السلام عليكم جميعا

يا رب تكونو بخير .. دايما

ممكن مساعدة صغنونة من حضراتكم ... تعنى لى الكثير

دلوقتى مشكلتى بسبب المذاكرة .. يعنى المفروض الاسابيع اللى باقية دى اخلص فيها الكتب بتدريباتها

بس مش عارفة اعمل ايه ... كل ما انوى المذاكرة اقول .. طيب خليها شوية .. خلاص خليها بالليل يكون

الجو هادى .. واعرف اذاكر .... وبعدين احس اليوم راح عليا .. اقول خلاص خليها بكرة اصحى بدرى ان شاء

الله و اذاكر ... يا اما لو ذكرت .. ازهق و اقوم بعد نص ساعة او ساعة تقريبا

وانا و الله بدايق جدا .. من الحكاية دى و مش عارفة اعمل ايه ؟؟!!

وحكون سعيدة جدا لو ساعتونى فى الحكاية دى .. فياريت تنصحونى اعمل ايه .. وايه احسن و قت اذاكر

فيه .. ومحسش بزهق او ضيق عند المذاكرة ...


وبالتوفيق لنا جميعا باذن الله

أختنا
ما تشعرين به ... الكل يعانى منه ... ألا وهو عدم تنظيم الوقت ، وعدم معرفه الوقت المناسب للمذاكره

وجهه نظرى : نامى الساعه 10 وأصحى ع الفجر ... صلى الفجر ، وافطرى واشربى حاجه _ نيسكافيه ، شاى ، شاى بلبن _ كما يحلو لكى ... بس لازم تفطرى بجد
بعد ده كله تكون الساعه مثلا 4.5 الفجر تبدأى تذاكرى لحد الظهر ... تصلى الظهر وتنامى ساعتين تلاته ... وتصحى تكملى ... بجد ده أسلوب كويس جدا ... لعله يناسبك

ي رب أكون ساعدتك
ي رب يوفقك ويوفقنا بإذنه تعالى
:d

السلام عليكم جميعا

يا رب تكونو بخير .. دايما

ممكن مساعدة صغنونة من حضراتكم ... تعنى لى الكثير

دلوقتى مشكلتى بسبب المذاكرة .. يعنى المفروض الاسابيع اللى باقية دى اخلص فيها الكتب بتدريباتها

بس مش عارفة اعمل ايه ... كل ما انوى المذاكرة اقول .. طيب خليها شوية .. خلاص خليها بالليل يكون

الجو هادى .. واعرف اذاكر .... وبعدين احس اليوم راح عليا .. اقول خلاص خليها بكرة اصحى بدرى ان شاء

الله و اذاكر ... يا اما لو ذكرت .. ازهق و اقوم بعد نص ساعة او ساعة تقريبا

وانا و الله بدايق جدا .. من الحكاية دى و مش عارفة اعمل ايه ؟؟!!

وحكون سعيدة جدا لو ساعتونى فى الحكاية دى .. فياريت تنصحونى اعمل ايه .. وايه احسن و قت اذاكر

فيه .. ومحسش بزهق او ضيق عند المذاكرة ...


وبالتوفيق لنا جميعا باذن الله

انا مش هقولك الكل كدا ولا لا بس هقول حاجة والاعضاء برضو هيقولوا وياريت نكون افدناكى
بصى لما يحصل كدا فكرى يوم اللجنة هتعملى اية وفكرى لو الامتحان كان سهل هتقولى لو انا ذاكرت كويس كنت قفلت المادة وطلعت الاول كمان دا ممكن يديكى دافع كبير انك تذاكرى فكرى انك لو ذاكرتى كويس هتجيبى مجموع وتدخلى كلية الطب شوفى فرحت اهلك هتكون ازاى فكرى فى الايجابيات كتير واتخيلى المنظر هيكون ازاى دا بجد هيديكى دافع والايام الى باقية دى حاولى تحلى الامتحانات لو حلتيها هتضمنى النهائيات ان شاء الله ياريت اكون قدرت افيدك وفكرى كمان انك قربتى تخلصى المنهج مش باقى كتير وقولى خلاص انا قربت والمنهج سهل وكدا واى حاجة انا تحت امرك

مع احترامى للكلام السابق كله

لكن فيه شيء لم يلتفت اليه احد
الأول الطلبه فى هذه الايام مرتبطين بدروس كتيرة ومعظمها فى فترة الظهيرة فصعب النوم
ثانيا
انا شايف ان تغيير نمط المذاكرة مهم جدا
يعنى لو باذكر فى اوضتى بلاش ذاكرى فى الصاله
غيرى المكان نفسه
غيرى الاسلوب
اتمشى وانتى بتذاكرى
كررى اللى بتحفظيه
اعتقد كل دى امور بتساعد على النشاط
ومتنسيش الاكل ونصيحة ( موز + عسل ) ليهم مفعول السحر فى التركيز
نصيحة اخرى
حاولى تبلعى فصين توم صباحا بالماء
قشرى فصين توم واشربيهم كانها اقراص برشام
التوم منشط طبيعى وبيساعد الى ازالة الخمول وبيدى الجسم التركيز والطاقة

يا رب يكون فيه افادة

شكرا جزيلا لكم .. و الله بجد افدتونى

وان شاء الله حمشى على نظام خالد احمد الاحمد

واحل امتحانات زى ما نصحتنى الاستاذة هالة ^ ^

وشكرا ل أبوبسملة ياسر خليفة الطحاوى ... لنصيحتى ب الوجبات المفيدة للمذاكرة و تنشيط العقل


واشكركم مرة تانية .. و يارب نكون جميعا من الاوائل و المتفوقين

نامى الساعه 8 واصحى 12 اقعدى لغايه 10 الصبح مذاكره بليل بتبقى حلوه اوووى
وبتبقى هاديه كده
وادخلى نامى بقى فى الحر انا بعمل كده علشان مش بطيق اذاكر فى الحر
والمشكله دى بتكون زهق ان خلاص الامتحانات قربت وحاسه ان السنه انتهت وانك عاوزه تاخدى الاجازه
فحاولى تذاكرى على قد ما تقدرى بس مينفعش يعدى يوم من غير ما تذاكرى

عندك حق و الله يا ضحى .. لو عدى يوم منغير ما اذاكر بحس ان ... خلاص حجات كتير راحت عليا

واشكرك يا ضحى على النصائح الجميلة دى ...

وربنا يخليكو ... بجد فرحانة لمساعدتكم