مشاهدة النسخة كاملة : طالما انتى زعلانه كده ماتحترمى نفسك


ya ra7man
14-04-2008, 01:00 AM
بسم الله الرحمن الرحيم
ــــــــــــــــــــــــــــــــــــــــــــ

مشكله بتحصل دلوقتى فى مجتمعنا وكترت اوى بزياده بصراحه

دلوقتى لما تبقى بنت مثلا نازله من بيتها متشيكه بسم الله ماشاء الله وحاطه الميك اب كامل مش ناسيه اى حاجه ولابسه لبس اخر موضه وخلاص ربنا كرمها ونزلت الشارع فضلت يا عينى واقفه كتير مستنيه صاحبتها معلش ماهى بتحضر نفسها بردو واخيرا صاحبتها وصلت وهما ماشين بقى طبعا ماشيين بالراحه عشان ميرجعوش بدرى طبعا المهم وهما ماشيين شويه شباب فضلو ماشيين وراهم وبيعاكسوهم وطبعا دول اتحمقو جامد اوى ازاى يعنى الولاد دول يعاكسوهم

السؤال هنا بقى طالما هى زعلانه اوى انها اتعاكست محترمتش نفسها ليه من الاول ونزلت عدل من بيتها ؟؟؟؟؟؟؟؟؟

عايز الكل يجاوب لان الظاهرة دى كترت اوى بجد

مس رانيا حسن
14-04-2008, 01:04 AM
فعلا عندك حق للاسف بيحصل كتير
لكن فى تصورى امثال تلك الفتيات يعانين من الشعور بالنقص
بالتالى يرغبون فى تعويض هذا النقص بلفت انتباه الاخرين اليهم
لا يجدون وسيله للفت الانتباه سوى ذلك
ويتظاهرن بالضيق والحرج من معاكسات الشباب لهم
لكن فى الحقيقه فى داخلهم يشعرون بالسعاده
لانهم حققوا الهدف الذين سعوا من اجله

مشكورة على طرحك لهذا الموضوع

عاشقـــ الانمى ـــة
14-04-2008, 01:11 AM
عندك حق
بس فى ناس كتيييير محترمة برده بتتعاكس

مروج البحر
14-04-2008, 01:13 AM
وحد الله يا اخي

مفيش بنت دلوقتي بتمشي في الشارع ومحدش بيضيقها حتي لو مشيه زي الصاروخ وبكامل زيها الاسلامي

انا متفقه معاك ان البنت اللي بتلبس لبس مينفعش يتلبس في الشارع وحطه كليو بودره ومشيه علي قشر بيض

الصراحه ملاهاش حق تتكلم وانا بتبسط لماحد بيعكسها لانها عيزه كده وده جزئها

والله انا بيصعب عليه نفسي جيدا من اللي الشباب بيعملوه في البنات في الشوراع من معاكسات

وربنا يهدينا اجمعين

وجزاك الله خيرا علي هذا الطرح الرائع

MohammeD el_SadaT
14-04-2008, 01:22 AM
بص هو معنى إن البنت لبست محزق ولزق واللى كلنا عرفينه ده مبرر لإنك تبص عليها
أو كده حقك وإن إنت كده مرتكبتش معصيه

المشكله كلها بتكمن فى إننا بعدنا عن ربنا بعندنا عن منهجنا
إنجرفنا فى بحر الظلمات وبعنا أخرتنا بدنيتنا
لكن هناك دائماًَ بصيص من الأمل
البصيص ده بيتلخص
فى
حديث رسول الله صلى الله عليه وسلم
" تركت فيكم ما إن تمسكتم به لن تضلو بعدى أبداً كتاب الله وسنتى "

تعالو نرجع لمنهجنا ومرشدنا مره تانيه خلى غضب ومقت ربنا سبحانه وتعالى يترفع عنا
تعالو نرجع لعقلنا
يـــــــــــــــــــــــــــــــــــــــــــــــــ ــــــــــــــــــــــــــــــــــــــــــــارب
عبدك وأتوب إليك

LA STELLA
14-04-2008, 01:24 AM
فكرتنى بواجدة زميلتى كانت بتحكى عن اخوها
وازاى اتعرف بخطيبته وكدة يعنى
المهم ان اخوها دا كان فى يوم من الايام من اكتر الناس هو واصحابه غاويين معاكسة للبنات بس ربنا هداه
فبيقول لها يعنى ان من اكتر البنات اللى يتجرأوا ويعاكسوهم المحترمات الهاديين الحلوين ،، عشان دول فى حالهم يعنى
ويخافوا اوى من زى اللى بتحكى عليهم دول لان منهم المستقويين احسن واحدة منهم تقول لهم كلمة متعجبش ولا تفرج عليهم امة لا اله الا الله ولا تحطهم فى موقف غلس وتدخل معاهم فى حوار

،،
يعنى الموضوع مش مرتبط بحكاية محترمة او غير محترمة درجة اولى يعنى ،، وبتختلف من شاب للتانى كمان

لو مشيه زي الصاروخ وبكامل زيها الاسلامي
طالما ماشية زى الصاروخ وبتمدى زى اختك كدة :D
لو حصل حتى وفكر بنى ادم ما يعاكس مش هيلحق يعاكس اصلا
هيلاقى نفسه نطق الجملة ولا الكلمة لنفسه لانه مش هيلاقى البنت دى لانها ماشية تمد مش براحتها
بس ساعات بنات محترمة غصب عنها بتضطر تمشى بخطوة ابطأ شوية لو معاهم حد "مجبرين عليه عشان مشوار ما " بس خطوة المرافقة دى بطيئة بقى :@
انا ببقى هتشل من زميلاتى دول من خطوتهم النونو

____
اما للجزئية اللى انت اتكلمت عنها فدى مالهاش حق تتضايق اصلا ،، وبردو فكرتنى بموقف تانى اتحكى لى

انا مش بروح المدرسة اه بس زميلاتى حكوا لى موقف حصل السنة اللى فاتت ايام بطولة اليابان والاهلى والكلام دا
فبنت فى فصل ادبى كانت معانا راحت بكوفية للاهلى
فلما كانت مروحة اتعاكست من شباب عشان الكوفية
تانى يوم جت بيها تانى فلما سألوها عن السبب
جاوبت وبمنتهى الجرأة وقلة الذوق : جيت بيها عشان اتعاكس تانى من نفس الشباب !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!

واصلا يعنى انا فاكرة الاخصائية النفسية ايام اولى ثانوى قالت لنا ان البنت المحترمة لما تتعاكس تمشى بسرعة اكبر وتتجاهل الشخص دا الا فى حالة لو حصل تعدى باللمس فهنا متسكتش
وان البنت اللى بتدخل فى حوار مع ولد عشان المعاكسة الشفهية دى فدى بقى عاوزة تلفت الانتباه وواحدة فاضية
وانا بصراحة بتفق معاها ،،فعلا البنت اللى هتقف عشان ترد او بمعنى اصح " تتدلع وتتمايص شويتين " دى بقى هى عاوزة كدة اصلا بس بتتمنظر لها حبتين واهو حوار والسلام وفاضية والظاهر انها كانت بتتمشى عشان تتعاكس مش راحة مشوار ولا حاجة

،،،

dr.saeed
14-04-2008, 01:26 AM
امال غض البصر اتعمل ليه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟
بس يجب من الطرفين الاحترام
وسواء الولد المحترم مش هايعاكس الى مش محترمة
والد الى مش محترم ممكن بردة يعاكس المحترمة
ارجوا فهم وجهة نظرى
فى امان الله

فتاة الاسلام
14-04-2008, 01:45 AM
السؤال هنا بقى طالما هى زعلانه اوى انها اتعاكست محترمتش نفسها ليه من الاول ونزلت عدل من بيتها ؟؟؟؟؟؟؟؟؟
معتقدش انه كانت زعلانة اوى
والله حكاية المعاكسات دى كترت اوى والكل بيتعاكس محترمة او غير محترمة
بس بتفرق هنا فى شئ واحد
ان المحترمة مش هترد وهتعتبر المعاكسة دى كأنها شئ لم يكن ولا تدى لها اى اهتمام
والغير محترمة هتبين انها مضايقة وترد ولكلام الفاضى دة ...
دة بالنسبة للبنت
الولد بقى
لو هو بيراعى ربنا فى كل تصرفاتة اكيد مكنش هيعاكس اى واحدة
لو كان يؤمن بالحديث القدسى (( يا أبن ادم أفعل ماشئت فإنك ملاقيه وأحبب ماشئت فإنك مفارقه وكن كما شئت فكما تدين تدان )) .. وكان بيدرك معناه اعتقد انة عمرة ما هيفكر مجرد التفكير فى انة يعاكس اى واحدة

والشئ الاهم
ان بعدنا عن الدين هو السبب فى كل الطفرة دى

لولو داد
14-04-2008, 02:12 AM
[quote=مروج البحر;420218]وحد الله يا اخي

مفيش بنت دلوقتي بتمشي في الشارع ومحدش بيضيقها حتي لو مشيه زي الصاروخ وبكامل زيها الاسلامي

مين قال كدا سورى انا بعترض
لو بنت ماشية فى الشارع لبسة نقاب او خمار ولبس مش ضيق
والله مافى احد يعاكسها
وبعدين فية بنات بتلبس الاسدال وبتكون حاطة هباب على وشها
طيب دا يبقا زى اسلامى دا نسمية موضة
وبعدين انا والله سالت بنت انتى بيكون اية احساسك وولد بيعاكسك
والله قالتلى بكون مبسوطة جدا
طيب دا كلام
انا مش بجمع دا البعض
والبنت اللى بتجيب لنفسها الكلام دا استحمل بقا
وفى الاخر بيقولو الشباب اللى مش محترمين
طيب فين بس
وشكرااااااااااااااااااااا على الموضوع الجميل
تسلم ايدك

فنكوشه المنكوشه
14-04-2008, 10:23 AM
السؤال هنا بقى طالما هى زعلانه اوى انها اتعاكست محترمتش نفسها ليه من الاول ونزلت عدل من بيتها ؟؟؟؟؟؟؟؟؟


والله انا بسال نفس السؤال بس نسبيا فيش اجابه معينه:D
لكن غالبا البنت دول بالذاااااااااات مش بيبقوا مضايقين ولا حاجه بالعكس بس كبريائها بيمنعها تقول انها مبسوطه :Dهو انتا فاكر هي مزوقها نفسها وضاربه وشين معجون وصنفره عشاني مثلا :Dولا عشان نفسها ودي بئا مش داخله دماغي بصراحه:D
وعلي فكره علي حسب اللي بيعاكس ساعات واحد بيعاكس شاف قدامه واحده حلوه :Dممكن عنده مرض المعاكسه تلاقيه بيعاكس اي حد ان شا الله غفر قدامه :Dوفي ناس بتاخد بنظريه احمد حلمي لو نفسك تغيظ واحده حلوه عاكس الوحشه اللي جنبه اهو منها ترفع معنوياتها شويه برضه:Dودي علي فكره بتنفع جدااااااااا:D

في بئا الله يعافينا جميعا معاكسات اللمس ودي صعبه وقله ادب بصحيح وملهاش مبرر اصلا وبتحصل للمحترمين او غير للمحترمين

كلمه للشباب بئا :مش معني ان البنت لابسه محزق وملزق اقوم اتفرج براحتي لان لما ربئا امرنا بغض بالبصر مقلش غضواالبصر والبنت لابسه محترم ولو لبست من غير هدوم اتفرج براحتك :Dهي مش صاينه نفسها ما تصون نفسك مش هقولك حط اختك مكانها ووالكلام التعبان دا لان اساسا ميصحش اشبها باختك يعني :)
لكن افضل حاجه تتقال للشباب والبنات انهم يتقوا الله :)

TITANIC.788
15-04-2008, 03:03 AM
[البنت اللى تلبس ضيق وتحت بارفان مالهوش حل بنت مش محترمة خالصلانها لازم تلفت الانتباة يعنى هى عايزة كدة يبقى هى بتدعى انها بتضايق لما تتعاكس علشان منظرها اللى هيكون زبالة قدام زاميلاتها واى شخص يعرفها 0000<حجج فارغة وبنات مالهاش ريحت الطعم>

TITANIC.788
15-04-2008, 03:05 AM
البنت اللى تلبس ضيق وتحوت بارفان مالهوش حل بنت مش محترمة خالص :rolleyes:لانها لازم تلفت الانتباة يعنى هى عايزة كدة يبقى هى بتدعى انها بتضايق لما تتعاكس علشان منظرها اللى هيكون زبالة قدام زاميلاتها واى شخص يعرفها 0000<حجج فارغة وبنات مالهاش ريحت الطعم

benwa
15-04-2008, 04:22 AM
بصراحه موضوع جامد جدا
ودا طبعا مش من عادات الاسلام ان البنت تلبس ضيق وتبرفن نفسها..
ومش عارف ايه؟؟؟
والكلام ده كله يعنى بس طبعا زى ما البنت بتغلط الشاب برده بيغلط
يعنى الشاب دلوقتى بيسقط البنطلون لحد..... ولو جيت سألته اى ياعم اللى انت عامله ده ؟
يقولك..مووضه..بس زى مكلمت عن البنات لازم تكلم عن الشباب
لأن هو لو معاكسهاش ومشى فى حاله محترم اعتقد لن هى هتخلى عندها دم ...
واعتقد كمان ان هى هتكسف على دمها ومش هتعمل كده تانى
وعلى فكره هو دهةاللى مضيع المسلمين ان كل واحد بيرمى بلاه على غيره قبل ميبص لنفسه..
وفى النهايه ياريت محدش يزعل منى
وربنا يهدى المسلمين والمسلمات
امين..امين..امين..يارب العالمين

.. Mysterious ..
15-04-2008, 04:55 AM
حسبى الله ونعم الوكيل
بجد لا حول ولا قوة الا بالله
والله الواحد الان ميستغربش على الحاجات اللى بتظهر او بتحصل الايام دى
لانها اصبحت مثل عاداتنا وتقاليدنا

كله ده عشان تتعاكس وفى الاخر تعمل محترمه
يعنى بجد الشاب هيعمل ايه اما يلاقى البنت نازله من بيــتها عامله كداااااااا

عاوزين تقولوا مش يعاكسها ازاى
ده طبعا من المستحيلات
لانها اصلا عاوزة كدااااااااااااااااا
بجد فعلا حسبى الله ونعم الوكيل
ولاربنا يستر على عوراتنا والمسلمين اجمعين
أأأأأأأأأأأمين يارب العالمين

الجويرية
15-04-2008, 08:26 AM
السلام عليكم ورحمة الله وبركاته
استحالة واحد مهما ان كان هو مين او درجة سؤ سلوكه
عمره ماهيعاكس او يتعرض لواحدة محترمة ماشية فى الشارع يعنى مثلا لو واحدة منتقبة وتمام خالص مفيش حاجة باينة منها قولولى هيعاكس فيها ايه بل بالعكس ده بيحترمها وفعلا كل بنت عاملة اللى عملاه فى نفسها وضايقة انها بتتعاكس طب ازاى؟
ده هى عمله كل ده مخصوص عشان تتعاكس وبس وتلفت انتباه الشباب
هتقولى بتتزين لنفسها كذب لو عاوزة تتزينى لنفسك بيتك موجود اعملى فيه ما بدى لكى
طب انتو عارفين دى لو نزلت كدة باللبس ده وما اتعكستش هتبقى متضايقة جدا وازاى هو انا وحشة للدرجة ده
بصوا البنات اللى زى دول هما كدة لا يصلحوا للزواج لان كتيرررررررررررررر بصوا عليهم دول للتفرجة فقط ولكن اللى عاوز بيتجوز مش هيتجوزك انتى هيتجوز واحدة محترمة لبسها فضفاض محدش شافها الا زوجها ومحارمها وبس
وعلى فكرة احنا كدة رامين العبا كله على طرف واحد بس ولكن هناك اعباء على الولد
انت ليه بتبص ماهى تعمل اللى هى عاوزاه وانت مالك هى مش محترمة خليك انت محترم وخلقك الاسلام وغض بصرك وعتبرها اللى ماشية دى اختك زوجتك امك هتبص عليها وتحملق فيها مثلا تفعل مع هذه البنت؟؟؟
اكيد طبعا لا
وربنا يهدينا ويهدى شباب المسلمين وبنات المسلمين جميعا
واسف للاطالة
وجزاكم الله خيرا

اللهم ادخلني الفردوس
15-04-2008, 08:33 AM
استحالة واحد مهما ان كان هو مين او درجة سؤ سلوكه
عمره ماهيعاكس او يتعرض لواحدة محترمة ماشية فى الشارع

هههههههههه اسفه حضرتك مش موجود منك دلوقتي كتيييييييير لكن حضرتك بتعمل المقياس ده عليناس بقوا نادرين جدا جدا
اما بالنسبه للبرفان فا انا واثقه ان البنت لو افتكرت حديث الرسول فيما معناه <ذا خرجت امرأه علي قوم فوجدو ريجها فهي زانيه >ان شاء الله مش هيبقي في الكلام ده ....وجزاكم الله خيرا

الجويرية
15-04-2008, 08:37 AM
استحالة واحد مهما ان كان هو مين او درجة سؤ سلوكه
عمره ماهيعاكس او يتعرض لواحدة محترمة ماشية فى الشارع

هههههههههه اسفه حضرتك مش موجود منك دلوقتي كتيييييييير لكن حضرتك بتعمل المقياس ده عليناس بقوا نادرين جدا جدا
اما بالنسبه للبرفان فا انا واثقه ان البنت لو افتكرت حديث الرسول فيما معناه <ذا خرجت امرأه علي قوم فوجدو ريجها فهي زانيه >ان شاء الله مش هيبقي في الكلام ده ....وجزاكم الله خيرا

ليه بس ده الخير موجود فى امة محمد الى يوم الدين
هناك شباب هما اللى بيتكسفوا من البنات مش البنات هم اللى بيتكسفوا منهم
وغض البصر موجود كتير
طب ممكن تقوليلى لو بنت منتقبة لو فرضت انى عاوز اعاكسها
اعاكس فيها ايه؟؟؟
هى اللى بتفرض عليا انى احترمها غصب عنى حتى لو كنت ايه

اللهم ادخلني الفردوس
15-04-2008, 08:57 AM
اقسم بالله منتقبات وبيتعكسو اصل مش حكايه حاجه, دي حكايه انه مرض هههههههه سوري يعني بس بجد انا بعتبره مرض .


هناك شباب هما اللى بيتكسفوا من البنات مش البنات هم اللى بيتكسفوا منهم
وغض البصر موجود كتير


اما بالنسبه للي حضرتك بتقوله ده انا لسه مشفتش منه واتمني ذلك والله