صباح الخير ، عاوز اعرف شوية معلومات سريعة كدا لان السن طارت منى بسبب العربى

فى كلية سياحة وفنادق حلوان ،، ب 3 الاف ونص تقريبا ،، ال 3 الاف دول بيدفعوا كل سنة ولا اول ما اقدم ف الكلية بس ؟؟

ثانيا باقى كليات سياحة وفنادق ب مصاريف رمزية حوالى 200 جنيه

ايه بقى الفرق بين الاتنين ؟؟

ثالثا : ايه امتحان القدرات دا ، وامتى افشل فيه ،، لو شكلى معجبهمش يعنى هيسقطونى فيه ؟!!!

ياريت مساعدة ارجوكم عشان الامتحانات لسه ما خلصتش اصلا والواحد محبط

بدل ما تخش تبص وتمشى رد عليا ب " اه " او " لاء " هو الكلام بفلوس !!! دا مستقبل يا بشر !! سبحان الله

بس اولا ال3500 دول بيدفعو كل سنة والفلوس دى بتدفع ل اقسام سياحة وفنادق انجليزى زى تجارة انجليزى كدة وبتدفع بردة ف قسم ارشاد وهى الكلية الوحيد الى بتاخد المبلغ دة من الى داخلين قسم ارشاد عندك اسماعلية مش بتاخد حاجة ام بقا حتت الانترفيو لازم شوية معلومات عامة واهم حاجة عن الاماكن الاثرية الى ف مصر اسالة سهله بس يومها كون لابس طقم شيك كدة ويفضل قميص وبنطلون وجرافاتا وجزمة وبمعنى اصح البس كلاسيك لان دة دة بيبقا اليونيفورم بتاعك ف التدريب فيما بعد كدة عرفت الفرق بين الكليتين و فرق المصاريف وعرفت الانترفيو مش بيعتمد على الشكل على اد م بيعتمد على اسلوب كلامك ولابسك انو يكون منسق وشوية معلومات وطبعا شوية انجلا لان ف امتحان القدرات عندك 40 درجة من 100 ف الانجلا والاسلوب والشكل 30 والمعلومات العامة 30 بس خالى بالك لحسن ممكن يحصل زى النة الى فاتت ان القدرات تكون قبل النتيجة وقبل التنسيق ف انتة روح اعملها ومتخفش لو مجالكش حلوان هيجي غيرها وبعدين اعمل تحويل تقليل اغتراب وارجع حلوان ف اول السنة يارب اكون افادت اى اسالة تانى انا معاك ومش تحبط باذن الله هتجيب مجموع حلو وتكون ف المرحلة الاولى

ااناكمان نفس مشكلتك انا ضاعت منى السن رايحه بكره لامتحان القدرات و مش عارفه ده بيبقى زى الانترفيو ولا امتحان بورقه و قلم و كده ولا ايه مش فاهمه اى حااااجه خالص
يااااااريت لو فى حد يفيدنا فى الموضوع ده بجد

الموضوع سهل بتتسالى شوية اسالة

الانترفيو فى سؤالين اساسيين عرف نفسك بالانجليش وليه دخلت القسم ده
واسالة عامة (تاريخة او عواصم او عملات ) سهل جداً وتقريبا الكل بينجح غير الى بيكون مش عارف حاجة خالص