مشاهدة النسخة كاملة : تقرير الموجه


mr.ahmedgalal2010
24-04-2012, 01:14 PM
من فضلكوا عايز اعرف ايه فايدة تقرير الموجه واضراره؟
الموجه بتاعى ادانى 73% مع العلم انى ولله الحمد كويس وهو بيشكر فيا ونادرا ما بيشكر فى حد
وكل زمايلى فى المعهد والله العظيم ما بيعرفوا يقروا وبياخدوا اكتر من 95 % فى المواد التانية ومع الموجهيين التانيين كلللللللللللللللللللللللللللللللهم كل سنة وعمره ما حد نقص عنها
انا مخنوق جدا ونفسى امسك الموجه ده وانتقم منه ربنا ينتقم منه حسبى الله ونعم الوكيل

NazeeH
24-04-2012, 01:36 PM
يمكن هو محبكها حبتين

وتقاير زمايلك مع نفس الموجه ايه اخبارها

mr.ahmedgalal2010
24-04-2012, 01:43 PM
شفت اتنين واخدين 70
بس انا مليش دعوة بيهم انا عايز يبقى زى زى باقى زملائى فى المواد التانية
انا هاكتب مذكرة وابعتها للادارة وللمنطقة وللمشيخة و النيابة الادارية كمان
بس من فضلك لو تعرف صيغة كويسة قولى عليها عشان اقدم بيها ولك جزيل الشكر

emadomda
24-04-2012, 03:06 PM
بيفيد فى العلاوة التشجيعية

mr.ahmedgalal2010
24-04-2012, 05:34 PM
وتطلع كام العلاوة التشجيعية دى؟؟؟؟

moonmony82
24-04-2012, 05:53 PM
انا ما دنويش تقرير خالص ما فيش موجه دخلى وادانى تقرير عايزه اعرف هل التقرير ده له اهمية

mr.ahmedgalal2010
24-04-2012, 06:12 PM
التقرير مطلوب للتقدم لاختبار الكادر
بس معرفش بيفرق فى الفلوس ولا لا

والتقرير هتلقاه فى الادارة بتاعتك

amiraali
25-04-2012, 12:35 AM
عندنا فى سوهاج لايكتبون الدرجه فى التقرير منعا للشكاوى ولا حتى النقدير اللفظى وخاصة فى مادة اللغه الانجليزيه

Observer
25-04-2012, 03:36 AM
وتطلع كام العلاوة التشجيعية دى؟؟؟؟

4 جنيه مصرى

NazeeH
25-04-2012, 07:41 AM
شفت اتنين واخدين 70
بس انا مليش دعوة بيهم انا عايز يبقى زى زى باقى زملائى فى المواد التانية
انا هاكتب مذكرة وابعتها للادارة وللمنطقة وللمشيخة و النيابة الادارية كمان
بس من فضلك لو تعرف صيغة كويسة قولى عليها عشان اقدم بيها ولك جزيل الشكر
زي ما أنا اعتقدت
انت واخد73 واتنين من زمايلك 70
يبقى انت أحسن منهم زي ما قلت ان الموجه بيمدح فيك،
لو عايز تقارن لاتنظر لزمايلك في المواد التانية،
المهم الموجه بتاعك وتقديراته ايه،
يعني لو أعطى ناس أخرى 90 وانت 70 وهم أقل منك من حقك تشتكي،
أما في هذه الحالة فالموجه أعطاك أكثر من زمايلك،
طب ايه الحل؟
أنا في رأيي بدل الشكاوي والتصعيد والموجه ياخد موقف منك،
ويفضل حاطك في دماغه،
انت تتفاهم معاه بالحسنى،
وتقول له على اللي في نفسيتك،
ان في زمايلك في مواد أخرى أقل منك ودرجاتهم أعلى في التقرير،
وان التقرير ده له عامل نفسي ولما تحسن أنك اتقدرت كويس،
ده بيرفع روحك المعنوية ويحفزك على الشغل والعطاء،
يعني كلام من هذا القبيل ومفيش داعي للشكاوى والمشاكل،

وبعد كده شوف رد فعله،
المهم دور على حلول دائما وحاول تبعد عن المشاكل،

نيجي بقى لفائدة التقرير الفني،
هو فائدته كان زمان ينفع في التقدم للإعارة،
يعني لاينفع تقدم للإعارة إلا لما تكون حاصل على آخر تقريرين امتياز،
وليس مثل ما ذكر الأستاذ أنه يفيد في العلاوة التشحيعية،
تقرير شيخ المعهد السنوي هو الذي يفيد في التشجيعية،
أهم شيء في التقرير الفني مثل ما ذكرت لك،
ينفع في الإعارة، والآن مفيش إعارات,
طيب ماهي خطورة التقرير الفني،
هي خطورته وهذا نادراً ما يحدث،
ان المدرس لو حصل على تقرير ضعيف،
ممكن يستبعد من التدريس وdحول إلى عمل اداري،
وهذا لايحدث إلا نادرا،





.