السلام عليكم ورحمة الله تعالى وبركاته
تابعنا ما تم بخصوص قانون الثانوية العامة الجديد وما نتجت عنة المناقشات المكبله فى مجلس الشعب بسلاسل التعنت وعدم الاهتمام بالنتائج والحرص على تحقيق فوز اى ان كاتن توابعه ونتائجه
هل سيتم بعد كل ذلك تطبيق القانون على الصف الثانى ثانوى العام القادم ام على الصف الاول الثانوى بما يعنى هل من العام القادم ستكون الامتحان العام للشهادة للصف الثالث فقط ؟؟؟؟
افيدونا افادكم الله
شكرا لكم جميعا

سيطبق هذا النظام على طلاب الصف الأول الحاليين ان ان العام القادم سيصبحون في الصف الثاني ويمتحنون في المدرسة ترمين في نصف المواد الثمانية ثم يكملون النصف الثاني من المواد في الصف الثالث اي ان العام القادم لن تكون الثانوية اي امتحان الشهادة الثانوية الا في الصف الثالث فقط وهذا طبقا لآخر ما ورد

بس المشكلة هو ليه القرار ماتعمدش لسه؟؟؟

طيب ماهو مصير الطالب الراسب هذا العام مرحلة اولى وليس له دور ثان ؟

السلام عليكم و رحمة الله وبركاته
خلاصة لما توصلت اليه فى هذا الموضوع ، و بعد أن تابعت بعض الأخبار من الجرايد وخلافه وكذلك اتصلت هاتفياً بكنترول امتحانات الثانوية العامة فقالوا لى أن كل من هم موجودين فى المرحلة الأولى من الثانوية العامة سواء من الموجودين من العام الماضى أو الذين يدخلون لأول مرة لهم الحق فى أن يكملوا دراستهم بأى نظام يختاروه ، مع كتابة اقرار ممضى من ولى الأمر ليكمل الطالب بالنظام الذى يختاره .

و أنا لى وجهة نظر هنا وهى أن الذين يخافون من النظام الجديد لأنه كالمجهول و مواده كثيرة ، فهناك فرصة العمر و هى أن يختاروا ما بين الدراسة بالنظام القديم (السنتين) ، أو على النظام الجديد يعنى كتر المواد وتقلها .
دا أنا كمان كنت سامع ان طلاب سنة ثالثة ثانوى السنة دى لهم أيضا الحق فى أن يختاروا على أى نظام ممكن يدرسوا بيه.

أنا شايف ان هذه فرصة كبيرة وخدوا بالكم ان لما يبقى فيه نظامين ماشين مع بعض هيكون لكل واحد منهم امتحانات مخصوصة بيه ، وتختلف عن امتحانات النظام التانى ، يعنى فيه اختلاف فى درجة صعوبة الامتحانات فى كل منهم ، و أنا رأيى ممكن يخلوا الامتحانات سهلة فى النظام القديم عن النظام الجديد عشان يخلصوا من الناس الموجودة دى و بكدة ترتفع مجاميعهم عن الموجودين فى النظام الجديد [ما هو لسة بيجربوا فيهم هيروحوا منهم فين] ، و بكدة تتأثر المجاميع و كمان يتأثر التنسيق و بالتالى الكليات الى هندخلها باذن الله ، عشان كده أنا إن شاء الله هكمل بالنظام القديم لأنو نظام أنا فاهمه وعارفة كويس ، و كمان الأساتذه احترفوا النظام ده ، و عارفين من أين يؤكل الكتف ولا ايه .
لأجل ذلك فكروا فى الفرصة دى و ما ضيعوهاش من ايديكم لأنها ممكن ما تتكررش تانى و ساعتها نقول ياريت الى جرى ما كان ، والعلم عند الله .

و السلام عليكم ورحمة الله وبركاته