من فترة طرحت موضوع
وتم من خلال الرسائل الخاصة ابلاغى ان الموضوع تم حذفة
كما تم منحى انذار


مع انى مش شايف ان فيها حاجة


ملخص الموضوع
انى نزلت دعوة لطلبة المنتدى من الفيوم انهم يحضروا معايا حصص المراجعة النهائية مجانا وهياخدوا ملازم المراجعة النهائية مجانا

مش كده وبس انا اتكلمت عن نفسى يعنى عن مادة علم النفس والاجتماع بس بعد ما اقنعت المدرسين اصحابى وقولتلهم انها حاجة لوجه الله لقيت الموضوع اتحذف سكت بس من يومها وانا مش عارف لية الادارة حذفتة


انا بتكلم عن مبدأ أنا اعتبرونى واحد عادى وحب يساعد حد من اولادكم او اخواتكم هترفضوا لية انه يساعدهم



انا اقنعت مدرسين
اللغة العربية
والكيمياء
والفيزياء
بالاضافة لية انا فى علم النفس
وزميل تانى فى الفلسفة




الموضوع مش شكوى لكن انا عايز اعرف لية الموضوع اتحذف ولية ادارة المنتدى متشجعش المدرسين انهم يعملوا حاجة زى كده


مع العلم انى مذكرتش ارقام تليفونات او دعاية خاصة من اى نوع

كل اللى قولتة فى الموضوع انها هدية منى لطلبة المنتدى من الفيوم يعنى اى طالب من الفيوم ويحب يحضر مراجعات معايا انا تحت أمرة



يا ريت يا ادارة اعرف الاجابة اية المشكلة لما كل مدرس فى المنتدى يعرض الخدمة دى لاهل بلدة من المشاركين فى المنتدى



وانا اقسم بالله انى ما لية هدف من الموضوع الا مساعدة الطلاب فى المنتدى ولو اى طالب ربنا يسر وحضر معايا المراجعة وحس انى كنت بكذب علية منخلال الموضوع ده ييجى فى المنتدى هنا ويقول يا جماعة
أ/ احمد فاروق كذااااااااااااااااااااااااااااب



مشكورين على وقتكم الغالى

السلام عليكم ورحمة الله وبركاته
الادارة معك اخ احمد
اخى الفاضل انت فوق الشبهات ونكن لك كل حب واحترام
لاكن الموضوع بكل بساطة يوجد البعض للاسف يستخدم المنتدى للدعاية له شخصيا او للمنتدى الخاص بيه وكمان كنا نتمنى تواجد زملائك معنا لكى تعم الفائدة والمنفعة للجميع ولك الشكر والتقدير انك تعرض ماسهماتك فى مجموعات التقوية بالمجان جزاك الله كل خير وبعدين حضرتك تعرف من هو الذى حذف الموضوع من الرسالة التى وصلت الى حضرتك
الدافع الاساسى وارء هذا هو الخوف ان يستغل بعض ضعاف النفوس مساهمتك فى فعل الخير ويضحك على ابنائنا وبناتنا الطلبة هذا هو الاصل فى الموضوع ولا غير ذلك
شكرا اخى الفاضل على حرصك لتقديم الدعم للطلبة

اخى الفاضل شكرا على وقت حضرتك وردك
لكن حضرتك اللى حذفت الموضوع واديتنى الانذار
المشكلة ان الرسالة اللى جاتلى بتقول ان موضوعى مخالف للقوانين الخاصة بالمنتدى

انا مش مهم حذف الموضوع من عدمة بس انا كنت بقترح على الادارة من خلال الموضوع ده انها تشجع حاجة زى كده مش اكتر ولا اقل


عموما شكرا على وقت حضرتك وردك ولو ينفع ممكن انزل الموضوع تانى بس طبعا بعد موافقة الادارة

ويا ريت لو الادارة توافق يعمم الموضوع لكل المدرسين فى الموقع مش مدرسين الفيوم بس


اخوك احمد فاروق عبد المعبود
محافظة الفيوم

اخى الفاضل شكرا على وقت حضرتك وردك
لكن حضرتك اللى حذفت الموضوع واديتنى الانذار
المشكلة ان الرسالة اللى جاتلى بتقول ان موضوعى مخالف للقوانين الخاصة بالمنتدى

انا مش مهم حذف الموضوع من عدمة بس انا كنت بقترح على الادارة من خلال الموضوع ده انها تشجع حاجة زى كده مش اكتر ولا اقل


عموما شكرا على وقت حضرتك وردك ولو ينفع ممكن انزل الموضوع تانى بس طبعا بعد موافقة الادارة

ويا ريت لو الادارة توافق يعمم الموضوع لكل المدرسين فى الموقع مش مدرسين الفيوم بس


اخوك احمد فاروق عبد المعبود
محافظة الفيوم
اعلم اخى الفاضل والموضوع موجود بالمنتدى معنى انه اتحذف انه موجود فى مكان لا يستطيع الاعضاء الوصول له لاكن انا لا احذف حذف جزرى لانه ممكن ارجع له او ممكن اكون مخطأ فاتراجع عن قرارى لانى بشر قابل للوقوع فى خطأ او سوف فهم لاذلك سوف اعيد الموضوع مرة احرى واشوف على مهل واحكم على ما فعلت واذا اتضح انى مخطأ فسوف اعتذر لك فورا على حذف الموضوع والانذار لاكن كل ما فعلته والنية على الله الصالح العام من وجهه نظرى وخوفى على الاولاد والبنات من الضحك عليهم فقط وطبعا انت بعيد كل البعد عن هذا

فين كارفن ده فى الفيوم
كارفن فى منطقة مصطفى حسن فى الفيوم
العنوان 5 شارع حلمى المنقبادى خلف مكتبة مناهل مصطفى حسن

التليفون 6380974 - 016131725
الي المشتاقه الي الجنه كلنا كذالك ولكن الكلام وحده عزيزتي لا يكفي بل لابد من العلم والعمل بما نعمل وفقني الله واياكي
انا مستر شافي هاتفي رقم 0101045083 واي سؤال منطق فلسفه علم نفس علم اجتماع ما عليك الا ان تبلغني برساله قصيره

علي فكره مشاركات الاستاذ محمد فتحي جد رائعه


اخى الفاضل شوف الموضوع تحول الى ايه
اولا وضع عنوان مركز لمجموعات التقوية اصبح دعاية دى مجانية والاخرى غير مجانية الكل هيقول المعاملة بالمثل
وضع ارقام تليفونات خاصة وطلب رسائل خاصة حتى ولو من مدرس لا اعلم عنه اى شيء
الدعوه الى منتدى اخر مع العلم بانى اكن كل احترام وتقدير الى الاستاذ محمد فتحى
هل هذا يليق بالموضوع احكم بنفسك فقط
اتمنى ان تقدم الخدمة المجانية لجميع الطلبة بالغرفة الصوتية مع باقى الزملاء
لى طلب لا يرد اى عضو هذا نقاش بينى وبين الاخ الفاضل الاستاذ احمد فقط لا غير
وشكرا