الساعات والأيام والزمن يمشي دون أن يترك لنا حرية الإختيار في أن نقبل المشي معه أم لا .. ويفعل الزمن بنا ما يفعل .
و يبقى الأمس وتبقى ذكرياته هي التي تجعلنا نشعر ربما بالسعادة تارةً وبالحزن تارةً أخرى .. ولكن جمال الماضي يظل البعض منه راسخ في نفوسنا لا تمحوه الذاكــرة.. إنها الذكريات المميزة التي مررنا بها في حياتنا وقد تكون هذه ذكريات المرحــــــلة الدراســــية..





هنا أدعو الجميع لإخبارنا عن أجمل المراحل التي مررتم بها.. وما هي الأسباب التي جعلت من هذه المرحــلة جميلة


مع تحياتى pitra

اممممممم

احلى سنة دراسية السنة دى

علشان اتعرفت على صديقة جديدة بقينا انا وهى دوتو فى الفصل

واحدة مش حاله الواجب التانية متحلش علشان نطلع نتذنب مع بعض

على طوول ضحك × ضحك فى الفصل يعنى بنت ظريفة جديدة

فالبنسبة لى دى احلى سنة

انا بالنسبة لى السنة دى هى السنة الوحيدة المملة

مرسى لمرورك ايه

احلى سنه دراسيه وانا فى الدراسات العليا
كنت بعمل دبلومه فى علم النفس
واتعرفت على صديقه احسست اننا متفقين فى اشياء كثيره
وعلاقتى بها قويه الى الان
على مر مراحل الدراسه لم احتفظ بصداقه قويه تشبه صداقتها
مشكورة على الموضوع

أولى ثانوي دا الواحد لعب فيها لعب

ايام الثانوي بامانة وخصوصا 3 ثانوي بجد علي قد ما الواحد ذاكر فيها وتعب اوي
بس بامانة اجمل سنة الواحد عاشها
وياريت الزمان يرجع تاني علشان نعيشها تاني
ولكن الحمد لله علي كل حال
الموضوع جميل

احلى مرحله عندى السنه اللى فاتت 2ثانوى وكمان 2و3 اعدادى بس كل السنين دى عرفت قيمتها السنادى بس لانى مخنوقه اوى ونفسى ادخل الجامعه بسرعه

يا جماعة مفيش احلى من ايا كى جى كان الواحد مدلع على الاخر وكل شئ يجيله بس هو يأشر :) :)

الصف الثانى الثانوى احسن ايام
واولى ثانوى دى بقى عسل اوى

انا بحييكم كلكم يا جماعة بس فى نقطة هامة <لا تسبوا الدهر فاننى انا الدهر000> حديث قدسى00 انا عشت اجمل ايام عمرى وما زلت حتى الان ومراحل عمرى كلها اجمل من بعض صحبة جميلة وصادقة فى تعاملتها وكلة بيذكر بعضة بالذكر والصلاة والحمد للة بس الزمن بيتغير وهو بيتغير بيغير انا حصلت على عدد هايل من الصحاب المقربين ومع اجمل لحظات العملر كنا بنام سوى باذن الاب والام والحمد للة على كل شىء وجزيل الشكر وعظيم الاحترام على هذا الموضوع ذكرنى بالماضى شكرا شكرااااااااا موضوع كنت محتاجة

مرسى يا جماعة على مروركوا كلكم


وانتظروا المزيد
كنتم مع pitra

انا احلى ايام حياتى فعلا فى الدراسه طبعا انا حاليا فى 3 ثانوى
بس احلى مرحله مريت بيها هى تانيه ثانوى
خرجت من الاعدادى لا اعرف الكثير ولكن عرفت حاجات كتير لما اتنقلت للثانوى
اتعرفت على اصدقاء ادئيه هما حبونى اكتر من حبى ليهم
كما انى لا احب 3 ثانوى لان مريت فيها مرحله مش حلوه وحسيت ان الدراسه طويله فيها
انا اسفه اتكلمت كتير
شكرا على الموضوع ده

مشكووووووووووووووووور

أحلى أيام عمرى هى اللى جاية ( ان شاء الله ) يعنى فى الكلية وبعد ما اتخرج وابقى مهندس كبييييييييير

اجمل سنه كانت تالته اعدادي بجد
عشان زادت قوة ايماني بالله لما اتعرفت على بنووته زي العسل , بس مابقتش بكلمها ولا بشوفها دلوقتي لانها دخلت صنايع
و كنا بنحب بعض في الله اووووووي , و عندي امل اني اشوفها تاني والله
و كمان بقيت بحب المذاكره اكتر و ابتديت احدد اهدافي
ارخم سنه السنه دي انا في تانيه ثانوي
بجد رخمه و تبته و يارب اخلص
ثانكس للموضوع

احلى ايام عمرى كانت فى الثانوى بس ما انكرش ان ايام الكلية حاجة تانية كفاية انى اتعرفت على احلى ملاك فى الدنيا وباينا انا وهى اصحاب اوى

زي الفل تسلم ايدك

هو في زي ايام ابتدائي بلا ثانوي بلا بتاع ده احنا بنمشي نكلم نفسنا في الشارع

مرسى لمروركم جميعا

وانتظروا الجديد
كنتم مع
بترا