الثانوية العامة سنة واحدة ......! [الأرشيف] - بوابة الثانوية العامة المصرية

مشاهدة النسخة كاملة : الثانوية العامة سنة واحدة ......!

Mr.Optimistic

08-06-2012, 01:23 AM

بسم الله الرحمن الرحيم

أنا طالب داخل باذن الله ثانية ثانوي
وكنت مرتب حالي علي انها سنة مجموع
ولكن فوجئت قرب امتحانات اخر السنة ان الاخوان(في مجلس الشعب ) خلوا تانية ثانوي سنة نقل تحت ستار ****تخفيف الاعباء المادية علي الاسرة المصرية *****
اي بمعني اصح التخفيف من ظاهرة الدروس الخصوصية ..........
اذا كان طالب اولي اعدادي بياخد دروس في كل المواد حتي في الحاسب!!!!
رغم ان أولي اعدادي مش ثانوية عامة
وفيه طلبة في اولي ثانوي بتاخد دروس خصوصية وانا أقصد بالدروس الخصوصية هنا ان المدرس يروح للطالب البيت و الشهر بــــ 250:300 جنية
رغم ان اولي ثانوي مش ثانوية عامة .
وطبعا كل اللي موافق علي الموضوع ده بيقول ( حرقة دم سنة واحدة احسن من وجع الدماغ سنتين )
تب ممكن اسأل سؤال..... هل الطالب المتفوق بتفرق معاه حرقة دم سنة او سنتين ؟؟؟؟
رغم ان تعبير حرقة دم مبالغ فيه .
هل الطالب اللي عايز يبقي دكتور او مهندس بتفرق معاه سنتين ؟؟
لماذا (الطالب المتفوق )
لان المفروض يكونوا طليه الثانوي الفائقين
لان مصر عايزة الطلبة المتفوقين

ارجو الرد ومشاركتي الرأي

(( لؤلؤة الايمان ))

08-06-2012, 01:43 AM

انا من وجهة نظرى انها سنة واحدة احسن ليه لانها رقم واحد انت اوغيرك بتلاحظ ان انك فى ترم بتبذل طاقة ومجهود كبير وتيجى فى ترم تانى تلاقى نفسك مجهودك قل ممكن يكون ده ترم اول او تانى مش شرط
لكن لما طاقتك تتحط فى سنة واحدة كدة وتبذل كل مجهودك وتجيب درجة احسن يكون ده افضل اما بالنسبة للدروس وكدة والمصاريف فاكيد مش هتاخد فى كل المواد يعنى زى ثانوية عامة اقصد تالتة وهتكون المذاكرة فرش وعادى مش هتحس بتوتر وغير كدة المواد مقسومة يعنى هيكون عندنا فكرة قبل ماندخل تالتة يعنى بإذن الله احسن ده راى0000معلش طولت

Mr.Optimistic

08-06-2012, 02:23 AM

وجهات نظر لكني وليكن لقدر الله جبت مجموع مش تمام في تانية ممكن اعوضه في تالته
اما لو سنة واحدة ياصابت ياخابت

(( لؤلؤة الايمان ))

08-06-2012, 02:38 AM

ماشى مهو برده فى تانية يا صابت يا خابت بص انا هقول حاجة اى حاجة فى الدنيا فيها عيوب وميزات طب انت شوف حد جاب فى تانية 50 % مهما حاول يعوض مش هيعوض بس وهيحبط ولو عوض هيجيب كام 80% ماشى مقلتش انه نظام وحش سنتين بس انا بتكلم من وجهة نظرى انا عن نفسى من النوع ما يحبش الحفظ او بمعنى اصح مبعرفش احفظ فا الى عجبنى فى النظام انهم شالو المواد الادبية وكمان انى بحط طاقتى فى ترم اكتر من التانى وبزهق بسرعة علشان كدة رحبت بالفكرة وفعلا دى وجهات نظر0000

مستر/ احمد جابر

08-06-2012, 04:30 AM

وجهات نظر لكني وليكن لقدر الله جبت مجموع مش تمام في تانية ممكن اعوضه في تالته
اما لو سنة واحدة ياصابت ياخابت

لالالالالا

الموضوع افضل بكتير يا بنى الثانوية العامة اصبحت شغل مافيا انا مدرس وشايف حتى ان بعض المدرسين بيشتغلوا زى الاطباء اللى ممعهوش ميلزموش

تانية تبقى نقل افضل بكتير بدل الابتزاز الحاصل وكده افضل ليه؟

لو ركزت فى سنة واحدة افضل من اتنين وضياع اعصاب وسيبك من نظرية لو جبت فى تانية مجموع وحش احسنه فى تالتة ده كلام مش تمام لان اللى عايز يجتهد يجتهد فى اى مرحل وعلى اى شكل

اتمنى لك التوفيق

صوت العقل

09-06-2012, 12:19 PM

طبعا انها سنة واحدة افضل كتير ..والمتفوق بيكون متفوق دايما
سواء سنة او سنتين .. لكن الفكرة هنا ان ممكن يحصل العكس
حضرتك بتقول ان ممكن يحسن فى سنه تالتة لكن اللى بيحصل
ان بعض الطلبة بيبذلوا مجهود ومش يوفقوا فى الامتحان لسبب ما
وبالتالى بيكون محبط السنة اللى بعدها ومذكرته تحصيل حاصل فقط
ومش يقدر يحقق احلامه فى كلية بيحبها .. الافضل طبعا سنة واحدة
واهتمام وتركيز اكتر .. وربنا يوفق الجميع .. جزاكم الله خيراااااااااا

Mr.Optimistic

09-06-2012, 01:20 PM

شذى العطر

09-06-2012, 02:09 PM

سنة واحدة احسن
الواحد اول سنة شهادة ليه بيبقى ماشاء الله قوة في الهمة وبتخلص
لكن الانسان بردوه ليه حدود تلاقيه في السنة الجاية قوتة في المذاكرة قلت
انا اعرف ناس ومن اهلي جايبين في ثانية مجموع عالي اوي وفي ثالثة مجموع وحش ليه لانهم تعبوا جدا في السنة الاولى
وبعدين من قاللك انها نفس التكلفة
ممكن عند ناس كده لانهم كل المواد دروس لكن في ناس بردوه لا
يعني انا مثلا في ثانية ونجحت مخدتش درس غير في الفرنساوي وكنت عايزة انجليزي بس معرفتش
لكن في ثالثة هاخذ فرنساوي وانجليزي وتاريخ ونحو يعني المواد الصعبة خالص وبقية المواد لوحدي
التكلفة تفرق صح

E.P.A

12-06-2012, 12:38 PM

الجزء الحلو في انها سنة واحده انها هتتبقي علي كل الناس ومش عليا لوحدي
وفي كلتا الحالات هنرضي بالامر الواقع
بس أحب أقول كلمة ...........
""مش ده اللي هيحل مشكلة الدرووس الخصوصية ""
وربنا يوفقنا
هو كويس بس الاباء لما بيلاقوا السنه دى هى الشهاده زى قبل كده يخلو اللى كان مابياخدش دروس بياخد واللى بياخد بياخد كمان واحد ويقول هما سنتين وخلاص و انا اعرف ناس عملت كده كتير فهنا قللوها بس .

سلام سلام

12-06-2012, 04:54 PM

1-لايمكن لقانون يقررحياة اولادنا ان يصدر فى اربعه ايام 2- لايخفف اعباء الدروس لانها واقع يجب ان تتعامل معه لقدتربى اولادنا على الدروس منذ بداية دراستهم كما ذكرت انت

Mr.Optimistic

13-06-2012, 04:07 AM

1-لايمكن لقانون يقررحياة اولادنا ان يصدر فى اربعه ايام 2- لايخفف اعباء الدروس لانها واقع يجب ان تتعامل معه لقدتربى اولادنا على الدروس منذ بداية دراستهم كما ذكرت انت

ده اللي انا اقصده
بس خلاص الوزير طلع عالتليفزيون
وحسم الامر

منى عز

13-06-2012, 09:16 AM

Mr.Optimistic

13-06-2012, 12:16 PM

حرام كل مايطلع قانون نعتبره غلط تعرفوا ان فى ناس ولادها فى ثانوى ممعهاش حق رغيف العيش انا شايفه ان ده قانون صح مش معنا ان احنا اتربنا على الدروس الخصوصيه نفضل على هذا الغلط ولما حد يجى يغير الغلط نقول لا انا مع السنه الوحده لان احنا قدرين ندخل نت غرنا ممعهوش هما فى مجلس الشعب راعوا الناس الغلابه يعنى يحسب لصلحهم ولازم كلنا نتساوى فى التعليم

سواء سنة واحدة سواء سنتين كده كده الدروس الخصوصية شغالة
في تالتة اعدادي اللي مش ثانوية عامة كتير اوووي بياخدوا كل الدروس حتي الحاسب
والطلبة هما اللي بيطلبوا الدروس مش اولياء الامر
وبالتالي اولياء الامر مغصويبن انهم يوفروا مصاريف الدروس علشان ميقصروش في حق اولادهم
المشكلة مش في قانون ولا في سنة ولا سنتين ولا في مدرسين الخصوصي
المشكلة في الطلبة اللي بتروح دروس خصوصية وتسمح للمدرسين ابتزار اولياء الامور بالفلوس الكتير
يعني سنة او سنتين هي هي
مجلس الشعب هيعدل الطلبة ازاي ؟؟؟؟

شذى العطر

14-06-2012, 10:36 PM

سواء سنة واحدة سواء سنتين كده كده الدروس الخصوصية شغالة
في تالتة اعدادي اللي مش ثانوية عامة كتير اوووي بياخدوا كل الدروس حتي الحاسب
والطلبة هما اللي بيطلبوا الدروس مش اولياء الامر
وبالتالي اولياء الامر مغصويبن انهم يوفروا مصاريف الدروس علشان ميقصروش في حق اولادهم
المشكلة مش في قانون ولا في سنة ولا سنتين ولا في مدرسين الخصوصي
المشكلة في الطلبة اللي بتروح دروس خصوصية وتسمح للمدرسين ابتزار اولياء الامور بالفلوس الكتير
يعني سنة او سنتين هي هي
مجلس الشعب هيعدل الطلبة ازاي ؟؟؟؟

مش كل الناس
انا محدتش ولا درس في ثالثة اعدادي
وصاحبتي على فكرة في ثانية ثانوي معاي بردوه مخدتش ولا درس
واكيد الناس الفقيرة جدا مبتاخدش وناس عايزة تاخد ومش قادرة

ام علاء

14-06-2012, 10:47 PM

فى منظومة التعليم اولياء الامور والطلاب ادوات للتجارب هذه سياسة التعليم فى مصر
وانا على وعى وادراك تام انها لم ولن تتغير

General Ahmed

15-06-2012, 12:30 AM

طب يا ريت حد يعرفنا اكتر عن المواد و كده عشان احنا منعرفش حاجه خاااااااااالص ؟؟

Mr.Optimistic

15-06-2012, 04:20 AM

طب يا ريت حد يعرفنا اكتر عن المواد و كده عشان احنا منعرفش حاجه خاااااااااالص ؟؟
ههههههههه هنعرف سوا
في اول السنه

ابو ساره77

15-06-2012, 09:59 AM

هذا القرار ممتاز وكل واحد يسأل أقاربه الذين حصلوا على الثانوية سنة واحدة والنظر الى مستواهم العلمى يجد أنه أفضل بكثير من خريج ثانوية ( بهاء دكتور علاء وجمال )

(( لؤلؤة الايمان ))

15-06-2012, 04:24 PM

هو افضل بس بعد حل مجلس الشعب هيقعد القرار ولا هنرجع سنتين انا متحيرة000؟؟؟؟

مستر إسلام حمدي

16-06-2012, 03:44 PM

قرارات المجلس ماشيه قبل الحل

Mr.Optimistic

16-06-2012, 07:06 PM

قرارات المجلس ماشيه قبل الحل
عندك حق!!!!!!!!!!
مصر كده ...........^ــــــــــ^

رباب عماد

17-06-2012, 02:59 AM

بسم الله الرحمن الرحيم
بعد التحيه /

اولا : سنه واحده افضل للطالب المتفوق ....ايه الطالب المتفوق ...ايوه... طاب ازاى؟
انا حقولك بس الكلام ده للى بيقولوا انه ممكن يتحسن فى ثالثه....
لو فكرنا صح حنلاقى ان الطالب المتفوق بيجيب مجموع كبير فى تانيه
وممكن يتحسن فى ثالثه كمان لكن لو جاب طالب مثلا 98 فى تانيه وام جايب 99
فى ثالته حيبقى مجموعه 98.5 يعنى حيقلوا يعنى حتى لو جاب 100 فى تانيه
ومقدرش يجيب 100 تانى فى ثالثه حيقل مجموعه فى الحالتين.
واحد يقولى افرض حصل العكس جبت فى تانيه 98 وجبت فى ثالثه 95 يبقى مش
كان احسن لو كانت سنتين عشان كده انا حزيد حقولوا لا لما حتكون سنه حتحل سنه ثالثه مكان سنه تانيه وحتحس سنه تانبه بقت اولى بس صعبت شويه . يعنى 98 دى حتبقى فى تانيه اللى كانت ثالثه من شويه . يعنى مستحيل تجيبوا فى تانيه اكتر من ثالثه ..يعنى متخفش حتبقى للاحسن وحتشوفوا ده بنفسكم وابقوا افتكرونى لما تجيبوا درجات عاليه وتبقوا كلكم نجيبه متولى الخولى :rolleyes:علشان هيه مش احسن منكوا فى حاجه ...يا رجال المستقبل.:cool:وان ان شاء الله لو عشت حعمل موضوع عن وضع النتائج وحكون اول وحده مبشراكم ان شاء الله.
شكرا وارجوا الا اكون قد اطلت عليكم ودى فى الاخر وجهه نظر.

رباب عماد

17-06-2012, 03:16 AM

طب يا ريت حد يعرفنا اكتر عن المواد و كده عشان احنا منعرفش حاجه خاااااااااالص ؟؟

علمى سيكون المواد كلاتى :عربي,رياضة,e,نصف منهج الكمياء اللى كان مقرر, ونصف منهج الفزياء اللى كان مقرر,واللغة الثانية,احياء,وتربية وطنية,دين.........والصف الثالث الثانوى علمى رياضة :عربى,رياضة تطبيقية,e,اللغة الثانية ,بقى منهجى الفزياء والكمياء,احصاء,تربية ,دين.............علمى علوم :نفس المواد فى علم رياضة مع اختلاف عدم وجودرياضة او احصاء ولاكن يوجد احياء وجلوجيا.............

ده اللى بيتقال.

Graves

17-06-2012, 04:02 AM

ياجماعه انا 2 ثانوى وحاسس انى هجيب مجموع مش كويس هل ينفع اخلى سنه 3 الجايه على النظام الجديد ولا لا ؟
وتبقى سنه تانيه مجموعها مش مفيد

ا/محمد مهدي.

17-06-2012, 11:34 AM

السلام عليكم ورحمة الله وبركاته :اولا ربنا يوفق كل الناس ، وعندي رأي متواضع في مسألة ان الثانوية تبقى سنة واحدة وده الافضل انت بتقول ان نظام السنتين افضل لان اللي مش بيجيب مجموع في تانية ممكن يعوض في تالتة اقولك ده صعب والسبب اننا بنعتبر تانية تيرم يعني ال100% بتاعتها يعتبر من المجموع الكلي للثانوية 50%) يعني مثلا لو انت جبت 80% في تانية تعتبر من المجموع الكلي 40%) يعني عشان توصل ل90% من المجموع الكلي للثانوية لازم تجيب ال50% بتاعة تالتة يعني 100% هل في حد يقدر يعمل كده انما في تالتة يبقى تعب سنة واحد افضل غير كده ان المناهج هتكون مقسومة مش الكم الكبير اللي موجود دلوقتي وعموما ده راي

Mr.Optimistic

17-06-2012, 02:22 PM

في كلتا الحالتين هنذاكر لا الهدف مش مش بيعلق امله علي شماعة الظروف .
بس واضح انها سنة " من وجهة نظر المجرب واللي لسه مجربش " احسن
بس من كلامكم اانها فعلا سنه أحلي مع تجاهل كترة المواد في تالتة
وشكرا للافادة وربنا يوفق الكل .

منة الله اشرف حسن

21-06-2012, 11:50 PM

يا عم حرام عليك سنه واحدة احسن

منة الله اشرف حسن

21-06-2012, 11:54 PM

ياااااااااااااااااااااااااااااااااااااااااااااااا رااااااااااااااااااااااجل

ahmed wama

22-06-2012, 07:50 PM

:excl::excl::excl:و الله مع حضرتك حق بس حنعمل أيه :excl::excl::excl:

*تائبة فى رحاب الله*

22-06-2012, 08:39 PM

انا عاوزة اعرف بعد حل مجلس الشعب قالوا كل قرارات المجلس باطلة

وقرار الثانوية دة كان من ضمنهم يعنى هنعمل ايه دلوقتى
ياريت لوحد عنده اى فكرة بالموضوع يقول

وجزاكم الله كل خير

T!to

22-06-2012, 09:06 PM

هو افضل بس بعد حل مجلس الشعب هيقعد القرار ولا هنرجع سنتين انا متحيرة000؟؟؟؟

انا عاوزة اعرف بعد حل مجلس الشعب قالوا كل قرارات المجلس باطلة

وقرار الثانوية دة كان من ضمنهم يعنى هنعمل ايه دلوقتى
ياريت لوحد عنده اى فكرة بالموضوع يقول

وجزاكم الله كل خير

الثانوية العامة سنة واحدة بدءا من العام القادم وده كلام نهائى
كل قوانين المجلس اللى اقرت هتتتفذ ;)
شكرا على الموضوع

راجى طاعة الرحمن

22-06-2012, 11:11 PM

السلام عليكم ورحمة الله وبركاته....

الشكر الجزيل لصاحب الموضوع على إثارة الموضوع دة.....

أنا داخل تانية ثانوى برده.....وبالنسبة لى إن سنة واحدة دى أحسن من سنتين بكتيييييييييير...لإن حرقة دم سنة واحدة أفضل من حرقة دم سنتين ودة تعبير مش مبالغ فيه....لإن الثانوية بتبقى عاملة كهربا فى البيت......وإن مكنش الطالب هو اللى بيتحرق دمه فاللى بيتحرق دمه أولياء الأمور والآباء والأمهات.....

والسنة الواحدة أفضل ليه؟؟

أقول لك أنا....دة رأيى

إنت لما بتدخل تانية ثانوى...بتبقى داخل زى ماتكون داخل معركة وبتدخل من أول السنة جد....وكتييييييير بيجيب مجموع فى تانية ويجى فى تالتة وينزل من الإرهاق الجسدى والنفسى وعدم القدرة على الإستيعاب لإن تالتة أصعب من تانية بكتييييير...

بص لها من الناحية دى يمكن تغير رأيك...إنت لما هاتدخل تالتة ثانوى وإنت عارف إن بالسنة دى هايتقرر مصيرك هاتدخل وإنت مستعد وهاتبذل أقصى جهد عندك علشان تعدى حتى لو كانت المواد صعبة هاتلاقى نفسك بتذاكر وقدرتك على الإستيعاب أعلى لإن دى هاتكون أول سنة ليك تبذل فيها مجهود ذهنى كبييييييير وتضغط على أعصابك.....تخيل لو إنت دخلت تانية ثانوى وجبت مجموع كبير...ساعتها هاتكون قلقان لتنزل فى تالتة أو تحصل حاجة...لكن تخيل لو جبته فى تالتة على طول؟.....هايكون شعورك أحسن ولالأ؟

ربنا يساعدك ويساعدنا...

آسف على الإطالة....

(( لؤلؤة الايمان ))

22-06-2012, 11:21 PM

انا عاوزة اعرف بعد حل مجلس الشعب قالوا كل قرارات المجلس باطلة

وقرار الثانوية دة كان من ضمنهم يعنى هنعمل ايه دلوقتى
ياريت لوحد عنده اى فكرة بالموضوع يقول

وجزاكم الله كل خير

القرار زى ما هو لانه خلاص اصدر
حتى لو اتحل المجلس
ومشوا الوزير
القرار زى ما هو ده اللى اعرفه
ولكن لسة متاكدتش بس يارب
يقعد سنة واحدة

lolo ezzat

22-06-2012, 11:28 PM

(( لؤلؤة الايمان ))

22-06-2012, 11:51 PM

منة الله اشرف حسن

25-06-2012, 04:21 AM

هههههههههههههههههههههههههه

asmaa232

25-06-2012, 06:45 AM

هو افضل بس بعد حل مجلس الشعب هيقعد القرار ولا هنرجع سنتين انا متحيرة000؟؟؟؟

ايوة القرار خلاص اتصدق م المجلس العسكرى ومش هيحصله تعديل او حاجة

Nourhan_nono

25-06-2012, 07:39 AM

انا بجد من رأيى سنتيين افضل بكتيير
وزى م حضرتك قلت فعلا ان الطالب المتفوق مش بتفرق معاه سنتين
هو عايز يحقق اللى فى باله بأى طريقه
السنه واحده دى ليها عيوب كتيير اكتر مالمميزاتت وان كانت عيووب قليله برضو فى وجهة نظر اخرى
فهى عيووب تقييله بتقضى ع المميزات
وكماان هم لازم عشان يرجعووها سنه واحده يلغو الدرووس ودى حاجه هتدمرنا شخصيا ومحدش هيحس بينا غيرنا لاننا اصلا طالعيين ع الدرووس وكنا بناخدها فى السنوات التافهه نيجى افى الوقت اللى محتاجنلها بيه منلقهااش!!!!!!!!! بججد هيبقى صععععععععععععب جدددا
انا مش هقدر استحمل كااااااااام ماده كده اذاكرها
انا عندىادرس ماده كللها ع بعضها ولا ادرسش من كل حاجه حته
بس انا اتكلمت كتيير ف الموضوع ده لكن بلاقى ناس كتيير مش موافقانى
لكن هو كده دايما صوت الحق مش مسمووع
وانا من وجهة نظرى ان عقولنا دى محتاجه خمس سنين ثانويه مش سنه:d
شكككرا تقبل مرورى

على فكرة انتى فاهمة النظام الجديد غلط خااااااااالص
اولا مفيس حاجة هتتحذف من الدروس
بالعكس دى سنة واحدة هتبقى كويسة و سهلة جداااااا
اقولك لية ؟؟؟؟؟؟
علشان لو مثلا حددتى انك هتدخلى علوم علوم مثلا يعنى
هتخدى فى تانية نصف منهج الكيمياء و الفزياء و الاحياء و الميكانيكا او الجولوجيا
عارفة ال 4 مواد اللى انا قولتهم دول ؟؟؟؟
نصف المدرسة هتاخد مدتين فى الترم الاول و النصف التانى هيخده المدتين الثانين برضو فى الترم الاول و الترم التانى هيحصل تبادل بقى ... يعنى سنة تانية هتبقى نقل و زى اولة بالظبططططططططططط الفرق بقى انك هتخدى مواد علمى او ادبى على حسب اختيار ك
و دة طبعا بالاضافة الى العربى و الانجليزى و اللغة التانية و الرياضة
و اللى هيختار ادبى هيبقى نفس الكلام هيخد كل مواد ادبى بس
هتيجى بقى فى 3
هتخدى باقى الدروس اللى انتى خدتى نصفها فى 2
اية رايك بقى ؟؟؟؟؟
على فكرة النظام القديم متعب اووووووى
كانه هنقعد سنتين متوااااااااصلة فى دراسة و مدارس و دروس
و اعصاااااب و توتر و اجهاد و مفيش اجازات خاااااااالص لانصف سنة ولا ربع سنة
و اذا كانتى خايفة من المجموع فا اطمنى معظم الناس كانت بتجيب فى 2 اعلى من 3
و تيجى فى 3 و تجيب مجموع و حش
لانى معروف انى اى حد بيبقى داخل متحمسسسسس
لكن سنة واحدة كدة احسن بكثير

eng.emy ahmed

27-06-2012, 01:57 AM

تحياتى ع الموضوع

انا ايضا راحه 2 ثانوى وتفاجئت بالخبر وفرحت لان فعلا تعب الاعصاب هيكون سنة واحدة

وزعلت انى هتكاسل كما ف اولى ثانوى ربنا يستر ويوفقنا يارب

ورأيى ان القرار تمام جدا ^_^

*(amera)*

27-06-2012, 09:00 AM

من وجهة نظرى ان النظاااامين كل واحد فيهم ليه ميزاته وليه عيوبه
وحاليا شئنا ام ابينا فالنظام الجديد هيتنفذ
فخلينا نركز اكتر فى نظااام الجديد نقنع نفسنا بيه
بس من وجهة النظرى العيب الوحيد اللى حساه فى الثانوية الجديدة
ان بدل ما ناخد 5 مواد هيبقوا 8 مواااااااد
صحيح هيتقسموا ع السنتين
لكن المادة زى ما بيقولوا بتشيل نفسها
يعنى الاحسن انى اركز فى مادة واحدة حتى لو ابوابها كتير
احسن ما اركز فى اكتر من مااااااادة وكل واحدة منها ابوابها وفصولها قليلة

انا سمعت حاجة وعايزة اتأكد منها
فيه ناس بتقولى ده المناهج هتتغير
بس اللى اعرفه ان المواد القديمه هتتقسم عالسنتين عدا العربى وeوالرياضه واللغه التانية والمواد اللى مش داخله فى المجموع
ممكن اعرف ايه الصح ؟

harker

27-06-2012, 12:47 PM

اية العشري

27-06-2012, 01:10 PM

هذا مش صح انت بتتكلم على نظام الازهر وليس التربية والتعليم

Mr.Optimistic

27-06-2012, 01:17 PM

السلام عليكم ورحمة الله وبركاته

اولا انا سعيد جدا انى معاكم النهارده وبناقشكم فى موضوع مهم زى دا

انا بعتقد ان القانون دا ايجابياته كتير واعتمدت فى كدا على اراء مدرسين وناس كبار الا انى ايضا لى وجهة نظري فى ايجابيته

1- هيتيح مجال اوسع لدخول الكليات فى القسم العلمي لان حكاية علوم ورياضة راحت خلاص يعني لو مجبتش مجموع صيدلة او طب تخش هندسة

بخصوص الموضوع ده انا سمعت انه تانية هتاخد انصاص المواد يعني:
- نص الكيمياء
- نص الاحياء
-هنندرس الرياضة بشكل مكثف ( وانا مش فاهم العبارة دي )
دي المواد اللي بتحدد علمي علوم او علمي رياضة .
وبعد تانية ثانوي .......... اللي عاوز يكمل علمي علوم يكمل النص التاني من الكيمياء والاحياء
واللي عاوز يكمل علمي رياضة يكمل باقي الرياضة
يعني تالته ثانوي برده بتفرق بين علمي علوم وعلمي رياضة مش زي ما حضرتك فاهم

2- الراحة النفسية وهتحط حماسك فى سنة واحدة وتخلص من كابوس الثانوية العامة
بالنسبة لموضوع الكابوس ده ..........
انا بتكلم من وجهة نظر شخصية ....... لا وجود لكابوس الثانوية العامة
احنا اللي بنهيئ لنفسنا الظروف كأنها كابوس وخوف وقلق أعصاب وتوتر
يعني مثلااااا : انت دلوقتي لسه هتدخل تالتة ثانوي ( ok )
انت بتقول ان الثانوية العامة كابوس ( تب انت جربت ؟؟)
ليه بتحط نفسك في دور المرهق نفسيا من دلوقتي واللي جربم وبيقولوا عليها كابوس يبقوا مش بيحبوا التعليم أساسا لان عمر التعليم وانك تشيل مسئولية نفسك سنتين يكونوا كابوس ........... يعني انت دلوقتي مش بتقيس مستواك بس انت بتختبر نفسك هل تقدر تتحمل المسئولية ولا لا ؟؟ واللي بيقول عليها كابوس يبقي مش يقدر يتحمل المسئوليه !!!

3- حكاية التحسين اصبحت موجودة يعنى لو مجبتش مجموع حلو بتعيد وتحسن زى الاول مش لازم تعيد الثانوية العامة من اولها
بسمع ان لسه موضوع التحسين ده مش أكيد

4- هتاخد انصاص المناهج فى الميكانيكا والاحياء و الفيزيا و الكيميا
كده المواد هتزيد وان قلت كميه ماندرسه منها
يعني كده هنشتت نفسنا بين مادة وأخري والاضطراب هيزيد
انا افضل ادرس مادة واحدة كاملة أحسن من اني أدرس الانصاص دي
5- نسبة الحضور هتزيد فى المدارس
الموضوع ده أسوء النتائج
اقولك ليه :::::
دلوقتي المدرسين كلهم ماسكين الطلبة من ودانهم زي مابيقولوا بأعمال السنة
والطالب اللي يطلع الاستاذ غلط ..... اتفرج علي اعمال السنة بتاعته
والطالب اللي مش بيروح عند المدرس اللي بيديله في المدرسة درس .... اتفرج علي أعمال السنة
وبعدين المدرسين في سنة اولي والله العظيم كانوا بيقولولنا روحوا معنتتوش تيجوا :angry2:

6- الطالب هياخد سنة تأسيس كمان تساعده فى الشهادة والفرصة هتبقى اكبر فى دخول الكليات
انت مش كفاية 3 سنين اعدادي وسنة اولي ثانوي ... كمان سنة ؟؟؟؟!!!!!!!!!!! :)

وفي النهاية دي وجهة نظر شخصية وليست بدستور :d
لكن الحياة ما هي الا وجهات نظر و ده رايي

eng.emy ahmed

27-06-2012, 08:47 PM

وفي النهاية دي وجهة نظر شخصية وليست بدستور :d
لكن الحياة ما هي الا وجهات نظر و ده رايي

حلو الرأى دا انا كدا اترعبت والحمد لله :p

رباب عماد

03-07-2012, 07:22 PM

بسم الله الرحمن الرحيم /

ده قرار وزارى من موقع الوزاره عن نظام الدراسه فى ثانيه ثانوى

ftp://knowledge-ftp.moe.gov.eg/decisions/2012/274.rar

انسخ الرابط وحمل .

لكن هذا القرار لم يوضح اذا كانوا نويين يطبعوا كتب جديده ولا لا او يحددوا جزء معين من المنهج القديم علشان مينفعش زى ما بيقول بعض الاعضاء اننا حناخد نصف الماده علشان احنا كده بدل ما كنا بندرس ماده واحده طول السنه حندرس بمثابة مادتين علشان حيبقوا اربع انصاص كل نصين بواحد كده مادتين. شكرا

amenmanchester

04-07-2012, 01:15 PM

سنتين افضل من واحده

مستر إسلام حمدي

09-07-2012, 11:23 PM

طيب سنة اولي زي ماهي في المناهج

عاشقه الاقصى1

10-07-2012, 04:02 AM

السلام عليكم
الطرح لموضووع راائع
للاسف ان طلاب مصر اصبحوا للتجارب
مره سنه سته ابتدائى
ومره الثانوية العامة
ربنا معاكم
واهم حاجه التوكل ع ربنا والاجتهاد
واللى بيتوكل ع ربنا مابيهمهوش حاجه
حتى لو فات فى الحديد او النار
وربنا يوفقكم يااا رب

رباب عماد

18-07-2012, 05:32 PM

طيب سنة اولي زي ماهي في المناهج

نعم زى ما هيه .