السلام عليكم ورحمة الله وبركاته

=================
http://upload.wikimedia.org/wikipedia/commons/thumb/9/9c/Cairo_metro.JPG/200px-Cairo_metro.JPG

الحكاية بكل بساطة ،،، انه فى يوم من الايام وقد كان هذا اليوم هو يوم امس الاربعاء ،،
المستر اللى بيدينا فيزياء طلب منا نروح له الدرس فى المرج !! ( ساعات بيعملها معانا وينططنا فى المواصلات ) لدرجة ان وانا و زميلاتى مروحين بنبقى بنقول : المستر فسحنا :cool: من كتر اللف يعنى ،، بنروح بمواصلة وبنرجع بغيرها


اللى حصل لنا يوم الاربعاء انى خرجت مع ايمان "زميلتى " عشان نروح المرج ،، فقررنا ولاول مرة نروحها بالمترو ،، جربنا قبل كدة مرتين نركب من المرج لكن مجربناش ننزل فيها ،، وهنا كانت المشكلة !!

طبعا محطة زى محطة عزبة النخل وزيها زى معظم المحطات بندخل ونعدى من الماكينات ع نفس مستوى سطح الارض ،، السلالم اللى موجودة هناك عشان نحول من اتجاه المرج لحلوان والعكس
http://img182.imageshack.us/img182/7861/dsc02651zk8.jpg

http://www.alarabiya.net/files/image/large_32517_36594.jpg

وعدينا وركبنا المترو ،،،
والمترو مشى بينا
بس بسم الله ماشاء الله كان بيمشى خطوة ويقف 2 ،، وزى ما قلت دى اول مرة هننزل فى محطة هى اول الخط ودا كان المشكلة http://www.cheesebuerger.de/images/more/bigs/c003.gif



جه المترو بقى قبل المحطة بشوية ووقف خالص
مش دقيقة ولا 2
وقف له كدة 6 او 7 دقايق ساعتها
مننا من نطق الشهادتين ، وايمان تقول لى احنا كدة نبقى متنا شهداء عشان فى سبيل العلم :D
(افتكرنا قطر الصعيد ) ههههههههههه
وكنا مستغربين الهدووووووء الفظيع اللى كانت فيه بقية السيدات
بس انا كنت مذهولة جدا بس لان المترو صمت خالص خالص ومحدش نبه او قال انه فيه عطل او حريقة او اى حاجة "اتارى ان دا طبيعى اصلا "
واخيرا المترو اتحرك ودخل المحطة ، وهللنا وقلنا : هييييييييييييييييييييييه
http://www.cheesebuerger.de/images/more/bigs/a070.gif


بعد كدة بقى لما رجعنا اخر النهار ،، وحكينا للمستر اللى بيدينا عربى ، قال لنا ان دا طبيعىhttp://www.cheesebuerger.de/images/more/bigs/c008.gif وان المترو بيستنى على ما رصيف يفضى له ( حسسنى انه موقف ميكروباص الصراحة ) عشان فى المرج مافيش ارصفة كتير " ودى بقى مش فاهماها ومااهتمتش "



واخيرا وليس اخرا نزلنا فى المحطة المذكورة اعلاه

محطة زى المرج بقى عشان ندخل لها او نخرج منها بنطلع سلالم للماكينات لان الماكينات فوق مستوى سطح الارض ،، عاملة كدة زى محطتى غمرة و السيدة زينب ،، على ما اعتقد ومش متأكدة


نزلنا ،، لقينا سلم قدامنا ،، الطبيعى يعنى ان احنا هنطلعه عشان نخرج بقى من المحطة http://www.cheesebuerger.de/images/more/bigs/a130.gif


طلعنا السلم دا ،، وكانت كل الناس نازلة ومحدش بيطلع غيرنا احنا بسhttp://www.cheesebuerger.de/images/more/bigs/a093.gif ( ودا عرفنا سببه بعدين بردو )
وكان فيه كم غير عادى من الناس نازلين طبعا


طلعنا ووصلنا لمكان الماكينات ،، طبعا الماكينة اللى ظاهرة لنا من ناحيتنا علامة السهم دى اللى بنعدى منها اما اللى ظاهرة علامة اللى هى دايرة كدة وفيها خط فى النص دى عشان بتوع الناحية التانية واتصدمنا لما لقينا كل الماكينات نفس نظام الحالة التانية دى http://www.cheesebuerger.de/images/more/bigs/a096.gif


قلنا اما نسأل حد ونقول له : عاوزين نخرج؟ نعدى ازاى؟
فلقينا بنت هتعدى فقالت لها زميلتى : لو سمحتى يا انسة ،، احنا عاوزين نخرج .. نخرج ازاااى؟
ردت علينا وقالت : لا ماهو انتم هتنزلوا وتطلعوا سلم تانى ،،، ومشيت وسابتنا
احنا طبعا مفهمناش ومستغربين ،، سلم تانى ايه بس !!!!



قعدنا نلف شوية فى المحطة من فوق كدة ولقينا بنت تانية سألناها وقالت لنا نفس الكلام بس بشوية تفسير

سلم تانى ؟؟!!! فين دا بس http://www.cheesebuerger.de/images/more/bigs/a102.gif


قالت لنا : طب ثوانى هعدى وهوريهولكم

عدت من الماكينة ونزلت معانا السلم
وواحنا نازلين كنت بقول لزميلتى : عشنا وشفنا بقينا تايهين جوا محطة مترو وبنمشى نسأل الناس هو سلم الخروج منين !!!!!http://www.cheesebuerger.de/images/more/bigs/e052.gif
"حاجة تكسف"


نزلنا من السلم والبنت شاورت لنا وفهمتنا انه فيه سلم للدخول وسلم للخروج ،، فين بقى سلم الخروج دا !!

كان بعيد شويتين صغننين عن السلم دا ( اهى المحطة كلها سلالم اصلا )
شاورت لنا ع لافتة مكتوب عليها " خروج exit "
وقالت لنا ان السلم التانى عندها هناك كدة فشكرناها ومشينا ناحية السلم الموصوف منها داhttp://www.cheesebuerger.de/images/more/bigs/e044.gif


وصلنا للسلم دا ولقيناه فاااااااااااااااااااااااااااااااضى خالص http://www.cheesebuerger.de/images/more/bigs/c007.gif

وطلعنا والحمدلله خرجنا من المحطة !!!! طبعا بعد اما ضاع فيها حبة وقت غير عادى طالعين نازلين السلالم بصراحة

http://www.cheesebuerger.de/images/more/bigs/c022.gif

__________________________________________________ ________
بصراحة موقف عبيط اوى ،، ورخم جدا ،، ومكانش المفروض يحصل ،، بس ساعات بتحصل حاجات ومواقف من النوع دا مع اللى رايح مكان لاول مرة او بيزور حتة او بيجرب حاجة لاول مرة وخصوصا لما تكون الحاجة دى معندوش علم مسبق بيها !!


بصراحة يعنى احنا بعدها كنا بنضحك ع نفسنا ومن اللى حصل لنا ،، ان الواحد يتحط فى الموقف نفسه دى كانت عاملة زى المغامرة لينا ،،


اكيد يعنى انتم كمان حصلت مواقف مش شرط مشابهة او قريبة بس ممكن يكون دا فكركم بيها ،،

http://www.cheesebuerger.de/images/more/bigs/c032.gif

______________________
عموما يعنى الموقف دا فكرنى ساعتها بموقف تانى حصل لنا فى الزمالك
لقينا عسكرى واقف المفروض يعنى ان اللى تايه بيسأله
فبنقول له : لو سمحت هو فين شارع المرعشلى
رد وقال : لا والله معرفش اصلى مش من هنا http://www.cheesebuerger.de/images/more/bigs/c041.gif

______________________
ملحوظة : اى حد لو شايف مكانه مش هنا يبقى ينقله لقسم مناسب لان بصراحة انا حاسة ان فى بعض اقسام المنتدى محتاجة تتنظم بدل التكرار ليها ،، وانا احترت احط دا فين لانه موقف شخصى
والسلام عليكم ورحمة الله وبركاته

هههههههههههههه
يعنى لما أدخل المنتدى أدخل على موضوعك
بس تصدقى كنت هفرح فيكى لو كان حصلك حاجة أصل انا بعزك أوى أومال ايه:p
نفسى أركب المترو
أنا الحاجة الوحيدة إل ركبتها ومش موجودة عندنا الترام

وعليكم السلام ورحمة الله وبركاته

بصي الخلاصه يبئا انت اكيد في مصر :D
عادي يا بيبو تيك ات ايزي
لو ما حصلكيش كدا اتأكدي انك لسه في مصر لان مش معقوله تكوني ساعتها في مصر

هههههههههههههه
والله العظيم انا ضحكت كتير هو الضحك الايام دى اصبح بفلوس
كنت عايزه اشوف منظرك وانت داخله الدرس بعد كل السلالم دى
انا مجربتش المترو بس متخيله وانت بتقول المغامره دى

هههههههههههههه
يعنى لما أدخل المنتدى أدخل على موضوعك
بس تصدقى كنت هفرح فيكى لو كان حصلك حاجة أصل انا بعزك أوى أومال ايه:p
نفسى أركب المترو
أنا الحاجة الوحيدة إل ركبتها ومش موجودة عندنا الترام

ههههههههه معلش محدش قال لك تدخلى لو مش عاوزة :p
كدة بردو يا وحشة ؟ :( دا انا اختك الكبيرة بردو يابنتى
عموما يعنى انا عن نفسى المواصلات المتاحة ليا حتى الان ولم استخدم غيرها الميكروباص اللى بيودى لحد المترو دا والمترو نفسه :D بس كنت فى شهر 8 اللى فات بنضطر للتاكسى عشان نروح الزمالك من التحرير بس طبعا ماما كانت لازم تبقى معايا ،، كان بيبقى حتة مشوار من بيتنا ،، فيها مالايقل عن ساعتين وشوية ،، اهى ايام وعدت ع خير

نورتينى :)
وعليكم السلام ورحمة الله وبركاته

بصي الخلاصه يبئا انت اكيد في مصر :D
عادي يا بيبو تيك ات ايزي
لو ما حصلكيش كدا اتأكدي انك لسه في مصر لان مش معقوله تكوني ساعتها في مصر

لا بصى انا مش بشتكى حال البلد هنا ،، موقف شخصى ،، بقيت بضحك ع نفسى انا وزميلتى اننا تهنا فى محطة مترو وكمان ماشيين نسأل : لو سمحت سلم الخروج منين ؟ :cool:

لان هنا نظام المحطة معروف بس للى متعودين عليها لكن ليا انا فيمكن دا يكون شبه طبيعى لانى كنت اول مرة انزلها .................
يمكن فيه مواقف تانية تقدرى تقولى عنها كدة ،،

بس اللى كان هيشلنى كان موقف العسكرى دا ،، نفسى افهم واقف يعمل ايه هناك جمب فنون جميلة بس :D

نورتينى :D

هههههههههههههه
والله العظيم انا ضحكت كتير هو الضحك الايام دى اصبح بفلوس
كنت عايزه اشوف منظرك وانت داخله الدرس بعد كل السلالم دى
انا مجربتش المترو بس متخيله وانت بتقول المغامره دى
ههههههههههه لا ما انا عشان اطلع للدرس ،، رحت طلعت سلالم كتيرة بردو بس سلالم غريبة اوى وضيقة وطالعين ماسكيت فى الترابزين او بمعنى اصح الحيطة دى اللى كانت قصيرة جدا وكنت حاسة انى شوية وهتقلب تحت وقعدنا نطلع مش عارفة كانوا 4 ولا 5 ادوار ولا كام بالضبط لاننا كنا طالعين اخر دور وخلاص :D:D:D:lol::lol:
لا وبعد دا كله المستر بيزعق لى انا وزميلتى لاول مرة فى حياتى :mad: عشان بكلمه بالراحة وبنحاول نقول له انه مكانش ينفع انه يدينا مواعيد غير مواعيد الحصص الرئيسية فى مواعيد دروس تانية لانه كدة كان هيتسبب فى ان مجموعة الرياضة بتاعتى تتفركش ، والمستر يقول لنا قال ايه : نضحى ،، نضحى ببقية المواد عشان مادته ،، نفسى افهم نضحى ازاى ولا بايه بالضبط ،،، يلا اهو ربنا ستر


نورتى الموضوع


بس فى واحدة هنا فى المنتدى من كلامى عن موقف المترو بس حست فعلا انى متبهدلة جامد فى المشاوير دى :D حاسة بيا اوى هههههههههه

انا عارفه انة موقف شخصي .. بس انا قصدت البنت الاولى لما سألتيها جاوبتك اجابه مبهمه طيب ما انتي لو كنتي عارفه ماكنتيش سألتي اصلا ... لكن هي دي طبيعة المصري دلوقتي
كذلك الحال بالنسبه للعسكري المفروض يكون عارف

هههههههههه

ياما بتدج على الراس طبول

الحمد لله انكم طلعتم منها بسلام

معلش يا هابى ..تعيشى و تاخدى غيرها ...انا لما بركب المترو اغلبيا ياما بنزل البحوث او الاوبرا و اى محطه تنزل على وسط البلد ..ياما اجى الهرم ..لكن مجربتش المرج ....((نفسى اروحها ))

انا عارفه انة موقف شخصي .. بس انا قصدت البنت الاولى لما سألتيها جاوبتك اجابه مبهمه طيب ما انتي لو كنتي عارفه ماكنتيش سألتي اصلا ... لكن هي دي طبيعة المصري دلوقتي
كذلك الحال بالنسبه للعسكري المفروض يكون عارف
تمام :) ،، اما بالنسبة للعسكرى ،، فانا نفسى افهم كان واقف اصلا هناك يعمل ايه ،، واقف مش بيعمل حاجة قاعد ولا فى مرور ينظمه ولا غيره
هما مش بيقولوا الشرطة فى خدمة الشعب ؟! أهى الشرطة طلعت مش من هنا:D
،،،،
بصى فى ناس بتعاملك كأنك فاهمة كل حاجة ! زى مثلا لما مدرس يدخل فصل "خلينا نبعد عن بتوع الثانوية " بس بفرض المدرس دا شرحه مش اد كدة او بيحس بملل وهو لسة هيفهمنا بفرض مدرس اعدادى دخل قال الكلمتين اللى فى كتاب المدرسة وبنغير توضيح يناسب عقلية الطلبة اللى قاعدة بتتلقى العلم دا لاول مرة وهيقول لهم كل دا كلام معروف ،، معروف بالنسبة له بس مش معروف بالنسبة غيره ،، دا تشبيه يعنى مش اكتر

ميرسى لمرورك تانى :)

هههههههههه

ياما بتدج على الراس طبول

الحمد لله انكم طلعتم منها بسلام

اه بجد الحمدلله انى رجعت لامى سالمة ،،، دا الواحد بيتبهدل بهدلة فى المواصلات انما ايه ,,, :cool:

شرفتنى حضرتك

معلش يا هابى ..تعيشى و تاخدى غيرها ...انا لما بركب المترو اغلبيا ياما بنزل البحوث او الاوبرا و اى محطه تنزل على وسط البلد ..ياما اجى الهرم ..لكن مجربتش المرج ....((نفسى اروحها ))
انا بقى لما بركب مترو بيبقى دايما من عزبة النخل للسادات :D او لجمال عبدالناصر لو هطلع ع الزمالك وشكلى هحول ع الناحية دى قريب لفترة شبه مستديمة عشان الكونفيرسيشن ان شاء الله بدل السادات :rolleyes:

لكن مجربتش المرج ....((نفسى اروحها ))

كنت بقول زيك كدة ان نفسى اروحها عشان اخر الخط والكلام دا بس نصيحة منى بلاش ،، هتندمى :cool::D
_____
الحمدلله انا يدوبك المرات اللى رحتها فيها كام مرة يتعدوا ع الصوابع عشان الفيزياء والمرات بتاعت مسابقات اوائل الطلبة عشان كانت المسابقة بتبقى فى مدرسة الصنايع اللى هناك

،،،،،،،،،،

نورتينى :)