من خلال تأسيسية الدستور واختيار أعضائها يتبين لنا أن المعلمين ليس لهم شأن فى هذا المجتمع وبالتالى أبشر المجتمع بكل فئاته من أقصاه إلى أدناه أن هذا المجتمع لن يرقى ولن يتقدم فلا نهضة ولا حرية ولا مكانة مرموقة بين الأمم لأمة لا تحترم معلمى أبنائها

مليون و نصف معلم و لا ممثل لنا

بجد بجد و نعم الإيجابية

و أبقى سلم لى على الكادر
و تجريم الدروس
و ما خفى كان أعظم


بجد الواحد زهق من تجاهل مجلس الشعب لينا و الضحك على الدقون اللى بيحصل

و ايضاً السلبية الشديدة من المعلمين اللى بيدوروا على الدروس ( طيب و لما تتجرم حيبقى ايه الموقف)

أرجو من النقابة اعلامنا بعدد المشاركين فى لجنة كتابة الدستور و لا دلوقتى الاننتخابات خلصت و كأنك يا بو زيدما غازيت

الاخوة في امن الدولة سابقاَ جزاهم اللهم عنا خير الجزاء وصفونا نحن المعلمين بالفراخ البيضاء لاتهش ولاتنش وقد صدقوا القول ... بالله عليك عمرك زعلت علي فرخة بيضاء اندبحت قدام عينك .... بس يا عم الشيخ هي دي الحكاية من البداية للنهاية وسلملي علي التأسيسية

و صقور الحرية و العدالة
و نسور حزب النور
و مقاتلى الوسط
و اشاوس حزب التنمية

يعنى المجلس اللى اتظلم من أمن الدولة ما غيرش ليه الصورة دى

على فكرة كل اللى بيوصل للكرسى بينسى المعلمين و هذا قدرنا

و فعلاً احنا السبب بضعفنا و تخازلنا

انتوا لسه شفتوا حاجه لسه التقيل جى ورا لو نجح المرشد العام فى انتخابات الرئاسه

يا رب مرسى ينجح
واجب على كل معلم ان يتبرع بمرتب شهر على الاقل لمساندة الدكتور مرسى فى حملته الرئاسية
ادعوا له بالتوفيق
حتى يطبق لنا الشريعة الاسلامية

هل تطبيق الشريعة ينهي الاخوان عن المطالبة بحقوق المعلم والله لا انتخب احد منهم حتي يطالبون بحقوقنا

ايه تضييع الوقت و الفلوس و حرقة الدم

ماهو زى مطاعم ماكدونالد تأخد وجبة اكبر بسعر اعلى شوية

يعنى ليه رئيس جمهورية
يعنى ليه رئيس مجلس شعب
يعنى ليه رئيس مجلس شورى
يعنى ليه رؤساء نقابات
و ليه و ليه

ما هو المرشد موجود و طالما بيلعب كل الأدوار من وراء الستارة مع المارينت نختاره و يريحنا من هم البلطجية و الصيع و الضياع الأمنى و مشكلة الأقتصاد و غيره

و أهو البلد اللى ليها مرشد .................................................

يا رب مرسى ينجح
واجب على كل معلم ان يتبرع بمرتب شهر على الاقل لمساندة الدكتور مرسى فى حملته الرئاسية
ادعوا له بالتوفيق
حتى يطبق لنا الشريعة الاسلامية



يا عم ده ثمن كام لوحة من بتوع سيادته يسدد ديون نصف المعلمين
و أهو ورق و حيترمى على الأرض
و بعدين من بدايته حنلم له ما هو يا عينى مسكين مش لاقى يأكل

احترموا عقولنا و عيب قال مرتب شهر قال و احنا عيالنا تأكل طوب

الاخوان المسلمين ونوابهم في مجلسين الشعب والشوري بيلعبوا بالمعلمين بل بينتقمون من الشعب المصري العظيم صاحب الثوره وصاحب القرار
نواب مجلسين الشعب والشوري لم ولن يتخذوا قرار يلمس ويخدم المواطن المصري البسيط ويحل مشاكله بل زادوا الطين بله ومرسي عايز الكرسي بدون برنامج انتخابي يخدم المواطن المصري الغلبان ويوفر له الحياه الكريمه
ان شاء الله علي معلمي مصر ان يختاروا من يقدم لهم الذي يوفر لهم الحياه الكريمه ويخدم مصالح مصرنا الغاليه ويوفر الحلول من اجل كل مشاكل المصريين

ازدياد احوال المعلم سوءا مع السابقين واللاحقين اللهم استرنا ولاتفضحنا
انا اعطيت للاخوان صوتى فى مجلس الشعب املا فى الاصلاح . لكن احوال المعلم ساءت بعد نجاحهم. و لم ارى الا ضياع كادر المعلم ودمجه فى حافز الاثابة ونتيجة لذلك اصبح راتبى اقل المرتبات بين اقرانى حيث انه يصرف نسب الكادر المدمج فى حافز الاثاب على اساسى 6/30 وليس مثل الاخرين على اساسى 7/1 . مما جعلنى اتأكد انه لا عمده نافع ولا شيخ البلد نافع والكل يحاول تحطيم المعلم وكلها دعاية انتخابية من اعراض زائلة .
والان اتسأل اين العدالة الاجتماعية اننى ارجو تطبيق الحدين الادنى والاعلى (يؤخذ من الاعلى ويضاف الى الادنى ) حتى تتم عادة هيكلة الاجور بعد الظلم البين الذى عانيناه مع النظام البائد لارده الله ابدا

من يمثل المعلمين فى الجمعية التأسيسية للدستور الجديد الذى سيقرر مصير الناس فى مصر