دى قصه منقوله حقيقيه :

"ركبت التاكسي ...وركبت ورايا بنت مش محجبة ... السواق سألنا حتنتخبوا مين؟... فأنا سكتت وهي قالت:محمد مرسي ... قالها ::إزاي؟؟؟ إخوان؟؟؟؟ دى الاخوان كذا وكذا ...........وبدأ عشان ينتقد فقال أول جملة"أنا مسلم واسمي محمد"قامت البنت اللي أدام قاطعته:وأنا مسيحية واسمي ماريان !!! فسكت وبصلها باستغراب وقالها:طب دة شفيق قال إنه حيحط الإنجيل في المناهج أو حيلغي القرآن ... قامت ردت : اللي مايحترمش دينه إنهاردة عشان أديله صوتي ... بكرة يخرس صوتي عشان يفضل في الحكم... قالها : عندك حق وسكت !!! طبعا أنا كنت مستغربة أوي وهي بتتكلم وساكتة خاااااالص ..قامت قعدت هي تدافع وتقوله:لما كنيستي اتفجرت كان شفيق مع مبارك. والإخوان في المعتقل....ولما شهداء مننا ماتوا كان شفيق رئيس وزراء والإخوان في الميدان..تفتكر مهما كانت غلطات الإخوان ومهما عملوا يوم ما اختار حختار اللي قتلني وأسيب اللي اتقتل زيي؟؟..لما قالها: والله عشان كلمتك دي حنتخب مرسي .... كنت أنا بدأت أعيط من كلامها أصلا :)

ووأنا نازلة قولتلها ربنا يحميكي بجد :"

[QUOTE=ramymosa;4532080]دى قصه منقوله حقيقيه :

قامت ردت : اللي مايحترمش دينه إنهاردة عشان أديله صوتي ... بكرة يخرس صوتي عشان يفضل في الحكم...


احسنت من ليس له خيرا فى دينه فلا خير فيه اصلا

ياريت كل المسلمين اللى هينتخبوا شفيق يقرأوا الرساله...... رساله قاسيه جدا..... يا اللى هتنتخب شفيق شوف هتقول لربنا أيه لما يسألك أزاى أختارت واحد قال هيحذف كتابى من المناهج و مش هيحكم بشريعتى..... هل هتقوله يا رب أصل أنا أختارته عندا فى الأخوان عشان مش بحبهم.....تحياتى و شكرى للجميع

انا اولا مش مع شفيق
ثانيا موضوع الايات القرانية على ما اعتقد انه كان مقصود بيه الايات فى اللغة العربية
ثالثا هل المفروض اننا نجبر المسيحين على حفظ الايات القرانية ؟؟ هل هذا من الاسلام ؟؟
ياريت احد من الاخوة يرد عليا
وياريت كلامى يكون واضح انا بتكلم فى النقطة ديه بس مش بتكلم على شفيق لانى اصلا ارى ان دخوله من الاول كان خطا

انا اولا مش مع شفيق
ثانيا موضوع الايات القرانية على ما اعتقد انه كان مقصود بيه الايات فى اللغة العربية
ثالثا هل المفروض اننا نجبر المسيحين على حفظ الايات القرانية ؟؟ هل هذا من الاسلام ؟؟
ياريت احد من الاخوة يرد عليا
وياريت كلامى يكون واضح انا بتكلم فى النقطة ديه بس مش بتكلم على شفيق لانى اصلا ارى ان دخوله من الاول كان خطا
الاصل ألا يتم اجبار احد على حفظ الايات ولكن المعروف في اللغة العربية أن القرآن الكريم هو الحافظ لها وهو افضل من الشعر في البلاغة والنحو والاسلوب
فلماذا يتم حرمان الطلبة من مورد لغوي ثري

اللغة العربية هى لغة القرآن وليس فى تضمين كتب اللغة العربية نصوص قرآنية أى نوع من الإكراه بل إن معظم هذه النصوص تقع تحت بند الدراسة مع ان الدارسين الأجانب للغة العربية يتعمدون دراسة وحفظ كثير من اللنصوص القرآنية حتى يضمنوا إتقانهم لها

الإخوة النصاري لن يجدوا عدلا إلا في الشريعة الإسلامية .......وقصة القبطي مع ابن عمرو العاص اكبر دليل علي العدل في الشريعة الإسلامية

حلو الفيلم الهندى دة

لأ كلام جامد بس احنا مش مستنينها هيه تقولوا المفروض نكون عارفينه وحدنا ولا ايه؟؟؟؟؟؟؟؟؟؟؟

حلو الفيلم الهندى دة

فيلم هندي ايه حضرتك هنا ساحة للنقاش يعني يا تقول كلام مفيد يا متردش و تستهزأ

لدراسة اللغه العربيه يجب ان تعرف البلاغه والابداع والجمل والاثبات والتوكيد ولا يوجد هذا الافى القران

موضوع هايل ..
بس صدقنى هما الاثنين ؟؟؟
لغاية دلوقتى لم استقر على اى منهما
صعب أوى وان كنت ميال الى حد ما للدكتور مرسي

اللى محتار فى الانتخاب يقرأ هذة الورقة

محمد مرسي محمد مرسي
نعم نعم لمرسي
لا لا لا لا لأذناب البشر من النظام البائد