السلام عليكم ارجو الرد من احد المدرسين٠ طبعا امتحان العربى كان فى مستوى الطالب الميت٠يعنى ٣٠من٣٠مضمونة بس انا بقى هببت ونيلت فى الورقة على الاخر بصوا بقى موضوع التعبير عملت الرساله صح بس والموضوع الابداة انا عملت مقدمة وعناصر وخاتمة واسشهاد ب٢حديث و١نص قران و١ بيت شعر ونظمت الموضوع بتاع كل فقرة بعيده عن السطر وجمبيها شرطة وكده بس مش فاكر غير انى كنت بحط النقط وعلامات الترقيم المشهورة ٢-القصة تمام٣-القراءة تمام ٤-النصوص مش تماااااام خاااالص قربت اتعفرت مشفتوش الاسئلة كانت سهلةازاى وبعدين اكتشفت لما رجعت البيت ان معنى العسف ولتانية دى محططهمش فى جملة ياااالهوى٠بس انا الاولى كتبت معاها كذاوكذا وكذا كتير يعنى يمشوا فى المعنى وتحتيها كتبت كلمه الغلبه بين قوسين ممكن يعتبروها اسلوب تحذير ولا ايه٥-البلاغة تمام٦-الادب تماااام ٧-النحو مش تماااااام خاااااالص بصوا بقى انا عندى الغلبه اعرابهاغلط وبتاع نفسك عربها نعت ومضاف تحت بعضيهم واستخراج اسلوب التعجب استخرجته طبعا بس بغبائى الفظيع انى عملت المتعجب منه كلمه زى (بس) وعربها معربتش كلمه الصبر-هاااا دلوقتى عايز مدرس ابن حلال يقولى اقصى درجة هنقصها ايه واقل درجها هنقصها ايه معلش اللى داخل يقول كلمه ويطلع بلاش يدخل اصلى وربنا شعره وهتجنن وشكراااا

اصلا الجمله عليها نص درجه قبل القسمه يعني بعدها بربع درجه
وكمان المهم الامتحانات اللي جايه ركز فيها وان شاء الله هتنتهي ع خير

اصلا الجمله عليها نص درجه قبل القسمه يعني بعدها بربع درجه
وكمان المهم الامتحانات اللي جايه ركز فيها وان شاء الله هتنتهي ع خير
جملة ايه اللى بنص دى اى اعراب بدرجة

بص انا عملت زيك بالظبط مش عارف بس ممكن تنقص بكتيرها 2.5 درجات الاعراب بعد القسمة بنص والجملة بنص برضة معرفش هينقصوك تعبير ولا لا ولو ناقص حاجة فى الادب انت

انا حاجة عايز اقولهالك التعبير مش هتنقص فيه غير النص اللي بينقصه باقي البشر والكائنات|

اما باقي الحاجات بقى انت وحظك

بس زي ما قالوا الإخوة كل جملة بنص وبتقسم تبقى ربع
يعني هتنقص نص فقط
والنحو كمان ربع بتاع نص الكلمة ونص بتاع الإعراب

بس ان شاء الله خير مش هتنقص اكتر من 2 ابدا
بس انت شد حيلك في الباقي ومتزعلش نفسك ابدا
ناس كتير غلطوا في العربي 4 و 5 غاطات
ودخلوا بعدها طب وهندسة من قرايبي ولا يهمك

مش لدرجة الـ 30 يا عم
بس الصراحة الصبر دى لحقتها بالعافية فى الآخر
إن شاء الله هاتجيب 29

مش لدرجة الـ 30 يا عم
بس الصراحة الصبر دى لحقتها بالعافية فى الآخر
إن شاء الله هاتجيب 29
والله انت موز اخر حاجة
يااارب

يا جماعة اللى يقولوا هنقص 2 قصدهم من 30 ولا 60
ثم الغالبية العظمى اللى كويسين فى التعير بيبقى 9 ولا 9ونص
ياجماعة انتوا اخدوا بالكوا من الغلطات الكتيرة دى ولا معظمها بيعدوهاااا خصوصا الوزير قال ان التصحيح هيكون كويس ٠على العموم معايا لغاية١٠١بالليل لو مفيش مدرس دخل وقالى اعلى واقل درجةكاااام هرمى نفسى من المنتدى واعملكوا فضيحةهههههههههه

لحظة واحدة بس هو مين اللى قال انك لازم تعرب الصبر كمان مع اعراب المتعجب منه ؟؟؟؟
انت المهم انك طلعت المتعجب منه ذى واعربته صح .. الصبر كدة كدة مضاف اليه يعنى مش تبع المتعجب منه

انا المستر بتاعى كان قالى لما مثلا يكون عندك مختص مضاف مش لازم تعربى المختص والمضاف اليه سوا المهم المختص بس واكيد نفس الكلام هنا ان شاء الله

يا ريت حد من الاساتذه يطمنا

انا سمعت ان مدرسين العربى الصومال خطفوهم حد يطمنا

لحظة واحدة بس هو مين اللى قال انك لازم تعرب الصبر كمان مع اعراب المتعجب منه ؟؟؟؟
انت المهم انك طلعت المتعجب منه ذى واعربته صح .. الصبر كدة كدة مضاف اليه يعنى مش تبع المتعجب منه

انا المستر بتاعى كان قالى لما مثلا يكون عندك مختص مضاف مش لازم تعربى المختص والمضاف اليه سوا المهم المختص بس واكيد نفس الكلام هنا ان شاء الله

يا ريت حد من الاساتذه يطمنا

لازم تعربهم يا نجم
نحن - أبناء النيل - مش عارف أية
أبناء طيب لوحدها أمال فين الى مخليها تنفع مختص و هو المضاف إليه
نفس الكلام بالنسبة للإغراء
لازم تعرب الأثنين علشان تديله المعلوملة كاملة
سواء مكرر أو معطوف
ممكن مايكنش كاتبها فى نموذج الإجابة بس تقدر تخلى إجابتك تبقى أحسن من النموذج بإذن الله

لازم تعربهم يا نجم
نحن - أبناء النيل - مش عارف أية
أبناء طيب لوحدها أمال فين الى مخليها تنفع مختص و هو المضاف إليه
نفس الكلام بالنسبة للإغراء
لازم تعرب الأثنين علشان تديله المعلوملة كاملة
سواء مكرر أو معطوف
ممكن مايكنش كاتبها فى نموذج الإجابة بس تقدر تخلى إجابتك تبقى أحسن من النموذج بإذن الله

معلش بس اللى بيخلى دى مختص مش ان جى وراها مضاف اليه اللى خلاها تبقى مختص انها جاية ورا ضمير دى حالتها ملهاش علاقة اذا كان جى وراها مضاف اليه ولا لا لان دى مجرد حالة زى الحالة بتاعت لفظة ايها والحالة بتاعت الافراد ونفس الكلام فى الاغراء
انا يتهيالى ان دى زيادة منك كويسة لو كتبتها بس ماتضرش لو ماكتبتهاش

وعلى العموم ربنا يكتب اللى فى الخير

هما المدرسين فين يا عااااااااااالم

محمد الهادي 2
مدرس لغة عربية اعدادى وثانوى

تاريخ التسجيل: Mar 2009
المشاركات: 73
معدل تقييم المستوى: 4


فعل صيغة المبالغة هو : أعطى
وإعراب المتعجب منه لو اكتفيت فقط بإعراب ذى لا تنقص الدرجة شيئا

اهى يا هارى من مستر محمد عبد الهادى .. و هتلاقى الموضوع اللى فى الرد دة فى قسم النحو واسمه " التراث "

لازم تعربهم يا نجم
نحن - أبناء النيل - مش عارف أية
أبناء طيب لوحدها أمال فين الى مخليها تنفع مختص و هو المضاف إليه
نفس الكلام بالنسبة للإغراء
لازم تعرب الأثنين علشان تديله المعلوملة كاملة
سواء مكرر أو معطوف
ممكن مايكنش كاتبها فى نموذج الإ جابة بس تقدر تخلى إجابتك تبقى أحسن من النموذج بإذن الله

للاسف كلامك غلط يا بطل
عادى لو معربتش