السلام عليكم انا شغاله مدرسه بمحافظه المنيا بالعقد الشامل دفعه 2009 وعايزة انقل لمصر او اعمل اتنداب فممكن حد يساعدنى ويعرفنى هينفع انقل او انتدب فياريت لو سمحتو اى حد شغال مدرس فى مصر يعرفنى الاخبار فلا الادارة لانى مش عارفه اوصل لاىحاجه فى مصر فارجوكم ساعدونى وشكرا لكم

المهم يكون فى عقد زواج او تغيير محل الاقامة

وحضرتك اسالى فى ادارتك هيعرفوكى تعملى ايه

حضرتك ادارة ايه

انا ادارة بنى مزار ونفسى اتنقل مصر لانى متجوزة هناك
وانا عقد مميز 1-7-2011
لوحضرتك تعرف الاجراءات ايه يا ريت تطلعنا عليها
مع العلم انى ممتحنتش الكادر
وسمعت انه مفيش نقل وممكن الندب بس بشرط
اجيب حد مكانى من مصر عاوز يتنقل هنا بنى مزار
ومش عارفة مدى صحة الكلام ده
ومفيش حد عارف حاجة فى الادارة
ياريت تفيدنا وجزاك الله كل خير

اللى اعرفه ان تجيبى موافقة من الادارة اللى عاوزة تتنقلى ليها الاول يعنى التوجيه يكون عنده عجز وبعد كده تكتبى الطلب وتمضيه من التوجيه والادارة عندك ومن التوجيه للادارة اللى انتى ريحاها وكمان من الموجه العام فى المديرية وتقدميه وربنا يكرم وتتنقلى

انا من ادارة ملوى وكنت بسال فى حاله انى معرفتش انقل او انتدب هل ينفع انى اقدم فى مصر من اول وجديد ولا لا ممكن تعرفونى وتساعدونى

السلام عليكم
انا كاتبه موضوع عن انى ينفع انقل لمصر او انتدب انا شغاله مدرسه بالعقد الشامل دفعه 2009 شغاله تبع ادارة ملوى وانا متزوجه فى القاهرة وعايزة اعرف هل ينفع انى اقدم فى مصر من اول وجديد ولا اعمل ايه ياريت بجد كل اللى شغال مدرس فى مصر يساعدنى ارجوكم انا تعبت انا بفكر اصلا انى اسيب الشغل الحكومى واشوف اى شغل تانى لانى خلاص تعبت نفسيا وكرهت الحكومه وشكرا لكم

السلام عليكم
ممكن اعرف ممكن اقدم بالحصه تانى ولا لا ممكن حد يساعدنى ارجوكم وشكرا لكم

الاستاذة الفاضلة
بالنسبة الى موضوع الندب او النقل من محافظة الى محافظة اخرى لازم تكونى على درجة مالية دائمة

الاخت الفاضلة
قانون العمل الجديد يحظر التعاقد على اى بند بعد شهر 2/2012 اى ان ادارة القاهرة لاتسطيع التعاقد معكى من جديد

انا برضو عندي نفس المشكله عايزه انقل محافظه تانيه وفي الاداره قالوي مينفعش لازم تكوني علي درجه ماليه وانتي عقد ملكيش لا نقل ولا ندب ولا اجازه بدون مرتب وانا مبقتش عارفه اعمل اني وتعبت قووووووووووووووووي