بسم الله الرحمن الرحيم

مستنى استفسارتكو هنا

ممكن لو سمحت شرح الترانزستور كمفتاح
والوصلة الثنائية (التوصيل الامامي والعكسي)
كيفية تولد الاشعةفي ليزر الهليوم والنيون

شرح الترانزستور كمفتاح

انا مش عارفة افهمه خااااااااااااااااااااااااااالص ومعايا مذاكرات له ومش عارفة برده

الترانزستور ك مفتاح زى بالظبط الترانزستو ك مكبر (الباعث مشترك)

لو دخلنا جهد موجب على القاعده (توصيل امامى) (باعتبرها ال input بتاعنا) الترانزستور هيشتغل كأنه مفتاح on

و لو دخلنا جهد سالب على القاعده (توصيل خلفى) الترانزستور هيشتغل كأنه مفتاح off

الوصله الثنائيه عباره عن بللورتين سليكون

بللوره منهم من النوع n (يعنى غنيه بالشحنات السالبه اللى هى الالكترونات)

و الاخرى من النوع p (يعنى غنيه بالشحنات الموجبه اللى هى الفجوات)

عند توصيل الببلورتين معا تبدأ الشحنات فى الانتقال بين البللورتين
(طبقا للقاعده المشهوره الاقطاب المختلفه متجاذبه زى ما احنا عارفين كدا ف المغناطيس القطب الشمالى بيجذ الجنوبى و العكس صحيح)

طبعا مش هتستمر حركه الشحنات ل ما لا نهايه
بمعنى ..عند لحظه معينه هينشأ فرق جهد(يسمى ب جهد الحاجز) يمنع عبور المزيد من الشحنات بين البللورتين
يعنى ايه الكلام الكبير دا!!
يعنى تعالى نتخيل مع بعض شخصين
احمد غنى بالاكترونات
محمد غنى بالفجوات
لما نوصلهم ببعض .. هتبدأ الالكترونات بتاعت احمد تروح لمحمد..و كمان فجوات محمد تروح لاحمد
و نتيجه لكدا هتسيب الاكلترونات وراها ايونات موجبه (ناحيه احمد)
و كمان هتسيب الفجوات وراها ايونات سالبه (ناحيه محمد)
تمام
تعالو نركز على الايوانت الجديده اللى اتكونت
الايونات هى اللى هتوقف حركه الالكترونات و الفجوات
ازاااى
بالتنافر يا جماعه
يعنى مثلا الكترونا احمد و هى طالعه من عنده و رايحه ل محمد هتقابل ايه؟ هتقابل ايونات سالبه و بالتالى يحدث تنافر و بالتالى يحدث اتزان و ينشا فرق جهد يمنع عبور المزيد من الشحنات بين البللورتين


اقرو واحده واحده و حاولو تتخيلو و لو فى اسئله انا حاضر ان شاء الله

توصيل الوصله الثنائيه:

احنا ممكن نستخدم الوصله الثنائيه كانها مقاومه متغيره

ازاى؟

لو وصلناها امامى.. هتعدى التيار
و لو وصلناها عكسى..مش هتعدى التيار

تمام لكن ايه تفسير الكلام دا؟

شوفو يا جماعه احنا اتفقنا اننا اول ما نوصل بللورتين مع بعض بتبدأ الالكترونات و الفجوات تتحرك و بعدين تتكون ايوانات اللى عددها بيفضل يزيد لحد ما تحصل حاله اتزان (يعنى مفيش الكترونات و لا فجوات بتتحرك) .. ساعتها تيار الانتشار(الناتج عن حركه الالكترونات و الفجوات) بيكون بيساوى التيار الانسيابى(الناتج عن الايونات الموجبه و السالبه) و طبعا الاتنين عكس بعض ف الاتجاه ف بيلاشو بعضز

الخلاصه ان الالكترونات و الفجوات خلاص كل واحد قاعد ف بيته و مبيروحش ناحيه التانى

طيب نعمل ايه عشان نحركهم ؟

نوصل عليه بطاريه

طيب نوصلها ازاى؟

فى طريقتين

يا اما نوصل البطاريه بحيث انها تزق (تدفع) الشحنات الموجوده ف الوصله الثنائيه
يا اما نوصلها بحيث انها تشد (تجذب) الشحنات

ف الحاله الاولى هيمر تيار ف الترانزستور لان انتو عارفين ان فى قاعده بتقول حركه الشحنات = مرور تيار
ف الحاله التانيه لن يمر تيار ف الوصله الثنائيه لان البطاريه بتجذب الشحنات ناحيتها و بالتالى مفيش شحنات هتتحرك جوه الوصله الثنائيه

و كمان لازم نستنج
ف الحاله الاولى الوصله الثنائيه اشتغلت كانها مقاومه صغيره (لان التيار هيعدى)
ف الحاله التانيه الوصله الثنائيه كانها مقاومه كبييييره (لان التيار مش هيقدر يعدى من خلال الوصله الثنائيه)

ليزر الهليوم \ نيون

الخطوات:

هنوصل جهد عالى مناسب لاثاره ذرات الهليوم

تنتقل ذرات الهليوم من المستوى الارضى ل مستوى الاثاره

يحدث تصادم غير مرن بين ذرات الهليوم و النيون

تنتقل الطاقه من ذرات الهليوم الى النيون

تنتقل ذرات الهليوم من المستوى الارضى الى مستى الاثاره

ف الخطوه دى هيحصل حاجتين

اولا تعود بعض ذرات النيون للمستوى الارضى و تنطلق فوتوانت (انبعاث تلقائى)
ثانيا تصطدم الفوتونات بذرات الهليوم المثاره و يحدث تضخم لعدد الفوتونات (انبعاث مستحث)

يزداد عدد الفتونات المنطلقه بفعل الانبعاث المستحث حتى تسطيع اختراق المراه الشبه منفذه

و بذلك نحصل على ومضه ليزر

اى سؤال موجود ان شاء الله

مشكووووووووووووور جدا علي المجهود الرائع

علل .. الفوتون لا يمكن تعجيله ؟

علل .. الفوتون لا يمكن تعجيله ؟

لانه دائما يسير بسرعة الضوء ويمكن التحكم في طاقته وتردده وطوله الموجي ولكن لا يمكن التحكم في سرعته

فكره التعجيل قايمه على قاعده الاقطاب او الشحنات المختلفه متجاذبه
يعنى مثلا شاشه التلفزيون او الكمبيوتر بيتم فيها تعجيل الالكترونات السالبه من خلال التاثير عليها بجهد موووجب (الرسمه موجوده ف كتاب الوزاره صفحه 278)

نيجى بئه لسؤالك
الفوتونات اساسا غير مشحونه و بالتالى لا يمكن تعجيلها

لو فى سؤال انا موجود يا جماعه

لانه دائما يسير بسرعة الضوء ويمكن التحكم في طاقته وتردده وطوله الموجي ولكن لا يمكن التحكم في سرعته

متهيالى بردو ممكن تضيف انو غير مشحون ودا جزء مهم ف الاجابة

ماشاء الله عليك بجد
خليك بقى موجود ع ما اخلص باقى الحديثة وارجعلك بالاسئلة كلها
:)

جزاك الله كل خير جعله فى ميزان حسناتك .
طريقتك حلوة ولذيذة ومبسطة.
يارب ان تكون دائم الاستمرار عليها.

ف تطبيقات الليزر مثلا ف الطب والاتصالات والطباعة كده
لما يجى يقول الخاصية من خواص الليزر تستخدم ف التطبيق ده اجيبها ازاى
يعنى زى ان خاصية ان الاشعة متوازية هى السبب ف الليزر يستخدم ف التحام الشبكية
الباقى ايه بقى ؟؟

وكمان الجزء الاخير بتاع الدوائر الالكترونية والكمبيوتر الكمى واستخدامات الترنزستور دى
مش عارفة اجمعها ولا اكتب فيها حاجة دى بتيجى ف امتحانات ازاى

ما نتيجة واهمية كلا من الكترون له طاقة عالية بهدف عنصر ثقيل

بالنسبه ل الليزر ف كل تطبيقاته معتمده على انه يتمتع ب الاتى:
فوتوناته:
مترابطه
تتحرك ف حزمه ضوئيه متوازيه
لها طول موجى واحد
لها نفس الطور و الاتجاه
لا تخضع ل قانون التربيع العكسى



اما ب النسبه ل سؤالك التانى
ف انا رفعتلك ورقه فيها الجزء دا بوصى عليها

بالنسبه ل سؤالك يا احمد
قذف عنصر ثقيل زى اليورانيوم مثلا ب الكترون بيعمل: انشطار نووى
اما وجه الاستفاده من كدا ف هو: الحصول على الطاقه النوويه