قاعد وحيد سهران ... جوة الميدان حيران
ليه فينا ناس مننا ... شيفانى ديب مش من هنا
بيقولو قال بلطجى
ولا همه بلده شمحطجى
نزل الميدان بيقول كمان
... إدونى حريه وأمان
وفى بلدى عمرى ماأكون مهان
عايز يصلح مصر قال
عايزها جنه من الجمال
فيها الامير زى الغفير
ولا يفرق الغنى م الفقير
نزل الميدان بيقول حقوقى الضيعه فين
منهوبه بلدى من سنين
وحميها حرميها الجبان
ويقولى قال بلد الامان
قاعد وحيد سهران ... جوة الميدان حيران
ليه فينا ناس مننا ... شيفانى ديب مش من هنا
ليه فينا ناس ماهى حسه بينا
ولا بالنار إللى قايده فينا
ثورنا ضاعت من إدينا
ونظام زمان هيعود إلينا
ويدوس كمان فوق راقبينا
وعايزنى أمشى واقول يامينا
دمك خلاص ضاع من إدينا
وإنت ياعم أحمد ياغالى
يالى وقفت تقول بلادى
فداكى عمرى وتبقى عالى
العمر يرخصلك فؤادى
عايزنى دلوقتى أطاطى
وأقبل بظلم يكون هلاكى
قاعد وحيد سهران ... جوة الميدان حيران
ليه فينا ناس مننا ... شيفانى ديب مش من هنا

بقلم
تامر على الطويل
أمير الجروح

استاذ تــامر

رائع احساسك ووصفك له بابسط الكلمات المرتبه المتناغمه كمقطوعه موسيقيه
تصل الى ابسط القلوب لبساطه اسلوبك واختيارك الرائع للكلمات
دام احساسك الرائع وقلمك الفياض وأدام عليك الحس الوطنى الرهيب الواضح فى هذه الابيات الرائعه

دمت فى حفظ الرحمن

أخي تامر الطويل
متميز كعادتك

بإذن الله ستنتصر ثورتنا


تقبل مروري وتحياتي