شاركنا الوان حياتك... [الأرشيف] - بوابة الثانوية العامة المصرية

totta2101

11-05-2012, 12:09 PM

الحياة كـ لوحة تنتظر الألـوانـ لتغدو اكثر جمالا ...
نولــد ولوحة حياتنا بيضاء نقية ..

منا من يحولها الى الســــواد..

ومنا من يحافظ على نقائها و صفائها ..
والقليل هم من لونوا صفحاتهم

بــألـوانـ الحيااة..

ألـوانـ ليست كغيرها من الالوانـ..

لــون حيــآتك .. بألــوان التفائل ..و السعاده .. و الفرح.

فعندما .. تمر بـضيق

لا تقف حزينا .. وتتقوقع .. في حزنك ..

أكسر .. قوقعتك .. وأبدأ بتلوين حياتك
بلون السعاده..
عندما تحس بــالوحدة
تذكر شخص .. تحبه.. وتعزه ..
وتذكر .. كل لحظاتك الحلوة معه ..

عندها ... أبدأ برسم لوحه جميله في مخيلتك .. مليئة بكل المشاعر الجميلة والدافئة ..
ستجد أنك ابتســمت دون ان تشعر..

عندما تمر .. بتجربة فاشلة .. لا تقف عندها .. وتضع نفسك في شرنقة الفشل ..
مزق شرنقتك .. وأبدأبرسم .. لوحه النجاح

هنا سنبدء برسم لوحه جميله من تلك الالوان
لوحه من المواقف والسعاده والتفاؤل
والاستفاده من خبرات الاخرين
ياريت كل الي عنده موقف ليه شخصياااا او شاهده بنفسه
يشاركنا الموقف دا
لنتعلم معاااااا القيم و اللوان الحياة

شاركنا الوان حياتك

كليوباترا مصر

11-05-2012, 07:25 PM

بصراحة موضوع جميل جدا يا توتا احييكي عليه

انافي حياتي مريت بمواقف كتييييييييييييير صعبة ووقفت عندها وحسيت اني مش عاوزة اعيش تاني واني اتعذبت كتير بس الحمد لله ربنابيهديني وبرجع تاني لحياتي العادية بعدقراءة القرآن والاستغفار
واكتر موقف هزني اووووووووووووووووووي ويعتبر الحمد لله لحد دلوقتي اخر موقف صعب مريت بيه وهو اني عرفت ان السنة اللي فاتت ضاعت مني والدروس والوقت الكتير ضاع ع الفاضي بس بعد اما عرفت النتيجة انهاااااااااااارت وحسيت اني خلاص فشلت بس انا كنت حاطة في اعتباري اني ممكن اعيد السنة عشان احسن مجموعي وللعلم انا كان مجموعي مش وحش يعني 91 بس ميدخلنيش كلية مشرفة وكمان من كتر حزني
كنت في شهر رمضان والمفروض ان في مدرس هيشرحلي فصل في الفيزياء كنت كل اما ابص ع المذكرة ابكي ومابدأتش مذاكرة غير في نص شهر 9 وقعدت اانب في نفسي واقول ما انتي اللي اخترتي انتي مافشلتيش انتي اللي كنتي عاوزة تعيدي ازاي تندمي على حاجة كنتي مصرة عليها وعارفة نتيجتها بس اللي خلاني افكر كدة ان في كذا حد اعرفه واحد دخل طب اسنان وواحدة تانية دخلت صيدلة فتفاءلت خير وفي كل وقت بدعي ربنا يوفقني وادعولي انتو كمان

totta2101

11-05-2012, 07:38 PM

*تائبة فى رحاب الله*

11-05-2012, 08:21 PM

اولا شكرا على الموضوع الرائع دة وجزاكى الله كل خير
اكيد كل واحد فى حياته الوان ولازم بتتغير تبع الظروف اللى هو بيعشها
اننا من الناس اللى مبتهتمش بالدنيا اوى اهم حاجة عندى انى ارضى ربنا ودينى وعلمى
بس اكيد لون حياتى اتغير
بس لما بيتغير مع النفس اللوامة بحولها لللون الابيض دائما
لما مثلا بجيب مجموع وحش او ترتيب وحش مبكونش سعيدة طبعا بتشائم وبزهق وببقى عصبية
بس برجع تانى انا اللى قصرت وحتى لو حصل حاجة وحشة بدايق والصفحة بتبقى سودة
بس بقول ربنا هو اللى رايد كدة واكيد دة فيه خير وبرجع تانى واقول هى الدنيا دى ملهاش لزمة
انا اعمل اللى ربنا امرنى به وخلاص
وبتفائل عشان الرسول (صلى الله عليه وسلم)معلم البشرية قال{لاطيرة فى الاسلام}اى لاتشاؤم فى الاسلام
بس الحمد لله بحاول اخليها بيضاء ناصعة..................:d...............وشكرا على المضوع وربنا يبارك فيكى

LoOoLy El Treikawya

11-05-2012, 08:57 PM

تعود صفحاتنا للون الأبيض عندما نعود إلى الله بصدق

ـــــــــــــــــــــــ

موضوع جميل جدا يا توتا

وفكرته حلوة اوووي

اكيد مرت في حيااااتي موااااقف كتير جدا

صعب انساها

منها اللي بتعلم منها لما افتكرها ومنها بتوجع لما افتكرها ومنها ببتسم

أكيد انا مش هقول اكتر المواقف تأثير في حياتي وهحتفظ بيها لنفسي:d دة بس عشان مبقاش كذبت

بس هقول مواقف أخرى لا تقل اهمية بالنسبة لي

الموقف اللي لما بفتكره بيزيد عزيمتي أوي خصوصا لما بفتكر قد ايه كنت فاقدة الامل وحاسة بضعف

انا بفضل ربنا كنت معروف يعني اني متميزة في مادة الرياضيات
عمري ما نقصت عند المدرس غير نص درجة
والسنين اللي قبل تانية ثانوي كنت بجيب درجات نهائية

المهم ان انا يوم امتحان الرياضة فقدت كل أعصابي لا اعلم لماذا
لدرجة ان في بالي اكتر من قانون صح اعرف احل بيه المسألة ومش عارفة اعوض بس
دة غير اني احل الصعب وفي الاخر اغلط في الارقام وحسابات بسيطة
ونسيت سؤال كمان:d

طبعا كل دا مش اكتشفته غير بعد ما سلمت الورقة
كانت صدمة رهيبة وكله بيقوللي دي رياضة يا عم مادتك

كان صعب عليا اوي أكمل في باقي الامتحانات انهرررت جداا
خصوصا لما حسيت اني كسرت بخاطر بابا وماما

لدرجة ماما قالتلي مش مهم اي مجموع تجبيه بس متزعليش

استعنت بربنا كتير وكان عندي امتحان جبر بعدها وانا فقدت ثقتي في نفسي

كان الجبر بالنسبالي سهل وكنت ناوية اذاكر قبله فرنساوي عشان مفيش وقت

بس خفت اعمل كدا في الاول ثقتي اتهزت خالص

بس مع ذلك قرت هذاكر الفرنساوي وراجعت الجبر في باقي اليوم

والحمد لله ربنا وفقنى كل الامتحانات جبت فيها درجة نهائية تقريبا وطبعا نقصت في التفاضل

بس قدرت اعوضها وحسيت انه كان اصعب اختبار لثقتي في نفسي

كنت حاسة صعب اكمل

كم شعرت بقوله تعالى "عسى ان تكرهوا شيئا وهو خير لكم"

لاني كنت بدعي ربنا مجموعي يدخلني طب عين شمس ودة كان يلزم عليا اني اجيب مجموع اقل من طب المنيا لان المنيا بتاخد اعلى

وبنفس احساس الآية رغم ان ربنا رضاني بالكلية اللي اتمنيتها بالظبط الا اني حولت منها اعتقد بردو دة كان خير ليا رغم انه قرار صعب

اسفة على الرغي الكتير بس لما بحكي موقف بحكيه بالتفصيل

وعندي مواقف كتير بسيطة لكن عظيمة بتحسسني ان ربنا قريب مننني اووي من وانا صغيرة

لو رغيي مش ضايقكو ممكن احكيها:)

جزاكِ الله خيرا يا توتة على طرحك الجميل

totta2101

11-05-2012, 09:01 PM

totta2101

11-05-2012, 09:11 PM

totta2101

11-05-2012, 09:12 PM

ااااااااااااه واسعدني مروركم جدااااااااااااااااااااااااا اخواتي
:av4056bb7jp3::av4056bb7jp3:

LoOoLy El Treikawya

11-05-2012, 10:10 PM

طيب هدرج توبيك كنت بتكلم عن موقف حصل معايا

بس هو تايه مني دلوقتي

هدور عليه وهنزله ان شاء الله هيعجبكو

تسلمي :)

الأستاذة / أم أمل

12-05-2012, 01:33 AM

جزاكى الله خيرا يا توتا

موضوع جميل

تحياتى لكى

هالة محمد 2

12-05-2012, 07:16 AM

بجد موضوع رائع فعلا
انا اصعب المواقف الى حصلتلى فى حياتى السنة الى فاتت بعد مذاكرة ودروس وبجد كنت حاسة على المذاكرة الى كنت بذاكرها انى هدخل حاجة اعلى من الطب بس قدر الله وما شاء فعل مجبتش مجموع وضيعت املى وماما وبابا فقدوا الامل بجد كنت بتمنا الموت بطريقة رهيبة كنت كل دعواتى انى اموت كنت مكسورة جدا بس جيت السنة دى قولت اكيد ربنا لية حكمة فى كدا واكيد هيعوض تعبى بحاجة اكبر وجات بقا فى بالى حاجات كتير اوى توصلنى لدرجة مكنتش احلم بيها والحمد لله خلصت مذاكرة وبدون دروس وحاسة بتفائل كبير اوى وان شاء الله ربنا يوفقنى ويوفقكم السنة دى وكل حياتنا تكون كلها تفائل وفرح
شكرا بجد على الموضوع الجميل دا
جزاكى الله كل خير

LoOoLy El Treikawya

12-05-2012, 10:57 AM

من اكثر المواقف تأثيرا علي:

أخلاق ملموسة "قصة قصيرة" (http://www.thanwya.com/vb/showthread.php?t=294509)

Mr.Hani

12-05-2012, 11:58 AM

موضوع جميل جدا

لــون حيــآتك .. بألــوان التفائل ..و السعاده .. و الفرح.

ولكنى لست مع كلمة لون

لابد ان يكون فى اصل تربية الانسان تلك المعانى السامية

شكرا لك على الموضوع

صوت العقل

12-05-2012, 02:27 PM

من اكثر المواقف تأثيرا علي:

أخلاق ملموسة "قصة قصيرة" (http://www.thanwya.com/vb/showthread.php?t=294509)

ما شاء الله عليكى لولى حبيبتى .. ربنا يكرمك .. دمتى مبدعة بجد ..
حقيقى وصفك رائع .. كانى عشت الموقف معاكى .. وعلى فكرة حبيبتى
مواقف من دى كتيرة فى الحياة .. الناس مش بيهمها الا المظاهر التافهة
الزايلة .. ربما يكون الشاب ده عند الله هو الافضل .. ربنا ييسر ليه امره ..
يكفى رضاه بحالة وتقربه الى ربه وده الاهم من اى بشر ..
مرة تانية .. شكرا للقصة الجميلة والواقعية ..
جزاكى الله خيرا يا قمراية ..
:)

totta2101

13-05-2012, 01:18 AM

جزاكى الله خيرا يا توتا

موضوع جميل

تحياتى لكى

جزاني واياك استاذتي ......... شكراااالمرورك العطر

من اكثر المواقف تأثيرا علي:

أخلاق ملموسة "قصة قصيرة" (http://www.thanwya.com/vb/showthread.php?t=294509)

انا قرأت القصه فعلاااااااااا حاجه مميزه دا اولاااا (( الاسلوب والتعبير عن الموقف )) :d
شكراااا ليك علي القصه .. افدتني شخصيااااااااا
وقليل ما نجد شخص قنوع بما ابتلاه الله به ... اسأل الله له الصبر والاحتساب

totta2101

13-05-2012, 01:35 AM

ما شاء الله عليكى لولى حبيبتى .. ربنا يكرمك .. دمتى مبدعة بجد ..
حقيقى وصفك رائع .. كانى عشت الموقف معاكى .. وعلى فكرة حبيبتى
مواقف من دى كتيرة فى الحياة .. الناس مش بيهمها الا المظاهر التافهة
الزايلة .. ربما يكون الشاب ده عند الله هو الافضل .. ربنا ييسر ليه امره ..
يكفى رضاه بحالة وتقربه الى ربه وده الاهم من اى بشر ..
مرة تانية .. شكرا للقصة الجميلة والواقعية ..
جزاكى الله خيرا يا قمراية ..
:)

شكراااااااااا لمرورك بالتوبك اختي ... واتمني انك تشاركينا قصص قصيره من حياتك
انت كمان .... لنستفيد من بعض ما عندكم

totta2101

13-05-2012, 02:10 AM

موضوع جميل جدا

لــون حيــآتك .. بألــوان التفائل ..و السعاده .. و الفرح.

ولكنى لست مع كلمة لون

لابد ان يكون فى اصل تربية الانسان تلك المعانى السامية

شكرا لك على الموضوع

شكرااااااااا لمرور حضرتك الكريم ,, اسعدني
وبالنسبه لكلمه لون انا مش قصدي ان الانسان مش بيها بس المقصود ان في اوقات
الواحد قيمه ممكن تضعف او يحصل حاجه غصب عنو ياعني
مش انو لسا هيعمل كدااااااااا اول مره (( دي دعوه للتفاؤل والتغيير للاحسن ))

To Be Is To Do

13-05-2012, 04:29 PM

والله أصعب موقف قابلنى لما توفت جدتى ... بجد حسيت إن الدنيا ضاقت ف وشى وخلاص م عدش ليا فيها مكان ... وحسيت إنى ح موت بعدها خصوصا إننا أقرب ناس ليها ودايما كانت تجيلنا وتبات معانا وقبل م تموت تعبت فجأه ف أخدناها عندنا ف البيت وقضينا معاها آخر أيامها
ولما ماتت زعلت جدا
بس قولت الحمد لله ... لأنها كانت ف العنايه المركزه ف ربنا رحمها والله

وكانت الأحداث دى قبل إمتحاناتى ف طبعا نيلت الدنيا ونجحت بصعوبه شديده
وقعدت فتره صامت وحزين ... لكن مع مرور الأيام نسيت وعشت عادى بقى
لكن ف أوقات بفتكر أيامها وبعيط جدا لكن أرجع وأنسى تانى .... وهكذا

معلش طولت جامد عليكم

بس الموضوع رائع جدا
جزى الله صاحبته خيرا :):)

MR : ABO BATTA

13-05-2012, 05:44 PM

اشكر الأخت الصغيرة توتا على هذا الموضوع الذي يفترض انه عبرة وعظه نأخذها من المواقف التي يتعرض لها ويرويها لنا الأعضاء الأفاضل
وانا وغيري بكل تأكيد نتعرض لمواقف كثيرة نأخذ منها الخبرة في الحياة ومن هذه الخبرة المكتسبة نستطيع ان نلون حياتنا باللون الذي يناسبها
سأروي موقفا واحدا فقط نأخذ منه موعظة
هذا الموقف السبب فيه الروتين والفهم الخاطئ للقوانين حيث تأخر تعييني لهذا السبب وتم تعيين من هم أقل مني كفاءة وخبرة وقلت وقتها الحمد لله على كل حال وقلت لنفسي ما اصابك لم يكن لخطئك وما أخطأك لم يكن ليصيبك ودارت الأيام وأكرمني الله بالتعيين بعد ذلك وشعرت وقتها بأن الله لا يضيع أجر من يحسن العمل
وكل ما اتذكر ما حدث مسبقاً وأرى ما فيه الآن اقول سبحان الله الذي قسم الأرزاق وهيأ الأسباب وكافأني على الصبر خير الثواب
تقبلي تحياتي يا توتا

totta2101

13-05-2012, 07:43 PM

totta2101

13-05-2012, 07:56 PM

صوت العقل

15-05-2012, 05:40 PM

شكراااااااااا لمرورك بالتوبك اختي ... واتمني انك تشاركينا قصص قصيره من حياتك
انت كمان .... لنستفيد من بعض ما عندكم

توتا حبيبتى .. مش تزعلى .. بفكر فى موقف من يومها والله ..
ومتابعة التوبيك .. لكن مشكلتى ان مواقفى احب الاحتفاظ بيها
لانها دايما من ذكرياتى الجميلة او احلامى ..

عموما يا توتا عندى موقف .. حصل امبارح .. هو مضحك ومش مضحك ..
عارفة غيرنى كتير .. وعلمنى مش استسلم ابدا لاى شئ ..
ولازم احاول وابطل خوف ..

امبارح بالليل اثناء نومى .. انهارت العمارة فجأة ومن نعم ربنا عليا انى
دايما اغطى وجهى وبالتالى حسيت بالدربكة والانهيار اللى تم فوقى ..
وما بين المفاجأة والرعب اتوقف عقلى .. خلاص انا تحت الانقاض ..
انا بموت ومش قادرة اتنفس ..مش قادرة اتحرك .. مش قادرة على شئ ..
لكن كل اللى جه فى بالى اقرأ القرأن ..
واتشاهد وواستغفر ربى وجرى قدامى شريط حياتى بسرعة ..
وفضلت اقرأ القران مش عارفة قد ايه لكن بعد شوية سمعت أذان الفجر ..
ونزلت دموعى لانى خلاص مش هقدر اصلى الفجر حاضر .. والله يا توتا
اقنعت نفسى انى بموت وفعلا كنت كده .. فى لحظة لاقيت الباب بيخبط
وصوت عمى بيقولى الفجر يا صوت العقل .. اتنبهت ايه اللى بيحصل ..
عمى موجود وكمان بيخبط .. يبقى العمارة مش انهارت :d:d:d
يبقى فيه شئ غلط عندى .. وجتلى قوة ودفعت كل اللى وقع فوقى ..
تخيلى يا توتا كانوا تقال لكن اترفعوا :dيعنى لو حاولت من شوية
مش
كنت فضلت بموت الفترة دى .. وصدقينى الانسان بيقنع نفسه
ساعات بحاجات .. ولما قومت اشوف الانقاض دى ايه لاقيتها مكتبة
الكتب اللى معلقة كديكور فوق السرير .. كنت اضفت ليها كتب اشتريتها
امبارح وتقريبا تقلوا الارفف فوقعوا الارف الخمسة بالكتب والمجلدات ..
الحمد لله مر الموقف بخير .. شوية اجهاد وتعب بسيط .. لكن اتعلمت
عدم الاستسلام وانى احاول ومش اوقف عقلى عن التفكير مرة تانية ..
عايزة اقولك ان البيت مش بيبطل يضحك انهارده كل ما يشوفونى :d
مش مقدرين الموقف خالص خالص :d
جزاكى الله خيرا يا قمر على التوبيك الجميل ..:)

totta2101

15-05-2012, 08:22 PM

توتا حبيبتى .. مش تزعلى .. بفكر فى موقف من يومها والله ..
ومتابعة التوبيك .. لكن مشكلتى ان مواقفى احب الاحتفاظ بيها
لانها دايما من ذكرياتى الجميلة او احلامى ..

عموما يا توتا عندى موقف .. حصل امبارح .. هو مضحك ومش مضحك ..
عارفة غيرنى كتير .. وعلمنى مش استسلم ابدا لاى شئ ..
ولازم احاول وابطل خوف ..

امبارح بالليل اثناء نومى .. انهارت العمارة فجأة ومن نعم ربنا عليا انى
دايما اغطى وجهى وبالتالى حسيت بالدربكة والانهيار اللى تم فوقى ..
وما بين المفاجأة والرعب اتوقف عقلى .. خلاص انا تحت الانقاض ..
انا بموت ومش قادرة اتنفس ..مش قادرة اتحرك .. مش قادرة على شئ ..
لكن كل اللى جه فى بالى اقرأ القرأن ..
واتشاهد وواستغفر ربى وجرى قدامى شريط حياتى بسرعة ..
وفضلت اقرأ القران مش عارفة قد ايه لكن بعد شوية سمعت أذان الفجر ..
ونزلت دموعى لانى خلاص مش هقدر اصلى الفجر حاضر .. والله يا توتا
اقنعت نفسى انى بموت وفعلا كنت كده .. فى لحظة لاقيت الباب بيخبط
وصوت عمى بيقولى الفجر يا صوت العقل .. اتنبهت ايه اللى بيحصل ..
عمى موجود وكمان بيخبط .. يبقى العمارة مش انهارت :d:d:d
يبقى فيه شئ غلط عندى .. وجتلى قوة ودفعت كل اللى وقع فوقى ..
تخيلى يا توتا كانوا تقال لكن اترفعوا :dيعنى لو حاولت من شوية
مش
كنت فضلت بموت الفترة دى .. وصدقينى الانسان بيقنع نفسه
ساعات بحاجات .. ولما قومت اشوف الانقاض دى ايه لاقيتها مكتبة
الكتب اللى معلقة كديكور فوق السرير .. كنت اضفت ليها كتب اشتريتها
امبارح وتقريبا تقلوا الارفف فوقعوا الارف الخمسة بالكتب والمجلدات ..
الحمد لله مر الموقف بخير .. شوية اجهاد وتعب بسيط .. لكن اتعلمت
عدم الاستسلام وانى احاول ومش اوقف عقلى عن التفكير مرة تانية ..
عايزة اقولك ان البيت مش بيبطل يضحك انهارده كل ما يشوفونى :d
مش مقدرين الموقف خالص خالص :d
جزاكى الله خيرا يا قمر على التوبيك الجميل ..:)

حبيبتي اسعدني اني عرفت انك كويسه اكتر ما اسعدني كتابتك لموقفك نفسه
وبجد انا اتفزعت لما قرأت اول المشاركه وعيني دمعت واحسست .....................
هههههههههههههه
بس الحمد لله انك كويسه والف سلامه عليكي بس الانسان في لحظه ممكن تفكيره
يقف رغم عنه وفعلاااااااااا دي مشكله جامده بس الحمد لله ..
انا كانت بتحصلي وانا بعدي الطريق وكونت هموت في مره بس الحمد لله كان في ناس معايه شدتني :d

إليزابيث

16-05-2012, 06:58 PM

الحيـــــــــــاة بأى لونها بمبي
الموضوع حلو جدددددددااااااااااا
أنا مش فاكرة موقف بالتحديد بس أكتر المواقف اللي اثرت فيا كانت من صحباتي لدرجة اني قلت ان مفيش حاجة اسمها صداقة منهم والله العظيم كنت ببكي منم بس برده كله بيعدي مفيش حاجة بتفضل

صوت العقل

16-05-2012, 08:35 PM

حبيبتي اسعدني اني عرفت انك كويسه اكتر ما اسعدني كتابتك لموقفك نفسه
وبجد انا اتفزعت لما قرأت اول المشاركه وعيني دمعت واحسست .....................
هههههههههههههه
بس الحمد لله انك كويسه والف سلامه عليكي بس الانسان في لحظه ممكن تفكيره
يقف رغم عنه وفعلاااااااااا دي مشكله جامده بس الحمد لله ..
انا كانت بتحصلي وانا بعدي الطريق وكونت هموت في مره بس الحمد لله كان في ناس معايه شدتني :d

ههههههههههههههه .. الله يخليكى حبيبة قلبى ..
اسفة انى خضيتك بس انا لسه مخضوضة لحد دلوقتى ..:d
سلامتك حبيبتى .. خلى بالك دايما .. ربنا يحفظك ان شاء الله ..
:)

MR : ABO BATTA

17-05-2012, 04:38 PM

شكراااااااااا ليك استاذي علي الموقف الرائع دا دليل علي ان الي بيصبر علي الي ربنا كاتبه ليه ربنا بيكرمه باحسن منه بكتيير ..

تقبلت تحياتك فهل تتقبل تحياتي ؟؟ :d:d

يسعدني ان أتقبل تحياتك يا توتا

ههههههههههههههه .. الله يخليكى حبيبة قلبى ..

اسفة انى خضيتك بس انا لسه مخضوضة لحد دلوقتى ..:d
سلامتك حبيبتى .. خلى بالك دايما .. ربنا يحفظك ان شاء الله ..
:)

ألف سلامة عليكي استاذة " صوت العقل "
ويا ترى الكتب جرالها حاجة ولا جات سليمة :) :)

totta2101

19-05-2012, 11:42 PM

يسعدني ان أتقبل تحياتك يا توتا

ههههههههههههه شكراااااااااااااااا استاذي

ألف سلامة عليكي استاذة " صوت العقل "
ويا ترى الكتب جرالها حاجة ولا جات سليمة :) :)

اسمحلي ارد علي حضرتك واقولك الله يسلمك

totta2101

20-05-2012, 12:09 AM

الموقف الي هحكيه النهارده يمكن مش سعيد او يدعو للتفاؤل
بس الموقف دا شوفته بعيني ويدعو فعلااااااااااا لاننا نفكر في غيرنا
واننا نحاول نلغي الجمود الطبقي دااااااااااااا ..
المهم
كنت خارجه من الدرس بعد اذان الظهر وفي هذا الوقت يعلم الجميع
مدي اشتداد درجه الحراره .. كنت معتاده اني اركب واروح
ولكن ولدتي كانت في طريقي عديت عليها ومشينا سوااااااا
وفي لحظه شوفت طفل صغير مع والدته كان يبكي بشده
فنظرت له فوجدته لا يريد الوقوف علي الارض كان يتنطط
باستمرار ورغم هذا كانت والدته ممسكه ذراعه وقد احسست
بعض الشده في سحبها للطفل وهي لم تنظر لي ... واكملت طريقها
ولم تبالي لطفلها الذي ظل يبكي طويلاااااااااااا
والصراحه انني استغرقت وقتااااااااااا قليلااااااا لادرك لماذا
كان يبكي الطفل لقد كان بيكي من شده ارتفاع درجه حراره الارض
علي قدميه الصغيرتين الحافيتين .. ولا استطيع وصف ما احسست به حينها
كل ما استطعت فعله قول ((الحمد لله ))

To Be Is To Do

22-05-2012, 11:15 AM

ربنا يرحمها ويرحم اموات المسلمين كلهم .. وشكرااااااااا لمرورك الكريم بالتوبك ودا يعلمنا اننا طبعا نقول الحمد لله علي كل شئ لان في غيرك كان ممكن يضيع سنه من عمره بسبب موقف ذي دااااااااا

وجزاك مثله اخي الكريم ........ بس مواقف تانيه بقي مش تنسانا ماشي!!!!

الموقف التانى

كنت ف أولى ثانوى وتعرفت ع صاحب ليا إسمه أحمد هو مولود ف مصر بس باباه شغال ف السعوديه وهو كان بيدرس هناك لغايه سنه 6 إبتدائى
وبعدها نزل وكمل دراسه ف مصر .. طبعا أكيد عارفه الواد إللى بيتربى بعيد عن باباه _ بحكم شغله يعنى _ بيبقى خوف الأم عليه قد إيه .. بتخاف عليه لدرجه إنه مش بيعرف يعمل حاجه غير لما يسألها ومش بيعرف يقول كلمتين ع بعض

المهم أول لما تعرفت عليه مكنتش مستظرفه خالص لأنه مكنش بيتكلم وأنا _ بحكم طبيعتى_ رغاى لأقصى درجه وبحب الهزار والنكت ... وهو كما يقال جلف مش بيعرف يتكلم .. وكان لسانه زيى المرزبه بيقول كلام دبش يهد جبال .. وكنت لما أقرب أبوسه يبعدنى .. وكان شغال تريقه _ بس هو مش قاصد يتريق والله _ بس مش بيعرف يتكلم ... وأنا _ واحد جديد لسه عارفه وبيتريق عليا _ حاجه تزعل
خاصمته نص سته 1 ثانوى كامله مش بكلمه خالص
لحد لما جه موقف معين إتصل بيا وسأل عليا .. وهو دلوقتى من أعز صحابى وأكتشفت إنه م كنش بيتكبر عليا ولا حاجه بس كان مش بيعرف يتكلم ليس إللا

طبعا ح تسألينى عن الموقف إللى خلاه يكلمنى بعدها .. حقولك " أهو ده الموقف التالت إللى ح كتبه بعد كده "
:):):)

moslimah

23-05-2012, 10:40 PM

موضوع جمييييييييييييييييييييييييييل
بارك الله فيك
حبيت اني اشارك بالموقف ده
في يوم تعبت جدتي جدا لدرجة كبيرة
وعرفنا انها مش هينفع تمشي
وبعدين في نفس اليوم ابن عمتي طفل صغير ومش في نفس البلد
تعب جدا جدا لدرجة ان في مستشفيات مقبلتوش
وطبعا مامته اللي هي عمتي عندنا
وكان جو ربنا يرحمنا يعني مش عارفة اقول ايه
بس كان صعب جدا عليا وعلي كل العيلة
وكان عليا تاني يوم امتحان وطبعا مذاكرتش
ولله الحمد جبت نص الدرجة:022yb4:هههههه
بس انا مزعلتش يعني خالص وكنت حاسة ان في خير
وفعلا بعديها بايام ابن عمتي بقي كويس وجدتي اتحسنت
وامتحان المادة اللي بعده جبت الدرجة كاملة الحمد لله
اسفة علي الاطالة
وشكرا علي الموضوع الجميييييييييييل

(( لؤلؤة الايمان ))

25-05-2012, 01:26 AM

الاول الموضوع جميل وجزاكى الله خيرا على عمله 000000000انا بقى الموقف الى حصلى يمكن البعض يقول دى موقف تافه لكنه بالنسبالى غير حياتى مش هقول 180 درجة ولكن على الاقل 120درجة 0انا لما كنت فى تانية اعدادى الترم الاول مع طبعا نظام التقويم الشامل والكلام الفاضى دى sorryيعنى على اللفظ المهم جبت درجة وحشة وبابا زعل منى جامد (ماهو بابا من النوع الى مايرداش غير بالدرجات العاليا جدا ) 00المهم وان طبعا زعلت جدا وكنت ساعتها باخد درس انجليزى عند مدرس ملتزم وملتحى فذكرنى باية فى ما معناها ((ومن يتق الله يجعل له مخرحا ويرزقه من حيث لا يحتسب ))0000000000000ومن بعد ما عرفت النتيجة وزعلت قررت قرار 0000بس قبل القرار انا كنت لابسة الخمار والحمد لله ومتقية الله وربنا يجعلنا من الاتقياء 00000000فحبيت اتق الله اكثر فقررت القرار ده وهو انى 000000000000انى 0000000000انى 00000000000000اللبس النقاب وساعتها صليت ودعيت ربنا يرشدنى للاصح والحمد لله لبسته وده فعلا اهم وافضل حدث حصلى فى حياتى 0وتعلمت درس انى ما استناش حاجة تحصلى علشان اتقى الله لازم ده ينبع من جوايا انا 0مع العلم انى كنت ناوية اللبسه من الاول لكن كنت مترددة لكن اعود واقول انى اسالكم الدعاء للاستاذ الفاضل الذى يعد احد الاسباب التى ساعدتنى فى تثبيت لارتداء النقاب 00000000جزاه الله كل خير وحعله فى ميزان حسناته 0000000وانا حاليا رايحة تانية ثانوى والحمد لله الذى ثبتنى على النقاب ورزقنى لباس امهات المؤمنين وربنا يثبتنى عليه وربنا يهدى بنات المسلمين الى لباسه اللهم امين0000000000ارجو تقبل رغيييييييييييي الكتير

صوت العقل

25-05-2012, 11:29 AM

يسعدني ان أتقبل تحياتك يا توتا

ألف سلامة عليكي استاذة " صوت العقل "
ويا ترى الكتب جرالها حاجة ولا جات سليمة :) :)

الله يسلمك استاذ احمد .. اسفة للتأخير ..
المواصلات صعبة من خبر وتعليق لهنا :d

طبعا استاذى اتبهدل بعضهم وتخيل حضرتك طلعوا
عدد كبير جدا .. فاضطريت للاستغناء عن جزء كبير
خوفا من تكرار الموقف :d
جزاكم الله خيرا ..شكرا استاذى ..

totta2101

30-05-2012, 09:20 PM

الموقف التانى

كنت ف أولى ثانوى وتعرفت ع صاحب ليا إسمه أحمد هو مولود ف مصر بس باباه شغال ف السعوديه وهو كان بيدرس هناك لغايه سنه 6 إبتدائى
وبعدها نزل وكمل دراسه ف مصر .. طبعا أكيد عارفه الواد إللى بيتربى بعيد عن باباه _ بحكم شغله يعنى _ بيبقى خوف الأم عليه قد إيه .. بتخاف عليه لدرجه إنه مش بيعرف يعمل حاجه غير لما يسألها ومش بيعرف يقول كلمتين ع بعض

المهم أول لما تعرفت عليه مكنتش مستظرفه خالص لأنه مكنش بيتكلم وأنا _ بحكم طبيعتى_ رغاى لأقصى درجه وبحب الهزار والنكت ... وهو كما يقال جلف مش بيعرف يتكلم .. وكان لسانه زيى المرزبه بيقول كلام دبش يهد جبال .. وكنت لما أقرب أبوسه يبعدنى .. وكان شغال تريقه _ بس هو مش قاصد يتريق والله _ بس مش بيعرف يتكلم ... وأنا _ واحد جديد لسه عارفه وبيتريق عليا _ حاجه تزعل
خاصمته نص سته 1 ثانوى كامله مش بكلمه خالص
لحد لما جه موقف معين إتصل بيا وسأل عليا .. وهو دلوقتى من أعز صحابى وأكتشفت إنه م كنش بيتكبر عليا ولا حاجه بس كان مش بيعرف يتكلم ليس إللا

طبعا ح تسألينى عن الموقف إللى خلاه يكلمنى بعدها .. حقولك " أهو ده الموقف التالت إللى ح كتبه بعد كده "
:):):)

ما احنا المفروض منحكمش علي الي قدامنا من اول موقف كدااااااااااا
بس ايه الي دخل لما تيجي تبوسه في الموضوع ( مكن عشان ميعرفكش عادي )
وتاني مره متحكمش علي الناس كدااااااااااااااا تمام !! ادي للناس فرصه تعبر عن نفسها
ههههههههه

وطبعا ااا متشوقه لمعرفه الموقف الي خلاه يكلمك !

totta2101

30-05-2012, 09:22 PM

totta2101

30-05-2012, 09:29 PM

الاول الموضوع جميل وجزاكى الله خيرا على عمله انا بقى الموقف الى حصلى يمكن البعض يقول دى موقف تافه لكنه بالنسبالى غير حياتى مش هقول 180 درجة ولكن على الاقل 120درجة انا لما كنت فى تانية اعدادى الترم الاول مع طبعا نظام التقويم الشامل والكلام الفاضى دى sorryيعنى على اللفظ المهم جبت درجة وحشة وبابا زعل منى جامد (ماهو بابا من النوع الى مايرداش غير بالدرجات العاليا جدا ) 00المهم وان طبعا زعلت جدا وكنت ساعتها باخد درس انجليزى عند مدرس ملتزم وملتحى فذكرنى باية فى ما معناها ((ومن يتق الله يجعل له مخرحا ويرزقه من حيث لا يحتسب ))0000000000000ومن بعد ما عرفت النتيجة وزعلت قررت قرار 0000بس قبل القرار انا كنت لابسة الخمار والحمد لله ومتقية الله وربنا يجعلنا من الاتقياء 00000000فحبيت اتق الله اكثر فقررت القرار ده وهو انى 000000000000انى 0000000000انى 00000000000000اللبس النقاب وساعتها صليت ودعيت ربنا يرشدنى للاصح والحمد لله لبسته وده فعلا اهم وافضل حدث حصلى فى حياتى 0وتعلمت درس انى ما استناش حاجة تحصلى علشان اتقى الله لازم ده ينبع من جوايا انا 0مع العلم انى كنت ناوية اللبسه من الاول لكن كنت مترددة لكن اعود واقول انى اسالكم الدعاء للاستاذ الفاضل الذى يعد احد الاسباب التى ساعدتنى فى تثبيت لارتداء النقاب 00000000جزاه الله كل خير وحعله فى ميزان حسناته 0000000وانا حاليا رايحة تانية ثانوى والحمد لله الذى ثبتنى على النقاب ورزقنى لباس امهات المؤمنين وربنا يثبتنى عليه وربنا يهدى بنات المسلمين الى لباسه اللهم امين0000000000ارجو تقبل رغيييييييييييي الكتير

اتقبل اي حاجه منك يا حبيبتي .. اسعدني مشاركتك الجميله بالتوبك

((ومن يتق الله يجعل له مخرحا ويرزقه من حيث لا يحتسب ))

قول جميل وموقف نبيل موقفك حلو اوي بس انا علي طول بسأل نفسي
ليه مش بنتقي ربنا غير لما يحصل حاجه تدمرنا !!! وبصراحه مش عارفه اجاوب علي نفسي