مشاهدة النسخة كاملة : علمونى وبعد أن علمونى إكتشفت انهم لم يعلمونى شيىءً
MohammeD el_SadaT 22-04-2008, 02:21 AM بسم الله الرحمن الرحيم
السلام عليكم ورحمه الله وبركاته
طبعاً الموضوع باين من عنوانه
" علمونى وبعد أن علمونى إكتشفت أنهم لم يعلمونى شيأً "
:mad:
الواحد من أول ما بيتولد بيتعلم إن الكذب ملوش رجلين والصدق هو اللى بينجى
" والطيبه والشرف والشجاعه والكرم والحب والعطف والعفو والسماح "
:D
هما الصفات اللى المفروض يكون الإنسان متحلى بيهم
لكن للأسف لما بيكبر ويبص حوليه ويعرف الدنيا ماشيه إزى بيعرف
إن الطيبه بتتفهم ضعف والشرف مبيأكلش عيش والجبن سيد الأخلاق والكرم يبقى عبط والحب معبقاش موجود غير فى الروايات والمسلسلات والعطف والعفو والسماح صفات الناس الخايبه اللى مش بتقدر تجيب حقها
:mad:
و
بيعرف إن الحياه ما هى إلا غابه البقاء فيها للأصلح والأقوى والضعيف فيها بيتسلخ وشه
وإن الزمن ماشى بمبدأ
معاك قرش تسوى قرش والرشوه والكوسه هى النظام :(
والصياعه والبلطجه وقله الأدب هى اللى بتاكل عيش مع خلق الله :(
يمكن أكون غلطان يمكن أكون ببص للجانب السىء بس
بس أنا فعلاً شايف الحياه كده
ده اللى إتعلمته بعد 19 سنه خدمه فى دنيا
:mad:
إن الحق ملوش مكان فيها
:mad::(
بس فى الآخر أرجع وأقول
لينا رب كبير
وده اللى مصبرنى على الحياه
عاشقـــ الانمى ـــة 22-04-2008, 02:29 AM ده اللى إتعلمته بعد 19 سنه خدمه فى دنيا
دا بس إل اتعلمته وعرفته
إل كبير عنك بيوم يعرف عنك بسنة بس الظاهر دلوقتى هيبقى العكس:p
هيه دنيا:D
الرهينه 22-04-2008, 02:38 AM بس فى الآخر أرجع وأقول
لينا رب كبير
وده اللى مصبرنى على الحياه
اها فعلا البقاء للاقوى والاصلح عشان كده الطيبه والصدق والاخلاص مالهمش مكان فيها
بس برده هرجع واقولك ماتبصش على النص الفاضى فى الكبايه وتتجاهل النص المليان
زى ما فى ناس وحشه فى ناس كويسه كتييييييييييييير
ميرسى يا محمد على الموضوع
عاشقـــ الانمى ـــة 22-04-2008, 02:48 AM اها فعلا البقاء للاقوى والاصلح عشان كده الطيبه والصدق والاخلاص مالهمش مكان فيها
بس برده هرجع واقولك ماتبصش على النص الفاضى فى الكبايه وتتجاهل النص المليان
زى ما فى ناس وحشه فى ناس كويسه كتييييييييييييير
ميرسى يا محمد على الموضوع
حسه إنى سمعن الكلام دا قبل كده النص الفاضى والنص المليانhttp://www.thanwya.com/vb/images/icons/icon10.gif
بس المشكلة إن الناس بتتغير للأوحش مش الأحلى
ودا إل مضايقنىhttp://www.thanwya.com/vb/images/icons/icon8.gif
zizo2_2 22-04-2008, 09:43 AM بص يا محمد ظروف الحياه السريعه الخاليه من المشاعر
و الحياه الجافه
حياه المصالح المشتركه
علشان كدة بيلاقوا فى الطيب ضالتهم علشان يستغلوه ويوصلوا على حسابه
بس دول مش القاعده
القاعده ان حسن الخلق هو حسن الخلق مهما كان كل اللى حواليه وحشين وفى الاخر لايصح الا الصحيح
اتقبل ان تكون إمعة اذا احسن الناس احسنت وان اساءوا أسأت
أخي محمد
بالنسبة لموضوعك يجب الا يكون كلامك موجه الى الصدق والطيبه والشرف والشجاعه والكرم والحب والعطف والعفو والسماح وإنما لابد أن يوجه لنا نحن كبشر
فنحن قد تعودنا على تقبيح كل ما هو جميل في هذه الحياة
تعودنا على ما يسمى بالفهلوة وتفتيح المخ والشطارة
وهذه المصطلحات الجديدة بمعتقداتنا الخاطئة قد جاءت لتمحوا ما يسمى بتلك الصفات التي وردت
جاءت لتضع كل الصفات الطيبة في موضع اتهام
نعيب زماننا والعيب فينـــــا ...وما لزماننا عيب سوانا
ونهجو ذا الزمان بغير ذنب ..... ولو نطق الزمان لهجانا
الزمن ليس مسئولا عن كل شي
شموخ مسلمة 22-04-2008, 09:43 AM فعلا يا محمد و الله الناس_اللى هما احنا_بقينا وحشين اوى
بس ساعات بقول طيب ما انا من الناس دول انا بقول كده و هما بيقولو كده و احنا اصلا الناس .نفسى اقدر احل اللغز ده؟؟؟؟؟؟؟؟؟؟
طبعا يا محمد انت اساسا مش مستنى حد يقولك موضوع جميل لانك معروف بمواضيعك المميزة
بس برده موضوع جميل
goda2 22-04-2008, 10:37 AM انا زيك كده يا محمد دائما انظر الى الحياه بالجانب الاسوء لانى لو نظرت للحياه
بنظرة الحلاوة وان الحياة عاوزة كدة يبقى عمرنا مهنغير حياتنا
انا بشوف الايام دى الاخ بيتشاكل مع اخوه علشان رغيف العيش
واحنا لسه فى البدايه وفعلا يا ما لسه هنعيش ونشوف
فى النهاية الحياة دى حقيرة والبقاء فعلا للاصلح ونفسى حياتنا تتغير بس اعتقد انها
امنية لا اكثر
Z A R D 22-04-2008, 10:59 AM و الله انا بحس انه ربع بس اللى مليان و تلات تربع فاضى
بس مهما تفشى الظلام يجب ان يكون هناك نور يضيئ هذا الظلام حتى و لو كان شرارة فقط
و قد قال رسول الله (ص):"الخير فى امتى الى يوم القيامة"
صدق رسول الله
روميو 22-04-2008, 11:42 AM يامحمد والله الحياة فيها الوحش والحلو بس فى الزمن ده الوحشين كتير اوى اصبحوا كالمرض لدرجة انك مابقتش تشوف اى حاجة حلوة بس الواحد بيتعامل مع الناس والحياة باخلاقه هو ومبادئه اللى هو اتعود واتربى عليها بس ده مايمنعش انه لازم الانسان يكون حريص من الناس ومن الحياة
( نعيب زماننا والعيب فينا وما لزماننا عيب سوانا )
البشر هو اللى بيخلوا الزمن وحش ولا حلو عن طريق تعاملاتهم مع بعض وايمانهم بالله
وموضوع جميل يامحمد
فعلا يا محمد و الله الناس_اللى هما احنا_بقينا وحشين اوى
بس ساعات بقول طيب ما انا من الناس دول انا بقول كده و هما بيقولو كده و احنا اصلا الناس .نفسى اقدر احل اللغز ده؟؟؟؟؟؟؟؟؟؟
فعلا يا ارق ملاك
دايما لما بفكر في الموضوع ده اوصل للغز ده
وبردو مش بقدر احله للاسف :(
موضوع جميل يا محمد
تقبل مروري
M I D O 22-04-2008, 12:06 PM والله يا صديقى العزيز بختلف معاك شوية ، لانى شايف ان مش كل الناس كدا والدنيا مش
ماشية كدا خالص !
احنا مش فى غابة فى قوانين وفى حالات فردية وكل حاجة بتتغير معادا الاخلاق والقيم والمبادىء .
postan algana 22-04-2008, 12:16 PM لاقلام ابتدت تبدع الله ينور
ممكن قلمك يقولي ايه رايه في
قلمي
اللي موجود هنا
http://www.thanwya.com/vb/showthread.php?t=42801
Sharp Nails 22-04-2008, 12:53 PM بسم الله الرحمن الرحيم
السلام عليكم ورحمه الله وبركاته
وعليكم السلام ورحمة الله وبركاته
طبعاً الموضوع باين من عنوانه
" علمونى وبعد أن علمونى إكتشفت أنهم لم يعلمونى شيأً "
:mad:
الواحد من أول ما بيتولد بيتعلم إن الكذب ملوش رجلين والصدق هو اللى بينجى
" والطيبه والشرف والشجاعه والكرم والحب والعطف والعفو والسماح "
:D
هما الصفات اللى المفروض يكون الإنسان متحلى بيهم
لكن للأسف لما بيكبر ويبص حوليه ويعرف الدنيا ماشيه إزى بيعرف
إن الطيبه بتتفهم ضعف
يشرفنى اكون ضعيفة
والشرف مبيأكلش عيش
يشرفنى اموت جعانة ولا اغش
والجبن سيد الأخلاق والكرم يبقى عبط
والحب معبقاش موجود غير فى الروايات والمسلسلات والعطف والعفو والسماح صفات الناس الخايبه اللى مش بتقدر تجيب حقها
يشرفنى اكون خيبة
:mad:
و
بيعرف إن الحياه ما هى إلا غابه البقاء فيها للأصلح والأقوى والضعيف فيها بيتسلخ وشه
يشرفنى اكون فريسة ولا اكون صياد
وإن الزمن ماشى بمبدأ
معاك قرش تسوى قرش والرشوه والكوسه هى النظام :(
والصياعه والبلطجه وقله الأدب هى اللى بتاكل عيش مع خلق الله :(
يمكن أكون غلطان يمكن أكون ببص للجانب السىء بس
يمكن؟؟؟؟؟
بس أنا فعلاً شايف الحياه كده
ده اللى إتعلمته بعد 19 سنه خدمه فى دنيا
:mad:
إن الحق ملوش مكان فيها
:mad::(
بس فى الآخر أرجع وأقول
لينا رب كبير
وده اللى مصبرنى على الحياه
المفروض كنا نقولها من الاول
من قبل الكلام دة كله
الى علمك علمك الصح
والدنيا كدة وهتفضل كدة واحنا كمان لازم نفضل كدة
ومش احنا الى نتخلى عن مبادئنا
لا هى الدنيا الى تتخلى عن مساوئها
تسمحلى اقول ان الموضوع مش عاجبنى
سورى
nothing 22-04-2008, 01:40 PM تسمحلى اقةلك انك متشائم لان اذا كانت هذه الصفات ملهاش داعى ماكنش الاسلام دعا ليها
بس الساير دلوقتى فى البلد ديه لاين امورك علشان تعرف تعيش بس انا ضد المبدا
وفعلا انت حق وشكرا ليك لاثارة موضوع زى ده
HaNa&SiFe 03-05-2008, 01:38 AM فعلا عندك حق
الصفات دية هى الى بقت ماشية اليومين دول
رربنا يحفظنا
بندق__2007 03-05-2008, 01:45 AM مش معنى ان السادات بيقول الصفات دى يبقى السادات بيقول ان الصح غلط و الغلط صح
هو مشكورا بينقل واقع محسوس و لا يمكن انكاره او الهروب منه و لكن بيوضح احنا وصلنا لفين فى أخلاقياتنا و مراجعاتنا الفكرية و طريقة تصرفنا و سلوكنا
يا ملك محمد زيك بالظبط و معظمنا زيك و انا اولهم
و لكن بالنيابة عن محمد قولت ما رأيته فى الموضوع الذى أعجبنى من المنطلق السابق ذكره
و لمحمد السادات طبعا رد أبلغ من ردى لأنه أقدر منى على استخدام الكلام المناسب فى الوضعية المناسبة
و لأنه أقدر منى فكريا لشرح وجهة نظر تبناها هو و وافقته شخصيا عليها
|