النهارده مستحيل أبدا هنجري
ونستخبى في الجحور
أصل ليل الدنيا عتمة
والقيامة ليلها نور
مش هخبي إني عشت ..
سنين كتير بين الجحور
شعب نايم ..
ابن تايه ..
أب واقف في الطابور
في الميدان قلنا خلاص ..
مش هنتنازل يا طور
أصل طور الدنيا واقف ..
والحمير جوا القصور
والجمال جوا الميدان
أيوا أنا الصبر شيمتي
لما أعاشر كل دول
لما أتخرج بجهدي ..
ويقولولي أستني دور
لما نحتاجك هناخدك
قتلوا كل الصقور
حتى عين أحمد شرارة
ولا سالي ولا غيرهم مش هقول

النهارده مستحيل أبداً هنجري
ونستخبى في الجحور
لما كل الناس بتصرخ ..
مين يا ناس أدى الفلول
اللي صوت لما صوت ..
أدى حد إلا دول
محكمة وبكل حنكة ..
برأت أم الفلول
فين الدليل !!
الدليل الأم تبكي من عصور
الدليل رأس الشهيد اللي أتهرس ..
تحت الجمال ومدرعات حصن العجول
الدليل الدم يشهد والسجون
فككم من أني أقعد أو أسافر أو أثور
المهم إن النهاية تبقى إعدام الفلول
مش كراسي ودايرة واحدة ..
مين هيكسب ..
مين هيربح ..
والنهاية نهاية واحدة
دمي راح بين الدليل .. والكرسي .. وطلعت أنا مجنون
شعبي واعي ..
قبلي شاف التمثلية
والممثل جاي يكمل أحلى دور
النهاردة مستحيل أبداً هنجري
ونستخبى في الجحور






كلمات /
ღ.⎝Deyaa Elden Saeed Torab ⎠ . ღ

احم احم أنا بجد مش عارفة اقول ايه كلام راقي و جمييييييييييييييييييييييييييل بجد و ليا الشرف اني اول حد يرد
دام الابداع و ف انتظار الجديد

الجحور لأصحابها وعمر المصريين ماهيعيشوا فى الجحور طول مافيه فى بلدنا ثورة النظام الفاسد لازم يغور
سلمت يداك

ممتاااااااااااااااااز
بجد كلمات فعلا جميلة

رائع
هوا حضرتك بقالك كام سنة بتكتب شعر؟؟؟؟

ما اجمل الكلمات استاذى ..
رائعة جدا .. جزاكم الله خيرااااااااا

احم احم أنا بجد مش عارفة اقول ايه كلام راقي و جمييييييييييييييييييييييييييل بجد و ليا الشرف اني اول حد يرد
دام الابداع و ف انتظار الجديد


أشكرك على المرور العطر

لكِ مني أجمل وأرق تحياتي

الجحور لأصحابها وعمر المصريين ماهيعيشوا فى الجحور طول مافيه فى بلدنا ثورة النظام الفاسد لازم يغور
سلمت يداك


بإذن الله سينتصر المصريين
وستعتلي كلمة الحق

أشكرك أستاذة إلهام على المرور

تحياتي

رائعه تسلم ايدك

الأروع هو مرورك كلماتي

تحياتي

ممتاااااااااااااااااز
بجد كلمات فعلا جميلة

الأجمل هو مرورك
تحياتي

رائع
هوا حضرتك بقالك كام سنة بتكتب شعر؟؟؟؟


مش كتير يا نور
بداية كتابتي كانت في الثانوية العامة

وبدأت أهتم بالكتابة من 3 سنين بس



شكراً للمرور يا نور
تحياتي

ما اجمل الكلمات استاذى ..
رائعة جدا .. جزاكم الله خيرااااااااا

جزانا الله وإياكم

الأجمل ان أرى ردودك بين كلماتي

تحياتي

ما شاء الله تعبيراتك رائعة يا أستاذ ضياء

تقبل مرورى

جميلة جدا
جزاك الله كل خير
واستمر فى الكتابة

بالفصحى .. مبدع
بالعامية الراقية .. مبدع
فى الرومانتيكية .. مبدع
فى الوطنية .. مبدع
دائما مبدع وفى هذه القصيدة الرائعة
اختصرت القصة كلها فى ابياتك
ورسمت حدود التحدى
وحددت لغة الحوار معهم بكل وضوح
أعجبتنى كثيرا كلماتك ..
فين الدليل !!
الدليل الأم تبكي من عصور
الدليل رأس الشهيد اللي أتهرس ..
تحت الجمال ومدرعات حصن العجول
الدليل الدم يشهد والسجون
دمت لنا مبدعا ، وفى انتظار مزيدك

استاذنا الاستاذ ضياء رائع بجد جزاك الله خيراً تعبيرات نابضه
ربنا يخلصنا من هذه الفترة ونخرج من ذلك الجحر المظلم حيث النور والفجر المنتظر إن شاء الله
تقبل مروري المتواضع

ما شاء الله تعبيراتك رائعة يا أستاذ ضياء

تقبل مرورى

أشكرك جداً استاذة أم أمل

شكراً للمرور
وتحياتي

جميلة جدا
جزاك الله كل خير
واستمر فى الكتابة

الأجمل هو مرورك
وجزنا الله وإياكم


حاضر هستمر في الكتابة

بالفصحى .. مبدع
بالعامية الراقية .. مبدع
فى الرومانتيكية .. مبدع
فى الوطنية .. مبدع
دائما مبدع وفى هذه القصيدة الرائعة
اختصرت القصة كلها فى ابياتك
ورسمت حدود التحدى
وحددت لغة الحوار معهم بكل وضوح
أعجبتنى كثيرا كلماتك ..
فين الدليل !!
الدليل الأم تبكي من عصور
الدليل رأس الشهيد اللي أتهرس ..
تحت الجمال ومدرعات حصن العجول
الدليل الدم يشهد والسجون
دمت لنا مبدعا ، وفى انتظار مزيدك

أستاذي مرورك دائماً يسعدني
فقمة الإبداع أن تجعل من كتابتك مزيج في لغة الضاد
وأنتم مدرستنا التي نتعلم منها
والأجمل أن أرى مرورك بين كلماتي

شكراً لك
تقبل تحياتي

استاذنا الاستاذ ضياء رائع بجد جزاك الله خيراً تعبيرات نابضه
ربنا يخلصنا من هذه الفترة ونخرج من ذلك الجحر المظلم حيث النور والفجر المنتظر إن شاء الله
تقبل مروري المتواضع


مرورك يسعدني بكل الأنواع


بإذن الله سينتهي زمن الفلول قريباً

شكراً للمرور
تحياتي