انا داخل اولي ثانوي السنة اللي جاية فعايز نصائحكم بخصوص هل اختار فرنساوي ام الماني مع العلم اني من محافظة الاسماعلية احدي المحافظات التي يدرس فيها الفرنساوي في الاعدادي فارجو الا تبخلو علي بنصائحكم وشكرا

من راى تاخد المانى

الالمانى سهل و جميل .. و الحمد لله

ده من وجهة نظرى يعنى .. شوف انت حابب ايه اكتر و ادخله ..

بس لو انت واخد فرنساوى من الاعدادى .. يبقى حيكون سهل عليك فى الثانوى ان شاء الله

بص هى العملية عملة كدا
الفرنساوى اصعب من الالمانى
بس مدرسين الفرنساوى اكتر من الالمانى
بس طالما انت خدت فرناوى قبل كده ولو حتى اساسيات بس يبقى ادخل فرنساوى
بس ده لو انت لسه فاكر اللى انت خدته
لو مش فاكر ادخل المانى

بص يا صديقى انا رايح 2 ثانوي ان شاء الله
وكنت باخد فى اعدادى فرنساوي برضه بس اخترت فى اولى ثانوى المانى
عشان حاجتين
اولا انى مش بحب الفرنساوى
ثانيا انى مكنتش بذاكر فرنساوي ايام اعدادى فأخدت المانى

فإذا كنت بتذاكر فرنساوي كويس فى اعدادى وانت حابه خد فرنساوي ( بس منصحكش لانه اصعب من الالمانى وكدة كدة اللغات كلها بتبدأ معاك من الأول فى اولى ثانوى)
واذا كنت نص نص يعني او مش حابب الفرنساوي فأحسن حاجة تاخد المانى وما تقلقش انا اخد المانى وهو كويس وسهل الى حد ما وفيه ناس كتير بتقفله إن شاء الله بس ذاكره كويس من اولى

من الأخر خد المانى إلا لو كنت حابب اوى الفرنساوي مع ان الالمانى اسهل وبراحتك برضه :)
:d وربنا معاك

اشكركم جزيل الشكر علي نصائحكم وبالتوفيق لكم في الثانوية العامة ولاتنسوا التوكل علي الله وبلاش توتر