بسم الله الرحمن الرحيم




جاءنى عقد عمل فى السعودية فى مدارس الاندلس الاهلية بالطائف وتفاصيل العقد كالتالى

1- راتب اساسي 2000 ريال

2- 325 بدل سكن وتذاكر

3- راتب 12 شهر

4- التاشيرة على المدارس

5- المكتب سياخذ عمولة قليلة 750 جنية



ما راى حضراتكم وهل فى الطائف دروس خصوصة ارجو الرد من اهل الخبرة ارجوكم

السلام عليكم

انا هافيد حضرتك في هذا الموضوع

قريبا لان ابن عمي كان شغال فيها العام الماضي

وهو نازل قريبا

ورجاء التواصل معي

بالتوفيق اخي الكريم

ولا تستعجل واستخير الله

شكرا بارك الله فيك

يا استاذ غبد الكريم هما طلبين خبرة كم سنة؟والغقد دة بيعملولك اختبار قبل اما تطلغ ولا في التوظيف السغودي فقط وكم سوف ياخد المكتب منك وهل المثبتين حديثا لهم اجازة الرجاء الرد

ويا ريت تكتب رقم التليفون للمكتب

اخى الكريم اعتقد والله اعلم ان الراتب الذى ذكرته قليل
لم اسافر من قبل الى السعودية
ولكن مقارنة بمتوسط الرواتب التى اقراها فى عروض الشركات فهو قليل
وربنا يوفقك الى ما فيه الخير ويوسع ارزاقنا جميعا

أخى الحبيب الأستاذ عبد الكريم
أولا . قبل كل شيئ صلى صلاة الإستخارة
ثانيا . الراتب الذى ذكرته لا يستحق السفر لإنه ضعيف جدا مقارنة بمصاريف وتكاليف المعيشة هناك وأيضا فإنك ستقوم هنا بسداد تأمينات وغيرها فالأمر لا يستحق العناء
ونسأل الله أن ييسر لنا ولك ما فيه صلاح ديننا ودنيانا

ألف مبروك يا أستاذ / عبد الكريم

مع العموم ، الراتب إلى حد ما معقول

بس إفتكر إن في تأمينات ومعاشات وحفظ وظيفة بعد أخذ الأجازة بدون مرتب

برحـــــــاء

- كتابة ثمن العقد بالكامل
- تفاصيل الحصول على العقد من المكتب للإستفادة

فايز فراج
منطقة جنوب سيناء الأزهرية
وشكراااااااااااا

اخي الاستاذ عبد الكريم هذا الراتب ضعيف جداً فأنا مدرس وكان معروض علي هذا الراتب العام الماضي ولأني كنت العام الماضي مقدم في هذه المدارس وما اسم الشركة والمكتب اللي انت طالع عليه ؟ وربنا يوفقك أنا لم أرض به وهناك شيء أخر وهو شوف المكتب هيأخذ منك كام لأن المكتب يبأخذ أكثر من المبلغ الذي ذكرته وقبل أي شيئ احسبها قبل ما تخرج والله المستعان

شكرا لكم جميعا فقد اثلجتم صدرى بردودكم وحملكم همى

احب اقول لكل الاخوة الذين قالوا ان العرض ضعيف


انا لفيت مكاتب كتير واسماء مدارس ضخمة وعملت مقابلات مع دكاترة جامعةكتير واكتشفت ان

المتوسط 2000 فى كل او 90 في الميه من المدارس لانها تجارة باستثناء المدارس الراقية جدا هى من تعطة 2500-3000 عهلى الالاكثر للى زينا يعنى خبرة 5 سنوات


والمدرسة دى علانش كان امتحانها صعب جدا جدا ومبيختاروش بسهولة خلت التاشيرة عليها والاقامة عليها وقالى الوكيل المصرى للمدرسه ان المداررس هتدفع كل حاجة ماعدا 750 جنيه للمكتب كما قال بلسانه وان كان غير ذلك فهو مسئول عن كلامه




بالنسبه للاخوه اللى بيسالوا عن التفاصيل ...لو عاوز تسافر بتبعت السي في للمكتب وهو يحدد لك مقابله بناء على طلب المدرسة وغالبا بيكون الايام دى والخبرة تبدا من 3 سنوات او سنتين

بتعمل مقابله وانت وحظك لان بيكون فيه مدرسين كتيييييييييييييييييييييييييييييييييييييييير متعدش يعنى لو مقبلتش انت هيجيبوا الاحتياطي على طول

نرجو من الأستاذ الكريم عنوان وتليفون و ايميل المكتب لتعم الفائده وشكرا

الاستاذ عبد الكريم كنت في جدة سنة 2000 كنت اتقاضى 1700ريال الريال = 80 قرش أخي الكريم اقسم لك كان معي مدرس انجليزي كان يسود كل يوم يمر لاتخطئ في حق نفسك نصيحة لله لاتفعل

يا مستر: الراتب ضعيف جدا جدا جدا , وليست صعوبة الامتحانات سببا لتحملهم لتكاليف السفر وانما السبب هو ضعف الراتب مع قلة من سيوافق على هذا العرض الزهيد تحياتي وتقديري

لا تذهب فالراتب قليل ولا يستحق الغربة

والله يا اخي الكريم علي حسب ظروفك يعني لو كنت شغال دروس كويس هنا فلا داعي للسفر لانه عندما تعود ستبدا من الصفر تاني
اما اذا كنت مش شغال دروس فانت كسبان هتروح سنه تحج وفيه شئ مهم الدروس هناك مجزية جدا جدا يعني فيه واحد زميلي لسه راجع من السعودية هذا الاسبوع واخبرني ان مدرس اللغة الانجليزية هناك ممكن يعمل دروس بمبالغ خرافية
و ربنا يوفقك

شكرا وبارك الله فيكم


انا عاوز اجب حظى واغتنم الفرصة للحـــــــــــــــــــــــــــــــــــــــــــــــ ــــــــــــج والعمرة يمكن منقدرش نعملها تانى

بالنسبة لعناوين المكاتب انا هعملها فى موضوع جديد

اخى الكريم اولا لو عندك اولاد لو مليون ريال لاتسافر وتترك اولادك ثانيا تذكر لمن ستدرس وكيف يتعمل الطلاب بمنتهى ................مع المدرسين هناك...............لو تتحمل ذلك وعاوز تخلص على نفسك سافر

شكرا لمن قدم النصيحة شكرا اساتذتي

على بركة الله سافر يا أ عبد الكريم وكفاية الحج والعمرة والاستفادة العلمية هناك
ودى موقع المدرسة
http://www.as.sch.sa/Pages/Default.aspx

بسم الله الرحمن الرحيم

احب اقدملك نصيحتى معتمدا على الله ثم على خبرتى فى السفر منذ تلت سنين فاتوا
وعلى فكرة انا لسه نازل مصر منذ ايام فى اجازة لمدة شهرين ونصف

بالنسبة للامور المادية :

الراتب مع احترامى لكل الناس اللى اتكلمت فى الموضوع هو متوسط المدراس الاهليه اللى بترواح بين 1800 الى 2500 فى جميع مدارس المملكة الا بعض المدراس وهى العالمية والمدارس اصحاب الاسماء المعروفه كالمنارات والاندلس ودى طلبتها فى المدرسين بتكون محدودة لاستقرار المدرسين فيها وكمان لما بتطلب ناس كتير فيها بيرشحوا اقاربيهم او بيتعقدوا مع المفقيمين

لازم تتاكد من الامور دى :
سعر التاشيرة ( هل فعلا عليهم ولا هيتخصم من راتبك هناك ) - النامين الصحى ( هل عليك ولا عليهم وبشكل دايم مش اول سنه بس ) - تذاكر السفر ( هل هو 900 رياح جاى ولا هما بيحجزولك )

بالنسبة لموضوع الدروس
طبعا الرزق من عند ربنا بس انا هتكلم فى اسباب :
طبعا كل ما كانت المادة اللى بتدرسها علمية كان افضل زى الانجلش او الفيزياء او الرياضيات اما بالنسبة للمواد زى اللغه العربية او الاجتماعيات بتكون النسبة اقل بشويه
المهم انك لازم تعرف انك ممكن توصل بيك الموضوع انك فى الدروس هتدرس كل المواد وخاصه ف المرحلتين الابتدائى والمتوسط

بالنسبة لظروف المعيشة ( اكل و شرب )
دى بتعتمد على حسب كل واحد

بالنسبة للاطلاب
اعرف انك هتتعامل مع اغبى طلاب العالم كل اللى ف دماغهم موبيلات وسيارات والتعليم شى بعيد عن حياتهم المهم ف النهايه تكون علاقتهم بيم كويسه ومرتاحين ليك وتكون فى احسن حاله برود ليك

فى النهايه اللى اقدر اقولهلوك
ان سنه من عمرك تجرب فيها الغربه مش هتاثر فى حياتك كتير وممكن تسفيد منها

كل ده مش هيساوى حاجه من حج وعمرة هتعملهم ان شاء الله خاصه ان الطائف بينها وبين مكة حوالى ساعه فاقل

فى البدايه هيكون فيه تعب نفسى وعقلى من التجربة الجديدة تبدا تقل مع اول عمرة وتخف شويه كمان مع اداء الحج وتتعود عليها بنهايه الفصل الدراسى الاول

وبالتوفيق ليك

نصيحه منى استاذ عبد الكريم حرام ترووح ثانوى المعامله هناك اكثر من زباله والراتب ضعيف جدا وكمان المعيشه هنام غاليه جدا وعلى فكره انا عملت مقابلت كتيييير ونجحت وجانى مدرسه ثانوى الرياض بس رفضت على الفين ياريت تكون ابتدائى او اعدادى دى نصيحه اويه انا بقدم يوميا ع النت من على وظائف دوت كوم للتواصل 01220282564

اللة المستعان

استاذ مفيش تعيين


استاذ هانى

استاذ مصطفى

استاذ ابو سلمى




لكم منى جميع التقدير والحب والاحترام



ما يعنيني ان الحج والعمرة ممكن ميتعوضوش تانى وانا عاوز ادى الفريضة وانا صغير وقبل فوات الاوان جزاكم الله خيرا

اخي الفاضل توكل ع الله وبعدين احنا مش هنروح نلاقي الارض مفروشه حرير غيرك طالع علي 1700 وربنا فاتحها عليهم مع شوية دروس متسمعش كلام حد انا عن نفسي طالع علي 2200 وسكن ع حساب المدرسة توكل ع الله هيا البدايه لازم تكون صعبه وبعد كدا ربنا يفرجها وهقلك ع مثل حلو اوي انا اعرف شخص قريب مني جدا جدا مدرس حاسب اقسم بالله طالع ع 1700 وربنا فاتحها عهليه دروس طحن لدرجة ان مرتب المدرسه بيقول مش هامه ف حاجه

[quote=عماد صلاح;4563540]اخي الفاضل توكل ع الله وبعدين احنا مش هنروح نلاقي الارض مفروشه حرير غيرك طالع علي 1700 وربنا فاتحها عليهم مع شوية دروس متسمعش كلام حد انا عن نفسي طالع علي 2200 وسكن ع حساب المدرسة توكل ع الله هيا البدايه لازم تكون صعبه وبعد كدا ربنا يفرجها وهقلك ع مثل حلو اوي انا اعرف شخص قريب مني جدا جدا مدرس حاسب اقسم بالله طالع ع 1700 وربنا فاتحها عهليه دروس طحن لدرجة ان مرتب المدرسه بيقول مش هامه ف حاجه[/quote

مدرس حاسب يعنى كمبيوتر !!!!!!!! يعنى الطالب بياخد درس كمبيوتر هناك

شكرا استاذ عماد هو ده اللى الواحد يرجو من الله ان يتحقق

الف مبارك على العقد يامستر
الطائف جوها جمييل قريب من جو القاهرة
وكمان فيها نسبة عمالة مصرية عالية جدااا
مش هتحس بالغربة ان شاء الله
بس اعتقد حضرتك ممكن تعمل اعلان للدروس على المواقع التعليمية وكمان مواقع المغتربيين في الطائف
مستوى المعيشة فيها كويس جدااا
يعنى تعتبر مدينة حضارية زيها زي مكة والمدينة والرياض وجدة ومع ذلك ارخصهم في تكاليف الحياة يعنى ايجار واكل وشرب
ولكن
خد بالك اهل الطائف لسة على الفطرة البدوية
يعنى فعلا محتاجين معاملة خاصة وعاوزين حد باله طويييل واحذر من اي صدام مع حد
ليهم دماغ خاصة شوية
بس فعلا احسن حاجة هناك ان بينك وبين مكة ساعة
ممكن اوى كل جمعة تكون في الحرم
مباااارك مرة تانية
ولو احتجت اي حاجة هناك بيت اختك مفتوح ليك
بالتوفيق ان شاء الله

سؤال بالنسبة للمعلمين الذين سافروا
فيه مدارس بتطلب شهادة خبرة مدتها 5 سنوات عند السفر والبعض لم يكمل هذه المدة فهل من الممكن استخراج هذه الشهادة من اى مدرسة خاصة.وهل هناك اماكن معروفة لاستخراجها...يرجى الرد للاهمية

الف مبارك على العقد يامستر
الطائف جوها جمييل قريب من جو القاهرة
وكمان فيها نسبة عمالة مصرية عالية جدااا
مش هتحس بالغربة ان شاء الله
بس اعتقد حضرتك ممكن تعمل اعلان للدروس على المواقع التعليمية وكمان مواقع المغتربيين في الطائف
مستوى المعيشة فيها كويس جدااا
يعنى تعتبر مدينة حضارية زيها زي مكة والمدينة والرياض وجدة ومع ذلك ارخصهم في تكاليف الحياة يعنى ايجار واكل وشرب
ولكن
خد بالك اهل الطائف لسة على الفطرة البدوية
يعنى فعلا محتاجين معاملة خاصة وعاوزين حد باله طويييل واحذر من اي صدام مع حد
ليهم دماغ خاصة شوية
بس فعلا احسن حاجة هناك ان بينك وبين مكة ساعة
ممكن اوى كل جمعة تكون في الحرم
مباااارك مرة تانية
ولو احتجت اي حاجة هناك بيت اختك مفتوح ليك
بالتوفيق ان شاء الله






شكرا اختى هل حضرتك هناك؟ يعنى تجربة شخصية تمام جدا



بالرغم من انى صعيدي اللى بيقولوا عليهم دماغهم ناشفه

ولكن لو تعاملنا بالدين واللين كما كان المصطفى وصحابته يتعاملون اظن الواحد يفوت فى الحديد ما عدا الكرامه والعرض ...........ابقي صعيدى احسن



جزاكى الله خيرا .........لقد اثلج صدرى

شكرا اختى هل حضرتك هناك؟ يعنى تجربة شخصية تمام جدا



بالرغم من انى صعيدي اللى بيقولوا عليهم دماغهم ناشفه

ولكن لو تعاملنا بالدين واللين كما كان المصطفى وصحابته يتعاملون اظن الواحد يفوت فى الحديد ما عدا الكرامه والعرض ...........ابقي صعيدى احسن



جزاكى الله خيرا .........لقد اثلج صدرى

لاء ان شاء الله ماتوصلش للكرامة والعرض
جزانا واياك
بالتوفيق ان شاء الله

يا رب اكرمك الله ووفق الجميع والله ما يدفعنى للموافقة رؤية الحجاج كل عام وهو ينفرون من عرفات وانا ادعو الله ان اكون معهم ولم اتوقع ان يكون العام القادم ان شاء المولي هو عام الحج بالنسبة لى


ولكن كما يقول الشاعر


دع المقادير تـجري في أعنتها ... ولا تبيتن إلا خالي البالِ
ما بين غمضة عين وانتباهتها ... يغير الله من حالٍ إلى حالِ