بسم الله الرحمن الرحيم
الحمد لله والشكر لله
ان انعم علينا بنسمات الديمقراطية
والصلاة والسلام على خاتم رسول الانسانية
............... وبعد .........................
__________________________________________________ __
حوار مع حبايبى الاطفال انقله لحضراتكم بدون رتوش وبصدق
__________________________________________________ __
بدون مقدمات علاء يسألنى سؤال برىء
علاء : ليه يا عمو الأطفال اللى زى مش لهم صوت زيكم ؟؟
انا عاوز انتخب رئيس الجمهورية ؟؟
انا : لو لك صوت يا علا هتنتخب مين ؟؟
علاء : أنتخب أحمد شفيق
أنا : ليه يا علاء .؟
علاء : يا عمو أحمد شفيق بدله مظبوطة وكرفتته
وبيلمع جزمته ، وانا كمان مش بأحب محمد مرسى .
اقتربت من اصدقاء علاء المغرقين فى اللعب
وشدنى فضول ان اعرف رغبتهم ورأيهم فى اختيار الرئيس
فأجمعوا ان لديهم الرغبة فى ان يكون لهم صوت انتخابى وينتخبوا الرئيس
فاقتربت منهم اكثر وسألت كل واحد منهم لو لك صوت هتنتخب مين ؟
محمد : انا انتخب محمد مرسى لانى مش باحب شفيق ومن الفلول .
مصطفى : انا انتخب حمدين صباحى وفى امل انه يدخل الاعادة لسه
ولو مدخلتش الاعادة مش هانتخب حد .
طارق : انا انتخب ابو الفتوح وطالما مدخلش الاعادة هانتخب شفيق
سعد : انا انتخب شفيق لانه رجل مثقف وبيعرف يتكلم
عمرو : ابدى عدم الاهتمام ولم يجاوب واشار لى بيده ان اذهب بعيدا عنه .
للحديث بقية ، والبقية لديكم
دمتم بخير

فعلاً الأطفال أصبح لديهم شغف بالمعرفة السياسية والإشتراك فى التصويت ويتمنون لو هم كبار ولهم الحق فى التصويت ...

ولكن لابد من توجيههم واعطائهم الفرصة لإبداء الرأى ولنبدأ بالبيت وإكسابهم مهارة الإختيار ( الملبس , الطعام , اختيار الأصدقاء , القصص .....).



http://up.msha3ry.com/uploads/msha3ry133236393910.gif

sahar2012
شكرا لحضرتك
وللاضافة الجميلة للموضوع
وجزاكم الله كل الخير.