مش عارف مالي.......... [الأرشيف] - بوابة الثانوية العامة المصرية

مشاهدة النسخة كاملة : مش عارف مالي..........

mohamed saad saad

17-05-2012, 01:24 PM

To Be Is To Do

17-05-2012, 01:38 PM

السلام عليكم و رحمة الله و بركاته
مش عارف مالي ال عندي دة ايه ملل و لا يأس و لا احباط و لا غرور و لا ثقة
بجد تعبت وبقيت عصبي أوي و بضيع وقت كتير خلاص مش فاضل غير يجي 15 يوم و شهر 5 يخلص
و نفسي اخلص الاحياء و الفيزياء فيهم بس مش عارف أبدا ونفسي اجيب مجموع بجد و جايب السنة الفاتت 96.5 ( الحمد لله بمجهودي )
بس مش عارف ألحق ولا لأ خاصة اني محلتش ولا امتحان شامل في مادةعدا الانجليزي
علي فكرة انا مش من النوع اللي يحب ينشر همومه و يأسه بس انا كتبت الموضوع دة علشان عارف الناس اللي في المنتدى ده بيحبوا بعض اد ايه .......
فعلانفسي حد يساعدني بحلول واقعية و لكم جزيل الشكر...........

بص بقى
أولا / إللى عندك ده عند كل طلبه الثانويه العامه ومش السنادى بس ده ف كل السنين
لأن ده شئ عادى وطبيعى جدا إن يبقى عندك ملل وزهق بسبب سنتين مذاكره لم ترتاح بينهم إلا شهر فقط
أما بالنسبه للإحباط ف برده شئ عادى جدا وياما الناس إللى ع المنتدى ده
_وبالأخص ف هذا القسم _ جالهم إحباط وياما عملنا مواضيع لفك الإحباط
أما الغرور والثقه ف دى حاجه ترجعلك إنت
وع فكره إحنا ناس قابلين لسماع الهموم و دائما م نضع حلول لبعضنا ف أى مشكله تقابل واحد فينا
ولو عايز تعرف الناس بتحب بعض قد إيه أدخل ع موضوعاتنا ح تلاقى ردودنا إلى حد كبير جدا كويسه ومحترمه جدا جدا فيها هذار وضحك وجد وخوف ع بعض

أما بالنسبه لموضوعك : حل الإمتحانات لا غنى عنه لأى ماده ب تخدها
بتثبتلك المعلومه ، بتديك ثقه ف نفسك
مجموعك السنه إللى فاتت جميل جدا كفيل يدخلك أى كليه من كليات العلوم ( الطب ، الصيدله ) بس لو حافظت عليه بمعنى تشد اليومين إللى فاضلين دول وتسيبها ع الله

طاعه الله + المذاكره + دعاء الوالدين = نتيجه جميله جدا آخر السنه

معلش رغيت كتير معاك .... مش بقولك بنحب بعض وبننصح بقلب طيب
:):):)

mohamed saad saad

17-05-2012, 01:45 PM

معلش رغيت كتير معاك .... مش بقولك بنحب بعض وبننصح بقلب طيب
:):):)[/b]
اولا شكرا على الرد الجميل دة
وده اللي خلناي اكتب الموضوع دة
ثانيا بس لحد دلوقتي مشكلتي ماوصلتش المشكلة
اني مش عارف ابدأ و اشد اليومين دول

To Be Is To Do

17-05-2012, 01:50 PM

اولا شكرا على الرد الجميل دة
وده اللي خلناي اكتب الموضوع دة
ثانيا بس لحد دلوقتي مشكلتي ماوصلتش المشكلة
اني مش عارف ابدأ و اشد اليومين دول

إممممممممممممممممممممممممممم
ولا يهمك فيه حل برده
أنا عامل موضوع " ماذا ذاكرت اليوم "
ح تلاقيه متثبت ع القسم ده
خلاص حاول تعمل لنفسك جدول وتمشى عليه
وتدخل ع الموضوه بتاعى وتقول ذاكرت إيه
ولو فيه حاجه مش عارف تذاكرها أو مش فاهمها أو حلجه وقفت معاك ... اكتبها وإحنا إن شاء الله ح نساعدك بأمر الله
ع فكره ناس كتير م كنتش بتذاكر ولما دخلت الموضوع ده تحفزت وبدأت تشتغل
وبتدخل كمان تقول ذاكرت إيه

أتمنى ده يكون حل للمشكله :d:d:d

خالد مصطفـى

17-05-2012, 01:59 PM

أسبوعين ونمتحن

هانت بقى مش تضيع سنتين من التعب
وتضيع مستقبلك عشان مخنوق من المذاكرة
كلنا مخنوقين بس بنصبر

ذاكر كويس وحل كتير آوي وركز ع أسئلة الكتاب
والأمتحانات السابقة والدليل

وأستعذ بالله من الشيطان وألزم الأستغفار

بالتوفيق =)

doha94

17-05-2012, 03:01 PM

والله محدش مخنوق قدى يا جماعه تصوروا مستر مشهوووور
فى العربى خدت السنه اللى فاتت معااااه ومكنش عاجبنى ولميت انا الماده مع نفسى وجبت درجه حلوه ومرضتش ادخل معاه السنه دى بس بابا غصب عليا بقى وقعد يقنعنى اكمل معاااااااااااه
امبارح اكتشفت انه من اول السنه بيشرح منهج تانيه ثانوى نحو لما واحده كانت بتسأل صاحبتى على حاجات مش بتاخد معانا صاحبتى دى فى الدرس بقولها الحاجات دى مش فى منهجنا بتجبيها منين انتى بتألقى وطلعت انا اللى بألف فى الاخر ومنهج تالته مش جايب اى حاجه عنه
ده النحو عليه نص درجه العربى ربنا يحاسبه يارب ضيعنى السنه دى عمال يلغى فى حصص من اول السنه ومقضى الحصص امتحانات بس فين الشرح يا عم الحاج
يلا ربنا يستر وكلنا عندنا نفس الحاله بس علشان خلاص ناقص اسبوعين بس
بس انت شد حيلك وافضل قول لنفسك اتعب الشهر ونص اللى جايين دووول وارتاح بعد كده للابد

اسحاق نيوتن

17-05-2012, 03:12 PM

اسحاق نيوتن

17-05-2012, 03:16 PM

إممممممممممممممممممممممممممم
ولا يهمك فيه حل برده
أنا عامل موضوع " ماذا ذاكرت اليوم "
ح تلاقيه متثبت ع القسم ده
خلاص حاول تعمل لنفسك جدول وتمشى عليه
وتدخل ع الموضوه بتاعى وتقول ذاكرت إيه
ولو فيه حاجه مش عارف تذاكرها أو مش فاهمها أو حلجه وقفت معاك ... اكتبها وإحنا إن شاء الله ح نساعدك بأمر الله
ع فكره ناس كتير م كنتش بتذاكر ولما دخلت الموضوع ده تحفزت وبدأت تشتغل
وبتدخل كمان تقول ذاكرت إيه

أتمنى ده يكون حل للمشكله :d:d:dإذا لم تفشل ، فلن تعمل بجد . الهروب هو السبب الوحيد في الفشل ، لذا فإنك تفشل طالما لم تتوقف عن المحاولة ....

mohamed saad saad

17-05-2012, 08:08 PM

امبارح اكتشفت انه من اول السنه بيشرح منهج تانيه ثانوى نحو لما واحده كانت بتسأل صاحبتى على حاجات مش بتاخد معانا صاحبتى دى فى الدرس بقولها الحاجات دى مش فى منهجنا بتجبيها منين انتى بتألقى وطلعت انا اللى بألف فى الاخر ومنهج تالته مش جايب اى حاجه عنه
ده النحو عليه نص درجه العربى ربنا يحاسبه يارب ضيعنى السنه دى عمال يلغى فى حصص من اول السنه ومقضى الحصص امتحانات بس فين الشرح يا عم الحاج

اولا شكرا لردك و ردودكم كلكم
ثانيا نحو تالته سهل معتمد بنسبة كبيرة على السنين اللي فاتت خاصة تانية و حاجات بسيطة اللي جديدة ان شاء الله تقدري تذاكريها لوحدك او بمساعدة اخرين (هنا في المنتدى مثلا ) و اهم حاجة تحلي قطع كتييير على قدر ماتقدري و يا رب ربنا يوفقنا كلنا

مرام احمد

18-05-2012, 06:32 PM

الحالة دي مرت عليا برضه واعتقد انها مرت علي كل الطلاب في اللي اتخلص منها وفي اللي بيحاول يتخلص منها
بس احنا لازم ندرك ان خلاص احنا بنتكلم في كام يوم بس يعني حوالي 14 يوم قبل مانبدا في العربي يعني خلاص مش فاضل كتير خيل نفسك عطشان قوي وفي بئر ماء علي بعد 1000 متر وانت قعدت تمشي تمشي وخلاص بقيت علي بعد 10 متر ومش قادر تمشي وخلاص هتموت من العطش هتعمل ايه؟ اكيد هتحاول تيجي علي نفسك وتستحمل التعب وتمش ال10 متر دول حتي لو هتذحف فلازم نيجي علي نفسنا اليومين دول بس علشان نوصل

Dr..Soha

19-05-2012, 10:07 PM

بص حاول تذاكر بعيد عن بيتك انا لما بزهق بعمل كدة بروح عند جدى ولسة جاية النهاردة من هناك .يعنى او حاول تغير المكان اللى بتذاكر بيه اقرا قران كتييييييييييييييييييييير ادعى ربنا اووووووووووووووووى وحافظ على الطاعات كلهااااا زى قيام الليل والفجر والاذكار وكلها حاجات هتحفظك بعون الله.صحى الطاقة الايجابية اللى جواك قول انا ممتاااااااااااااز انا اشطر واحد ياما ناس جايبة اكتر منى وقلت وياما اقل منى وزادو ف تالتة .استعن بالله ولاتعجز.بالتوفيق.

THE CodeR

20-05-2012, 03:10 AM

احييك انك حاسس بمشكلتك
انو حتي الان في دروس مفتحتهاش و بضدع ايام كاملة بدون مذوكرة
اظن افضل حل ليك تجدد طريقة مذاكرتك او تجيب مثلا كتاب المدرسة تقراه او اي ملازم جديدة من صحابك
عشان برضه تكسر حاجز الملل ده
والله الموفق

NeVeR CoMe BacK

20-05-2012, 07:19 AM

SwOrD OF JusTice

31-05-2012, 05:02 PM

منه الله(منمن)

31-05-2012, 08:40 PM

حراااااااااااام عليك تضيع المجموع دة

طب انايائست عشان مجموعى وحش من الاول لكن انت حرررررررام عليك

حسن سعد يونس

02-06-2012, 12:03 AM

راااااااااااام عليك تضيع المجموع دة

طب انايائست عشان مجموعى وحش من الاول لكن انت حرررررررام عليك