الانقلاب قادم [الأرشيف] - بوابة الثانوية العامة المصرية

الأستاذ أحمد راشد

25-05-2012, 11:20 AM

بعد هذه النتيجة

مرسى اول

شفيق ثان

اتصور وممكن أكون مخطئ فى هذا التصور

فى الاعادة

تتجمع كل القوى

الاخوان وبعض الثوار

من اعطوا شفيق وعمرو موسى وكل من يكره الاخوان

يفوز شفيق

ينزل الاخوان الى الميدان

ويدعمهم بعض الثوار

تعم الفوضى

يعلن الجيش انقلابا عسكريا

وأخذ السلطة

دون تحرج من وعود

ودم شهداء

محدش يقول انى مش مركز من وهل الصدمة او انى مانمتش

تأمل نظرات ممدوح شاهين فى مجلس الشعب
وانت تعرف ان الكرسى

له بريق من الصعب تركه

محمود الفرماوي

25-05-2012, 11:41 AM

الاستاذ عوض على

25-05-2012, 11:47 AM

لا حول ولا قوة إلا بالله العلى العظيم

الأستاذ أحمد راشد

25-05-2012, 11:50 AM

يا سيدي انقلاب ايه الجيش عاوز يسيب السلطة أمس قبل اليوم
و عاوز يتخلص من السلطة دية و يرجع لمكانه
النتيجة جاية من الصندوق معها أو ضدها علينا احترامها
و بعدين حضرتك لاحظ ان الأصوات تم تفتيتها بين مرسي و أبو الفتوح و العوا و مع ذلك حصل علي المركز الأول فتخيل الاعادة مع اني ضد الاخوان إلا أني هحترم النتيجة

فرماوى
اقرأ كلامى تانى
ده مجرد تصور

انت متخيل ان الاخوان هيسكتوا

على فكرة انا لن اعطى صوتى لمرسى

لو نزل لواحده فى الانتخابات

انا بفكر انى اكون سلبى وما اشارك فى الاعادة

وياريت تقولى تصورك لو شفيق فاز الاخوان هيعملوا ايه

فكر بعقلهم مش بعقلك علشان تعرف توصل

الأستاذة / أم أمل

25-05-2012, 12:02 PM

سيدى الفاضل

ايا كان اللى هيجى البلد مش ناقصة

طالما ان الأنتخابات لم تزور ودى ارادة الشعب

فلابد أن تحترم

سواء محمد مرسى أو شفيق أو غيره

حضرتك عامل سيناريو متشائم

جهاد2000

25-05-2012, 12:15 PM

نبض || كلنا ضد الفلول || أ. ماجد مسلم المنسق العام لمبادرة فاتحون وأحد أعضاء حملة ابوالفتوح : لو كنت حزين على خسارة ابوالفتوح فمصر احب الي من ابوالفتوح. ولن اتركها لشفيق إن شاء الله .
http://forums.way2allah.com/images/statusicon/wol_error.gifهذه الصورة مصغرة إضغط هنا لعرضها بحجمها الطبيعي .https://fbcdn-sphotos-a.akamaihd.net/hphotos-ak-ash3/522848_338126862922252_194123677322572_798458_3006 80893_n.jpg

محمود الفرماوي

25-05-2012, 01:06 PM

فرماوى

اقرأ كلامى تانى
ده مجرد تصور

انت متخيل ان الاخوان هيسكتوا

على فكرة انا لن اعطى صوتى لمرسى

لو نزل لواحده فى الانتخابات

انا بفكر انى اكون سلبى وما اشارك فى الاعادة

وياريت تقولى تصورك لو شفيق فاز الاخوان هيعملوا ايه

فكر بعقلهم مش بعقلك علشان تعرف توصل

أعلم أنه تصور و فقط و لكن تصوري لو شفيق اللي فاز الاخوان يعملو اللي يعملوه كده بيشوهوا صورتهم أكثر و هما اللي عملوا في نفسهم كده و في المصريين
هم اللي ركبوا الثورة و فضلوا يقولوا كاني و ماني و هم اللي قالوا مش هنرشح حد و بعدين ينزلو تخيل انت لو ماكانش فيه مرشح من الاخوان النتيجة كانت هتبقي ازاي
و هم أيضا بتصرفاتهم خلوا الناس تنتخب شفيق
و بعدين أبسط حاجة هتتقال لهم لازم تحترموا رأي الشعب و مش هيقدروا يعملوا حاجة و انت شفت اللي حصل في وزارة الدفاع
و أنا عن نفسي ان شاء الله هنتخب في الاعادة شفيق لإن لازم يبقي واحد من الإثنين
عصر مبارك انتهي حتي لو شفيق نجح شوف شفيق مسك الوزارة امتي يعني مادخلش في السياسة قبل كدة و لا مسك وزارة طول فترة رئاسة مبارك
أما بقي لو الاخوان اللي نجحوا فحزب الحرية هيبقي أسوأ من الحزب الوطني أنا أنظر للمستقبل و لا أنظر الي الماضي
اذا كان واحد من الاثنين هفضل شفيق

محمود الفرماوي

25-05-2012, 01:21 PM

الكل محسسني ان مصر غنيمة اللي هيجي يفكر هيعمل ايه لمصر و ازاي يعدي بيها من المرحلة اللي احنا فيها مش جاي يصفي حسابات و لو بجد 13 مرشح همهم في المقام الأول مصلحة مصر كانوا فكروا كويس و حد اتنازل للثاني بدل من تفتيت الأصوات

صوت الامة

25-05-2012, 01:41 PM

يا ساتر اية يا استاذنا دة
"يا اخى بشرو ولا تنفرو "
"وتفائلو بالخير تجدوة "
انا كرهت نفسى من الموضوع دة :(

aymaan noor

25-05-2012, 01:43 PM

سيدى الفاضل

ايا كان اللى هيجى البلد مش ناقصة

طالما ان الأنتخابات لم تزور ودى ارادة الشعب

فلابد أن تحترم

سواء محمد مرسى أو شفيق أو غيره

حضرتك عامل سيناريو متشائم

أتفق مع رأى الأستاذة أم أمل ، لابد أن نعتاد الديموقراطية ونتتقبل اختيار الشعب
فبعد الختيار الديموقراطى حان وقت العمل ، فلايمكن أن تعيش الدولة فى ثورة و مظاهرات الى الابد
جزاك الله خيرا وبارك الله فيك

الأستاذ أحمد راشد

25-05-2012, 01:52 PM

يا جماعة الخير

انا قولت تصورى المتشائم

كل حد يذكر تصوره

وانا اتصور

ان تكون الاعادة بين

3 مرشحين مش 2

النتائج لم تحسم يعد

حنان محمد ابراهيم

25-05-2012, 05:22 PM

لا حول ولا قوة الا بالله

جهاد2000

25-05-2012, 07:50 PM

نجاح شفيق فى إنتخابات الرئاسة معناه عودة مبارك وجمال مبارك

وبعد أربع سنوات ويمكن أقل نرى جمال مبارك مرشح لرئاسة

الجمهورية كل ذلك خوفاً من الإخوان ونظام حكمنا عليه دون أن نراه

المصرى إما أن يكون فلول وإما أن يكون مصرى وينسى أن محمد

مرسى إخوان ويتعامل معه على أنه مرشح شعبى ثورى حتى لا

تكون ثورة 25 يناير أضحوكة العالم كله .

وأرجو من كل الرافضين لمرسى أن يتذكروا جرائم النظام السابق

وتخيلو ماذا سوف يحدث لو عاد النظام السابق مرى أخرى أقسم

بالله العظيم سيعود للحكم وبشراسة لم يسبق لها مثيل

أرجو من كل مصرى مخلص محب لوطنه أن يضع مصر نصب أعينة وأن

يترك خلافته مع الأخرين جانباً فمصر أكبر من أى خلافات واختر

لنفسك أما أن تكون ثورى أو أن تكون فل من الفلول

الراغبين فى عودة النظام السابق .

اللهم ولى علينا من يصلح ولا تولى علينا من يفسد .

abdorajb

25-05-2012, 08:39 PM

:rolleyes:"العبيد هم الذين يهربون من الحرية،
فإذا طردهم سيد بحثوا عن سيد آخر،
ﻷن في نفوسهم حاجة ملحة إلى
العبودية ﻷن لهم حاسة سادسة أو
سابعة.. حاسة الذل.. ﻻبد لهم من إروائها،
فإذا لم يستعبدهم أحد، أحست نفوسهم
بالظمأ إلى اﻻستعباد، وتراموا على
اﻻعتاب يتمسحون بها، وﻻ ينتظرون حتى
اﻻشارة من إصبع السيد ليخروا له
ساجدين.
إنهم ﻻ يدركون بواعث اﻷحرار للتحرر،
فيحسبون التحرر تمردا، واﻻستعﻼء
شذوذاً، والعزة جريمة، ومن ثم يصبون
نقمتهم الجامحة على اﻷحرار المعتزين،
الذين ﻻ يسيرون في قافلة الرقيق."

الأستاذ أحمد راشد

05-06-2012, 03:52 PM

حينما كتبت هذا الموضوع اتهمنى البعض بانى متشائم

اقولها لكم الان

ان وصل الامر الى الانقلاب العسكرى وحسب يكون لطفا من الله

حمى الله مصر

Khaled Soliman

05-06-2012, 04:07 PM

الإنقلاب العسكرى قد حدث بالفعل منذ يوم التنحى ولكنه كان إنقلاباً ناعماً وكل ما يحدث من يومها وحتى الأن هى مجرد خطوات ستصل بالنهاية لحكم عسكرى مرة أخرى

الأستاذ أحمد راشد

15-06-2012, 02:15 PM

بعد موضوع القبضية القضائية للعسكر

ال احنا ما نعرف اشكالهم

يعنى ممكن تكون واقف بتتكلم عادى جدا مع واحد صاحبك

تلاقى واحد واقف جانبك معجب بكلامك فانت تتمادى فى الشرح والتوبيخ للعسكرى وان ده انقلاب عسكرى لا يحق فى مصر

لان شعبها اعظم وانبل

وتروح على المشير بكام كلمة

تلاقى نفسك فى السجن الحربى

التهمة جاهزة ما تقلقش

سب وقذف رموز البلد العظماء

وكمان العمل على قلب نظام الحكم المدنى

وسلملى على الترماى

ههههههههههههههههههه

شر البلية

ام رهف

15-06-2012, 05:07 PM

الأستاذ أحمد راشد

15-06-2012, 05:26 PM

تمام استاذ احمد
بس السؤال
لسة مقااااطع بعد ده كله ؟؟؟؟؟

أقاطع

يعنى ايه الكلمة دى

صلة الرحم واجبة

هههههههههههه

ام رهف

15-06-2012, 10:09 PM

أقاطع

يعنى ايه الكلمة دى

صلة الرحم واجبة

هههههههههههه

اضحك الله سنك
بس في الحالة اللي وصلنا لها دي
اعتقد بقت فرض عين

الأستاذ أحمد راشد

15-06-2012, 11:25 PM

اضحك الله سنك
بس في الحالة اللي وصلنا لها دي
اعتقد بقت فرض عين

هههههههههههههه

انا شافعى المذهب

والشافعية لا تفرق بين

الفرض والواجب

اما من فرق بين

الفرض والواجب

فهو ابو حنيفة

ربنا يسترها

وسأنتخب هذه المرة عن قناعة ان من انتخبه لا يصلح بالمرة

ولكن

...................

بعد فوزه ان شاء الله

سأكون اول المعارضين له

بس يفوز وبعدين تفرج

ههههههههههههههههه

ام رهف

16-06-2012, 01:16 AM

هههههههههههههه

انا شافعى المذهب

والشافعية لا تفرق بين

الفرض والواجب

اما من فرق بين

الفرض والواجب

فهو ابو حنيفة

ربنا يسترها

وسأنتخب هذه المرة عن قناعة ان من انتخبه لا يصلح بالمرة

ولكن

...................

بعد فوزه ان شاء الله

سأكون اول المعارضين له

بس يفوز وبعدين تفرج

ههههههههههههههههه

تقبل خااااااالص تحياتي على هذه الروح الطيبة
وربنا يطمنا على مصرنا الحبيبة

الأستاذ أحمد راشد

16-06-2012, 03:02 AM

تقبل خااااااالص تحياتي على هذه الروح الطيبة
وربنا يطمنا على مصرنا الحبيبة

اشكرك

وجزاكى الله خيرا

الأستاذ أحمد راشد

16-06-2012, 06:59 AM

السلام عليكم

مش عارف ليه جاى فى دماغى

مثل هو ممكن يكون غريب

بس قولت اقوله ليكم

وربنا يخلف الظن

الحق والباطل كانا فى الطريق ذاهبان من بلدة الى بلدة

وكان معهم حمار ـ اعزكم الله ـ

فتفق الحق مع الباطل

على ان يركب الحق الحمار ساعة

وينزل

ويركب الباطل الحمار ساعة

وينزل

ركب الحق فى الساعة الاولى وبعد انتهاء الساعة

نزل الحق

وركب الباطل ولما انتهت رفض النزول

فقال له الحق انزل

فقال الباطل لا

بل نسأل الناس ـ استفتاء ـ

فكان السؤال

مين يمشى

الحق ولا الباطل

الناس تقول

الحق يمشى

يارب الرسالة تكون وصلت

اشكركم

الأستاذ أحمد راشد

17-06-2012, 08:34 PM

هو ده حالنا

https://fbcdn-sphotos-a.akamaihd.net/hphotos-ak-ash4/380325_461499373860652_289139896_n.jpg

د.عبدالله محمود

17-06-2012, 10:13 PM

انقلاب ناعم بدأ .. الكرسى من النوع الممتاز
والدستور سيحتوى للعسكرى مزايا عظيمة
أتمنى والله أن يخيب ظنى ويفشل توقعى

الاستاذ محمد سرور

17-06-2012, 11:40 PM

انا اول مرة اشوف الموضوع دة واتفق معك فى كلامك
ومن اول يوم فى التنحى وانا اقول ان المجلس العسكرى يتبع نفس نوذج 52 بتاع عبد الناصر فى الحصول على الحكم ...ولكن مع تطور بسيط لاختلاف العصر
فالمجلس العسكرى لو كان مع الثورة فلماذا لم يقم بها من زمان وحده دون الشعب
ولكنه اختار التخلى عن مبارك مقابل ابقاء النظام
وللنتظر حتى اخر يونيو لنرى هل سيسلم السلطة ولمن سيسلمها وكيف سيسلمها
وابقى اشوفك بعد الاعلان الدستورى المكمل اللى بيتظبط دلوقتى

marwasamy

18-06-2012, 12:32 AM

خليكوا ورا شعارات وهتفوقوا ان شاء الله لما تقسم البلد الى 4 مناطق او تاخذ قناة السويس لقطر ومن ثم تعطيها قطر لامريكا واسرائيل وبالمرة بقى ستكون مصر قاعدة عسكرية لفلسطين علشان شوية كلام مش فاهمينة انا فعلا باستغرب ما شوفتوش دول عملوا اية فى مجلس الشعب وزالله كان بيتعيالى ان الواد محروس ماسك المقص وقص الشريط وقعد على الكرسى ولمم اهل البلد ومشاجرات واتهامات وكادوا ان يولعوا البلد انا متاسفة للعصبية دى بس فعلا ربنا يكرم البلد والحمد لله كل حاجة فى ايد المجلس العسكرى يعنى حتى لو مرسى كسب كبيرة هيقعد على كرسى

الأستاذ أحمد راشد

18-06-2012, 01:29 AM

سننتصر باذن الله

https://fbcdn-sphotos-a.akamaihd.net/hphotos-ak-ash4/318285_431052046944665_1418776652_n.jpg

Nabila

18-06-2012, 01:38 AM

الأستاذ أحمد راشد
تنبؤ فى محلة .........ودة الى هيحصل ... مش علشان الاستقرار لانهم المجلس خايف يتحاكم واى واحد خايف على او مش خايف ياروح ما بعدك روح ... مفيش رئيس هيحكم هما الى هيحكموا زى رومانيا

الأستاذ أحمد راشد

23-06-2012, 06:55 PM

الأستاذ أحمد راشد

23-06-2012, 06:56 PM