عايزاها اصلا
انا بقيت مش عارفة اميز بين اللى بتخيلة واللى بيحصل فعلا
وبكدة بقع فى ايمان كتير لانى بكون متاكدة انى الحاجة دى حصلت قبل كدة مع ان مش بتكون حصلت وبتعملى مشاكل
بس ممكن تكون زى ما العضو احمد رضا بيقول معرفة او استنباط انا كمان نسيت حاجة مهمة انا لما بكون متضايقة من شخص معين بجيب ورقة وقلم واكتب اسئلة واتخيل ان الحد دة معايا ومن خلال ردودة فى مواقف قبل كدة او علم بشخصية بكتب اجاباتة وبنسبة 90% بتطلع صح انا مش ببالغ بس دا انا بعملة فعلا

*ساسُّو*

11-04-2008, 06:15 PM

حصلت معايا قبل كدة

بندق__2007

11-04-2008, 06:33 PM

بصراحة الموضوع غريب جدا جدا جدا
ولكن يا ملكة زمانى متخافيش و متديش الموضوع جزء من تفكيرك و زى ما قال احمد رضا
هى أقرب إلى الفراسة الصادقة و ياريت متشغليش بالك و متفكريش كتير خدى الحياة ببساطة

الملكة

11-04-2008, 06:43 PM

على فكرة الحكاية عادية جدا انتى عندك حسن مطلع يعنى بتخمن وبيحصل عملية تاكيد لما الشخص بيتكلم انا ساعات بتحصل معايا انى ابقى فى موقف واحس انه حصل قبل كده وكأنى شوفته مع انى عمرى ما شوفته بس مش تخافى خالص

ملكة زمانى

11-04-2008, 06:46 PM

الامبراطورةالفارسة

12-04-2008, 12:08 PM

يا جمعاعة الحالة بتحصل معايا بس على هية احلاموتهيؤات معرفش بس اما حد بتكلم ادامى فى موضوع بحس انى سمعتة قبل كدة وكمان بقول الى حصل فية انا مش عارفة دة كويس ولا وحش ولا ذكاء ولا فراسة مش عارفة ممكن يقولى؟

ملكة زمانى

12-04-2008, 03:05 PM

انا اديت للموضوع اكتر ما يستحق
انا هسبنى من التخاريف دى
وكمان لقيت كتاب فى مكتبة البيت اسمة (علم الفراسة) هحاول اقراة باذن الله فى الاجازة

مس رانيا حسن

12-04-2008, 03:12 PM

حصلت معايا قبل كدا

وعموما مش تقلقى واعتبرى الموضوع ده عادى جدا

Joliet

12-04-2008, 03:20 PM

احمد رضا

12-04-2008, 04:42 PM

على فكره يا ملكه انا كده وكنت مفكره بردو انى مجنونه ومش كنت بتكلم مع حد خالص فى الموضوع ده واول واحد
اتكلمت معاه فى الموضوع ده كان خطيبى وقالى انه عادى
بس انا من يوم ما عرفته مش بقى يحصلى كده انا كنت اكتر منك بكتيييييييييييييييييييير
عشان كده فكرت انه اضطرابات نفسيه وبصراحه انا مش عارفه حل
وعلى فكره يا احمد مش فيها مبالغه فى حاجات اكتر من كده
ودى بردو مش حاسه سادسه
وميرسيه يا قمر على الموضوع

السلام عليكم ورحمة الله وبركاته
اهلا وسهلا بحضرتك
انا بتكلم عن اللي سبق وقريته وشوفته
كون ان الانسان بيسمع نفس الصوت وكدا
عمرها ما بتبقي بالطريقه دي
مش تكذيب صدقيني
وانا قولت المبالغه غير مقصوده
الجو النفسي بيضفي تأثير بردو
ودي من الشفافيه والحاسه السادسه
وده كان ورد في بحث في اكسفورد
:)

اميرة ولكن حزينة

12-04-2008, 04:48 PM

انا مش عرفة اقولك اية بس احيانا الواحد بيدايق ويفتكر المواقف الى بيبقة مش مسدق انها تحصل كدة حركات غريبة الناس بتعملها وتقلل من شخصيتها ببقة وقفة محرجلهم وهما عادى خالص ووقعد افكر واحتار انا بعدها