مشاهدة النسخة كاملة : تعبانة وحد يساعدني ؟؟؟؟
الحالمة 17-04-2008, 01:51 AM مشكلتي غريبة جدا !!!!! المهم
انا عندي واحدة صحبتي كانت انتيمي بتضايق لما اكون مزاكرة واجاوب مع المدرسين وبتقولها صراحة !!
وكمان بباها ومامتها ساعات بيزعقولي لما اكون مثلا حلة امتحان طبعاه من هنا من على الموقع واديه للمستر بتاعي عشان يصححه؟؟؟
يعني مرة مثلا حليت امتحان كيمياء واديته للمستر بتاع الدرس عشان يصححه راحت قايلة لبباها
فلما رحت ليها لقيت بباها طلع فيا وقالي انتي كدة بتضيعي وقتك في كلام فارغ والامتحانات دي لاهتقدمك بل بالعكس هتاخرك , انا بقه طبعا شايفة الامتحانات دي حسنت مستوايا
ساعدوني انا بجد مش عارفة ارد عاليهم خالص وكلامهم بينصب علية زي النار مع العلم اني باخد معاها كل الدروس واتنين منهم في بيتها
الحالمة 17-04-2008, 02:13 AM ربنا يوفقك يا اختى يا رب بس ياريت تحاولى تراعى مشاعر صحبتك والتوتر اللى احنا كلنا فيها
وارجوكى ادعليى احسن انا خلاص مش قادر وفلست ادعليى ربنا يوفقك ياااااااااااااااااااااااارب
مش عارفة بصراحة اراعي مشاعرها ازاي ؟؟ يعني مثلا مذاكرش عشان خاطرها لأ طبعا مش هضيع مستقبلي عشانها !!!
وربنا يوفقك يا رب وتدخل كلية الهندسة وادعلي انا كمان ادخل كلية الطب
الحالمة 17-04-2008, 02:18 AM معلش لو كنت بتدخل بس اسمك فيه عدم تفاؤل و اللي عايز يحقق هدف هو عاوز يوصله يتسمى بالاسماء اللي فيها امل في الحياة وسوري لو هتضايق مفيش حاجة انت حر بس انا كنت بقول رايي
وشكرا على ردك
الحالمة 17-04-2008, 03:36 AM ماشي يا وليد او يا عندليب انا كدة اتلخبط المهم انا مش ناقصة حسد كفاااااااااااية
معلش انا بهزر
Z A R D 17-04-2008, 03:42 AM بس يا حالمة لو هى صديقتك بجد كانت هتساعدك على اللى انتى بتعمليه و هتعمله معاكى لكن كونها ان هى تتضايق بسبب ان انت مذاكرة فهى براحتها يعنى هى مثلا ما بتذاكرش؟؟؟؟؟؟؟؟؟
و ممكن تكون هى كمان بتخش على الموقع و تستفيد الله اعلم بس المفروض ان هى كانت تدور معاكى على اسئلة و لو معاكى امتحان تطبعه و تحله لكن مش تتضايق و ربنا يوفقك و يوفقنى و يوفقنا كلنا جميعا
احمد رضا 17-04-2008, 10:18 AM السلام عليكم ورحمه الله وبركاته
بصي يا حالمه
حبيبك اللي يخاف علي مصلحتك ويفرح لفرحك
فيه حاجة اسمها حسد
وفيه حاجة اسمها غيره
الغيره مفيهاش ادني مشكلة
يعني مثلا الحالمه بتذاكر وهتجيب اعلي مني
طب وهي احسن مني في ايه
انا اذاكر واجيب اعلي منها
الحالمه بتحفظ قرآن ودلوقتي حافظة سبع اجزاء
انا بقي هحفظ 8 اجزاء
دي غيره مقبوله وكويسه جدا جدا وربنا قال فيها وفي ذلك فليتنافس المتنافسون
لكن بقي لما نيجي للحسد
يارب الحالمه متعرفش تذاكر وانا اللي اذاكر بس
او يارب الحالمه متعرفش تذاكر وانا معرفش اذاكر
المهم انها متبقاش احسن مني
دي بقي اللي احط واحقر انواع الحسد
دي مش صاحبتك بجد
وحتي لو صاحبتك بجد
ابعدي عنها الفترة دي
ولا هي هتنفعك
ولا ابوها هينفعك
ولا والدتها هتنفعك
اقسملك برب العباد ما حد هينفعك - بالترتيب - ربك ثم اهلك ثم نفسك
شدي حيلك السنتين دول
لو لزمت ان ميبقاش عندك اصحاب
يبقي فليكن
المهم انك تنجزي
عشان مترجعيش تندمي
ولو صاحبي عمل معايا كدا
مش هدخله بيتي تاني
ولو شوفته في الشارع
هقوله ازيك
كل سنه وانت طيب
وخلاص
لان ده مستقبل
مش بلياردو
بس وربنا يوفقك
اتمني الإفادة
Lost Dreamer 17-04-2008, 05:32 PM فعلا : ان الافاعي وان لانت ملامسها عند التقلب في انيابها العطب دي اسمها غيره مدرسيه بس لو زاد عن حده بهذه الطريقه يبقي مرض حاولي تخليها تحل معاكي امتحان او انتي تديها امتحان تحل تعرضه علي المدرس بس غريبه رد باباها ده بصراحه
وشكرا
الحالمة 17-04-2008, 07:12 PM شكرا يا جماعة على ردودكم الفعالة ديه وان شاء الله هشركها معايا بس ادعولي لاني بجد مبعرفش ارد على بباها وانا دلوقتي ريحالها ادعولي بقى
Lost Dreamer 18-04-2008, 12:03 PM مقلتلناش يا حالمه عملتي معاها ايه
الحالمة 18-04-2008, 02:20 PM مقلتلناش يا حالمه عملتي معاها ايه
بصراحة عملت نفسي مسمعتش حاجة ودن من طين والتانية من عجين و اخد الدرس واجري جري عشان مادلهمش فرصة يكلموني
Lost Dreamer 18-04-2008, 02:34 PM مكانش عندك الجراة انك تواجهيها صح؟ ولا كان كلامها بيزعلك؟
الحالمة 18-04-2008, 02:35 PM بصراحة الاتنين
الامبراطورةالفارسة 18-04-2008, 03:37 PM انا معاكى والارادة دة شئ جميل وان عندى زيها بضبط ورأئ انك متخلهاش انتيمك وخليها وحدة زملتك وخلاص ويارب معاكى ومعاية
الحالمة 19-04-2008, 02:30 AM شكرا لردك يا امبراطورة يا فارسة وربنا معاكي ومعايا ان شاء الله
ابو سعيد 19-04-2008, 05:21 AM من الاخر وبدون مجاملات دة مش صحبتك ولاهماها مصلحتك ده ممكن تكون عايزة تبقى احسن منك وشايفة انك لما بتحلى امتحانات وتخلى الاساتذة يصححوها انك بتتفوقى عليها و ممكن تكون هى بتحل الامتحانات وتسال الاساتذة من غير ما تقول لاحد دى تحاولى تبعدى عنها دى مش فى صالحك الفترة الجاية وخصوصا الامتحانات قربت كان ليا اصحابى كتير كل ما يشفونى بحل او بذاكر جامد يقلولى ياعم لسة بدرى لحد ما جابونى وره انصحك سيبك منها الفترة دى خالص ولا اكنك تعرفيها.
ابو سعيد 19-04-2008, 05:22 AM من الاخر وبدون مجاملات دة مش صحبتك ولاهماها مصلحتك ده ممكن تكون عايزة تبقى احسن منك وشايفة انك لما بتحلى امتحانات وتخلى الاساتذة يصححوها انك بتتفوقى عليها و ممكن تكون هى بتحل الامتحانات وتسال الاساتذة من غير ما تقول لاحد دى تحاولى تبعدى عنها دى مش فى صالحك الفترة الجاية وخصوصا الامتحانات قربت كان ليا اصحابى كتير كل ما يشفونى بحل او بذاكر جامد يقلولى ياعم لسة بدرى لحد ما جابونى وره انصحك سيبك منها الفترة دى خالص ولا اكنك تعرفيها.ومع امنياتنا بلتوقيق للجميع.
السلام عليكم اول الامر انا عندى وجة نظر اذا كانت هذة صديقة حقيقية ما كانت غارت منك ولا فضلت نفسها عنك
وكانت ساعدتك انك تذاكرى مش تعمل كدة
KHALOOOD 23-04-2008, 01:27 AM بصى يا ستى حل المشكله بسيط جداااااااااا
فى مثل بيقولك دارى على شمعتك تقيد
اكيد فهمتى قصدى قبل ما اقول اى حاجه
اللى اقصده يعنى مش لازم تبينى قدامها انك كدا
ومش بقولك تكدبى عليها
بس متقوليش قدامها انا حليت انا ذاكرت كدا يعنى
على فكره انا مش بحب الاسلوب دا
بس عشان دى مشكله فريده من نوعها فانا لاول مره مع الاسلوب دا
وربنا يوفقكم وتدخلوا الكليات اللى انتوا عايزنها
الله يكون فى عونكم بجد الثانويه اعصااااااااااااااااااااااب
مس رانيا حسن 24-04-2008, 09:24 PM انصحك انك لو طلبتى ان المدرسين يصححوا ليكى الامتحان يكون بدون علمها
حاولى بقدر الامكان مش تعرفيها حاجه عنك
لان الظاهر من كلامك انها بتغير منك
وربنا يوفقك
هتلر2006 05-11-2008, 07:18 AM ممكن يكون كلامي قاسي عليكي بس ده بجد عشان مصلحتك
دي مش صحبتك
وكون انك تكلميها او تتعاملي معاها وهي بالنظام ده
ده يخليكي ضعيفة وسلبية او ممكن طيبة زيادة عن اللزوم
اما باباها ومامتها فهم ناس مرضى ويستحقوا الشفقة دول كانوا المفروض بدل ما يحبطوكي يحاولوا يخلوا بنتهم كويسة
واضح من كلامك انك بنت ممتازة عشان كده متخليش البنت دي تعطلك لو كانت صحبتك بجد كانت اتمنت ليكي الخير
واتمنالك التوفيق
عطر الجنه 05-11-2008, 09:13 PM بصي بجد متثقيش في حد حتي لو اقرب الناس ليكي الا لو كانت تصرفتها تقنعك انك تثقي فيها لكن الي هيه بتعمله ده المفروض يخليكي متدلهاش ثقه ومتدخليش بتها ابوها ولا امها ملهمش الحق انهم يزعقولك ممكن تبقي صحبتها من بعيد لبعيد مجرد الدرس وخلاص تقولك تعاليلي والكلام ده انا عندي مزاكره
Norhan Mostafa 20-07-2015, 10:14 AM بصي لالزم يكون في منافسه بينكوا لاكن منافسه شريفه والصاحب الي بجد بيخاف ع الليي حوااليه
مش تزعلي بس مش تسمعي لاي كلام
coody 20-07-2015, 05:15 PM روحي مع مجموعة تانية ، واخفي عنها عملك ، واظهري ماهو طبيعي منك لو طلبت معرفته
ربنا يهديها ويهدينا
mohamed-khalaf 21-07-2015, 12:45 AM روحي مع مجموعة تانية ، واخفي عنها عملك ، واظهري ماهو طبيعي منك لو طلبت معرفته
ربنا يهديها ويهدينا
ههههههههههههههه :d --- ايه يا جماعه الموضوع ده تاريخه من 2008 ههههه -- تلاقي اولادها دلوقتي اتخرجوا من طب -- شكلك كده كنت نايم يا كودي انت وبترد عالموضوع :p:p:p
ahmad khalid 21-07-2015, 12:49 AM ههههههههههههههه :d --- ايه يا جماعه الموضوع ده تاريخه من 2008 ههههه -- تلاقي اولادها دلوقتي اتخرجوا من طب -- شكلك كده كنت نايم يا كودي انت وبترد عالموضوع :p:p:p
كويس انك لحقتنى يا محمد قبل ما ارد:022yb4:
بس على فكرة مش كودى هو اللى غلطان فى حد قبله رد فهو اكيد مخدش باله
mohamed-khalaf 21-07-2015, 01:08 AM كويس انك لحقتنى يا محمد قبل ما ارد:022yb4:
بس على فكرة مش كودى هو اللى غلطان فى حد قبله رد فهو اكيد مخدش باله
ايه رايك يابو خالد ملااحظ انا هاااا :av4056bb7jp3: يلا بقي هات ثمرة مجهودي علشان انقذتك :028ja7::028ja7: يلا هات ياد :slap1qk6:
ahmad khalid 21-07-2015, 01:13 AM ايه رايك يابو خالد ملااحظ انا هاااا :av4056bb7jp3: يلا بقي هات ثمرة مجهودي علشان انقذتك :028ja7::028ja7: يلا هات ياد :slap1qk6:
ههههههههه ماشى يا عم
بس هطلب منك طلب صغير خش و شوف ردى على كودى و قولى رأيك بصراحة
mohamed-khalaf 21-07-2015, 01:20 AM ههههههههه ماشى يا عم
بس هطلب منك طلب صغير خش و شوف ردى على كودى و قولى رأيك بصراحة
ردك في انهي مشاركة واي موضوع بالظبط :excl:
ahmad khalid 21-07-2015, 01:24 AM موضوع بتاع طب ولا هندسة
Norhan Mostafa 21-07-2015, 08:38 AM كويس انك لحقتنى يا محمد قبل ما ارد:022yb4:
بس على فكرة مش كودى هو اللى غلطان فى حد قبله رد فهو اكيد مخدش باله
يادي الكسوف
طب استر عليا مش لازم الفضيحه اصل اختي كانت في تالته ثانوي السنادي فكانت بتخش علي اجتماعيات طالب
فحبيت اشاركك استفيد
ومن هنا ورايح هشوف التاريخ
|