السؤال بخصوص اعداد التاكسد
فى كتاب الوزارة فى جدول اصفر كده بيوضح عدد تأكسد العناصر الانقالية الرئيسية
وكاتب تحتيه ان حالات التاكسد الى فى دائرة هى حالات التاكسد الاكثر ثباتاً

لفت نظرى النحاس والكروم
عند النحاس المفرود ان حالة التاكسد الاكثر ثباتاً +1 لان كده هيكون المستوى ي تام الامتلاء
لكن هو حاطط دايرة على +2 ومش موضح ليه (ارجو التوضيح)

عند الكروم حاطط دايرة عند +3 مش عارف ليه
هو المفرود يبقى +1 بس مفيش اصلاً +1
اريد تفسير


شكرأ

لان العنصر الانتقالى يجب الا يكون الاوربيتال d مكتمل او فارغا و لكن يكون مشغولا بالالكترونات لذلك عدد تاكسدcu+2

لا انا مش مقتنع باجابتك العنصر الانقالى هو الى يكون اوربتيلات d مشغولة ولكنها غير ممتلئة سواء فى الحالة الذرية او فى احد حالات تاكسده
وبعدين انت اتكلمت على النحاس متكلمتش ليه على الكروم؟؟؟

ارجو استاذ يجاوبنى

بس هو الكروم مش علينا التعليل دة والسبب ان هو المستوي الفرعي D فية مستويات فرعية وافتكاسات كدة بصراحة ما ركزتش بس اهم حاجة تعرف ان هو +3 واي حاجة بعد الحديد +2

انا عارف انه مش علينا
بس المفرود ان اكون فاهم كل حاجة
مش اعرف واحفظ كل حاجة

ارجو حد يجاوبنى بسرعة

يا ريت اى استاذ يجاوبنى يا جماعة

أعداد التأكسد التى فى دائرة هى ليس فقط الأكثر ثباتا ولكن أيضا الأكثر شيوعا وهناك فرق .

أعداد التأكسد التى فى دائرة هى ليس فقط الأكثر ثباتا ولكن أيضا الأكثر شيوعا وهناك فرق .

بسم الله الرحمن الرحيم

أنا متفق مع الرأي ده يعني المنتشر مثلا ً في مصر بيكون عدد تأكسده +2 وكدة يعني

اوكى شكراً على التوضيح
فعلاً الاستاذ الى انا بأخد عنده درس كان قايل لينا نزود بجانب اكثر ثباتاً
اكثر شيوعاً
بس انا مدتهاش اهتمام
بس انت وضحتلى دلوقتى
شكراً