السلام عليكم ورحمة الله وبركاتة

هل فتاة النت فتاه سيئه ولا يفضلها الشباب ؟


تحيه عطره لكم اخوتي / احببت ان تشاركوني ارائكم بهذا الموضوع واتمنى ان لاتكون ردودا باهته تتعلق بشكر لكتابة الموضوع فحسب انما اريدكم ان تقفوا معي على ثنايا هذا الموضوع لما يحمله من اهميه في طياته



فتاة تكتب في منتديات الانترنت
أتت اليها أمها ووجها يتهلل بالبشر تكاد اساريرة ان تنطق فرحا وقالت بنيتي لقد جاء فلان وابنه لخطبتك
الجم الفرح الفتاة اخرس لسانها ونطقت عيناها ببريق السرور : الان سيتحقق حلمي ابني بيتا من السعادة واربي جيلاً يكون قطعة مني اربيه على ناظري يكون عونا لي في الدنيا وذخرا لي في الاخرة لم تبت تلك الليلة فهي لاتحتاج النوم بعد ان تحولت احلام نومها الى حقائق تداعب يقظتها

وافق ابوها على الخطبة وتمت الرؤيه الشرعية سر بها العريس وسرت به وابتدى الجميع يوزعون خطابات الدعوة لليلة الفرح الموعودة

ذهب العريس الى عملة اخبر بعض اصحابه بأنه سيتزوج ابنة فلان بارك له الجميع وفي اليوم التالي جاءة احد زملائه وقال له الله الله انت اذن ستتزوج الكاتبة الفلانية التي تكتب في المنتدى الفلاني نظر العريس الى زميله متعجباً عن من تتحدث وماهذا الكلام ؟

قال زميله خطيبتك كاتبه في منتدى بالاسم الفلاني ؟

قال وما ادراك ومن اعلمك ؟

قال اختي تعرفها واسرت لها بذلك ؟

وهي تكتب باسم مستعار

اتريد ان نفتح المنتدى لنشاهد مواضيع خطيبتك ؟

قال العريس والعرق يتصبب ولما لا ؟

فتح الزميل المنتدى استخرج بالبحث جميع مواضيعها
ثم بدأ الاثنان في التصفح

فهاهي ترد على فلان وتشكر فلان وتتناقش مع فلان وتضحك من طرفة فلان

وهذا فلان يمدح ماتكتب ويثني على ماتقدم وهي ترد عليه بالثناء والشكر

احمر وجه الخطيب وخرج من المكتب واتصل ببيت خطيبته وقال لامها هل تسمحين لي ان اكلم خطيبتي ؟ قالت امها لامانع .. اخذت البنت الهاتف وقلبها يخفق ويداها ترتجفان تخشى من سماع الكلام المعسول او ان لاتملك القدرة على الرد وهو يحدثها عن بيت المستقبل ؟
لكنه فاجاءها بسؤال واحد
هل انتي الكاتبة الفلانية في المنتدى الفلاني ؟
قالت نعم انا هي
قاطع حديثها وقال اسف انا لا اتزوج فتاة انتر نت
وأطبق السماعة

حالة قد تمر يوما ما على فتى او فتاة

فما موقفكم ؟
- 1 -
ماهي نظرتكم الى فتاة الانترنت ( كما يطلق عليها ) واقصد بها الفتاة التي تستخدم النت ؟
- 2 -
هل يعني دخول الفتاة الى الانترنت ،،، والمنتديات خاصة ومخاطبة الجنس الاخر من خلال المواضيع والمشاركات ،،،، انها فتاة سيئة ؟
- 3 -
بنظركم ،، هل كل فتاة تستخدم النت لابد أن يكون لها صديق ؟
- 4 -
ترى ماهي بنظركم الحدود التي يجب أن تقف عندها الفتاة ،، حتى لايسيء استخدامها للنت اخلاقها ؟
- 5 -
ماهو الخط الاحمر الذي يجب ان تقف عنده الفتاة وتقول للانترنت
وداعاً ؟
- 6 -
انت كشاب تستخدم النت وتكتب بمنتديات ،، هل تسمح بمن تعولهم من زوجة او اخت او ابنة ان يستخدموا النت تحت اشرافك او بدون اشراف او تمنعهم ؟ ((( السؤال للفتيات أيضاً )))

اخواني وأخواتي تأكدوا ان الاجابات الصادقة لهذه الاسئلة قد تصحح نظرة الكثيرين من الشباب
ولنضع امام عيننا مراقبة الله لنا في كتاباتنا وآرائنا ..

تحياتي لكم اختكم في الله بيترا

اولا كل شىء له منافعه وايضا له اضراره

الموبايل يمكن ان ينفع صاحبه ويمكن فى نفس الوقت ان يضره
بالمثل النت ايضا لها مساوئها وفى نفس الوقت تعود بالنفع على صاحبها
فالاشخاص الذين يستخدمون النت فى مشاهده الافلام الاباحيه او ما شابه ذلك
للاسف يضيعون اوقاتهم فى اشياء غير نافعه وفى نفس الوقت يرتكبون المحرمات
لكن من الممكن الانتفاع من النت
من خلال الاشتراك فى المنتديات التعليميه كمنتدانا مثلا او تصفح المنتديات الدينيه
بالنسبه للشباب ونظرتهم لفتاه النت طبعا لان النت المشهور عنه الاستخدام السىء فيظن الجميع انه فقط يستخدم لذلك
لكن الوقت سيدرك الجميع مدى فائدته الشىء فى اوله قد يلقى الرفض
لكن مع الوقت وظهور فوائده طبعا فى حاله الاستخدام الامثل له ستتغير الصورة تماما
والاباء الذين يمنعون ابنائهم من استخدام النت نهائيا انصحهم ان يسمحوا لهم باستخدامه تحت اشرافهم
افضل من ان يذهبوا الى الخارج واستخدام النت فى اشياء محرمه
ومشكورة على طرحك لهذا الموضوع

والله يا بيترا انا عندي رأي يمكن يكون فظ شوية

كل حته فيها الحلو وفيها الوحش
وزي ما البنت ممكن تستخدم النت غلط
الولد بيردو ممكن يستخدم النت غلط
وزي ما انا مش بستخدم النت غلط الحمد لله
يبقي فيه بنت بردو زيي مش بتستخدم النت غلط

وعلي العموم البنت محترمه ومش بتعمل حاجة غلط علي عيني وعلي راسي من فوق
البنت غير محترمه وفاتها اختراع اسمه تربيه فا بالـ ......

وبعدين ان احسنت فلها
وان اساءت فلها بردو
والله المستعان

- 1 -
ماهي نظرتكم الى فتاة الانترنت ( كما يطلق عليها ) واقصد بها الفتاة التي تستخدم النت ؟

حسب استخدامها

- 2 -
هل يعني دخول الفتاة الى الانترنت ،،، والمنتديات خاصة ومخاطبة الجنس الاخر من خلال المواضيع والمشاركات ،،،، انها فتاة سيئة ؟

بالطبع لا لانها فى كل مواقف الحياة العادية معرضة ان تختلط بالجنس الاخر ( مدرس , سائق , ........)

- 3 -
بنظركم ،، هل كل فتاة تستخدم النت لابد أن يكون لها صديق ؟

مفهوم صداقة الانترنت مفهوم فى رأيى المتواضع لا يمكن قبوله

- 4 -
ترى ماهي بنظركم الحدود التي يجب أن تقف عندها الفتاة ،، حتى لايسيء استخدامها للنت اخلاقها ؟

الحلال بين و الحرام بين

- 5 -
ماهو الخط الاحمر الذي يجب ان تقف عنده الفتاة وتقول للانترنت
وداعاً ؟

عندما تشعر انها سوف تنجرف نحو ما يضر او ترى ان استخدامه غير مفيد لها

- 6 -
انت كشاب تستخدم النت وتكتب بمنتديات ،، هل تسمح بمن تعولهم من زوجة او اخت او ابنة ان يستخدموا النت تحت اشرافك او بدون اشراف او تمنعهم ؟ ((( السؤال للفتيات أيضاً )))

مفيش مشكلة لو بيدخلوا على منتدى زى ثانوية مناقشات للافادة و تعليق على اخبار و ثقافة عامة
و سيكون تحت اشرافى اذا كانوا ليسوا كبار او لم يفهموا الامور بعد انا دون اشراف اذا كنت أثق فى تقديرهم للصحيح و الخطأ



ميرسى على الموضوع الهام و الهادف يا بترا

السلام عليكم ورحمة الله وبركاتة

هل فتاة النت فتاه سيئه ولا يفضلها الشباب ؟
ليس كل الفتيات سيئه زى ما فى الحلو فى الوحش

- 1 -
ماهي نظرتكم الى فتاة الانترنت ( كما يطلق عليها ) واقصد بها الفتاة التي تستخدم النت ؟والله ده على حسب استخدمها للنتواللى رأيه غير كده يبقى متخلف وعقليته متحجره
- 2 -
هل يعني دخول الفتاة الى الانترنت ،،، والمنتديات خاصة ومخاطبة الجنس الاخر من خلال المواضيع والمشاركات ،،،، انها فتاة سيئة ؟لأ طبعا احنا بنخطلط بالجنس الأخر فى مواقف كتيره فى حياتنا وزى ما فى بنت وحشه فى كويسه بتستخدم النت للأستفاده وفهم وجهات نظر الألأخريين
- 3 -
بنظركم ،، هل كل فتاة تستخدم النت لابد أن يكون لها صديق ؟ليس حقيقيا ان كل الفتيات التى تستخدم النت لهاا صديق
- 4 -
ترى ماهي بنظركم الحدود التي يجب أن تقف عندها الفتاة ،، حتى لايسيء استخدامها للنت اخلاقها ؟لمل تحس انها هتع فى الغلط واعتقد ان اللى بتستخدمالنت دى مش صغيره وبالتالىهى عرفه الصح من الغلط كويس
- 5 -
ماهو الخط الاحمر الذي يجب ان تقف عنده الفتاة وتقول للانترنت
وداعاً ؟الرد مث السؤال السابق
- 6 -
انت كشاب تستخدم النت وتكتب بمنتديات ،، هل تسمح بمن تعولهم من زوجة او اخت او ابنة ان يستخدموا النت تحت اشرافك او بدون اشراف او تمنعهم ؟ ((( السؤال للفتيات أيضاً )))من حق كل رجل يعر ماذا يفعل اهل بيته

اخواني وأخواتي تأكدوا ان الاجابات الصادقة لهذه الاسئلة قد تصحح نظرة الكثيرين من الشباب
ولنضع امام عيننا مراقبة الله لنا في كتاباتنا وآرائنا ..

مرسى على الموضوع

الحب ما هو الا ثقه متبادله بين شخصين
والله أنا لو بثق فى الإنسانه اللى بحبها
عمرى ما هظن بتصرفاتها الظن السىء

والله يا بيترا انا عندي رأي يمكن يكون فظ شوية

كل حته فيها الحلو وفيها الوحش
وزي ما البنت ممكن تستخدم النت غلط
الولد بيردو ممكن يستخدم النت غلط
وزي ما انا مش بستخدم النت غلط الحمد لله
يبقي فيه بنت بردو زيي مش بتستخدم النت غلط

وعلي العموم البنت محترمه ومش بتعمل حاجة غلط علي عيني وعلي راسي من فوق
البنت غير محترمه وفاتها اختراع اسمه تربيه فا بالـ ......

وبعدين ان احسنت فلها
وان اساءت فلها بردو
والله المستعان

فعلااااااااااااااا

رايي يطايق تماما راي الاستاذة رانيا

انا عاوزة اعرف حاجة واحدة انت بتحكم على الشخص الى ادامك اذاى ؟ هل من شكلة ومن كلامة وطريقة لبسة؟ ولا المفروض من شخصيتة واخلاقة فصاحب القصة لو كان عارف شخصية خطبتة كويس مكنش عمل كدة

أنا بأيد رأي الأمبراطورة الفارسة

فما موقفكم ؟
اظن ان الشاب دهـ اللى انفصل عن خطيبته بسبب استخدامها النت اظن ان ده عته وهبل
يعنى هو مدخلش منتديات لا اثنى على حد بموضوع
خلاص يا جماعة من يوم ورايح مش هرد على مواضيعك ولا هشكر حد علشان خطيبى المستقبلى
يخش المنتدى ويلاقى قدامه بنت مثالية <<<<<<<< * _^

ماهي نظرتكم الى فتاة الانترنت ( كما يطلق عليها ) واقصد بها الفتاة التي تستخدم النت ؟
بنت ذى اى بنت خلقها ربنا ممكن تستخدم النت فى البحث والمعرفة
وفى اللى تدخل علشان تتعرف على ده وتصاحب ده
انا عن نفسى داخلة من اجل العلم فقط و اكتسب اسئلة جديدة قد تفيدنى فى دراستى

هل يعني دخول الفتاة الى الانترنت ،،، والمنتديات خاصة ومخاطبة الجنس الاخر من خلال المواضيع والمشاركات ،،،، انها فتاة سيئة ؟
مين اللى قال كدهـ بانها هتكون فتاة سيئة يعنى من يوم ورايح محدش يابنات يرد على مواضيع الشباب
وبعدين مال المنتديات ومال الاخلاق ..
واحدة داخلة تكتسب معرفة تتثقف وتتعرف اوكى على ناس فى حدود الادب طبعا ايه اللى يمنع من استخدامها
وانا براى ان الشاب اللى يفكر كده ده شاب رجعى


بنظركم ،، هل كل فتاة تستخدم النت لابد أن يكون لها صديق ؟
براى ممكن تلاقى كل واحدة متعرفة على واحد من على النت
لكن عن نفسى مش بتاعة صداقات ولا تعارف الصراحة

ترى ماهي بنظركم الحدود التي يجب أن تقف عندها الفتاة ،، حتى لايسيء استخدامها للنت اخلاقها ؟
اولا مش كل من هب ودب تاخد ايميله وتتعرف عليه وتكون علاقة معاه
يعنى حتى هو الشاب برايه هياخد عنها فكرة سيئة .. تاخد النت من الجانب الايجابى وليس السلبى
تحط خطوط مش لازم تتعداها فى تعاملاتها

ماهو الخط الاحمر الذي يجب ان تقف عنده الفتاة وتقول للانترنت
فى شباب يقولا لك انا عاوز اتعرف على بنت روشة معندهاش اى حدود ممكن يقف عندها
يتكملوا فى اى شى وان كان مش محترم عاوزها منفتحة مش معقدة
انا كبنت مثلا مش بدى ايميلى لحد والسلام وان كان فى سؤال او استفسار او اى حاجة
فى رسالة او فى المنتدى وانا برد بكل رحابة ووناسه

انت كشاب تستخدم النت وتكتب بمنتديات ،، هل تسمح بمن تعولهم من زوجة او اخت او ابنة ان يستخدموا النت تحت اشرافك او بدون اشراف او تمنعهم ؟ ((( السؤال للفتيات أيضاً )))
المفروض دلوقتى انا اللى ماوافقش اى شاب بيستخدم النت لانه اكيد بيكون اتعرف على بنات
يعنى الموضوع من الطرفين مش من طرف واحد
انا اخواتى الصبيات بيستخدموا المنتديات عادى ومفيش حاجة سر وانا بقعد على النت لوحدى محدش بيمنعنى علشان فى ثقة وعارفين انى مش هتخطى حدودى

السلام عليكم
اولا كل حاجة لها ضررها ومنفعتها وهذا يتوقف علي الشخص وحسن استخدامة لها
فمثلا الموبايل مفيد لنا جميعاا ولكن في ناس بتستخدمة استخدام سىء وفي الرسائل الاباحية
وايضا النت يتوقف علي استخدام الشخص نفسة يعنى مش كل فتاه علي النت تبقى سيئة
لان النت والكمبيوتر اصبح شىء مهم جدااا في عصرنا هذااا وبيوفر لنا حاجات كتير ولكن بعض الشباب
الذي لاعندهم اخلاق ولا دين بيستخدموة في المواقع الاباحية المسيئة لدنا ويضيعون اوقاتهم في الشات
مع البنات ولكن ممكن البنت بتستفيد من المواقع الدينية والتعلمية والمعلومات والافادة ايضااا
يعنى البنت مادامت اخلاقها كويسة ومتدينة يبقى مش هتستخدم النت في حاجة وحشة
ولا ننظر لها نظرة سيئة
وبعض الاباء ولامهات يرفضون النت منعااا باتا من دخوله في المنزل ويمنعون اولادهم منهم ولكن هذا خطا
ويستخدموة استخدام سيء ممكن يسمحوا لهم بهذا تحت رقابتهم وفي النزل ومراقبة سلوكهم
وجزاك الله خيرااا علي الموضوع

انا عاوزة اعرف حاجة واحدة انت بتحكم على الشخص الى ادامك اذاى ؟ هل من شكلة ومن كلامة وطريقة لبسة؟ ولا المفروض من شخصيتة واخلاقة فصاحب القصة لو كان عارف شخصية خطبتة كويس مكنش عمل كدة



صح الكلام ده أنا موافقة عليه 100%
البنت المحترمة محترمة في كل وقت ومكان
وفي ايامنا دي الاختلاط في كل مكان
والعبرة علي التربيه والاخلاق ومراعاة الله في كل التصرفات وفي كل الاوقات
شكرا علي الموضوع الجميل

انا اعرف برضه واحد خطب واحدة وحبها اوووووى
وفمرة قالتله تعالى اعرفك على صحايى ومنتدايا
قلعلها الدبلة وسبها ومشى


دية عالم فاضية
انا من رايى ان المنتديات دية
بتنمى العقول وبتزيد من ثقافة الواحد
مش لازم كل واحدة بتدخل منتديات تبقى مش محترمة
والى مش محترمة على نفسها
والمحترمة تعرف ازاى تتعامل كويس

ويعنى الواحد لازم يتعلم من الدنيا كل حاجة

السلام عليكم ورحمة الله وبركاته
موضوع للنقاش
بصراحة موضوع أذهلني جداً
ما كنت أعرف أن كتابة البنت في المنتديات
حتى لو كانت كتاباتها محترمة ومفيدة
جريمة يعاقب عليها المجتمع
وده وجهت نظر اشخاص
برغم اختلافى معاهم
مش حطول عليكم
اليكم احد القصص التى حدثت::
جاءت إليها أمها ووجها يتهلل فرحا وقالت :
بنيتي لقد جاء فلان وابنه لخطبتك
ألجم الفرح الفتاة أخرس لسانها ونطقت عيناها ببريق السرور والأمل :
الآن سيتحقق حلمي أبني بيتا من السعادة وأربي جيلاً يكون قطعة ً مني
أربيه على ناظري يكون عونا لي في الدنيا وذخرا لي في الآخرة
لم تنم تلك الليلة فهي لاتحتاج النوم بعد أن تحولت أحلام نومها
الى حقائق تداعب يقضتها.........................
وافق ابوها على الخطبة وتمت الرؤيه الشرعية
سُرّ بها العريس وسرت به
وابتدأ الجميع يوزعون رقاع الدعوة ليلة الفرح الموعودة
ذهب العريس إلى عمله أخبر بعض أصحابه بأنه سيتزوج ابنة فلان
بارك له الجميع
وفي اليوم التالي قابلهُ أحد زملائه وقال له :
الله الله أنت إذن ستتزوج الكاتبة الفلانيه
التي تكتب في المنتدى الفلاني نظر العريس إلى زميله متعجباً
عن من تتحدث وماهذا الكلام؟؟؟؟؟؟؟
قال : زميله خطيبتك كاتبه في المنتدى الفلاني بالاسم الفلاني ؟
قال : وما أدراك ومن أعلمك ؟
قال : أختي تعرفها وأسرت لها بذلك ؟
وهي تكتب باسم مستعار (( .............))
أتريد أن ندخل الى المنتدى لنشاهد مواضيع خطيبتك ؟
قال : العريس وهو يتصبب عرقاً ولما لا ؟
فتح الزميل المنتدى استخرج بالبحث جميع مواضيعها
ثم بدأ الاثنان في التصفح
فها هي ترد على فلان وتشكر فلان وتتناقش مع فلان
وتضحك من طرفة فلان
وهذا فلان يمدح ما تكتب ويثني على ماتقدم
وهي ترد عليه بالثناء والشكر
احمرَّ وجه الخطيب وخرج من المكتب
واتصل ببيت خطيبته
وقال لامها :
هل تسمحين لي أن أكلم خطيبتي قالت : امها لامانع
أخذت البنت الهاتف
وقلبها يخفق ويداها ترتجفان تخشى من سماع الكلام المعسول
أو أن لاتملك القدرة على الرد وهو يحدثها عن بيت المستقبل؟
لكنه فاجاءها بسؤال واحد :
هل أنتِ الكاتبة الفلانية في المنتدى الفلاني ؟؟؟؟؟؟؟
قالت : نعم أنا هي
قاطع حديثها وقال آسف أنا لا أتزوج فتاة انتر نت
وسكر السماعة
هل تقبل الزواج من فتاة تكتب بالمنتديات...؟؟؟هل الانترنت حكرا على الرجال فقط دون النساء ؟؟؟؟ارجوا من الجميع المشاركه والاجابه على السؤال حسب رايك الشخصي
ارجو من جميع الاعضاء التفاعل والاجابه بصراحه وابدا ارائهم

((نفس الموضوع موجه للبنات **هل تقبلين الزواج بشاب يكتب بمنتدى فيه بنات.............؟؟؟؟؟؟؟؟؟؟

سبحان الله

اصبح هذاالامر حكرا ايضا

اين هو من العالم الان ؟؟

اقبل و هذا من دواعى سرورى

جزاك الله خيرا

وماذا فى هذا ؟

هل الاشتراك فى المنتديات والتفاعل مع الأعضاء

أمر مشين أو مخزى ؟

سبحان الله !!!!!!!!!! ما دامت الردود والمشاركات فى حدود الشرع والأدب
فما عيبه ؟
أنا لا أرى ما يشين فى ذلك مادام فى حدود ووفق ضوابط محددة يلتزم بها كل من
الشاب والفتاة

مش أحسن ما تروح وتخاطب الناس عالحقيقة وتغامز فلان وتحكي مع علان

أهه هنا بتلاقي عالم بتتثقف منه وفي نفس الوقت بعيدة عن أخطاره (او بشكل غير مباشر)
ده رداً على وجهة نظر الشخص اللى في القصة


لكن عامة أنا شايف الموضوع عادي جداً
ولو النت من غير بنات الولاد حتخش تعمل ايه :d

علي فكرة لا يوجد اي شئ مهين او معيب للفتاة في دخولها في المنتديات مادام الحوار والمناقشة في حدود الادب والاحترام والمواضيع هادفة وكذلك المنتديات محترمة وبعيدة عن الشبهات وهذه القصة ليست مقياس بل هو قدر وماحدث ما هو الا سبب

السلام عليكم ورحمة الله وبركاته
معلش انا هاتكلم كتير فى الموضوع ده لانى فعلا كنت بفكر فيه الايام دى
وفعلا محتاجة اناقشه مع حد
انا من وجهة نظرى لو كنت ولد
مكنتش هاقبل اتزوج بنت من النت عموما حتى لو كانت مين
يعنى هو فعلا النت زى العالم الواقعى عادى بس مش عارفة
بحس انه مش مقياس لحاجة
وبردوا انا مش راضية عن نفسى فى المنتدى
فعلا حاسة انى بعمل حاجة غلط
حتى لو كنت بكلم فى المواضيع فلان زى اخويا او علان اب لى لكن بردوا
ده فعلا مش اخويا ولا ده اب لى
يعنى اعتقد انه بردوا المناقشات فى المنتدى لا يجوز لان عمرى ماهاقف مع شاب فى الشارع او فى اى مكان واقف اناقشه
تقريبا هى هى نفس المسالة
وبردوا المنتديات زى اى حتة
يعنى انا فى الواقع عمرى افكر اكلم ولد نهائى حتى لو كان شيخ عمرى ماهروح اساله فى شئ يخصنى
او اتناقش معاه فى شئ ما
انا شايفة ان ده عالم زى ده
بس للاسف البنت هى اللى بتيجى برجليها المنتدى
وطالما جت يبقى تتاقلم مع الوضع كانها مثلا فى سوق
وتتعامل بمادئها واخلاقها زى الحقيقة
وبصراحة انا مش برجح زواج النت نهائى خالص
لانى اعتقد انه بيبقى فاشل او اغلبه
لان النت من وجهة نظرى بيبن المحاسن اكتر منها المساوئ
لما ببص لفلان ببص على ان طريقة كتابته مثقفة متدينة
وده الاغلبية ان انت اللى بتتحكم فى كلامك فى قدامك وقت تفكر تتفوه بايه
مش زى الواقع ممكن تقع منك سقطات لسان
وتبان شخصيته بجد
يعنى النت ممكن يعمل من شخص لايفقه شئ رجل مثقف وعالم
وممكن من شخص لايفقه شئ فى دينه يعمل منه شيخ
يعنى تقريبا مش مقياس
وانا تقريبا عمرى مااوافق على الارتباط بشخص من النت
او ارجح ان اى حد يرتبط لانها مش هاتستمر كتير
دى وجهة نظرى
فى ناس جت قالتلى طالما نت كدة
ايه اللى مقعدك معانا فى المنتدى روحى دورى ع منتدى مش مختلط واقعدى فيه
هو للاسف انا مش راضية عن نفسى ف منتدى مختلط
وحاولت ابعد بجد بس مقدرتش لانى فعلا بعتبر كل اللى هنا اخواتى بجد
ولاقيت ناس بستفاد منها بجد وناس برتحلها اكتر من اخواتى وناس دخلوا قلبى وكانهم عايشين معايا
انا لسه كنت انا وبابا بنتكلم فى موضوع اختلاط المنتديات ده
وقالى انه لا يجوز والرسايل الخاصة وكدة ومناقشات الشباب فى المواضيع وكدة
وقالى انى اروح منتدى مش مختلط بس انا حاولت ادافع وقولتله اننا بنتناقش فى حاجات بتفيدنا ومواضيع دينية وكدة
وبنتعامل كااخوات وكدة
وانا فعلا استفدت كتير من المنتدى ده
علمنى حاجات كتيرة اوى كنت عمر ماتعلمتها وشايفة انه مفيد
بس بردوا فى النهاية مش برجح زواج المنتديات
وماارضاش ان زوجى يكون بيتعامل مع بنات كتيرة ويتناقش معاهم
ممكن اكون مختلفة مع كتير
وبقول اراء متناقضة
بس فعلا الموضوع ده كان مجننى وكنت عاوزة افضفض
معلش بقى استحملونى

وجزاكم الله خيرا على الموضوع يااخ المجاهد

انا باتفق مع ايه من الله في كل كلمه قالتها
وبجد الموضوع ده كان شاغلني جدا انا كمان
لان اكيد كلام البنت على المنتديات حرام
بس للاسف انا اتحرج اسأل فيه حد من علماء الدين
بس بالمنطق كده
هو مش لما واحد وواحده يتكلموا مع بعض في التليفون بنقوا دي خلوه غير شرعيه
بيتهيألي كده الاتنين واحد
ازاي اكون عمله نفسي ملتزمه وبارد علىى شاب في منتدي وربما اهزر معاه كمان
لو ده ينفع
ليه بقى لما بنت بتكلم ولد على الميل بيقولوا انها مش محترمه
بيتهيألي مفيش اي اختلاف بين الموقفين
وانا عن نفسي باتمنى ان النت عندي يبوظ علشان مدخلش على المنتدي
انما مفيش عزيمه توصلني لكده
بس بصراحه كده انا ان شاء الله اول مارتبط مش هادخل على منتديات تاني نهائي
لان دي من وجهه نظري تعتبر خيانه

بس بالنسبه للراجل الي ساب خطيبته ده المفروض ان احنا نعزره لان اكيد معملش كده من فراغ
اكيد لما شاف المواضيع بتاعه خطيبته اكيد كان فيها تجاوز للحدود
ومينفعش تتفسر الا بكده
فاكيد هو عنده حق

طبعا انا احييكم جميعا على فهمكم وحرصكم على دينكم
لكن هناك بعض الامور التى يجب مراعاتاها فى التحدث والحوار عبر الانترنت
فلايقول احد انه حرام على طول الخط او حلال مطلقا
لكن هناك ضوابط احب ان تطلعوا عليها فى هذا الرابط
http://www.thanwya.com/vb/showthread.php?t=124929

عندك حق يا بوسى انتى وايه من الله وربنا يهدينى ويهديكم ويهدى بنات المسلمين

السلام عليكم
طبعا اوافق
واذا كنت شابا اعتقد اني كمان كنت هاوافق
اما عن راي اية
وانا مش بتخانق
اولا طبعا ده رايك الشخصي ودي حريتك لكن تقبلي رايي من فضلك
انا هاعلق على كام نقطة صغيرين خالص
اولا
يعنى اعتقد انه بردوا المناقشات فى المنتدى لا يجوز لان عمرى ماهاقف مع شاب فى الشارع او فى اى مكان واقف اناقشه
تقريبا هى هى نفس المسالة
وبردوا المنتديات زى اى حتة
يعنى انا فى الواقع عمرى افكر اكلم ولد نهائى حتى لو كان شيخ عمرى ماهروح اساله فى شئ يخصنى

طيب جميل ..وجهه نظر بردو لكن ليه ما تناقشيش شاب ..انتي مش ممكن تكوني تابعة لمنظومة ما او جماعة معينه او شركة او ايا كان وطبيعي جدا ان فيها شباب وبنات وهاتتناقشي مع شباب
او ممكن تحضري ندوة وتناقشي شيخك في راي او احد الحضور في راي ومش بعيد كمان يكون نقاش حاد اعتقد كل ده وارد وكل ده بيحصل وبيكون في حدود الحريات اللي حددهالنا الدين يعني مافيش فيها شيء حرام وماتقوليش دي ندوة او محاضرة او شركة انما ده نت لا والله دي زي دي
وبصراحة انا مش برجح زواج النت نهائى خالص
لانى اعتقد انه بيبقى فاشل او اغلبه

كنت بقول نفس الراي ده لحد ما قابلت كام حالة ربنا يديم عليهم السعادة يارب ومن النت
انا مش بقولك زواج النت افضل
لا طبعا اطلاقا ...انما ممكن يكون ادالهم فرصة يتعرفو على الشخصيات صح ..يعني ماكانش زواج مصالح ولا عشان الولد غني ولا اهله مين ولا اعجاب بالشكل ...طبعا دي حجات ضرورية اوك لكن بيكون الانجذاب الاول للشخص وبعدين بيشوفو بعدين الباقي ده وبيحددو اذا كانو فعلا متناسبين ولا لا
وانا بردو الىحد ما لا احبذ الزواج من خلال النت ..لكن لا يشترط ان يكون اغلبه فاشل

لان النت من وجهة نظرى بيبن المحاسن اكتر منها المساوئ
لما ببص لفلان ببص على ان طريقة كتابته مثقفة متدينة

والله بردو يا اية دي بتتوقف على طرفين
الاول :الكاتب ده ..يعني هل هو بيتزين على صفحات النت ولا لا ..لان في ناس كتير بردو بتبقى على طبيعيتها خالص ..زي ماهي بين اهلها زي ماهي ع النت ..مفيش فرق وسقطات اللسان هنا هي سقطات اللسان هنا
الطرف التاني:عقلية القارئ ...يقدر يفهم الكاتب ده بيستعبط ولا لا يعني هل هو مثالي ف كل شيء زي ما بيصور للناس مثلا ولا لا
ماهو بردو المؤمن كيس فطن
ده غير ان في راحات ما بتبقاش لكل الناس


اما عن موضوع المنتديات اللي مافيهاش اختلاط فدي الله اعلم بيها ايه اللي عرفنا ان مافيهاش اختلاط ودي سلبية من سلبيات المنتديات انك مش واثقة اللي انتي بتكلميه ده ولد ولا بنت
لكن زي ما قلت قبل كده المفروض نكون متبعين دايما
المؤمن كيس فطن
دي حاجة وحاجة تانية

انا دايما بقول نقدم حسن الظن حتى يثبت العكس
وده الى حد كبير بستخدمة ف النت لكن بردو لازم اكون شكاكة لابعد الحدود يعني دي قد تكون من وجهه نظر البعض حاجة وحشة
لكن لاني بحب نفسي وبخاف عليها جدا لازم اخد بالي منها عشان ما ازعلهاش وافضل محافظة عليها


طبعا يا ايوت ده زي ما قلتلك مش خناقة ..لكن راي ..اتمنى بجد انك تتقبليه ...وليكي حريتك الشخصية
واييييييه مش هاقولكم استحملوني عشان ممكن تقولولي لا
والله موضوعك يا مجاهد مستحمل بردو ربنا يكون في عونك
ويجزيك خير

يللا انا ماشية بقى
سلام

السلام عليكم
وعليكم السلام ورحمة الله وبركاته
طبعا اوافق
واذا كنت شابا اعتقد اني كمان كنت هاوافق
اما عن راي اية
وانا مش بتخانق
اولا طبعا ده رايك الشخصي ودي حريتك لكن تقبلي رايي من فضلك
انا هاعلق على كام نقطة صغيرين خالص
لا والله دى مناقشة مش اكتر
اتفضلى
اولا


طيب جميل ..وجهه نظر بردو لكن ليه ما تناقشيش شاب ..انتي مش ممكن تكوني تابعة لمنظومة ما او جماعة معينه او شركة او ايا كان وطبيعي جدا ان فيها شباب وبنات وهاتتناقشي مع شباب
او ممكن تحضري ندوة وتناقشي شيخك في راي او احد الحضور في راي ومش بعيد كمان يكون نقاش حاد اعتقد كل ده وارد وكل ده بيحصل وبيكون في حدود الحريات اللي حددهالنا الدين يعني مافيش فيها شيء حرام وماتقوليش دي ندوة او محاضرة او شركة انما ده نت لا والله دي زي دي
لالا ندوة تقريبا هاتفرق
انك هاتبقى قدام ناس موجودة ومناقشة هاتبقى عامة
لكن انا قولت انى اقف انا وشاب منفردين
لكن على المناقشة فتقريبا انا اكتر واحدة فى الدفعة بتناقش الدكاترة وبعارضهم
ده مش حرام ن ده فى علم والناس كلها سامعانى مش خلوة


كنت بقول نفس الراي ده لحد ما قابلت كام حالة ربنا يديم عليهم السعادة يارب ومن النت
انا مش بقولك زواج النت افضل
لا طبعا اطلاقا ...انما ممكن يكون ادالهم فرصة يتعرفو على الشخصيات صح ..يعني ماكانش زواج مصالح ولا عشان الولد غني ولا اهله مين ولا اعجاب بالشكل ...طبعا دي حجات ضرورية اوك لكن بيكون الانجذاب الاول للشخص وبعدين بيشوفو بعدين الباقي ده وبيحددو اذا كانو فعلا متناسبين ولا لا
وانا بردو الىحد ما لا احبذ الزواج من خلال النت ..لكن لا يشترط ان يكون اغلبه فاشل
مممم وجهة نظر بردوا
واعرف ناس نجحت فى زواج النت بس قليل
واعرف ناس اول ماتزوجت فى النت معمرتش شهرين واطلقوا
يعنى بس بحس انك مش بتتعاملى مع شخص بايجابياته وسلبياته بحس انه بيتمكن من نفسه بياخد وقت يفكر فى كتابة رده كدة
مش ممكن تحكمى على اخطاؤه
وكمان بيبقى الطرفين بيسرحوا لصفات رسمينهم لبعض واغلبهم لما بيتقابلوا بيكتشفوا انهم كانوا رسمين حاجة تانية خالص
يعنى سمعت قصة ان واحدة حبت شخص من النت لدرجة العشق ولما اتقابلوا مابقتش طايقاه
معرفش بس حسة ان النت مش مقياس تقيسى عليه شخص معين


ناس كتير بردو بتبقى على طبيعيتها خالص ..زي ماهي بين اهلها زي ماهي ع النت ..مفيش فرق وسقطات اللسان هنا هي سقطات اللسان هنا
ممم اكيد
وعلشان اؤكد كلامك
انا فى ناس اتعاملت معاهم بجد فى الواقع افضل من النت كمان زى سمسمتى
وانا الحمد لله بتعامل بالظبط زى مابتعامل فى الشارع زى فى البيت زى فى اى حتة
بس انا بتكلم عن الاغلبية بيرسموا شخصية بيحاولوا يعيشوها
وانا قابلت من النوع ده كتير ان فلانة كذا وكذا وكذا ولا فيها اى صفة من دول
الطرف التاني:عقلية القارئ ...يقدر يفهم الكاتب ده بيستعبط ولا لا يعني هل هو مثالي ف كل شيء زي ما بيصور للناس مثلا ولا لا
ماهو بردو المؤمن كيس فطن
ده غير ان في راحات ما بتبقاش لكل الناس
اكيييد
بس بردوا واحدة متعرفش حاجة بتبقى عندها حسن ظن زيادة وبتصدق اى حاجة


اما عن موضوع المنتديات اللي مافيهاش اختلاط فدي الله اعلم بيها ايه اللي عرفنا ان مافيهاش اختلاط ودي سلبية من سلبيات المنتديات انك مش واثقة اللي انتي بتكلميه ده ولد ولا بنت
لكن زي ما قلت قبل كده المفروض نكون متبعين دايما
المؤمن كيس فطن
دي حاجة وحاجة تانية
انا دايما بقول نقدم حسن الظن حتى يثبت العكس
وده الى حد كبير بستخدمة ف النت لكن بردو لازم اكون شكاكة لابعد الحدود يعني دي قد تكون من وجهه نظر البعض حاجة وحشة
لكن لاني بحب نفسي وبخاف عليها جدا لازم اخد بالي منها عشان ما ازعلهاش وافضل محافظة عليها
مممم
اكيد بس هاتحسنى الظن لحد مايثبت العكس
هايكون حصل كتيرررررررر
انا بتعامل فى النت والله بطبيعتى وبحاول اتعامل مع اللى قدامى انه بردوا بيتعامل بطبيعته بس مش معنى كدة انى اامن لها فى كل شئ لا
ده كل حاجة احطها تحت بند ممكن تكون فعلا او لا
دى وجهة نظرى
طبعا يا ايوت ده زي ما قلتلك مش خناقة ..لكن راي ..اتمنى بجد انك تتقبليه ...وليكي حريتك الشخصية
والله كلامك عجبنى جدااااا
واقتنعت منه بحاجات والله
ربنا يكرمك
يللا انا ماشية بقى
سلام


بجد انا مبسوطة بمداخلتك دى
ووجهة نظرك طبعا تحترم
انا بعزم ولا كانه موضوعى انا:d
مهو الاخ المجاهد اخونا الكبير بردوا وهايستحملنا:006et4:

هل تتزوج فتاة تكتب في المنتديات ؟؟؟؟

ده بيتوقف على اذا كانت بتكتب بايدها اليمين ولا الشمال :d

انا من وجهة نظري انه شيء عادي ان بنت تكتب في منتدي طالما متعدتش حدودها وبتكتب بكل ادب وبلتزم باخلاقها ومش معني ان اي وحدة تكتب في منتدي او ترد علي اي شاب تبقي مش كويسة لا دي كويسة طالما بتتكلم بادب ومش معني انها بتكلم شاب يبقي هي انسانة غير مرغوب فيها عند كل الناس ومن وجهة نظري لو اي بنت دخلت منتدي او علي النت عموما دي بتبقي طاقة مكبوتة جواها ومحتاجة تخرجها وانها تتعرف علي ناس وتتكلم في مواضيع مهمة للمجتمع ومعني كلامي كله مش انها تكلم اي شاب وخلاص تتكلم مع اللي يليق بشخصيتها واخلاقها وشكرا علي موضوعك الجميييييييييييل يا مجاهد

هى المنتديات بقت وصمة عار ولا ايه
:d
انا مش شايفة ان فيه فرق بين المنتدى والحياة العادية برا النت
زى مانا بالظبط مش شايفة فرق بين الرسايل الخاصة والماسنجر - مش موضوعنا ده -
يعنى لو كان الشاب ده قرا كومينتات لخطيبته ماعجبتهوش
ف ده لانه شايف ان كلامها ف المنتدى بيدل على شخصيتها
وهو ماعجبتهوش شخصيتها ف مشاركاتها ف المنتدى
وبالتالى ماعجبتهوش الشخصية اللى برا المنتدى واللى استدل عليها من المشاركات اللى شافها
لانه اصلا واضح انه مايعرفهاش كويس قبل ما يشوف مشاركاتها دى
ف كان ده انطباعه الاول عنها
او كان شايفها حد ملتزم اوى ولقاها متحررة شوية ف كلامها عالمنتدى
ف اتصدم بالفرق ومافهمش ان دى هى دى
وعلى فكرة هو مش غلطان
هو شاف انها ماتنفعهوش .. خلاص هو حر
احسن ما كان يكمل وهو اصلا مش قادر يتقبل جزء منها ..
---
يعنى حكاية انها مشتركة ف منتدى
دى ماتأثرش ف حاجة
هو اللى خلاه يغير رأيه الردود اللى شافها
مش مجرد انه سمع انها مشتركة ف منتدى سابها ..
المهم
مش دايما ردود المنتدى بتدل على الشخصية
هاتكلم عن نفسى
برا المنتدى مش كل حاجة بالنسبة لى تهريج زى ما باعمل هنا كدة ف معظم ردودى
بالعكس ده فيه ناس بتشوفنى جد جدا واحتمال معقدة كمان ( اللى معرفتى بيهم من خلال الدروس مثلا )
واعترف ان معاملتى معاهم باردة جداا وباكون قاصدة ده .. بس انا مش كدة
وعلى العكس .. هنا ممكن ناس تفكرنى حد تافه لابعد الحدود وبرضو انا مش كدة
بس الناس القريبة منى واللى فاهمانى
عارفة ان عندى توازن بين الجد والهزار
---
لما بنتكلم ف موضوع نقاش بقى
ممكن اتكلم واللى بيقرا كلامى يحس انى حد عاقل جدا
بس مش باعمل كل الحاجات اللى باقول عليها
يعنى بانصح نفسى ف نفس الوقت اللى بانصح الناس فيه
بس مش باقول انى ملاك وانى باعمل كذا وكذا
انا باقول المفروض نعمل كذا وكذا
( حق على اصحاب الكؤوس ان يتناصحوا )
ف ممكن كدة حد يفهم انى شخصية مثالية وانا مش كدة
---
يعنى كدة كدة مش سهل ان حد يفهمنى صح من خلال شوية مشاركات ف منتدى
وبرضو مش سهل ان حد يفهمنى من تعامل سطحى معايا
يعنى كدة كدة هاتفهم غلط
يبقى مش مشكلة مين يفهم ايه
المهم انا ايه ..
يهمنى ارضى ربنا مش الناس
---
حاجة كمان ..
المنتدى نفسه بيبقى ليه عامل كبير ف انك تكون انطباع عن اللى قدامك
يعنى مثلا لما اشارك ف منتدى فيه رقابة من ناس كبيرة ف السن والعقل
هاتلاقى ان كل حاجة ليها حدود ..
غير لما اشارك ف منتدى تانى الادمن بتاعه ماكملش 20 سنة
وبينظم مقابلة لبنات وشباب المنتدى عشان يتعرفوا
والكلام اللى اتقال ( احنا اخوات ودى مقابلة عادية وشوية كلام مالوش لازمة كدة )
ف طبعا الحدود هنا انعدمت اصلا ..
والحكاية دى حصلت فعلا ف منتدى كنت مشتركة فيه قبل كدة
وكنت عارفة ان وجودى فيه مش صح وكل شوية امشى وارجع تانى
لحد ما سيبته خالص من فترة ..
واعترف انى كنت عيلة ومش بافهم لما شاركت ف المنتدى ده من الاول اصلا
:d
---
بالنسبة للسؤال
هل تقبلين الزواج بشاب يكتب بمنتدى فيه بنات.............؟؟؟؟؟؟؟؟؟؟
لو اعرفه كويس وشايفة انه حد كويس ومحترم
ماتفرقش بيكتب ف منتدى ولا بيكتب عالحيطة
ده غير ان الطيبون للطيبات والخبيثون للخبيثات
يعنى لو انا انسانة كويسة يبقى ربنا هايكتبلى ارتبط بواحد زىى
ولو انسانة مش كويسة برضو هارتبط بواحد زىى
الحكاية ف الاخر متوقفة عليا برضو ..
:bosyht9:
كان فيه كلام كتير ف دماغى ف الموضوع ده
بس مش عارفة ليه مش فاكرة نصه
اكيد بتقولوا الحمد لله
عارفة ان ردى طويل ورخم بس باطلع الطاقات المكبوتة جوايا
:d
موضوع جميل بجد
احتمال اجى هنا تانى لو ايمى ماغيرتش الباس وورد
ولو غيرته ولقيت نفسى عايزة اقول حاجة
هاعمل عضوية تالتة - مش باحب احرم نفسى من حاجة -
يلا سلام عليكم
:)

كلام المنتديات لو متجاوز حدود ديننا يبقى اكيد حرام
لكن لو كلام محترم ومجرد مشاركات فى مواضيع وردود يتهيالى عادى
وبعدين المنتديات افضل كتير من اننا نكلم بعض فى الشارع او وجها لوجه
يعنى هنا ولا انا اعرف الشخص دة او هو يعرفنى وكل الى يعرفه عنى واعرفه عنه اسمه المستعار على المنتدى
بشوف مواضيعه فيها الى تعجبنى وارد عليها
وفيها الى يخلينى اتناقش وبتناقش معاه ودة فى حدود الادب والدين
لكن انا مش شايفة ان فيها حاجة غلط
هل تقبلين الزواج بشاب يكتب بمنتدى فيه بنات.............؟؟؟؟؟؟؟؟؟؟

لو بيعاملهم باحترام وادب ومش بيتجاوز حدود ربنا معاهم
يبقى ليه لا

انا من وجهة نظرى لو كنت ولد
مكنتش هاقبل اتزوج بنت من النت عموما حتى لو كانت مين

ايه الموضوع مش عن الزواج من على النت
يعنى مش توافقى تتزوجى من على النت او لا
الموضوع هل توافقى انك تتوجى من شاب بيكلم بنات على المنتديات؟؟
يعنى خطيبك يكون بيقعد على المنتديات وبيكلم بنات وكدة
هتوافقى تكملى حياتك معاه ولا لا

هى المنتديات بقت وصمة عار ولا ايه
:d
بيقولوا
نازل منها موديلات تحفة
وصمة منتدى للبنات حصرى
ووصمة حصري للشباب
:d
انا مش شايفة ان فيه فرق بين المنتدى والحياة العادية برا النت
لا اكيد فى فرق
هنا اديكى بتكتبى وانتى قاعدة
لكن برة مضطرة انك تقومى
واه لو اتعصبتى على حد هتقومى وتضربى علطول
لكن هنا باى اسميلز وازقليه فى وشه
:stickjo4:
زى مانا بالظبط مش شايفة فرق بين الرسايل الخاصة والماسنجر - مش موضوعنا ده -
لا بردة فى فرق
صحصحى يا قمرى
الرسايل هنا بطيئة اووووى
الماسنجر اسرع;)
يعنى لو كان الشاب ده قرا كومينتات لخطيبته ماعجبتهوش
ف ده لانه شايف ان كلامها ف المنتدى بيدل على شخصيتها
وهو ماعجبتهوش شخصيتها ف مشاركاتها ف المنتدى
وبالتالى ماعجبتهوش الشخصية اللى برا المنتدى واللى استدل عليها من المشاركات اللى شافها
لانه اصلا واضح انه مايعرفهاش كويس قبل ما يشوف مشاركاتها دى
ماهو باين انه كان جواز صالاونات
يعنى واحد جه اتقدم والبنت وافقت هيا واهلها وخلاص:romarioxp6:
ف كان ده انطباعه الاول عنها
او كان شايفها حد ملتزم اوى ولقاها متحررة شوية ف كلامها عالمنتدى
ف اتصدم بالفرق ومافهمش ان دى هى دى
ماهو مش فاهم يعنى ايه 2 فى 1:006et4:
وعلى فكرة هو مش غلطان
هو شاف انها ماتنفعهوش .. خلاص هو حر
احسن ما كان يكمل وهو اصلا مش قادر يتقبل جزء منها ..
والله احسن
وبعدين دلوقتى صدقينى مفيش بنت مثلا مش بتقعد على النت
لكن طول ماهى ملتزمة بدينها ومحترمة فى معاملاتها
يبقى ايه المشكلة:(
---
يعنى حكاية انها مشتركة ف منتدى
دى ماتأثرش ف حاجة
هو اللى خلاه يغير رأيه الردود اللى شافها
مش مجرد انه سمع انها مشتركة ف منتدى سابها ..
عندك حق
يمكن تكون متحررة زيادة عن اللزوم فى الردود
المهم
مش دايما ردود المنتدى بتدل على الشخصية
هاتكلم عن نفسى
برا المنتدى مش كل حاجة بالنسبة لى تهريج زى ما باعمل هنا كدة ف معظم ردودى
بالعكس ده فيه ناس بتشوفنى جد جدا واحتمال معقدة كمان ( اللى معرفتى بيهم من خلال الدروس مثلا )
واعترف ان معاملتى معاهم باردة جداا وباكون قاصدة ده .. بس انا مش كدة
وعلى العكس .. هنا ممكن ناس تفكرنى حد تافه لابعد الحدود وبرضو انا مش كدة
بس الناس القريبة منى واللى فاهمانى
عارفة ان عندى توازن بين الجد والهزار
هو دة الى انا كنت مستنياه
فعلا عمر الكلام على المنتديات ما كان مقياس للتصرفات
يعنى ممكن الانسان يغير فى طريقته على المنتديات
وممكن يكون ليه اكتر من شخصية على اكتر من منتدى
يعنى الشخصية على المنتديات مش مقياس
سوا للبنت او للشاب
---
لما بنتكلم ف موضوع نقاش بقى
ممكن اتكلم واللى بيقرا كلامى يحس انى حد عاقل جدا
بس مش باعمل كل الحاجات اللى باقول عليها
يعنى بانصح نفسى ف نفس الوقت اللى بانصح الناس فيه
بس مش باقول انى ملاك وانى باعمل كذا وكذا
انا باقول المفروض نعمل كذا وكذا
( حق على اصحاب الكؤوس ان يتناصحوا )
ف ممكن كدة حد يفهم انى شخصية مثالية وانا مش كدة
---
يعنى كدة كدة مش سهل ان حد يفهمنى صح من خلال شوية مشاركات ف منتدى
وبرضو مش سهل ان حد يفهمنى من تعامل سطحى معايا
يعنى كدة كدة هاتفهم غلط
يبقى مش مشكلة مين يفهم ايه
المهم انا ايه ..
يهمنى ارضى ربنا مش الناس
والله كلامك كله عسل زيك يا قمر
---
حاجة كمان ..
المنتدى نفسه بيبقى ليه عامل كبير ف انك تكون انطباع عن اللى قدامك
يعنى مثلا لما اشارك ف منتدى فيه رقابة من ناس كبيرة ف السن والعقل
هاتلاقى ان كل حاجة ليها حدود ..
اكيد مش هيبقى منتدى سايب
غير لما اشارك ف منتدى تانى الادمن بتاعه ماكملش 20 سنة
ههههههههه
بياخد خبرة من دلوقتى
وبينظم مقابلة لبنات وشباب المنتدى عشان يتعرفوا
واد مساعد وبيخدم الشعب
والكلام اللى اتقال ( احنا اخوات ودى مقابلة عادية وشوية كلام مالوش لازمة كدة )
ف طبعا الحدود هنا انعدمت اصلا ..
هو فى حدود اساسا علشان تنعدم
والحكاية دى حصلت فعلا ف منتدى كنت مشتركة فيه قبل كدة
وكنت عارفة ان وجودى فيه مش صح وكل شوية امشى وارجع تانى
لحد ما سيبته خالص من فترة ..
طب الحمد لله
خلصتى منهم:romarioxp6:
واعترف انى كنت عيلة ومش بافهم لما شاركت ف المنتدى ده من الاول اصلا

:d

لا بس شكلك كبرتى وعقلتى:006et4:
بعد المصاصة بقيتى تاكلى لبان:p

انا من وجهة نظرى ان الكتابه فى المنتديات شئ عادى طالما المنتدى محترم الناس بتتكلم بادب
والناس اللى بتقول الكلام مع ولد فى المنتدى زى الكلام على الايميل
_لاطبعا فى فرق كبير على الاقل المنتدى ليه قوانين حتى لو فى حد مش كويس فى المنتدى مش هيعرف انه يعمل حاجه غلط
وكمان ممكن يتاثر باللى حواليه ويعرف ان اللى هو بيعمله ده غلط ويبقى كويس يعنى يعنى المنتديات بتفيد مش حاجه غلط.
_لاكن الكلام على الشات او الميل حاجه تانيه يعنى ممكن حد يقول كلام مش كويس ومفيش حاجه تمنعه او حد يعنل دعايه لمواقع والله اعلم المواقع دى فيها ايه وفيش حد هيعرفه ان ده غلط.
يعنى اللى يبقى غلط فعلا هو الكلام على الشات مش الكلام فى المنتدى
واللى بيقول برده ان ممكن يكون حد مش كويس بس له شخصيه تانيه فى المنتدى غير الشخصيه الحقيقيه وعامل فيا ملتزم
_ده مش مشكله ومش بتضر اللى فى المنتدى اهم حاجه ان هو محترم فى المنتدى وبيحترم اراء غيره وكلامه مش مخالف للدين
واللى ساب خطيبته بسبب الكتابه فى المنتديات
_جايز هو مش عارف شخصيتها او فى حاجه مش كويسه فى كلامها او المنتدى اللى هى مشتركه فيه اصلا مش كويس
لان مش معقول هى هتكون بتتكلم باحترام ومش بتعمل حاجه غلط وهو هيسيبها
ولو غير كده بقى يبقى هو اللى فاهمها غلط



**هل تقبلين الزواج بشاب يكتب بمنتدى فيه بنات.............؟؟؟؟؟؟؟؟؟؟




ده يبقى شئ عادى طالما هو كويس وعارف انه مش بيعمل حاجه غلط واهم حاجه انك تكونى عارفاه على حقيقته و عارفه شخصيته الحقيقيه
لكن لو حد اتعرفتى عليه من خلال النت اصلا مينفعش لانك مش عارفاه كويس يعنى ممكن يبقى عادى لو حد انتى عارفاه وفاهمه شخصيته كويس اوى
.................................................. ............

دى مش خناقه يعنى دى وجهة نظرى
ياريت يكون ردى مش مخالف
تقبلو مرورى

اليكم هذه الفتوى اظنها نافعة فى هذا الاتجاه



ويقول الشيخ القرضاوي حفظه الله في الحديث بين الجنسين:
الكلام بالمعروف لا ينكر شرعًا، والله تعالى قد قال: "يَا نِسَاءَ النَّبِيِّ لَسْتُنَّ كَأَحَدٍ مِنَ النِّسَاءِ إِنِ اتَّقَيْتُنَّ فَلا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَض…"، فما دام الكلام مشروعًا، وليست هناك خلوة، وكان الكلام في موضوعات نافعة مما يهم الطرفين، كأن يكونا مشغولين في الأدب فيتحدثا فيها أو في شؤون المسلمين، وغيرها إذا لم يُخْشَ من وراء ذلك فتنة، وكل إنسان أدرى بنفسه، لا ينبغي أن يكون همُّ الشاب الحديث مع الفتيات فقط، ولا يتحدث مع مثله من الشباب، وكذلك لا يكون همُّ الفتاة أن تتحدث مع الشباب، ولا تتحدث مع مثيلاتها من الفتيات، فهنا ينبغي التفتيش في دخائل النفس؛ ليعرف الإنسان حقيقة اتجاهاتها، ولا يخدع نفسه بما يعلم أنه يخالف الحقيقة، وإذا انتهت هذه العلاقة بالزواج فلا بأس بذلك .انتهى

هل تتزوج فتاة تكتب في المنتديات ؟؟؟؟
طب وليه لا ؟

المهم مش في الفتاه تكتب في المنتديات علي النت ا
لمهم اسال ان النت يكون سرعته كااااااااااااااااااااااااام هنا تفرق كتيييييييير

السلام عليكم ورحمة الله وبركاته
جزاك الله خيرا أخى على الموضوع
وطبعا بما إنك تريد الرأي الشخصي فهاهو:
لا يمكن لى بأى حال من الأحوال أن اتزوج فتاه تخاطب الرجال عبر المنتديات
ونفرق طبعا هاهنا بين المنتديات المختلطه وبين المنتديات الغير مختلطه لإن فيه منتديات لا يكتب فيها الا النساء وفقط
وطبعا المرأه من حقها أن تشارك هاهنا لكن مع نساء مثلها(رأى شخصي).
وخصوصا اذا كانت المرأه كثيرة الردود لإن المرأه بطبيعتها مخلوقه ضعيفه(بدون زعل).
فقد تتأثر بكلام فلان أو علان أو أو ثم مايدرينى بما يجرى بينها وبين الاخوه فى المنتدى فلعلها من الظاهره جيده لكن ماشاء الله عليها مقضيها رسائل على الخاص بينها وبين الاخوه.
لا اخفيك فالاسباب كثيره وأولا وأخيرا هى وجهة نظر لى.

المهم مش في الفتاه اللي تكتب في المنتديات او علي النت
المهم اسال ان النت يكون سرعته كااااااااااااااااااااااااام هنا تفرق كتيييييييير هههههههههههههههه

ياسيدي المهم الاخلاقيات فوق كل الاعتبارات

بصوا يا جماعه



والله هو فكرة الموضوع جباره بجد مهمه اوي اوي




يعني انا بصراحه شايف لو بتلتزم بحدود الادب خلاص يعني



وبصراحه بردوا في فرق هي في منتدي ايه


وبترد في موضوع ايه يا رب تكونو فهمتوني


تقبلو مروري

على فكرة ماخدتش بالى ان التوبيك ف القسم ده
لانى لقيته لما كنت باعمل سيرش ف مشاركات هنا
آسفة
عموما لو كان ف العام كان هايبقى افضل

جزاكم الله خيرا
بس يا ريت يا جماعه احنا فى نقاش جدى
يعنى مفيش داعى للهزار
ندخل بقى فى الموضوع
اولا انا مش معترض على الزواج عموما من على النت
ولا معترض على انى اتزوج بنت بتكتب فى المنتديات
بس اكيد حيكون فى مراقبة الاول
معلش مش تدخل تضحك مع ده وتهزر مع ده وتبقى كويسه لا طبعا
فى هنا مثلا اخوات فى قمة الروعة و الادب و الاخلاق كتير منها مش بيحس بيهم
لانهم بيستفادوا وبيفيدوا وبس بردود متحشمة وبسيطة وكذالك المواضيع
انا حنقل الموضو ونشوف راى الناس

جزاكم الله خيرا
بس يا ريت يا جماعه احنا فى نقاش جدى
يعنى مفيش داعى للهزار
ندخل بقى فى الموضوع
اولا انا مش معترض على الزواج عموما من على النت
ولا معترض على انى اتزوج بنت بتكتب فى المنتديات
بس اكيد حيكون فى مراقبة الاول
معلش مش تدخل تضحك مع ده وتهزر مع ده وتبقى كويسه لا طبعا
فى هنا مثلا اخوات فى قمة الروعة و الادب و الاخلاق كتير منها مش بيحس بيهم
لانهم بيستفادوا وبيفيدوا وبس بردود متحشمة وبسيطة وكذالك المواضيع
انا حنقل الموضو ونشوف راى الناس
ممكن أسأل سؤال لأستاذ مش معترض
يعني مش معترض ازاي
مش انت لو حبيت تخطب وحده على النت هتبعتلها رساله خاصه وهتقولها عايز ميلك أكيد
مش دي خلوه
يعني هتطلب ايدها ازاي يعني
وطبعا ده اول حاجه هتخلي الموضوع باظ
يعني مثلا هتقولها ممكن ميل باباكي ولا ايه؟؟؟؟
من الاخر الموضوع بايظ بايظ

الموضوع ده نزل حوالى 7 مرات من ساعة ما دخلت الموقع وكنت بصر على حذفه وكان بيتحذف

إستغربت إن المجاهد منزله
مش هتكلم فيه كتير لإنه مش محتاج كلام
كفاية العنوان المستفز بتاع الموضوع .. طب ليه مانغيرش العنوان ونقول هل تقبلين الزواج من فتى المنتديات
!!!!!
مش فاهمة هى بقت حرام و أنا معرفش
هى وجهات نظر بس هو إيه عرفه إنها فى الواقع مش بتكلم فلان و تهزر مع فلان
دا إحنا فى رسالة بيكون فى كلام بينا وبين الشباب و فى حدود الأدب طبعاً و إسمنا بنعمل خير لوجه الله
نفسى والله أشوف البنى آدم المتخلف صاحب الموضوع الأصلى .. مش هقولكم هعمل فيه إيه :stickjo4:
كفاية رغى علشان الموضوع ده كل مابشوفه فى مكان ضغطى بيرتفع
و مازال التخلف العربى مستمراً :bosyht9:

بص الموضوع يااخ احمد موضوع مثير للنقاش

فى فرق شاسع جدا بين فتاه محترمة ترد باحترام

وتضحك فى حدود وتحافظ على نفسها وتتعامل

فتاه محترمة ومتدينة فلامانع جدا

انا شايفه انه عادى خالص طول ما احنا بيتكلم باحترام وفى حدود الادب
وبعدين البنت المحترمه هتبقى كده فى اى مكان
ولو هى مش محترمه فى المنتدى تبقى كده فى اى مكان
وانا اقبل انى اتزوج من شاب بيدخل على منتدى
بس بنفس الشروط انه يكون محترم فى ردوده
يعنى فى الموضوع ده مفيش فرق كبير بين الولد والبنت
بس البنت لازم يبقى عندها حياء بس
وميرسى اوى على الموضوع

انا شايف ان فى فرق بين المنتدى
( ملحوظة ) مش اي منتدى برضه

وفى فرق بين الشات

اعتقد ان اشات لا يمكن الزواج او الارتباط منه

اما المنتدى ففيه فرصة اكبر اللى انا اعرف الشخصية المتحدثة من خلال المناقشات او من خلال الردود
والله مجرد وجهات نظر

السلام عليكم و رحمة الله و بركاته

يسعدني ان هذا يكون اول موضوع اشارك فيه هنا ..
لا يعيب الفتاة انها تشارك في المنتديات وتكتب بأدب و أخلاق و تراعي الله فيما تقول .
وأمانع منعا قاطعا و انصح كل رواد النت بعدم التفكير في الزواج عبر هذه الشبكة العنكبوتية .

هل تقبلين الزواج بشاب يكتب بمنتدى فيه بنات.............؟؟؟؟؟؟؟؟؟؟

مش شايفه فيها اى مشكله

موضوع غريب جدا

سورى يا استاذ احمد بس ده رايي
يعنى ايه تكتب فى المنتديات ؟
هل فى مانع شرعى من كده؟
وكمان الناس اللى بتقول خلوة ومش عارف ايه فين الخلوه دى ؟
حتى لو كان الكلام على ايميل برده فين الخلوة ؟

وطبعا فى حدود لكلامى اللى فوق ده يعنى لازم يكون منتدى محترم

وكمان سورى يعنى الناس اللى بتقول منتدى رجالى ومنتدى نسائى طيب ممكن تقولى حضرتك يبقى ازاى ده منتدى مفيد يا افندم اى عضو فى اى منتدى يميزه علمه ,اخلاقه و تاثيره وليس جنسه ولن تعم الفائدة اذا كان رجالى اونسائى
على سبيل المثال هناك جزء فى مجال عملى صيفا " Electronics " جزء يختص بالميكروبرسيسور ولم اجد له اى شروحات على النت سواء عربى او انجليزى وعندما كتبت طلب فى منتدى متخصص طلبا عن اى شخص يعرف اى شىء عن هذا المجال وجدت شخصا قال لى انا ساساعدك وشرح لى هذا الشخص على الاميل واستفدت منه بطريقه لا تتخيلها وبعد ذلك اكتشفت ان هذا الشخص هو بنت فى غاية الادب والاحترام

سؤال كيف كنت ساتعلم هذا اذن اذا كانت المنتدى لا يوجد فيها ذكور واناث ؟

انظروا للمنتديات الاسلاميه مثل منتدى الاستاذ مصطفى حسنى او غيره ستجدون انشط الاعضاء واكثرهم نفعا هم من النساء ولو كان وجود اخوات فى المنتديات حرام ما سمح به

اعتذر انى دخلت فى جزء يبتعد عن الموضوع قليلا لكنى احببت ان ارد على هذا الكلام

نرجع لموضوعنا
الخلاصه انا اتشرف بالزواج من اى بنت متدينة مثقفة لا اكثر ولا يهمنى اذا كانت تكتب فى منتدى او غيره لانها ام كان فيها الشرطين السابقين فانها ستراعى ربها فى اى مكان تكتب فيه
و رايي فى هذا الخاطب انه لا يتسم بالحكمة تماما " هذا ان كان ما راه من ردودها كان محترما وموضوعيا ام ان كان غير ذلك فهو قد اخطأ من البدايه فى عدم اختيار صاحبة الدين "
اعلم انى تكلمت بلهجه شديده بعض الشىء لكن هذا موضوع مستفز جدا
وهذا رايي واختلاف الرأى لا يفسد للود قضيه
خالص احترامى لرأيكم جميعا
سلام الله عليكم

السلام عليكم
النت مثل الشارع و المدرسة ، الذكر أقوى و أكثر تقحماً من الأنثى و سيفرض ذاته و وجوده عليها . كل إمرأة تبرز بين البشر رجالاً و نساء تتعرض للمضايقات و الإحتكاك و السخافة ممن حولها من الرجال . بعضهم يقف عند حده و بعضهم يتجاوز حدود العرف والمألوف .
أعرف من لا تستخدم هذه الأداة الفعالة لغير الشكر أو الأسى و أعلم من توظفها جيداً كما تفعل بكل الموارد المتاحة لها .
بالنسبة لي أحسب حسنات وسيئات أي رد أضيفه على النت . و كثيراً ما أسألني بجدية : أيفيد ما أقوله أحداً أم أن ردي إعلان عن التواجد ؟
الإجابة الثانية تمنع الضغط على زر .(اعتمد المشاركة) .
على المرأة أن تحسب كل خطوة على الأرض و كل رد على النت .
أما أن التواجد على النت يعتبر أمر يضاف لـلـ(رجل / مرأة) كرصيد أو يطرح منــ(ه/ها) عند الزواج فهذا لم أره في واقع الحياة و عقلي لا يلقي بالاً للقضايا التي لم تقابلني واقعاً و لكن لو كان لي أن أقيس التواجد على النت على أي شيء فإنني أقيسه على حديث الشباب مع بعضهم في النادي ، حلاله حلال و حرامه حرام و مكروهه مكروه .. الخ .

اولا عاوزة اقول لحضرتك حاجة
ده موضوع صاحبتى كانت عاملاه واتناقشت فيه مع ناس كتير
باركولى ..........خطبنى عضو من المنتدى (http://www.thanwya.com/vb/showthread.php?t=70750&highlight=%C8%C7%D1%DF%E6%E1%EC+%CE%D8%C8%E4%EC+%C 7%E1%E3%E4%CA%CF%EC)
ياريت حضرتك تطلع عليه ده بالنسبة انى اقبل *بفتى نت *
ثانيا بالنسبة للردود
ده بيرجع للبنى ادم اللى بيكتب*انا*
لو انا محترمة هدخل منتدى تعليمى او منتدى كويس *داخلة استفاد مش داخلة اضيع وقتى مع اى حد*
لانى لو عاوزة اضيع وقت *أسفة كتير على اللى هقوله*
اكيد مش هتعب فى انى الاقيى حد اضيع وقتى معاه
لكن انا دلوقتى ممكن اكتب رد حضرتك تقرأه ويعجب حضرتك المعنى المقصود من الموضوع وتشكرنى عليه مثلا
انا هشكر حضرتك لمرورك ورأيك ممكن نقاش بسيط عشان افهم حضرتك قصدى لو فيه حاجة حضرتك مش اخدت بالك منها
انا لما بدخل موضوع ويعجبنى ادعي للى كتبه بظهر الغيب ان الله يجازيه الجنة*لان ده اعظم خير ممكن اى حد يتمناه*
و بعدين حضرتك ده منتدى تعليمي يعنى الغالبية العظمى طلبة
لو حد بيحضر فى الروم الصوتيه اكيد بيلاقينا بنات واولاد هناك
وفيها جروبات هناك*جروب ازهرى.....جروب علمي...ادبي... وهكذا*
و كتير بنتكلم مع بعض عشان نحدد ميعاد الحصة او نتفق مع المستر او بنتبادل المذكّرات او لسبب ضرورى
ده بالنسبة للمنتدى ده او اى منتدى تعليمى
وعن شرط انا اعرف ناس معايا فى الجروب الازهرى على الحقيقة لاننا من منطقة واحدة
بس فى الواقع انا بسيب الشارع كله لو هو موجود فيه
وعلى النت ممكن لو بدأنا الحصة ممكن نناديه عشان مش تضيع عليه
وممكن لو حصل مشكلة لحد وسألنى رأيي ممكن اقوله احتمال اعرفه حاجة ممكن تحل المشكلة
او ممكن اقوله على الحل لانه ممكن يكون مش اخد باله منها
بس
حضرتك ادخل اى موضوع عشوائي وجرب شوف ردود البنات
متهيألى ببساطة ممكن تعرف المحترمة من غيرها
اسفة على الاطالة بس ياريت حضرتك تكون فهمت قصدى
اها حاجة صغنونة
حتة الميل دى بترجع للبنت انهاتقبل او ترفض *لانها فى كل الاحوال الرقيب عليها ربنا*

دى حاجة اسمها رجعية وتخلف

موضوع للنقاش
بصراحة موضوع أذهلني جداً

لم يذهلنى صراحة
لأن لو تعامل الفرد معهم كان رأيه بالتأكيد يختلف عنك

ما كنت أعرف أن كتابة البنت في المنتديات
حتى لو كانت كتاباتها محترمة ومفيدة
جريمة يعاقب عليها المجتمع

لم يقل أحد أنها جريمة
وانا هاوضحلك الليلة ماشية

وده وجهت نظر اشخاص
برغم اختلافى معاهم


بص يا أحمد
لوكانت البنت الى بتكتب فى المنتديات الموضوعات الهادفة والجميلةالى انت قصدك عليها
بس عندها مبدأ
وعندها حياء
أقولك ماشى
بس أسألك سؤال صريح
همافين دول.؟
موجودين فعلا على النت
أنت عارف ياأحمد انى قبل ما اسيب المنتدى اوبمعنى أصح قبل موضوع حوارات كنت بكلم أد ايه
فصراحة يبقى منةالغباء منى ان الواحد يفكرفى اى حاجةتميل لو لكدة
اما حتة الموضوعات الهادفة
دة طبعا مش مقياس
ولايمكن على الاطلاق أعتباره كذلك
تدخل النت الاول باحترامها
وبعد كدة التدرج فى المبادىء
الاول عدم الخروج من القسم الاسلامى
التانى عدم فتح الرسايل الخاصة
التالت مراسلة الاعضاء
الرابع الغيبة والنميمةالى مالهاش حدود
وكان الله بالسر عليم
مثال
وانا مش هاحرج من قوله
أسوا المنتقبين الى شفتهم فى حياتى
هما الى اتعاملت معاهم على النت
غيبة
واختلاط
وادعاء ما ليس فيهم
وما يخرج عن تلك القاعدة نادرا جدا
استطيع ان أواجه اى بنت تنكر كلامى بالادلة ولو عليها شخصيا
والى تلاقيها تقول انا معاهدة ربنا انى مش اكلم ولد
وهى على ايميلها ولدين على الاقل
دة غير الكونفرنس
انا واحد قالى قبل كدة
اوعى تنحدع بالناس على النت
انا لما بدخل على النت بكذب بردة
فاستغربت من كلمته
ولو انى عارف انها الحقيقة
الخيرفى الامة الى يوم القيامة
والواحد غنى عن ذلك
معلشى ان كنت ماعرفتش أقول الى عندى
ولو عاوزنى استطرد يبقى لما أقابلك النهاردة ان شاء الرحمن
دمت فى رعاية الله وأمنه
فى أمان الله

فى هنا مثلا اخوات فى قمة الروعة و الادب و الاخلاق كتير منها مش بيحس بيهم


لانهم بيستفادوا وبيفيدوا وبس بردود متحشمة وبسيطة وكذالك المواضيع

انت كدة جبت من الاخر
وأظن انت يوم ما كلمتنى على ناس فيهم يمكن بقالى سنتين فى المنتدى والواحد مش واخد باله منهم أصلا

اما حتة انك مش معترض من الزواج عن طريق النت

انت قلتلى انك مش مقتنع بيه
:excl:

واخر حاجة واختم بيها كلامى
للناس الى بتقول اننا على الخاص بنعمل لله
أقولهم
مايكون لله
يكون على مراد الله
(يخدعون الله والذين امنوا
وما يخدعون الا انفسهم وما يشعرون
فى قلوبهم مرض فزادهم الله مرضا)

سبحان الله
ده شىء عادى بيتهيالى ميستدعيش النقاش
انا لو حد ميعرفش حاجة ع النت هقول انو جاهل واكيد مش هقبله
وبيتهيالى دى حاجة عادية ان بنت او ولد يكتبوا ع النت

ولو النت من غير بنات الولاد حتخش تعمل ايه :d


ههههههههه
سؤال وجيه
:d

موضوع جميل بجد كنت عاوزة ارد فيه من فترة
اولا لو هنتكلم ع البنت اللي بتدخل المنتدىات وتشارك فيها
اولا لو هنتكلم عن منتدانا ده
واحده داخلة عشان ثانوية ودراسة وكده مفيهاش حاجة طبعا
واي منتدى تاني بعيد عن منتديات الفناين وكده
لما نيجي بقى بعد ماتدخل المنتدى
لو هتقعد بااحترامها كلام عادي وهزار بحدود
وكلمة حدود دي نسبية يعني تختلف من واحده للتانية
ومتفتحهاش ع البحري
دي مافيهاش حاجة
في انواع تانية من البنات بتبقى باينة ان البنت دي مش محترمة
وبعدين مش لازم عشان البنت تكون محترمة تبقى لابتتعامل مع حد ولا بتكلم حد

ف حدود احترامها لنفسها طبعا
وطول مالكلام نقاشات عادية



هل تتزوج فتاة تكتب في المنتديات ؟؟؟؟



بالنسبة بقى للسؤال ده عادي الولد زي البنت لو هي بتغلط يبقى هو كمان بيغلط لما يدخل المنتدى
وخصوصا ف حتة الارتباط دي
بس انا من رأيي اوافق جدا طبعا
ده لو مكنش شرط من شروطي

بس مش يبقى حد من نفس المنتدى اللي انا مشتركة فيه وعجبتنا شخصية بعض وقصص روميو وجوليت التعابنة دي
عشان عندي قناعة ان شخصية النت لازم تختلف عن شخصية الحقيقة ع الاقل بنسبة عشرين ف المية ولا حاجة
يعني واحد عارفة شخصيته الحقيقية ف الواقع مش النت
ويعرفني انه داخل منتدى كذا باليوزنيم الفلاني
وشوفي مشاركاتي
وانا كمان نفس الكلام ونقوم بعضنا
النت مش جريمة

معلش عاوزة اعلق ع الحتة دي بتاعت ايه
يعنى انا فى الواقع عمرى افكر اكلم ولد نهائى حتى لو كان شيخ عمرى ماهروح اساله فى شئ يخصنى
بس ده مش واقع
يعني الواقع فيه غض بصر وفيه صوت المرأه فتنه
لكن ده كتابه بس ميمنعش انه فيه فتنة للي عاوز يتفتن
وزي ماقالت منى مش لازم كل اللي بقوله هو اللي بعمله

اقتباس:
المشاركة الأصلية كتبت بواسطة banzer http://www.thanwya.com/vb/life/buttons/viewpost.gif (http://www.thanwya.com/vb/showthread.php?p=1246893#post1246893)


ولو النت من غير بنات الولاد حتخش تعمل ايه :d






هههههههههههههههههههههههه
ياراجل عندك حق
ههههههههههههه عجبتني قوي دي
المهم انا مش شايفه اصلا اي مشكله في ان واحد صاحبك يقولك عاوز اتقدم لاختك وبحبها
لا اله الا الله
فيها ايه يعني؟
اومال هنتجوز ازاي ؟
اترأن البنات بتقعد في البيت
لا والله ما بهزرش طالما ان فكرتك كده عن صاحبك اللي جاي يتقدم لاختك وفيها ايه يعني ؟لا حول الله يارب
عادي جدا مش اجسن ما كان يتجوزها بطريقه ما او مش احسن لما يقعد يعاكس فيها وهاتي نمره موبايلك ومعرفش ايه ؟
والله اعلم انا لو ولد عاتي ولو بنت اوافق طبعا عاتي ان صاحب اخويا ييجي
هه ياريت :d

مش معنى إن البنت بتكتب على المنتديات إن تكون أخلاقها وحشه....وممكن تكون أخلاقها وحشه وياما عملت بلاوى...القصد هو التعارف الحى لتعرف أخلاق البنت إللى ناوى تجوزها....وربنا يرزق الجميع بمنتدانا ده الأزواج الصالحه .... ويبارك للمتزوجين فى زيجاتهم.....أمين............

انا واحد قالى قبل كدة
اوعى تنخدع بالناس على النت
انا لما بدخل على النت بكذب بردة


يبقى كدة العيب ف مين ؟
ومين الغلطان ؟
وليه نعمم قاعدة واحدة عشان فيه ناس ماشية عليها ؟
طب ما فيه ناس تانية مش بتكدب !!


وبعدين لما الشباب معترضه عالكتابه والمواضيع
بيردوا على مواضيع البنات ليه ؟؟ وبيبعتوا لهم رسايل خاصه ؟؟؟
عجبنى اوى السؤال ده
اقولك يا ستى
بيتسلوا
ما دام البنات دول مش يفرقوا معاهم باى حاجة
ليه يضيعوا فرصة جميلة للتسلية زى دى
:d

السلام عليكم ياجماعة

احييك صاحب الموضوع على اثارة هذا

الموضوع الذى اصبح يثير شغفا فى

الفترة الاخيرة خصوصا بعض ظهور الانترنت

الفتاة التى تكتب فى المنتديات تحكمها اخلاقها وتصرفاتها

ووردود فعلها مع فلان واحداث كثيرة جدا تحكم عليها

فليس كل من استغلت الانترنت فى الدعوة لسبيل الله فهى

مخطئة فى حق نفسها او من حق من حولها ان يغير نظرته اتجاها

لانها تبذل قصار جهدها لتحقيق شىء لن تسطتيع تحقيقه فى الملىء

فانا ليس مع او ضد وانما اقول ان كل شىء بيد الله سبحانه وتعالى

واذا اختار الله ان تكون هذة لهذا بدون اى فارق منتدى انترنت

قابلها صدفة فهو قدر من الله سبحانه وتعالى

اما القصة التى حدثنا اياها اخى المجاهد فلابد من الخاطب

ان يفر قليلا هل هذة البنت تستحق ان يقال لها هذا؟

هل هو تقرب منها وجلس معها وعلم منها لماذا هى تفعل ذلك

ولكنة من وجهه نظرى تصرف بشكل مخطىء لى حدما لانه من المفترض

ان يعرف اخلاقها ومدى اهتماماتها بالكتابة فى المنتديات

اما بالنسبة لسؤالك يااستاذ المجاهد فالبنت لن يحتكم

عليها مثل الولد الولد له حريه مطلقة قليللا عن البنت ولكن

الطيور على اشكالها تقع والطيبات للطيبون فاذا كانت هى محترمة

فسوف يكون هو محترم ايضا بارك الله فيك وجزاك عننا خير الجزاء

يبقى كدة العيب ف مين ؟

ومين الغلطان ؟

وليه نعمم قاعدة واحدة عشان فيه ناس ماشية عليها ؟
طب ما فيه ناس تانية مش بتكدب !!




نادرا جدا


بس الى الناس مش واحدة بالها منه فى الكلام
النت يفرق كتيرجدا عن الواقع
فى انه عامل زى الساتر بين اتنين
حضرتك لما تتعاملى بشكل أوسع هاتعرفى انا بقول على ايه
لأن الكلام دة شايفة من 2003 مش من تعامل يومين
وفيه أبحاث عندنا لدكاترة عن الموضوع دة




شكرا للمداخلة



وبعدين لما الشباب معترضه عالكتابه والمواضيع





بيردوا على مواضيع البنات ليه ؟؟ وبيبعتوا لهم رسايل خاصه ؟؟؟
فيه سؤال على نفس المنوال
ليه البنت تبعت للولد وتستشيره فى حاجات
دة غير رسائل المدح
وتقول من وراه عليه كلام مش كويس
لذلك سؤالك دة مش موضوعنا
دة موضوع تانى خالص

أحمد سأل سؤال محدد

وانا اعتراضى عن خبرتى فى الموضوع
انا كتابة البنت على النت بتفرق من واحدة لتانية
وانا اتكلمت مع أحمد فى الموضوع دة قبل كدة
اما حتة رسايل خاصة ليه
أظن انى اتكلمت بشكل مفصل فى موضوعى الاخير فى الكلام دة
حتة بقى الكذب
طبعا على النت ليس لها مقارنة بأرض الواقع
لأنك مش شايفة الشخص الى ادامك
اما حكاية الصور والكاميرات أظن ما يعملشى كدة غير انسانة غير محترمة لولد غيرمحترم





لوكانت البنت الى بتكتب فى المنتديات الموضوعات الهادفة والجميلةالى انت قصدك عليها


بس عندها مبدأ
وعندها حياء
أقولك ماشى


دة خلاصة كلامى


وعموما من خلال الجامعات والمناظر الى احنا بنشوفها
البنت المحترمةوجودها زى وجود العملة النادرة
وعموما المحترمة والى زى ما بقول عندها حياء ومبدأ ثابت
تقدر تفرض احترامها على الجميع وتحافظ على كرامتها فى اى مكان

فى أمان الله

ياريت الردود متخرجش عن الموضوع
:bosyht9:

يا ريت يا جماعه فعلا مره تانيه الردود مش تخرج عن المحتوى بتاع الكلام
و اى حاجه مش ليها لازمه او حوارات شخصيه حتتحذف
:stickjo4:
و انا اللى حذفت الردود يا اسلام مش زينب
:slap1qk6:
فى رعايه الله

بسم الله الرحمن الرحيم
هو في ايه يا جماعه انتم ليه واخدين الموضوع بحساسيه كبيره كده
اللي اقدر اقوله في الموضوع ده
ان الله خلق الانسان ذكرا وانثا وان الله انزل تشريعات تخص كل نوع..وتخص التعاملات
وانا مش مع العضوه اللي بتقول (حتي لو شيخ مش هروح واسالوه في مسأله تخصها)
طيب ازاي ...الم تعلم قول الله (فسألوا اهل الذكر ان كنتم لا تعلمون)
ده والله كلام رب العزه.......
بالنسبه للموضوع ....فلكل انسان(ذكرا وانثا) عقلا يميز به الحلال والحرام
والله ميز البشر بالعقل........
فانا لست ضد جلوس الفتيات علي النت طالما ده في حدود الاحترام والوقار
واقترابها من بارئها فان الله يحفظ عباده واي عباد يحفظهم الله
ويبعدهم عن ما يضروهم.............
ويا اخي هذا موقع تعليمي .........لا يقبل بما اثرته انت............
وانا والله والله رقيب علي ما اقول لا افتح الا هذا الموقع (وكان في موقعين تعليميين اخرين بس منذ فتره وانا بعيد عنهم)
وايضا بفتح مواقع تحميل ملفات فيديو او صور (واي صور واي فيديو) والله هناك فرق
واحيانا بفتح مواقع العاب........
بس............. انا اهوت ولد
بس والله مبفتح غير اللي ذكرتهم........
فيا اخي ما بالك بالفتاه...؟؟؟!!!
اكيد الفتيات بتيستعمل النت فيما يصح....ولكن ليست كل الفتيات
بس اكيد علي الاقل الفتيات اللي في موقعنا التعليمي هذا...........
مع كل ما كتبته كنت اتمني الا اكتب في هذا الموضوع
وكنت لا اتمني اثارته.....علي الاقل في منتدانا هذا.........
علشان انا زي ما قرأت ردود في منتهي الموضوعيه والجديه
للاسف بردوه قرأت ردود استهزائيه ..وتوبيخيه
.................................................. ..........................................
.................................................. ..........................................
.................................................. ..........................................
.................................................. .........................................

مع احترامى للجميع فا فتاة النت فعلا ليست كويسه بكل المقاييس

انا اشجع الذكور والاناث علي المشاركة في المواضيع الاجتماعية والسياسية وغير ذلك من المواضيع التي تبني الشخصية
وتعمق من الافكار لبناء مجتمع قوي ولكن المهم تطبيق ما استفاده الشخص من المواضيع في حياته العملية

بسم الله الرحمن الرحيم
هو في ايه يا جماعه انتم ليه واخدين الموضوع بحساسيه كبيره كده
اللي اقدر اقوله في الموضوع ده
ان الله خلق الانسان ذكرا وانثا وان الله انزل تشريعات تخص كل نوع..وتخص التعاملات
وانا مش مع العضوه اللي بتقول (حتي لو شيخ مش هروح واسالوه في مسأله تخصها)
طيب ازاي ...الم تعلم قول الله (فسألوا اهل الذكر ان كنتم لا تعلمون)
ده والله كلام رب العزه.......
بالنسبه للموضوع ....فلكل انسان(ذكرا وانثا) عقلا يميز به الحلال والحرام
والله ميز البشر بالعقل........
فانا لست ضد جلوس الفتيات علي النت طالما ده في حدود الاحترام والوقار
واقترابها من بارئها فان الله يحفظ عباده واي عباد يحفظهم الله
ويبعدهم عن ما يضروهم.............
ويا اخي هذا موقع تعليمي .........لا يقبل بما اثرته انت............
وانا والله والله رقيب علي ما اقول لا افتح الا هذا الموقع (وكان في موقعين تعليميين اخرين بس منذ فتره وانا بعيد عنهم)
وايضا بفتح مواقع تحميل ملفات فيديو او صور (واي صور واي فيديو) والله هناك فرق
واحيانا بفتح مواقع العاب........
بس............. انا اهوت ولد
بس والله مبفتح غير اللي ذكرتهم........
فيا اخي ما بالك بالفتاه...؟؟؟!!!
اكيد الفتيات بتيستعمل النت فيما يصح....ولكن ليست كل الفتيات
بس اكيد علي الاقل الفتيات اللي في موقعنا التعليمي هذا...........
مع كل ما كتبته كنت اتمني الا اكتب في هذا الموضوع
وكنت لا اتمني اثارته.....علي الاقل في منتدانا هذا.........
علشان انا زي ما قرأت ردود في منتهي الموضوعيه والجديه
للاسف بردوه قرأت ردود استهزائيه ..وتوبيخيه
.................................................. ..........................................
.................................................. ..........................................
.................................................. ..........................................
.................................................. .........................................

شكرا على الموضوع المميز ده
وانا عايزه اقول ان النت مباح للبنت زى ماهو مباح للولد
وكل واحد وضميره فى استخادم النت
زى اى حاجه ممكن الواحد يستخدمها صح وممكن واحد تانى يستخدمها غلط
كمان فى حاجه يعنى انا عندى منتدى وفيه طبعا اعضاء بنات وولاد
واكيد طبعا بيشركونى على موضوع او انا بشكرهم على موضوع او بتنناقش
واعتقد ان دى مافيهاش اى حاجه غلط
كمان يعنى لما البنت بتتكلم على المنتدى
ماهو الكل شايف كلامها
يعنى اقصد ان اللى بيعمل حاجه غلط بيستخبى
لكن دى قدام كل الناس يعنى اى حد على النت ممكن يدخل ويشوف كلامها ده
يبقى اكيد طبعا كلامها محترم
اما بالنسبه للراجل اللى ساب خطيبته ده
فده طبعا انسان غريب
انا مش عارفه الرجاله جرالهم ايه تفكيرهم بقى محدود قوى
ومش كله علشان محدش يزعل

موضوعك جميل جدا جدا بجد
انا مش شليفه فيها اى حاجه ان الواحد يتجوز من بنت بتكتب فى اى منتدى
او بتدخل على النت عموما مدام مبتتعداش حدودها
وفعلا النت ده بجد عالم فيه الوحش والحلو
وبالذات البنات هم الاكتر اللى بيضحك عليهم
عن طريق النت
هوه عالم لازم البنت تكون عملاله الف حساب
والا هضيع بجد :d
وانا من نظرى اللى يرفض انه يرتبط ببنت بتكتب على
النت سورى رجعى جدا :p
مع احترامى للى بيرفض كده بس مدام البنت مش بتتعدى حدودها
مفيش اى مشكله ان اى انسان يرتبط بيها:blush:
وبجد شكرا ياقمر على الموضوع الجميل ده
تقبلى مرورى:022yb4: