السلام عليكم

ارجوكم استحملونى لو الكتابة طولت شوية وساعدونى

انا ياجماعة فى بداية السنة زى كل الطلبة مكنتش بذاكر كويس
وكنت بغيب كتير من الدروس بس والله لظروف مرضية قاسية ويعلم الله انى حتى الان وانا بكتب لكم موضوعى دا بمر بظروف زى الزفت ومن دقايق بس واخد 5 حبوب عشان اقدر اقعد اذاكر شوية

المهم من كل ده

انا لما حسيت انى ضياع فى الفيزياء

جبت مدرس خاص يراجع معايا ,, راجع معايا الكهربية والحديثة والغازات والحرارة يعنى باقى الباب الاول بس ودا انا كويس فيه والحمد لله بإستثناء المناشير


المهم وبصراحة يعنى انا كنت يادوب بقرأ اللى المدرس دا كتبهولى وبصراحة بردو الراجل مسبش سؤال كل حاجة كتبها وشرح وعمل اللازم كله ,, لكن كل الى انا عملته بعديه انى قرأت بتركيز شوية

حتى المسائل للاسف نادراً ماكنت بحل بإيدى وكان لازم هو يجى يحل معايا


دلوقتى ياجماعة بفتح احل امتحانات ثانوية عام من كام يوم قعدت اعيط وحياة ربنا وحالتى مايعلم بيها الا اللى خلقنى

ربنا الهمنى ادخل اكتب هنا رغم انى مكتبتش هنا بقالى قرابة السنة

ارجوكم ساعدونى

المدرس لما بيجى ويحل معايا امتحانات بيأكد لى انى محتاج اقرأ بتركيز او بمعنى اصح اذاكر كويس الى هو كاتبهولى وبس لكن انا مش فى الضياع زى مانا متخيل

لكن اللى انا شايفه فى نفسى انى مش عارف بجد احل خالص فى الثانوية العامة

خلاص دخلنا 3 - 6 ,, ورسمياً لازم امسك العربى
بس ادامى 8 ايام قبل الفيزياء
انصحونى ارجوكم اعمل ايه فيهم واذاكر فيهم ازاى لإنى بجد هيجرالى حاجة من الموضوع ده

ان شاء الله خير وال8 ايام دول ان شاء الله يكونا احسن من شهرين مذاكرة توكل على الله واستعن بالله انا اكاد اكون مقارب لحالتك يعنى لسه محلتش امتحانات بس هحل فى ال10 ايام دول بتوع الفيزياء وخير ان شاء الله ولو عايز اى حاجة انا تحت امرك يا بطل وخلى عندك عزيمة كده وتوكل على ال خلقك

ربنا يطمنك ياحو

توكلت عليك يارب

حاول ماتقلقش نفسك بموضوع الفيزيا دلوقتى خليك الاول فى الامتحانات اللى قبل الفيزيا وزى ما محمود قالك الـ 8 ايام دول تاخد فيها الفيزيا كلهاااااا على ايامى كان قبل الفيزيا 4 ايام والحمدلله خلصت كلها على خيـــر انت ممكن تاخد اول وتان شابتر فى يوم وشابتر الحراره واول جزء من الكهربيه فـ يوم وباقى الكهربيه وجزء من شابتر 5 فـ يوم وتخلص باقى شابتر 5 فى رابع يوم كدا انت معاااك 4 ايام تحل فيهم امتحانات زى مانت عايز بس نصيحه اهم من حل الامتحانات المذاكره ذاكر الاول وبعد كدا حل
واذا احتجت اى حاجه انا تحت امرك انا ان شاء الله هخلص امتحاناتى يوم 12 وبعد كدا هكون على المنتدى ان شاء الله بشكل شبه متواصل

الف شكر ياكآبو بجد ربنا يطمنكم

بس السؤال
لما اذاكر , اذاكر من الى المدرس كاتبهولى بخط ايده ؟؟

ولا من مذكرة المدرس الى كنت عنده فى الاول؟؟؟


احياناً بيجيلى شعور ان فى حجات ناقصة من ايد المدرس الى كان كاتبهولى لكن لما بقوله كدا بيثبت لى ان الكلام دا غلط ونطلع نحل اسئلة وفعلاً بنلاقى كل حاجة كاتبها بخط ايده بس انا مقلق جداً ياجماعة وبقول اكيد مذكرة المدرس الاول احسن

بص انت عندك 8 ايام ونص قبل الفيزياء ونصيحة من واحد هيعمل اللى ببيقلهولك ويطبقه غلى نفسه انا هجيب فى اليوم ونص الاولنيين الكهربية كلها وحل مسائلها واليوم اللى بعده هجيب الحديثة وبعد كده كل وحدة يوم بس تذاكر كويس ويبقى معاك 3 ايام حل امتحانات ورببنا يوفقنا كلنا

الاجابة هنا...
http://www.thanwya.com/vb/showthread.php?t=430133

بص اول حاجه تعملها قبل ما تذاكر تمسك كتاب المدرسه
مثلا هذاكر اول شابتر
مجرد بس تاخد فكره عامه عنه
ودا بقراية كتاب المدرسه بس مش اكتر
قراية الشابتر مش هتاخد معاك ربع ساعه
بس هتعرفك الشابتر بيتكلم عن ايه
بعد كدا تمسك بقى الملزمه اللى بخط الاستاذ
اولا قراية الكتاب دى هتخليك تربط كل حاجه ببعض من قبل ما تذاكر وهتذاكر اسرع
وعلى فكره انا مش بقول كدا دى دراسات علماء النفس
وحاول تعمل كدا فى كل المواد قبل ما تبدأ تذاكر بجديه تقرا الاول الدرس اللى هتذاكرة بشكل عام

محمد
كيمو
كآبو


الف شكر ياشباب , وان شاء الله لما اخلص الانجليزى ليا عودة لكل الى قولتوه دا وربنا معايا بقى

حاول اهم حاجة انك ماتقلقش وفعلا زى ماكلو قال ال 8 ايام دول كافيين جدا
وانا رأيي انك تاخد كل وحدة فى يوم لوحدها وتحل عليها بحيث انك تخلص اول 5 ايام وبعد كدة هيتبقى 3 ايام تحل امتحانات كاملة بس اهم حاجة انك كل وحدة تذاكرها لوحدها لازم تحل عليها قبل ماتخش فى وحدة تانية عشان المعلومة تثبت وربنا يوفقك