ارجو الرد [الأرشيف] - بوابة الثانوية العامة المصرية

مشاهدة النسخة كاملة : ارجو الرد

جهاد14

21-05-2012, 04:19 AM

يجماعة انتو عارفين انا اول مرة امتحن في مصر وكمان ثانوية عامة
وانا بكتب موضوع التعبير اكتب العناصر وتحها الموضوع على طول ولااكتب كل واحد في صفحة يعني العناصر في صفحة والموضوع في صفحة
وهل ينفع استخدمها في موضوع التعبير وش وضهر ولا في الامتحان استخدم الكراسة وش بس
ولو كتبت صفحتين وش وضهر هايقول كتيير ومش هايقرها وينقصي لاقدر الله ولا ايه
عارف انها اسئلة ماتستهلش اعذورني انا مبصقش في حد غيركو

doha94

21-05-2012, 04:48 AM

اكتب العناصر فى صفحه يستحسن يعنى
والموضوع فى الصفحه اللى جنبها على طوووول انا بعمل كده

جهاد14

21-05-2012, 07:32 AM

والله يا ضحى ماعارف اودي جمايلك عليا فين ربنا يوفقك يارب زي مابتحبي تساعدي اي حد كده

To Be Is To Do

21-05-2012, 10:24 AM

بص ي حبيبى
التعبير بيبقى إزاى
صفحه للفكر وع فكره إسمها " فكر " وليست " أفكار " ودى لا تقل عن 8 أفكار وعليها 3 درجات من 7
ثانيا الموضوع م تسبش فيه سطر واكتبه ع هيئه فقرات كل فقره حوالى 6 سطور فيما لا يقل عن 6 فقرات
بحيث إن الموضوع يعمل معاك حوالى صفحه وش وظهر وكمان صفحه وش بس

بس ركز ع علامات الترقيم ... مدرسنا بيقول إنهم ح يدققوا فيها السنادى
وطبعا الموضوع عليه 4 درجات منقسمه إلى 2 لحسن الخط و1 درجه للغلطات النحويه والإملائيه و1 ع كتابتك للموضوع ومضمونه

وكمان ممكن تشكل حتى تعطى للموضوع شكل جميل
والإستشهاد لابد منه ع الأقل لكل فقره إستشهاد

SwOrD OF JusTice

21-05-2012, 10:44 AM

Dr..Soha

21-05-2012, 10:57 AM

To Be Is To Do

21-05-2012, 11:00 AM

بتكتب العناصر الرئيسية للموضوع.
يستحسن 10 افكر ممكن لحد 8 مش اقل من 8 ولااكتر من10
وبتشد خط
وتكتب فى وسط السطر الموضوع
وتبدا تكتب 3 صفحات ونص كدة او 2 ونص
وحسن خطك على اد متقدر ومتنساش التشكيل والقواعد النحوية والاملائية
وترتيب الافكار كل ده عليه درجات
وابقى راجع التعبير الوظيفى كويس جداااااااااااااااااا.
بالتوفيق.

نعــــــــــــــــــــــــــــــــــــم ... خط إيه بنشده ده
الفكر ف صفحه .... والموضوع ف صفحه تانيه
أصلا لما حد ييجى يكتب موضوع التعبير
يكتب رأس الموضوع إللى أختاره ... ثم يكتب الفكر وبتبقى حوالى 8 كفايه ...
الصفحه كده خلصت ي سها ... يشد خط فيــــــــــــــــــــن بقى
؟؟؟؟؟؟؟؟؟؟؟؟؟؟؟

Dr..Soha

21-05-2012, 11:09 AM

نعــــــــــــــــــــــــــــــــــــم ... خط إيه بنشده ده
الفكر ف صفحه .... والموضوع ف صفحه تانيه
أصلا لما حد ييجى يكتب موضوع التعبير
يكتب رأس الموضوع إللى أختاره ... ثم يكتب الفكر وبتبقى حوالى 8 كفايه ...
الصفحه كده خلصت ي سها ... يشد خط فيــــــــــــــــــــن بقى
؟؟؟؟؟؟؟؟؟؟؟؟؟؟؟
لااااااااااااااا ياخالد مبتكتبش راس الموضوع اللى اخترته ولاحاجة

بتكتب عناصر الموضوع الاول او التانى (يعنى الموضوع اللى اخترته) الرئيسية
وانا بعمل كدة ومنقصتش اكتر من نص فيه الحمد لله

To Be Is To Do

21-05-2012, 11:13 AM

لااااااااااااااا ياخالد مبتكتبش راس الموضوع اللى اخترته ولاحاجة

بتكتب عناصر الموضوع الاول او التانى (يعنى الموضوع اللى اخترته) الرئيسية
وانا بعمل كدة ومنقصتش اكتر من نص فيه الحمد لله

بصى مش عارف
بس أنا بعمل كده وبرده عمرى م نقصت عن نص بعون الله
أكيد هناك كذا طريقه لكتابه التعبير

اسحاق نيوتن

21-05-2012, 11:14 AM

بصى مش عارف
بس أنا بعمل كده وبرده عمرى م نقصت عن نص بعون الله
أكيد هناك كذا طريقه لكتابه التعبير thank you for your great efforts mr khaled

Dr..Soha

21-05-2012, 11:19 AM

بصى مش عارف
بس أنا بعمل كده وبرده عمرى م نقصت عن نص بعون الله
أكيد هناك كذا طريقه لكتابه التعبير
اكيد اهم حاجة الشكل النهائى للموضوع وحسن الخط والتنظيم

جهاد14

21-05-2012, 01:36 PM

جهاد14

21-05-2012, 01:51 PM

مثال علشان تفهوموا قصدي

الحرية والديموقراطية اساس بناء الشعوب والظلم من اسرار هدمها (ده راس الموضوع اللي مكتوبلي في الورقة لازم اكتبه قبل العناصر ولا لأ)
عناصر الموضوع :
1- الحرية نور وامان والاستبداد خوف وظلام
2معنى الحرية وشروطها
3- اهمية الحرية بالنسبة للانسان
4- الاثار السلبية نتيجة العيش بدون حرية
5- التضحية من اجمل نيل الحرية
6- موقف الاديان السماوية من حق الحرية لكل انسان
7- راي القران الكريم والسنة بالنسبة للظلم والانسان الظالم وعاقبتهما
8- تعدد الاحزاب دليل على الحرية الاختلاف في الراي لا يفسد للود قضية
9-ودور الرسول صلى اللله عليه وسلم في اثبات ذلك من خلال حرصه على المشاورة وكفل حق حرية الرأي
10- نتائج الحرية وتحقيقها للسلام وبناء مجتمع متحضر
واقلب الصفحة
الحرية كذا كذا كذا وابدأ في الكتابة
انا فهمت كده صح
وسامحوني دوشتكو وربنا يخليكو ليا

Dr..Soha

21-05-2012, 01:52 PM

يجماعة انا هجنن دا انا طلعت بنقص في العربي علشان التعبير
سؤالي دلوقتي ومعلش استحملوني مليش حد غيركو اسأله انتو اخواتي الكبار وعارفين عني
رأس الموضوع اللي كتابه في ورقة الاسئلة واللي انا اخترته و الافكار في صفحة وبعدين الصفحة اللي بعده الموضوع صح كده
وهل لا زم اكتب راس الموضوع الصغيرة قبل الموضوع
يعني مثلا
العلم
العلم كالماء والهواء كما قال الاديب العظيم طه حسين
ولا اقول الجملة على طول ومكتبش كلمة العلم اللي في الاول وكفاية راس الموضوع الطويلة اللي كتبتها في الصفحة الاولى قبل العناصر
عارف انها اسئلة مملة بس استحملوني ده انا طلعت بلوة في التعبير باقي 20 يوم الحق نفسي في التعبير بدل مااضيع
بص ياجهاد انت مش لازم تكتب راس الموضوع كله
انت بعد مبتكتب التعبير الوظيفى شد خط واكتب عناصر الموضوع الاول (او الثانى ) الرئيسية
وبتكتب العناصر
وبعدين تشد خط تانى وتكتب الموضوع وتبدا بالجملة اللى انت كتبتها دى مثلا اللى موجودة ف راس الموضوع وحاول تنظم الورقة جااااااااااامد.بالتوفيق.

Aya Mn Allah ♥

21-05-2012, 06:20 PM

اكتب التعبير الوظيفى
وبعد ما تخلصه تعمل خط زى السكر كده :d
وتكتب عنوان الموضوع اللى هتختاره
وبعدين الافكار
هتلاقى الصفحة خلصت :d
وبعدين تكتب موضوع التعبير وتسيب سطر وتكتب صفحتين
لان اساسا مفيش وقت للتعبير عشان تكتب كتير

ربنا معاك ومعانا ياااااااارب :)

جهاد14

21-05-2012, 10:54 PM

بس مش احسن يكون التعبير التوظيفي في صفحة وراس الموضوع وتحتيه العناصر في صفحة والموضوع في صفحة

amothman123

22-05-2012, 12:00 AM

العنوان

الأفكار أو الفكر :

1
2
3
4
5
6
7
8

الموضوع

-----------------------------------------------------------------------------
-----------------------------------------------------------------------------------
----------------------------------------------------------------------

-----------------------------------------------
-------------------------------------------------------
-------------------------------------------------------
---------------------------------------------------

بالظبط كدة بالمنظر دة

العناصر الثابتة لكتابة أى موضوع تعبير من الآخر !!
1 - تعريف الموضوع .. تعريف اجتهادى ممكن تاخده حتى من رأس السؤال و هاتلاقى نفسك كتبت عادى
يعنى مثلاً .. الحرية هى تمتع الإنسان بكامل حقوقه كاملة و يحيي حياة كريمة بلا رق أو استعباد أو جور أو ظلم لحقوقه ليسعى بجد لتأدية دوره على ألا يؤذى غيره من أفراد المجتمع .. إلخ

2 - الخصائص و الأنواع و الصفات
يعنى مثلاً حرية دينية .. صحفية .. فكرية .. اختيار العمل .. اختيار موضوع الدراسة .. إلخ
صفات الحر .. إنسان يتمتع بحقوقه حريص على كريم معتز بشخصيته لا يستغل حريته فى إيذاء الآخرين .. كتير

3 - أثر الحرية على الفرد
يتمتع الفرد بكامل الحقوق مما يدفعه للعمل و الإنتاج و رفع المجتمع لأعلى المنازل و يتخلص الشباب مما يواجه من مشكلات و عوائق كالبطالة و الجريمة و غيرها

4 - أثر الحرية على المجتمع
طبعاً يتقدم المجتمع فى ظل تعاون أفراده و تمتعهم بالحرية و ينجح المجتمع فى توفير كافة احتياجات المواطنين و يصبح قدوة لغيره من المجتمعات .. إلخ

5 - دور الفرد فى الرقى بالحرية
نشر اللافتات الداعية للحرية و نبذ الظلم و رفع القيود عن المواطنين و عن الصحافة بأنواعها و اتاحة الفرصة للتفكير و حرية اتخاذ القرارات و عدم استخدام الحرية فيما لا يضر .. إلخ

6 - دور الدولة فى الرقى بالحرية
و تشمل المؤسسات المختلفة و أهمهم على الإطلاق
الإعلام : البرامج و الحوارات مع الخبراء و غيرهم لنشر الوعى بين المواطنين و تعريفهم بالحرية فالإعلام هو المسئول الرئيسى عن نشر الوعى فى أى اختصاص
الشرطة : الضرب على أيدى العابثين و المفسدين و صد أخطار الإرهاب و غيره مما يهدد الحرية
الخارجية : الدفاع عن حرية البلاد و استقلالها ضد مختلف أنواع الاستعمار
رجال الدين : إرشاد الناس لطريق الحق و الحرية و العدالة استناداً على القرآن الكريم و السنة النبوية
الرياضة : إقامة مباريات رياضية يتم تخصيص إيرادها لأعمال خيرية تهدف لنشر الحرية
المدارس : تعليم الطلاب مفهوم الحرية و ما تتطلبه من حقوق و عدم استخدامها فيما لا يضر فطلاب اليوم هم قادة الغد و مفتاح المستقبل ولن تنتشر الحرية فى البلاد سوى بأيديهم فى المستقبل

7 - الصورة المثالية
إذا تم تطبيق الحرية سينهض المجتمع من صمته و يعلن حريته و استقلاله و يأخذ الخطوة الاولى فى طريق النهضة و التقدم و يحتل مكانة سامية بين دول العالم العظمى و يتمتع أفراده بالحرية و العدالة و السعادة و الاستقرار فيتفرغ الأفراد للعمل و الإنتاج

8 - الحرية مطلب دينى و أدبى .. سطرين أو ثلاثة لتلخيص فكرة الموضوع

------------------
مهم :

1 - استخدام الصور البلاغية و المحسنات البديعية
الشباب التائه فى متاهة البطالة
صد رياح الإرهاب
الحفاظ على كنز الحرية

2- استخدام الأساليب النحوية كالمدح و الذم و الإغراء و التحذير و الاختصاص و القسم و التعجب
نعم رجل الدين من ينشر الهداية و الإرشاد
بئس الفرد من يستخدم الحرية ليؤذى الآخرين
الحرية الحرية يا أبناء الأمة
إياكم و الخضوع للذل
نحن - أبناء الأمة - نحمل على عاتقنا نشر الحرية
تالله لننشرن الحرية فى المجتمع
ما أروع الحرية !

3 - استخدام بعض الإساليب الإنشائية
فيا أبناء الأمة ، حافظوا على حريتكم و لا ترضخوا للذل و الاستعمال

4 - الاستشهاد من القرآن الكريم و الحديث الشريف و إن أمكن الشعر
على أن يكون الاستشهاد فى سطر منفصل كالآتى :

يقول الله تعالى :

( ظهر الفساد فى البر و البحر بما كسبت أيدى الناس ليذيقهم بعض الذى عملوا لعلهم يرجعون )

و بيت الشعر فى سطر واحد إلا لو كبير يتكتب فوق بعضه زى السلم ( موجودة فى بعض الكتب و المواقع

مثال فى الحرية أبو القااسم الشابى أبيات بالجملة

هكذا خلقك الله يا بن الوجود .. و ألقتك فى الكون هذى الحياة
فمالك ترضى بذل القيود .. و تحنى لمن كبلوك الجباه
إذا الشعب يوماً أراد الحياة .. فلابد أن يستجيب القدر
و لابد لليل أن ينجلى .. ولابد للقيد أن ينكسر

و توزيعهم فى أماكن مختلفة على الموضوع

5 - تشكيل أواخر الكلمات كوضع فتحة و كسرة و ضمة على آخر حرف حسب موقعها من الإعراب و هذا يعطى الموضوع منظر جمالى كما إنه يساهم فى علاج الأخطاء النحوية لأن دة معناه إعراب الموضوع بالكامل
و إذا كان هناك كلمة صعب إعرابها يفضل تركها كما هى

6 - ممنوع الشطب .. لو حصل يبقى الكلمة تتحط بين قوسين و يتشد خط مائل واحد عليها .. و كدة يبقى شكلها نظيف و ممكن مايخدش باله منها و هو بيصحح

و أخيراً و ليس آخراً طبعاً نسبة تقفيل التعبير ماتجيش 1 %
على الرغم من أنى فى الدروس جبت 10 مرتين أو تلاتة فى التعبير
إنما فى آخر السنة لاعتبارات أخرى استحالة
لأن أكثر ورق بيخافوا منه
الناجح أوى
و الساقط أوى
علشان كدة أقصى حاجة غالباً 9 و نصف
لاحظى انك لو جبتى الـ 50 على باقى الامتحان
و 9 و نصف فى التعبير
يبقى 59.5 أعلى درجة فى العربى
هاييجى يقسم مش هايعرف يقسم .. هايدى الـ 30
ياما هايلعب لعبة خبيثة و يرفع النص و يبقى 29.5
بس غالباً يعنى .. 30 بإذن الله .. بس دة طالب كل مليون طالب طبعاً

و بالتوفيق

Aya Mn Allah ♥

22-05-2012, 02:02 PM

amothman123 (http://www.thanwya.com/vb/member.php?u=577943) :::: انتا كده جبت المفيد :)
مع انى مش قريت ده كله بس شكلك جايب المفيد :D :D