مشاهدة النسخة كاملة : يوميات المدرسة


عازف الاورج@
19-05-2012, 06:11 PM
يوميات مدرسة
فـوق الرصيف من تحـت ســـــور المدرســة
كام كـــــوم زبــالة
أما جوه المدرسة اللى داخل واللى طالع
واللى سايق ف الهبالة
ساعة الطابــور ماتلا قيش ولا وأبلة واقفة
وماتلاقيش مدرسين
ولو تزعـق أو تصرخ يقـولوا إيه فى إيـــه؟
عند المدير متجمعين
أمــــــــا العيال دول قصـــــة تانـية ومـــــؤلمــة
يقفــــواعنــــد البيـاعـين والأفــــواه متكــمـمــة
بعــد الطابــورماينصرف تبدأ فصــول المسرحية
اللى معاه جواب تأمين واللى يقول شوفوا اللى فيه
والإدارة ف مـُــــلك تـــانى مع احترامى للأسامــى
هيَــِـــه كـــــــــــدة المدرســـــــة بقـت وســــــــــية
تلقــى واحـدة ست طالعة بتجرى وف ايدها العـيال
اللى لسه ف سنة رابعة وال محتاج يجى الف رضعة
واللــــى حــالتـــــــو نـيلــــــة وهــُــــــــزال
نـقــول ياســــت رايحـــة فيــن ياأم العـــيال
تـقــــول هـاقـابـل ميـس شـريفـــة او منــال
طب بعـد حبة ياست وبلاش مناهدة وانفعال
لأ عـــــــاوزة اشــــــوف درجـــــــات ولادى
لسة أنا من جمعتين دافعة فلوس المجموعادى
العـيـــــــال فى البيت يقـــولوا يامـامـا أيـــزى
قولت ف نفسى ياحلاوة هوده بقى الانجليزى؟
المهم شريفة قالت لأ ياست على شغلنا ماتعيبيش
روحــــى شـــوفـى العـــربى قابـلة ماتـنطــقـيـش
هب عادل قال ياشريفة حرام عليكى ماتحرضيش
بتســخـنى ليــــه فى الوليـــــة مــاتـــوقعــيش
يالا واتـنصـبت خناقـة وافهمــوا كده بالحداقة
قـالت شـــــريفـــة جــــــــــــرى إيــــه ياكـيــــكى ؟
ده انـت طــــــــــــــول عــُمـــــــــرك صـــديـقــــــى
ردعـادل قــال كــفــاية ماانكشـفـت أصــــل الحـكاية
كــــل يوم يتأكلـينى جبنــة بيضــا وجبنــة رومــــى
وانت بالأكادة عـاوزة ولى الامر يخلعنى ف هدومى
عـنها واتـدخــل شــريف ابن البــاشا ودمه خفيف
قال كفـــــايـة هــيـــه حــــــــرب ولا إيــــه !!
الحكاية ياست من عـند الحكــومــــــــــة اللى
ماســـكة ف ســنة ســاتة وســــايبة اولـــــى
وقالها حكمة وكلنا متجمعين مين ينادى بمجانية التعليم
اللى أصـله ابـن بـاشـــــــــا همـه دول المتعـلمـيــــن
أمــــــا أمـثــــالكــــــم ف نظـــــــــــرى زبـالــــيـن
ردت أبلة (هـند ) وقالت ليه ياشريف ألفاظـكـم دى نـيـلــة؟
ليه لسانكم فالت منكم وتـشـــوهــوا صورتكوا الجميلة
أنا هارسم لكــم كــام بـورتــريه وكلنــا راح نبقـــى عـيلة
رد ( زغلول ) وقالها مش لمـا ياأبلة تيجـى وتحضــرى
ده انتى ياأبلة ياللى مش عاجبك منظــرى بتـتـأخــــرى!!!
سكت الجميع واتكلمت أبلة( سعاد ) وقالت اسمع منك ليه ياواد
هند عـشــــرة من زمان ومش واخديـن بقى ع البعـــاد
معاياف تمللى الجمعـية والملابس والكروت والحاجات المتدارية
ايشى مـوبينيل وفودافـون وكمان حاجات وقت اللـــزوم
مش كفاية انها قالبلنا اوضة احمد ابراهيم بوتيك هـدوم
ويايا حبة م الصابون ومعايا مفرش وكمان ليفة للحموم
حتى ( ممدوح ) انجليـــــــزى اللى جاى من يـومـــــــين
بيقــــول بقى خلــــوها أيــزى تبقـوا زيــى متخــتخـيــــن
والـزعـيق ع الســلم زاد لما جــــه ( احــمد براهيـــــــم )
فجأة قال ياشـــريفة إيـــــــــــه !! (عادل )مالــو بالحريـم
قولت له اعقـل ( ياكلاكس ) ماتـتهورش بصـوتك العالــى
قال لى استنى انت على جنب ياعم الشيخ انت (ياسيستانى )
قولت ياغادة انتـى ومايسه مشــّوا شريفة مـن الناحية دى
قاموا ومعاهم فاطمة وعـــزة وورد وهالـــة من اليامة دى
يالا القـصـــد هديت حبة و(عادل ) قال ماأعرفـش أعـــادى
قامت ( فاتن ) مسكت ودنـــــو وقالت رد افديـك بـــولادى
احــنا بتـوع العـربى تمللى فى المدرسة بنهــاتى ونــــدادى
قـالـــت (مـــــرفت ) لأ يافـــاتـن انـتـــى وعـــــادل
انتــم عـربى واحنا رياضــة المدرسة مـش ناقصـة مهـازل
والخناقة بقـت فريقين ومـــش عارفين الحق لميــن
سـامية ورأفت ويا إيـمان ومعاهـــم أحمد براهيـــم
مسكوا ف نعمة وهالة وسلمة ومعاهم الواد براهيـم
والفريق الأولانــى بتـــوع رياضة كسـروا ضلوعهم
والفريق التانى عربى بقوا يرفعوا المكسور بتاعهم
الغريبة ان الواد ( محمد حسن ) كان مش معاهــــم
طــول عـمـــره مايحبـــش عـماد علشـــان أذاهــــم
ويقول لنا ان الخناق او الزعيق ملهـومـش اســاس
خصوصا بقى انكــم كــده كلكـم من خيـار النــاس
زعل ابراهيم عباس وســحب عـجلتــو من سـُــكات
وقال هــاروح الســـوق اجيب للبيت حـــبة حـاجـات
اصل جــاى لـى م البلــد وفــدين وناوييـن ع البيـات
قام نبيل قالو ياهيمة انتبه هى المدرسة مالهاش كبير؟
ان جات لى لجنة ايه اقول ؟ خارج يجيب للمدرسة ربطة جرجير
ولا عشان عرفة مشى فاكر ان المدرسة من غير مدير!!!
قولت اهــدوا ياجماعـة ليه كـلكــم عــاوزينهـا نــــار
شـوفـوا مين المستجــد اللى قدموا جت علينا بالعمار
اللى اول القصيدة خصمولى بسببها 100 جنيه آه مش هزار
تانى القصيدة عرفة اتخطف واتنقل وراح فى غلطة
وآدى نبيل التانى على وشها اهــو جاتلو جلطة
والمظاهـــرات ابــتـدت واتــشعـللت فى يـوم وليلـة
والضرب ف الشعـب ابتدى بكل لــون يابنت اللــذين
وحتى لـيبيـا اتقـسمت واتفــرقت ماباقـتـش عـيــــلة
والدراســــة اتأجلت وماعـدش فيه نسـبة ياحـــــيلة
قدمك خشاف واسمك عفاف أمال لو كنتى جايه لنا وكيلة
والكل منك اشتكى ودعى عليكى فى العلالى
وانا رحت احلل واكتشفت انى يانيلة السكر جالى
بطلت اخاف م البركة سره انكشف مابقاش ف بالى
مابقاش يخوف حد وراحت عليه وبقى مركز تانى
أما الحرب اهى بدأت بدرى قبل مايجى الموسم التانى

كلمات / النمســــاوى مدرس من المدرسة

ام علاء
19-05-2012, 06:18 PM
يا ريت كلنا ندخل جوه البورتريه
ونتفرج على نفسنا واحنا بره
سلمت يمناك -==دمت مبدعا

عازف الاورج@
19-05-2012, 06:27 PM
حبى للحلمنتيشى

أحببت الشعر الحـلمـنـتـيــشى جنب الجبنة والقراميشى
وأمسكت بقـلمــــــى كى أكتب لكن الموس مابيبريشى
وكدت أمــــــوت مـــن الغيظ من حبر القلم مايكفيشى
فضغطت على الســـــن بشدة فانكسر ونتش تنتيشى
فبكيت بعـينـــــى من الحـرقة ولم أستطع التـفـنـيـشــى
فتركت الورقـــــة والقلـــــــم وذهبت أفتش تـفـتـيـــشى
أبحــث عن شىء كى أحفـظ أشعارى عشان ماتوليشى
فوجـــــــدت الهاتف بجوارى فيه كارت الميمـورى على النيشى
ففرحت وأمســـــكت الهاتف لكن حظى ماسـاعـدنـيـشى
فقليل البخت يجـــــد دايمــا فى الكرشة حبة قـراقـيشى
فالهاتف أصـــــــــلا ممــتاز ُ لكن ذاكرته ماتكـفـيـشـــى
ففتحت شـــــــباك الحجــرة واخذت اشاور لشاويشــى
فــــــــرآنى من أسفــل بيتى بجوار الفرن به العـيـشــى
فأمسك بالقفص ولــــوح لى وانا قولت اطنش ططنيشى
فأخرج من طى ملابســـــــه فرد من نوع الخـــرطوشى
وأخذ يحشيه بطلقات وقذفها فــرشـقـت فى الشـيـشــــى
فصرخت من هول المنظـــــر ودعــــوته لالا ماتجــيشى
أنا أقصد شخصا بجـــــوارك اسمه الاســطى سانترافيشى
كى يذهب منتصف الشـــارع خلف مكتبة المجــــاويـشــى
وينادى لأهلــى وأحـــــــبابى وبعـض الافـــراد من الجيشى
وأتوا الافراد وقولت انتشروا أمــــام البيت و بشـــويـشــى
وأخذت الوح بالقلم فسقـــط كــــالــــزر ف طــــــرابيشــى
قلت احــــــذروا هذا القـلـــم فـرصاصـــه ضد التهــويشـى
فانقضوا عليه بأمـــــــواس وذبـحــــوه كفـرخ والريشــى
ونشارة خــشب قد سقطت من جسده بعـــد الترويـشـــى
وأخيرا أمســـــــكت بقلــمى كـى اكتب شعــر حلمنتيشــى
كلمات / النمســــاوى
أشرف سعــــد