لمن لا يعرف قسم هندسة الديكور بفنون جميلة توبيك هيغير رايك للقسم بتاعنا والله [الأرشيف]

مشاهدة النسخة كاملة : لمن لا يعرف قسم هندسة الديكور بفنون جميلة توبيك هيغير رايك للقسم بتاعنا والله

bahaaeldeen

19-06-2012, 10:13 AM

ممكن تقرا كلامى للأخر ارجوووك لانه ممكن يغير مستقبلك لافضل مستقبل لو مجموعك مجابش الكلية اللى عايزها

قسم هندسة الديكور قسم ممتاز جداااا
وللاسف الكثير من المصريين مش عارف عنه اى حاجة غير انه مهندس ديكور وبيعمل شوية كنب وسراير وعفش وبس وفاكرين ان ملوش مستقبل او فاكرين انه اى كلام زى ما هم فاكرين الكلية اى كلام

اولا قسم هندسة الديكور مش كدة نهائيا
اولا بياخد من علمى فى اسكندرية 93
وفى الزمالك اللى تبع جامعة حلوان 92 ونص
وفى المنيا 92 وفى الاقصر 91 ونص
دة تنسيق اخر سنة وبيكون فى التنسيق اسمه فنون جميلة فنون علشان لو حد علمى ومش عايز يدخل نحت او تصوير او جرافيك يدخل حسب رغبته

بالنسبة لعدد الطلاب بيكون فى الاغلب 110 طالب بالكتير جدا والشهادة بكالريوس و5 سنين منهم سنة اعدادى زى هندسة بالظبط ويمكن احسن كمان

بالنسبة للامتحان المؤهل بيكون امتحان فنون للقدرات

بالنسبة للدراسة فيها تخصصين

تخصص عمارة داخلية:
ودة اسمه بالانجليزية interior design وبتدرس كل مواد قسم عمارة وهندسة ووظيفتك انك بتصمم كل حاجة سواء تصميم معمارى او داهلى او اى شئ يستخدم وحتى كمان واجهات المبانى من كل حاجة والاضاءة والاثاث والتوزيع وبتدى وظيفة للشكل او الحيز اللى قدامك من الوان واثاث منزلى ونظام اضاءة وصرف وتوزيع كهرباء و كل حاجة تتخيلها لكن بطريقة شيك وعلمية ومنطقية واقتصادية وهندسية وتنفيذية يعنى بتصمم مثلا من النصب التذكارى لحد البنايات العملاقة والشهادة بكالريوس عمارة داخلية قسم الديكور
التخصص بيكون فى سنة تالتة

تخصص فنون تعبيرية
دة بتاع ديكور المسارح والسينمات والافلام والاعمال الفنية وكمان تصميم الازياء من حيث كل حاجة من الاول للاخر

والتخصص بيكون على حسب رغبة الطالب

بالنسبة بقى لمواد الدراسة اعتقد ان اللى ميعرفوش عن القسم هيتصدموا بيها لانها مواد هندسية وفنية مع بعض ودة اللى غلب بتوع عمارة نفسهم
يعنى بتتعلم ازاى تبدع فى شغلك دة غير انك لما تتخرج بتكون اتعلمت ثرى دى ماكس واوتوكاد ودى برامج هامة لاى مصمم او مهندس وكمان بيكون معاك جانب فنى اقوى من اى حد

ودى المواد الدراسية لكل السنين
ومن اعدادى هتجيب مسطرة تى ومثلثات وهتجيب الوان كمان يعنى هتدرس كل حاجة

[/SIZE]بالنسبة للمواد الدراسية هتلاقيها على اللينك دة فى جدول
http://www.helwan.edu.eg/finearts/index.php?option=com_content&view=article&id=67&Itemid=71

اعدادى: تصميمات/تشكيل واسس تصميم/رسم/اسقاط هندسى/كيمياء/فيزياء/تشريح/لغة اجنبيه/تاريخ حضارة/حقوق انسان

الفرقة الاولى: تصميمات عمارة/دراسات تحليلية/منظور هندسى/طرز معمارية/مواد بناء/تكنولوجيا/علم نفس واجتماع/تاربخ فن عام/لغة اجنبيه

الفرقة الثانية: تصميمات عمارة/انشاء معمارى/دراسات تحليلية/منظور هندسى/لغة اجنبية/تكنولوجيا/تاريخ فن عام

الفرقة الثالثة شعبة عمارة داخلية : تصمبمات عمارة/تصميم معمارى/تصميمات ديكور تنفيذية/دراسة المرئيات/طرز تأثيث/نظريات الديكور/النقد وعلم الجمال/التجهيزات الفنية
شعبة فنون تعبيرية: تصميمات فنون تعبيرية/دراسة المرئيات/هندسة المناظر/تاريخ ازياء/نقد وعلم جمال/تذوق موسيقى/تاريخ مسرح وسينما/كاميرا واضاءة

الفرقة الرابعة شعبة العمارة الداخلية: تصميمات عمارة/دراسة مرئيات/تصميم معمارى/تصميمات ديكور تنفيذية/تجهيزات فنية/المواصفات الفنية وحساب الكميات/ادارة اعمال ونظرية الاتصال/النقد وعلم الجمال/مشروع التخرج
شعبة فنون تعبيرية: تصميمات فنون تعبيرية/دراسة مرئيات/هندسة المناظر/تنفيذ وماكيت/طرز تأثيث/تاريخ ازياء/النقد وعلم الجمال/مشروع التخرج

وبالنسبة لموضوع النقابة احنا كنا فى نقابة المهندسين لكن اسكندرية سامحها الله بقت تاخد منة ادبى وتديهم كورسات كيمياء وفيزياء ف اتوقفنا من النقابة ودلوقتى بقينا فى نقابة التشكليين مش عارف ازاى ودة يمكن العيب الوحيد للقسم برغم ان الشغل ممتاز جدا وفرص العمل اقوى من اى مهندس واقوى مصمم بالنسبة لفنون جميلة

ملحوظة هامة:
طلبة ديكور بتدرس فى اول سنين ليها عمارة داخلية وتصميم داخلى وبعدين التخصص وبيدرسوا تصميم معمارى فى اخر سنتين
لكن طلبة عمارة وهندسة عمارة بيدرسوا العكس فى اول سنين تصميم معمارى واخر سنتين تصميم داخلى

وبنعمل محاولات وباذن الله قريب اوى هنكون فى نقابة المهندسين

لكن امتيازاتنا اننا احسن من الهندسة نفسها لان عددنا قليل

ومن غير زعل حتى بتوع عمارة لما بيتخرجوا بيشتغلوا شغلنا لان عدد عمارة كتير جدااا لكن ولا درسوا فن ولا ابداع انا بتكلم عن هندسة قسم عمارة مش فنون جميلة عمارة لان فنون جميلة عمارة دلوقتى افضل بكتييييييييييير من هندسة عمارة عشان العدد والفن والابداع والنقابة كمان

يعنى ترتيب الكليات فى المجال المعمارى

1/ فنون جميلة قسم عمارة

2/فنون جميلة قسم ديكور
3/هندسة قسم عمارة

هتقولى ليه هقولك عشان القسمين دول درسوا الرسم الحر والهندسى والفن والالوان والعلاقات والمشاريع والشغل الجد المتعب لاننا بنقعد فى الكلية كتيييييير جداااا لكن بتوع هندسة بيدرسوا جانب هندسى فقط
وكمان شهادتهم واحدة ونقابتهم واحدة وباذن الله ديكور هيبقى احسن الاقسام وهيثبت نفسه فى المجال قريب جداااااااااا

الفرق بين الفنون الجميلة في قسم العمارة وبين الهندسة في قسم العمارة

مدة الدراسة في كلية الفنون الجميلة بقسم العمارة خمس سنوات منها سنة إعدادية لتخصص العمارة، بينما مدة الدراسة في قسم العمارة بكلية الهندسة أربعة سنوات منها سنة رابعة للتخصص في أحد الأقسام التالية : المباني العامة - الإسكان - التصميم الحضري. وأن مدة الدراسة بكلية الهندسة خمس سنوات منها سنة إعدادية عامة لجميع تخصصات كلية الهندسة ويتم بعدها اختيار التخصص بناءً على تقدير السنة الإعدادية.
مشروع التخرج في كلية الفنون الجميلة قسم العمارة حر ويمكن عمل مشروع التخرج في أي من الشعب الثلاثة لقسم العمارة في كلية الهندسة ,بينما في كلية الهندسة مشروع التخرج محدود بشعبة واحدة من قسم العمارة سواء تصميم حضري أو إسكان أو مباني عامة.
في كلية الفنون الجميلة تتم دراسة الفن بجانب دراسة الهندسة المعمارية أي أن كلية الفنون الجميلة تدرس العمارة من ثلاث جوانب (فني - هندسي - تطبيقي) بينما في كلية الهندسة والفنون التطبيقية تتم دراسة العمارة من جانبين (هندسي - تطبيقي).
اللقب الوظيفي واحد للكليتين وهو : مهندس معماري والنقابة واحدة وهى : نقابة المهندسين.

وقسم الديكور عيبه الوحيد موضوع النقابة لكن بنعمل محاولات لكن دة ميمنعش ان فرص عمل بتاع ديكور اقوى من بتوع هندسة واقوى من بتوع عمارة مع احترامى للكل

ملحوظة هامة جدا:
قسم الديكور نفسه قسم عمارة واكتر من عمارة لانك بتدرس فى اول سنتين

لاى اسئلة ياريت تكتبوهاا لانى والله مانا سايب مكانى الا لما اعرف كل واحد قدر كليتنا وقدر القسم بتاعنا

والله الموفق والمستعان

ها غيرت رأيك ولا لسه؟؟؟؟؟؟؟؟؟؟؟؟؟؟

:022yb4::022yb4::022yb4::022yb4::022yb4::022yb4::0 22yb4::022yb4::022yb4::022yb4::022yb4:

actavious_

19-06-2012, 11:06 AM

بفكر ادخله ، ادعيلى اعدى السنادى بس :)

senyorita sara

20-06-2012, 11:20 AM

طب عاوزه اعرف الفرق بين فنون جميلة وفنون تطبيقية وياترى التطبيقية فيها ديكور وعمارة برضو؟؟؟؟؟؟؟؟

bahaaeldeen

20-06-2012, 10:00 PM

طب عاوزه اعرف الفرق بين فنون جميلة وفنون تطبيقية وياترى التطبيقية فيها ديكور وعمارة برضو؟؟؟؟؟؟؟؟

فنون تطبيقية مسمهاش هندسة الديكور لكن اسمها تصميم داخلى واثاث
احنا فى فنون جميلة بندرس 5 سنين ديكور ومنهم اعدادى

لكن فنون تطبيقية بيدرس الاول اعدادى فنون ويدرس 14 مادة وعلى حسب تقديراته بيتخصص واعلى تقديرات بتدخل قسم تصميم داخلى واثاث

بيدرسوا ديكور دة 4 سنين مش 5 زينا
برغم ان مجموع فنون تطبيقية اكتر ب1%
وكمان نقابتهم زينا بالظبط ونفس الشهادة بس احنا عندنا تخصصين
عمارة داخلية وفنون تعبيرية
وكل تخصص غير التانى وبيكون برغبة الطالب اكييييييد وعمارة داخلية مليانة هندسة ومعمارية
لكن فنون تعبيرية مليانة ارت ورك اكتر

فنون جميلة يبقى احسن

بسمة العرب

21-06-2012, 08:40 PM

طب عاوزه اعرف الفرق بين فنون جميلة وفنون تطبيقية وياترى التطبيقية فيها ديكور وعمارة برضو؟؟؟؟؟؟؟؟

بصى فنون تطبيقية فيها ديكور طبعا بس هو اسمه قسم تصميم داخلى واثاث وهو احسن واعلى قسم فى تطبيقية تقريبا لكن على فكرة باقى اقسام تطبيقية داخل فيها الديكور برده زى مثلا قسم الزخرفة فيه ديكور وجرافيك كمان يعنى فى تطبيقية كل قسم بياخد من الباقيين ودى ميزة كويسة جدا ولكن فى فنون جميله في ميزة اللى هى انك بتاخدى الخمس سنين ديكور اما فى تطبيقية بتاخدى اربع سنين بس على حسب تقديرك فى اول سنة و بالنسبة لفنون جميله عندك 5 اقسام اللى هما ديكور وعمارة وجرافيك وتصوير ونحت اما تطبيقية عندك 14 قسم منهم تصميم داخلى واثاث وزجاج وحديد ونسيج وزخرفة وطباعة واعلان الى اخره

بسمة العرب

22-06-2012, 10:59 AM

لكن عموما قسم الديكور ده من احسن الاقسام فعلا وفيه شغل جامد جدا وانا فعلا كان من طموحاتى انى ادخله وانى ابقى مهندسة ديكور وان شاء الله اكيد هييجى الوقت اللى هيتميز فيه القسم ده

bahaaeldeen

22-06-2012, 04:47 PM

لكن عموما قسم الديكور ده من احسن الاقسام فعلا وفيه شغل جامد جدا وانا فعلا كان من طموحاتى انى ادخله وانى ابقى مهندسة ديكور وان شاء الله اكيد هييجى الوقت اللى هيتميز فيه القسم ده

انتى فى كلية ايه وقسم ايه؟؟؟؟
باذن الله قسم الديكور هيبقى احسن

bahaaeldeen

22-06-2012, 04:49 PM

https://www.facebook.com/kodrat2012

#MoRoG#

17-07-2012, 12:26 PM

wow
!!!!!!!
أنا بموت فى حاجة اسمها هندسة ديكور وتصميم وجرافيكس
بس أنا علمى علوم والحمد لله جبت 413
100.7 %
والطبيعى أدخل طب
وأنا مش كارهاه بس أنا بحب الحاجات دى موووووت
مش عارفة ربنا ييسر

mimo108

18-07-2012, 06:00 AM

انا ادبى من اسكندرية كنت عايزة اعرف فنون جميلة ديكور بتاخد من كام للادبى

sasa mh

18-07-2012, 03:33 PM

انا جايب ٩٠ % و عايز ادخل فنون تطبيقية ينفع

bahaaeldeen

19-07-2012, 07:42 PM

انا جايب ٩٠ % و عايز ادخل فنون تطبيقية ينفع

صعب شويـــــــــــة

حب الاسلام

22-07-2012, 06:07 PM

السلام عليكم ورحمة الله وبركاتة
هو انا جايبة 91ينفع ادخل فنون جميلة ديكور مع العلم انى علمى رياضة
والسلام عليكم

nour_kh

22-07-2012, 11:23 PM

؟؟ ردو علينا الله يخليكوا

bahaaeldeen

23-07-2012, 01:17 AM

السلام عليكم ورحمة الله وبركاتة
هو انا جايبة 91ينفع ادخل فنون جميلة ديكور مع العلم انى علمى رياضة
والسلام عليكم

اة طبعااااااااااااااااااااااااااااااااااااا

حب الاسلام

23-07-2012, 02:00 AM

السلام عليكم
شكراا اوى على الرد طمنت قلبى
معلش فى حاجة تانية
انا اسمع ان فى ناس ما بينجحوش فى امتحانات القدرات
اية اللى ما بينجحهمش دة زائد انهم ماشاء الله بيعرفو يرسمو حلو
معلش ارجو الرد علشان هاروح اقدم بكرة ان شاء الله

nour_kh

23-07-2012, 03:44 PM

طيب يا استاذ بهاء انا عاوزة اعرف دلوقتى جامعة الاسكندرية بالنسبة لفنون جميلة قسم الديكور بياخد من الادبى السنة دى ولو اخد اية هو اقصى حد بالنسبة لمجموع القسم ده لانى جايبة 93.6 وادبى ان شاء الله الحق القسم ده ولا اية الله يكرمك طمنى ورد عليا

حب الاسلام

23-07-2012, 08:53 PM

السلام عليكم
بصى يا حبيبتى انا هارد عاليكى فى اللى انا عارفاة ماشى
انتى ان شاء الله تلحقى فنون جميلة بكل اقسامها ماعدا عمارة علشان انتى ادبى
وهاتلحقيها ان شاء الله وانتى حطى رجل على رجل زى ما بيقولو ان شاء الله لان فنون جميلة فنون السنة الللى فاتت واخدة 366 الاسكندريةوحلوان من 358.5 وانتى نازلة بقى ارجو انى اكون عرفت افيدك ولله التوفيقى لية وليكى ان شاء الله

nour_kh

23-07-2012, 09:56 PM

الله يخليكى ويارب ادخل قسم اليكور نفسى فية اوى

حب الاسلام

23-07-2012, 11:41 PM

ان شاء الله حبيبتى ربنا ينولك اللى فى بالك ان شاء الله انا وانتى وبقية الطلاب باذن الله

mimo108

24-07-2012, 08:32 AM

انا ادبى من اسكندرية كنت عايزة اعرف فنون جميلة ديكور بتاخد من كام للادبى
محدش رد على سؤالى ليه : (
وانا كنت عايزة اعرف انا جايبة فى تانية 89 محتاجة اجيب كام السنة الجاية ان شاء الله عشان ادخل ديكور

bahaaeldeen

24-07-2012, 09:15 PM

محدش رد على سؤالى ليه : (
وانا كنت عايزة اعرف انا جايبة فى تانية 89 محتاجة اجيب كام السنة الجاية ان شاء الله عشان ادخل ديكور

ديكور بياخد 91 ونص ع الاقل ولحد 92 ونص

انا كنت فى تانية 88 وجبت فى تالتة96 ودخلت ديكور بمجموع 92 ونص

mimo108

25-07-2012, 01:35 PM

ديكور بياخد 91 ونص ع الاقل ولحد 92 ونص

انا كنت فى تانية 88 وجبت فى تالتة96 ودخلت ديكور بمجموع 92 ونص
جزاكى الله خيرا
انتى ادتينى امل انى ممكن اعلى فى 3 وادخل الكلية ان شاء الله

yousra yasser

26-07-2012, 07:36 PM

لو سمحت انا جايبة 92 ادبى ممكن ادخل ديكور جامعة اسكندرية ولا لا وهى بتقبل من مجموع كام من ادبى وليها امتحان تانى او لا عشان ادخلها ؟؟

Noha Reda

27-07-2012, 10:04 PM

لو سمحت يا باشمهندس كان عندى استفسار صغير .. هو أنا اللى أعرفه ان ديكور فى اسكندرية بيتعمله تنسيق داخلى لطلبة أدبى و بياخدو أعلى مجاميع و الباقى بيدخل قسم فنون
أنا ممكن أدخل فنون اسكندرية و لو ماقبلتش فى التنسيق الداخلى بتاع ديكور ده أحول فنون حلوان .. ولا هيكون باب التحويل اتقفل؟؟ ممكن حد يفهمنى

bahaaeldeen

28-07-2012, 12:44 AM

لو سمحت انا جايبة 92 ادبى ممكن ادخل ديكور جامعة اسكندرية ولا لا وهى بتقبل من مجموع كام من ادبى وليها امتحان تانى او لا عشان ادخلها ؟؟

اة طبعا هى خدت 89 اصلا وليكى الاولوية باذن الله
ملهاش امتحان تانى ولا حاجة بس وانتى بتقدمى اكتبى انك عايزة ديكور

yousra yasser

30-07-2012, 09:31 PM

اة طبعا هى خدت 89 اصلا وليكى الاولوية باذن الله
ملهاش امتحان تانى ولا حاجة بس وانتى بتقدمى اكتبى انك عايزة ديكور
معلش بس اكتب فين انى عايزة ديكور وكمان السنة دى الكلية اخدت 91.4 هيكون ليا الاولوية ولا لا

محمد بركات2

31-07-2012, 09:53 AM

لو سمحت هو قسم ديكور حلوان يبقبل علمى علوم ولا رياضة بس

bahaaeldeen

31-07-2012, 09:18 PM

bahaaeldeen

31-07-2012, 09:18 PM

لو سمحت هو قسم ديكور حلوان يبقبل علمى علوم ولا رياضة بس

بيقبل علمى علوم ورياضة

yousra yasser

01-08-2012, 05:43 PM

وانا مفيش ليا رد ؟؟

bahaaeldeen

02-08-2012, 01:26 AM

وانا مفيش ليا رد ؟؟

معلش مخدتش بالى
لما بتعملى التقديم بتكتبى على الملف انك عايزة قسم ديكور :)

nourhan mohamed2020

02-08-2012, 03:39 AM

يعنى اسكندريه اكيد بتاخد ادبى فى ديكور قسم عماره داخليه

nourhan mohamed2020

02-08-2012, 03:41 AM

وبعمل ايه فى التقديم بالظبط لو عايزه قسم ديكور

bahaaeldeen

03-08-2012, 06:45 PM

يعنى اسكندريه اكيد بتاخد ادبى فى ديكور قسم عماره داخليه

ايووووووووووون

bahaaeldeen

03-08-2012, 06:46 PM

وبعمل ايه فى التقديم بالظبط لو عايزه قسم ديكور

لازم تمتحنى فنون جميلة فنون ومش عمارة
وقت التقديم بتكتبى ع الملف انك عايزة ديكور ولو انتى علمى بتدخلى ديكور تلقائى

nourhan mohamed2020

05-08-2012, 01:10 AM

لازم تمتحنى فنون جميلة فنون ومش عمارة
وقت التقديم بتكتبى ع الملف انك عايزة ديكور ولو انتى علمى بتدخلى ديكور تلقائى
طيب انهى ملف بالظبط ملف الثانويه العامه ؟ وبكتب عايزه قسم ديكور ولا ايه معلش؟

bahaaeldeen

05-08-2012, 03:35 AM

طيب انهى ملف بالظبط ملف الثانويه العامه ؟ وبكتب عايزه قسم ديكور ولا ايه معلش؟

الملف بتاع التقديم بعد العيد لما ييجى وقته :)

nourhan mohamed2020

10-08-2012, 03:20 AM

الملف بتاع التقديم بعد العيد لما ييجى وقته :)
شكرا جدا على الافاده بس ياريت بعد العيد توضحلى هكتب ايه بالظبط

amr99810

29-08-2012, 11:11 PM

يا جماعة انا داخل 2 ثانوى و عايز اخش هندسة الديكور لأنى حابب موضوع الديكور اوى و كنت فاكر ان ديكور فى علمى بس و لقيت ناس بتقلى كلام غريب و انو موجود فى أدبى فنون جميلة و انا مش عارف ارجوكم حد يساعدنى هندسة ديكور احسن فى علمى ولا فى أدبى و ارجو شرح ليه ده افضل من ده ارجوكم سريعا الرد لاننا خلاص داخلين على المدارس و انا اخترت علمى و مش عارف هعرف احول ولا لا بس ارجو الافادة بسرعة

bahaaeldeen

30-08-2012, 03:13 PM

nourhan mohamed2020

01-09-2012, 07:57 PM

هو التقديم بدأ ولا لسه ؟ وعايزه اعرف اكتب ايه على الملف بالظبط لو انا عايزه قسم ديكور؟

bahaaeldeen

03-09-2012, 08:47 PM

هو التقديم بدأ ولا لسه ؟ وعايزه اعرف اكتب ايه على الملف بالظبط لو انا عايزه قسم ديكور؟

مادام علمى بتدخلى ديكور تلقائى من اعدادى بس عرفيهم
اكتبى على الملف قسم الديكور

nourhan mohamed2020

04-09-2012, 03:12 AM

مادام علمى بتدخلى ديكور تلقائى من اعدادى بس عرفيهم
اكتبى على الملف قسم الديكور
طيب لو انا ادبى

دكتورة/نورهان

04-09-2012, 03:36 AM

ليكى ديكور بردوا

mahameho94

12-09-2012, 12:53 PM

اولا بشكرك علي موضوعك ده
ثانيا عايزة اسألك علي شوية حاجات
انا خلاص قدمت في الكلية بس معرفش ايه اجراءات موضوع قسم الديكور مع العلم اني داخلة الكلية مخصوص عشان القسم ده
ياريتك تقولي ايه الاوراق او الاجراءات اللازمة اني ابقي قسم ديكور
تاني سؤال بقي : هل التقديم بأولوية المجموع ؟ مع العلم اني جايبة 96.5 علمي علوم يعني ده مجرد سؤال
تالت سؤال والاخير (طولت عليك) دراسة الكيميا والفيزيا والرياضة هل هي زي كلية هندسة بالانجليزي ولا بالعربي ؟؟
متشكرة وياريتك ترد بسرعة لان فاضل 4 ايام ع الدراسة او اقل

بشمهندس احمد

13-09-2012, 03:45 AM

[QUOTE=mahameho94;4839230]اولا بشكرك علي موضوعك ده
ثانيا عايزة اسألك علي شوية حاجات
انا خلاص قدمت في الكلية بس معرفش ايه اجراءات موضوع قسم الديكور مع العلم اني داخلة الكلية مخصوص عشان القسم ده
ياريتك تقولي ايه الاوراق او الاجراءات اللازمة اني ابقي قسم ديكور
تاني سؤال بقي : هل التقديم بأولوية المجموع ؟ مع العلم اني جايبة 96.5 علمي علوم يعني ده مجرد سؤال
تالت سؤال والاخير (طولت عليك) دراسة الكيميا والفيزيا والرياضة هل هي زي كلية هندسة بالانجليزي ولا بالعربي ؟؟
متشكرة وياريتك ترد بسرعة لان فاضل 4 ايام ع الدراسة او اقل

اولا مببببببببببروك انك دخلت اجمل كلية فى العالم
انتى لو فى اسكندرية الكلية حتاخد اعلى المجاميع سواء علمى او ادبى ومش انتى بتحددى ده لسه بيحصل تنسيق داخلى جوه الكلية وانتى انشاء الله دخلها ولو اى جامعة سواء حلوان او المنيا او الاقصر بتاخد علمى فقط
وبالنسبة للدراسة ! انا سالت فى الموضوع ده اقلولى الدراسة مرنة جدا شوية كدة وشوية كده حسب المادة
وربنا يوفقك يا بشمهندسة

Aya siwon

03-10-2012, 02:26 AM

bahaaeldeen

24-10-2012, 12:14 PM

السلام عليكم في البدايه انا بشكررررك جدا على المعلومات الرائعه ديه :))) ..انا كان عندددي سؤال مصيرييي انا كتيرر نصحوني بقسم جرافيك و ديكور كمان بس ياريت اعرف الفرق بينهم من حيث الشغل انهو المطلوب اكتر ؟؟؟؟ لاني محتااااااااره جدا وارجوووو الرددددد السرييع
وشكررررررا

ديكور احسن وجرافيك بعديه
ديكور كمان مضمون من اول سنة لا فيه تنسيق ولا بتاع
جرافيك تانى سنة
وكمان ديكور بيدرس كل مواد عمارة وكل مواد جرافيك وفنون :)

ديكور الاقوى فى رأيي وتلك وجهات نظر

sara.m.m

31-12-2012, 11:14 PM

tb 2na 3ayza isa 2d5ol dekor...bs fe nas
2aloly 2n tool el sana byb2a f mashare3 kteer w bt**** 8alya 2wy ya3ny 3alal el 2a2l 5000 LE for each ??!!
yareet tefedonyy :)

bahaaeldeen

03-01-2013, 08:36 PM

tb 2na 3ayza isa 2d5ol dekor...bs fe nas
2aloly 2n tool el sana byb2a f mashare3 kteer w bt**** 8alya 2wy ya3ny 3alal el 2a2l 5000 le for each ??!!
Yareet tefedonyy :)

من جهة مشاريع كتير اة بس بتتعلمى حاجة بجد وتستفيدى جدا لكن المصاريف مش كتيرة اوى يعنى
انا يعنى بدفع فى السنة بتاع 300 جنيه ادوات فى الحدود دى ومصاريف الكلية 250
مش مكلفة يعنى :) ومش بتوصل ل 5 الاف ابدا :)

sara.m.m

04-01-2013, 12:04 AM

thanx alooot :) el7l 2ny l2etak w s2ltak :D 2na kont 5alas habd2 2shel el dekor da mn dma8y :\ w kont z3lana 2wy....2d3elly ba2a rbna ywf2ny w 2d5ol dekor isa :)

همس الامانى

06-01-2013, 08:15 PM

يا جماعة انا 2 ثانوى النظام الجديد وكنت عايزة ادخل ديكور انا ناوية ادخل قسم رياضة ينفع ولا ايه لازم ادبى بس ؟ يعنى من الاخر ينفع من رياضة ادخل ديكور لوسمحتوا حد يكون متاكد يرد عليا علشان انا خلاص اتلخبط

bahaaeldeen

19-01-2013, 08:01 PM

thanx alooot :) el7l 2ny l2etak w s2ltak :d 2na kont 5alas habd2 2shel el dekor da mn dma8y :\ w kont z3lana 2wy....2d3elly ba2a rbna ywf2ny w 2d5ol dekor isa :)

ياااااارب تبقى معانا :)

bahaaeldeen

19-01-2013, 08:02 PM

بشمهندس احمد

28-01-2013, 12:25 AM

بيختلف من سنة واخرى السنة دى اخدت 94 فى المية

hefzy

30-03-2013, 07:15 PM

طيب فنون تعبيريه هشتغل ايه بالتفصيل يعني بعد ما اتخرج وهل ممكن اصمم ديكورات بيوت ومحلات و معارض ولا لا ارجو الرد بليز

bahaaeldeen

31-03-2013, 10:20 PM

طيب فنون تعبيريه هشتغل ايه بالتفصيل يعني بعد ما اتخرج وهل ممكن اصمم ديكورات بيوت ومحلات و معارض ولا لا ارجو الرد بليز

كدة كدة الشعبتين عادى داخلين فى بعض يعنى
بس فنون تعبيرية شتغل فى ديكور سينما ومسرح وتليفزيون وتصميم ازياء لو ليك ف الالوان والشغل الفنى اكتر من الهندسى :)
كمان فى الكلية بتدرس دة ودة وعلى حسب قدراتك بتختار :)

Hamzk

02-04-2013, 01:50 AM

ياسر المزين

02-04-2013, 10:45 AM

السلام عليكم
انا سورية وحابة سجل هندسة ديكور بجامعة الاسكندرية ان شاءالله هالسنة
اول شي
شو المجموع المطلوب ازا بتعرفو .. انا شهادتي سعودية جايبة 98.1 ثانوية ... وقدرات 82
وسؤال تاني .. هندسة الديكور لازملها امتحان تقديم او شي ؟ مثلا امتحان رسم وهيك .. لاني ماكتير شاطرة بالرسم بس عندي حب التصميم والابداع والابتكار وحاسة القسم لابقلي .. بس خايفة ازا فيه امتحان رسم يروحو عليي
وكمان شفت بموقع الجامعة انو في قسم العمارة وقسم الديكور .. هدول شو بيفرقو عن بعض
ياريت لو تفيدوني
وشكرا

لابد من دخول امتحان كلية الفنون الجميلة بالاسكندرية قسم عمارة ودى موجودة فى جليم108 شارع عبد السلام عارف محطة ترام مظلوم اهم شىء تدرسى العمارة صح والمنظور قبل دخول امتحان القدرات وانتى ليكى امتحان كمان فنون اهم شىء التدريب وجميع المذكرات على قسم الفنون والعمارة

Hamzk

02-04-2013, 12:45 PM

[quote=ياسر المزين;5203324]لابد من دخول امتحان كلية الفنون الجميلة بالاسكندرية قسم عمارة ودى موجودة فى جليم108 شارع عبد السلام عارف محطة ترام مظلوم اهم شىء تدرسى العمارة صح والمنظور قبل دخول امتحان القدرات وانتى ليكى امتحان كمان فنون اهم شىء التدريب وجميع المذكرات على قسم الفنون والعمارة واى استفسار من الممكن وضع السؤال فى قسم القدرات على هذاالرابط

لا انا راح ادخل هندسة ديكور مو عمارة
ولا التنين الهم نفس الامتحان ؟

bahaaeldeen

02-04-2013, 09:28 PM

Hamzk

02-04-2013, 09:36 PM

[QUOTE=Hamzk;5203438]

قسم عمارة ليه امتحان قدرات عمارة
وقسم ديكور وباقى اقسام فنون ليهم امتحان قدرات فنون

طيب شو طبيعة الامتحان ؟
انا ماني شاطرة بالرسم بنوب
وحابة اتدرب
بشو بتنصحني

ياسر المزين

03-04-2013, 09:18 AM

[QUOTE=bahaaeldeen;5203944]

طيب شو طبيعة الامتحان ؟
انا ماني شاطرة بالرسم بنوب
وحابة اتدرب
بشو بتنصحني

اهم شىء اعرفى انتى هتمتحنى اية عمارة ولا فنون العمارة تميل الهندسة اما الفنون فهى رسم
وانصح بالتدريب والتمرين حتى تتمكنى من اجتياز الامتحان

Hamzk

03-04-2013, 11:56 AM

[quote=hamzk;5203955]

اهم شىء اعرفى انتى هتمتحنى اية عمارة ولا فنون العمارة تميل الهندسة اما الفنون فهى رسم
وانصح بالتدريب والتمرين حتى تتمكنى من اجتياز الامتحان

انا بدي ديكور ان شالله ف راح امتحن فنون
ف على شو لازم اتدرب وشو الشغلات اللي لازم احفظا ؟

bahaaeldeen

03-04-2013, 10:29 PM

[quote=ياسر المزين;5204528]

انا بدي ديكور ان شالله ف راح امتحن فنون
ف على شو لازم اتدرب وشو الشغلات اللي لازم احفظا ؟

رسم بورتريه وعناصر طبيعية وظلال
وتصميم ابتكارى بالوان خشب
:)

ياسر المزين

06-04-2013, 01:01 AM

[quote=ياسر المزين;5204528]

انا بدي ديكور ان شالله ف راح امتحن فنون
ف على شو لازم اتدرب وشو الشغلات اللي لازم احفظا ؟

ادخلى على هذا الرابط موجود علية مذكرة الظل والنور وكمان النظرى والتصميم الابتكارى

http://www.thanwya.com/vb/forumdisplay.php?f=515

زهرة قمر

09-04-2013, 03:58 AM

انا قرات كلام حضرتك عن الكليه جميله جدااا
بس انا كنت فى 2 علم علوم و جبت 86% و كان حلمى صيدله بس قدر الله و ما شاء فعل و حولت ادبى
و انا ان شاء الله الايام دى عايزة اقدم على جامعه اسكندريه كليه فنون جميله قسم ديكور
بس انا خااايفه اووى من المجموع ما بعرف هيا بتاخد من كام
و مش عايزة حلمى التانى يضيع
ممكن حضرتك تقولى يعنى مجموع من ادبى بيتروا من كام لكام فى كليه ؟

bahaaeldeen

09-04-2013, 02:55 PM

زهرة قمر

09-04-2013, 09:15 PM

فنون جميلة فنون بتاخد 92 93 لعلمى
وادبى 88 89
متقلقيش حاولى تزيدى فى تالتة وبس :)

بس انا عايزة قسم ديكور يعنى نفس مجموع 88 و 89
و لا ازاى
لانى نفسى في القسم ده و خايفه اووووى

bahaaeldeen

09-04-2013, 09:38 PM

بس انا عايزة قسم ديكور يعنى نفس مجموع 88 و 89
و لا ازاى
لانى نفسى في القسم ده و خايفه اووووى

يكون اعلى شوية عشان فيه تنسيق داخلى فى الاسكندرية :)
لكن كدة كدة الشغل مفيهوش مشاكل

زهرة قمر

09-04-2013, 09:44 PM

يكون اعلى شوية عشان فيه تنسيق داخلى فى الاسكندرية :)
لكن كدة كدة الشغل مفيهوش مشاكل

طيب هوا انا بعرف انى هدخل قسم ديكور امتى
و بيختاروا على حسب الامتحان قدرات و لا حسب مجاميع الاعلى
و يعنى قسم ديكور لا يتعدى كام فى المائه ؟

bahaaeldeen

09-04-2013, 11:17 PM

طيب هوا انا بعرف انى هدخل قسم ديكور امتى
و بيختاروا على حسب الامتحان قدرات و لا حسب مجاميع الاعلى
و يعنى قسم ديكور لا يتعدى كام فى المائه ؟

لو انتى ادبى بتدخلى تنسيق خاص داخلى فى اول اسبوع دراسى فى فنون اسكندرية فقط لانها الكلية الوحيدة اللى بتقبل ديكور ادبى

وبيكون اعلى عدد :)
تنسيق داخلى ف اسكندرية 90 وفوق

لكن باقى الكليات مش بتقبل ادبى وبتاخد طلبة علمى بس

زهرة قمر

10-04-2013, 04:55 AM

لو انتى ادبى بتدخلى تنسيق خاص داخلى فى اول اسبوع دراسى فى فنون اسكندرية فقط لانها الكلية الوحيدة اللى بتقبل ديكور ادبى

وبيكون اعلى عدد :)
تنسيق داخلى ف اسكندرية 90 وفوق

لكن باقى الكليات مش بتقبل ادبى وبتاخد طلبة علمى بس

يعنى اعلى عدد ده حسب اعلى مجموع و لا على حسب امتحان القدرات
يعنى بدخل قسم الديكور واول اسبوع ادخل الدراسه و اعرف انى نجحت وهدخل فيه ولا ايه؟
و اعلى مجموع الجامعه قبلته من ادبى عبر السنين وصل لكام؟

bahaaeldeen

10-04-2013, 09:36 PM

يعنى اعلى عدد ده حسب اعلى مجموع و لا على حسب امتحان القدرات
يعنى بدخل قسم الديكور واول اسبوع ادخل الدراسه و اعرف انى نجحت وهدخل فيه ولا ايه؟
و اعلى مجموع الجامعه قبلته من ادبى عبر السنين وصل لكام؟

على حسب مجموع الثانوية العامة
الكلام دة فى اسكندرية فقط
فوق التسعين

زهرة قمر

11-04-2013, 05:32 AM

على حسب مجموع الثانوية العامة
الكلام دة فى اسكندرية فقط
فوق التسعين

طيب حضرتك قل***ى جمله دى
(لو انتى ادبى بتدخلى تنسيق خاص داخلى فى اول اسبوع دراسى فى فنون اسكندرية فقط لانها الكلية الوحيدة اللى بتقبل ديكور ادبى)

يعنى ادخل دراسه و اول اسبوع فيها اعرف انى اتقلبت فى الجامعه و لا ايه ؟
و لو لقدر الله ما اتقبلت فى القسم اللى انا عايزاه ايه هبقى النظام بقى ؟

bahaaeldeen

11-04-2013, 02:25 PM

طيب حضرتك قل***ى جمله دى
(لو انتى ادبى بتدخلى تنسيق خاص داخلى فى اول اسبوع دراسى فى فنون اسكندرية فقط لانها الكلية الوحيدة اللى بتقبل ديكور ادبى)

يعنى ادخل دراسه و اول اسبوع فيها اعرف انى اتقلبت فى الجامعه و لا ايه ؟
و لو لقدر الله ما اتقبلت فى القسم اللى انا عايزاه ايه هبقى النظام بقى ؟

اها انا بتكلنم عن قسم الديكور
يبقى تدخلى اعدادى فنون وتتاهلى تانى سنة لجرافيك او تصوير او نحت على حسب الرغبة والتقدير

زهرة قمر

11-04-2013, 05:24 PM

اها انا بتكلنم عن قسم الديكور
يبقى تدخلى اعدادى فنون وتتاهلى تانى سنة لجرافيك او تصوير او نحت على حسب الرغبة والتقدير

هممم ربنا يستر و ميرسى لحضرتك

faca2099

15-05-2013, 09:16 AM

طيب انا فى ادبى وعاوزه ادخل فنون جميله حيبقا ليا كل الاقسام والمجموع من كام

faca2099

15-05-2013, 09:26 AM

انا من اسكندريه

bahaaeldeen

15-05-2013, 01:02 PM

طيب انا فى ادبى وعاوزه ادخل فنون جميله حيبقا ليا كل الاقسام والمجموع من كام

مادام انتى من اسكندرية يبقى متاح ليكى ديكور واعدادى فنون اللى يدخلك جرافيك او تصوير او نحت :)

faca2099

18-05-2013, 07:21 PM

مادام انتى من اسكندرية يبقى متاح ليكى ديكور واعدادى فنون اللى يدخلك جرافيك او تصوير او نحت :)

ماشى شكرراااا جداا

طيب المجموع فى حدود كام كده

Ahmed Saad Ahmed

21-05-2013, 11:33 PM

شكرا علي مجهودك الجبار
لو سمحت انا علمي علوم
و عايز ادخل فنون جميلة قسم ديكور

يعني المفروض اجيب متوسط مجموع كام ??

------وهل بيبقي في فرص كبيرة للشغل ? وفين ? مطلوبين يعني ولا لا ?

و يا ريت توضيح يعني ايه تنسيق ف الكلية نفسها اسكندرية

ارجوا الرد و شكرا لمجهودك

Ahmed Saad Ahmed

21-05-2013, 11:44 PM

ارجوا الرد ?!

bahaaeldeen

21-05-2013, 11:53 PM

شكرا علي مجهودك الجبار
لو سمحت انا علمي علوم
و عايز ادخل فنون جميلة قسم ديكور
يعني المفروض اجيب متوسط مجموع كام ??
------وهل بيبقي في فرص كبيرة للشغل ? وفين ? مطلوبين يعني ولا لا ?
و يا ريت توضيح يعني ايه تنسيق ف الكلية نفسها اسكندرية
ارجوا الرد و شكرا لمجهودك

هات فوق 92 احسن عشان تضمن :)
اة طبعا من غير كلام :)

Ahmed Saad Ahmed

22-05-2013, 01:36 AM

يعني ممكن تقولي اماكن ممكن اشتغل فيها او حتي اتدرب ??

و هل كل اقسام فنون جميلة متاحة من علمي علوم ? حتي قسم العمارة ?

Ahmed Saad Ahmed

22-05-2013, 12:04 PM

??:excl:???????????

Ahmed Saad Ahmed

23-05-2013, 01:02 AM

لو سمحت ممكن تجاوب علي السؤالين

- هو كل اقسام فنون جميلة متاحة من علوم ? حتي قسم عمارة ?

- ايه الاماكن اللي ممكن اشتغل فيها لما اتخرج او حتي اتدرب فيها ? بالنسبة لكل قسم ?

انا اسف اني طولت عليك !
:(

yaso ali

23-05-2013, 06:52 AM

طيب انا كان عندي استفسار
ازاي ادخل فنون جميله
اصل بيقولو فيه امتحان قدرات لازم علشان ادخلها امتحنه
دا صح ولا ايه؟
وهيا بتاخد من مجموع كام يعني؟
وامتحان القدرات دا بيكون امته؟
ميعاده امته؟

yaso ali

23-05-2013, 06:54 AM

والكليه دي شغلها مضمون يعني احسن من هندسه؟؟؟؟
يعني نظامها ايه يعني؟
ارجو الافاده

bahaaeldeen

25-05-2013, 05:02 AM

يعني ممكن تقولي اماكن ممكن اشتغل فيها او حتي اتدرب ??

و هل كل اقسام فنون جميلة متاحة من علمي علوم ? حتي قسم العمارة ?

كل الاقسام عدا عمارة لو انت علمى علوم :)

bahaaeldeen

25-05-2013, 05:04 AM

والكليه دي شغلها مضمون يعني احسن من هندسه؟؟؟؟
يعني نظامها ايه يعني؟
ارجو الافاده

مشس هقول احسن ولا اوحش عشان مجرحش فى حق حد لان فيه ناس بتتفوق هنا وهنا وربنا بيكرمهم
لكن شغل فنون فوق الممتاز ويكفى ان عددكم قليل ف البلد كلها :)
نظام الكلية عملى جدا ودة اللى يخليهامن احسن كليات فى مصر لانها ماشية بتعليم تفاعلى

bahaaeldeen

05-06-2013, 05:20 PM

ربنا يكرمكم يارب

lolo cat

05-06-2013, 07:21 PM

اقسم بالله لو اتعاد الزمن وجبت 100% عمرى ما كنت هفكر ادخل كليييييييييية غيرهااااااا لانى دى مش كلية ده بيتك دى احسسسسسسسسسن كلييييييييييييييييية فى الدنيييا دى كلها واحسن نااااااااس هتعيش معاااهم وهتقابلهم فى حجيااااااااااتك انت بتقعد اكتر من 13 ساعة يوميا فى الكلية يعنى اكتر من بيتك :):)
انا بتكلم عن فنون جميلة الاقصر مش عارفة الباقى بيقعدوا قد ايه فى الكلية

bahaaeldeen

10-06-2013, 09:45 PM

lolo cat

10-06-2013, 10:19 PM

انا فى حلوان وفعلا بنعمل نفس الوضع بس مش كل يوم
اخرنا 7 ونص فى الكلية للاسف :)
كليتنا ممتازة واحسن كلية فى مصر واحسن قسم فى مصر بجد
blzbt kdaaaa:)
a7laaaaaaaaa 7aaagaaa f eldoneaa ank td5ol fnon w tkoon kmaan decooor :)

Amany Mokhtar

11-06-2013, 10:17 AM

عرفة أنى جاية أسأل بعدها بسنة بس معلش
أتا طلعة ثالثة ثانوى على النظام الجديد ...محتارة لسة بين فنون تطبقية وجميلة
بس عندى سؤال هو قسم ديكور فى فنون جميلة لازم علمى رياضة ولا ممكن علوم ؟؟
و معلوماتى أن فنون تطبقية بتأخذ علمى علوم عادى
لو معلوماتى غلط ياريت حد يصحح لى
أنا بحب الرياضة جدا بس خايفة منها فبفكر أدخل علوم مع أنى بكره الأحياء بس عندى أستعداد أستحملها لو هدخل الكلية اللى نفسى فيها
آسفة طولت

SHOSHO_9420

11-06-2013, 05:48 PM

انا علمى علوم وكنت عايزة هو انا ينفع ادخل الاقسام التانية زى جرافيك وتصوير ونحت ولوينفع الد الادنى ليهم كام ؟؟

yaso ali

14-06-2013, 12:19 AM

مشس هقول احسن ولا اوحش عشان مجرحش فى حق حد لان فيه ناس بتتفوق هنا وهنا وربنا بيكرمهم
لكن شغل فنون فوق الممتاز ويكفى ان عددكم قليل ف البلد كلها :)
نظام الكلية عملى جدا ودة اللى يخليهامن احسن كليات فى مصر لانها ماشية بتعليم تفاعلى
طيب امتحان القدرات دا بيكون امته؟؟؟؟
وايه احسن قسم في الكليه يعني؟؟؟؟
وبتاخد من مجموع كام؟

yaso ali

14-06-2013, 12:25 AM

بشمهندس احمد

14-06-2013, 02:19 AM

lolo cat

14-06-2013, 10:35 PM

واحلى حاجة كمان امتحان الديزين ال 10 ساعات وغيرها من المواد التانية ساعتها لازم تحس انك فى بيتك:d

بالظبط كده والله
وكمان بيقعد 20 ساعة يعنى على يومين بس فى مشاريع اعمال السنة العادية :]
فنون جميلة بيتك الاول وليس الثانى

عازفه الامل

15-06-2013, 03:03 PM

بالله عليكو يا جماعه حد يساعدني يقولي اعمل ايه؟
انا دلوقتي النهارده كان عندي امتحان فيزيا وبعدين مش عارفه جرالي ايه في الامتحان اغمي عليا ومعرفتش اركز خالص ومعرفتش اعمل حاجه
المهم يعني هشيل الفيزيا ومش قادره اتكلم ولا انطق ومش عارفه اعمل ايه
يمكن دا لاني منمتش ولا اكلت بقالي كام يوم بسبب توتري من الفيزيا واهلي زهقوا معايا وانا مش كان جيلي نفس لاي حاجه وكنت قاعده بذاكر جيت النهارده مش افتكرت ولا كلمه وحيات ربنا
ومش عارفه اقول لاهلي ايه ؟دول كانوا يروحوا فيها لانهم تعبوا اوي معايا طول السنه
المهم دلوقتي انا اعمل ايه محتاجه حد يقولي ؟
طيب والدور التاني دا بناخد دراجته كلها ولا ايه النظام ولا اعيد السنه كلها؟؟
انتم رايكم ايه؟؟؟

bahaaeldeen

16-06-2013, 04:49 AM

Dr Seen

17-06-2013, 08:48 PM

السلام عليكم :)

اانا المفروض يعني طالبة في اولى طب اسكندرية حالياً :) ، بس بافكر اني السنة الجاية أحوّل من الكلية إما صيدلة أو فنون جميلة ، و لما شوفت موضوع حضرتك لاقيت ان قسم ديكور فكرة كويسة ، خاصة إنه يميل للهندسة و انا بحبها جداً :d

بس ليا شوية أسئلة كدا ،
أولاً : أنا كدا المفروض لو حولت حادخل على تنسيق السنة اللي فاتت ؟ و لا حاخد موافقة إني أحوّل على طول و خلاص ؟ أنا جايبة أصلاً 100.24% ، و هل في التنسيق الداخلي حيُحتسب إني قضيت سنة في طب و بالتالي الأولوية لدفعة 2014 ؟

ثانياً : هل لازم ادخل برضو امتحان القدرات قبل ما أقدم للكلية ؟

ثالثاً : مواد الكيميا و الفيزيا دي بتتاخد بالعربي و لا الانجلش ؟

وشكراً جزيلاً :)

Dr Seen

17-06-2013, 08:51 PM

bahaaeldeen

19-06-2013, 12:42 AM

السلام عليكم :)

اانا المفروض يعني طالبة في اولى طب اسكندرية حالياً :) ، بس بافكر اني السنة الجاية أحوّل من الكلية إما صيدلة أو فنون جميلة ، و لما شوفت موضوع حضرتك لاقيت ان قسم ديكور فكرة كويسة ، خاصة إنه يميل للهندسة و انا بحبها جداً :d
بس ليا شوية أسئلة كدا ،
أولاً : أنا كدا المفروض لو حولت حادخل على تنسيق السنة اللي فاتت ؟ و لا حاخد موافقة إني أحوّل على طول و خلاص ؟ أنا جايبة أصلاً 100.24% ، و هل في التنسيق الداخلي حيُحتسب إني قضيت سنة في طب و بالتالي الأولوية لدفعة 2014 ؟
ثانياً : هل لازم ادخل برضو امتحان القدرات قبل ما أقدم للكلية ؟
ثالثاً : مواد الكيميا و الفيزيا دي بتتاخد بالعربي و لا الانجلش ؟
وشكراً جزيلاً :)

هتدخلى على اساس تنسيق السنة الجديدة :)
الحقيقة مش عارف الوضع بالظبط بس اعتقد سهل تحولى فى اسكندرية
لازم قدرات طبعا
المواد بتتاخد بالعربى والانجلش حتى ورقة الامتحان بتيجى نسختين فمتقلقيش :)

bahaaeldeen

19-06-2013, 12:45 AM

بشمهندس احمد

20-06-2013, 05:10 AM

و معلش نسيت أسأل على حاجة كمان ..

شوفت كومنتس عن ان اليوم ممكن يكون عدد ساعات كبيرة اوي !!

فـ هل كدا كل الايام ؟
بمعنى الجدول بيكون ازاي ؟ من الساعة كام لكام يعني ؟
و عدد الطلاب في السكاشن بيكون كام برضو ؟
والدفعة كلها بيكون عددها كام ؟

بعتذر عن كتر الاسئلة معلش :)

هو انا فى اعدادى ديكور اسكندرية وداخل اولى انشاء الله فانا هكلمك على الوضع فى اسكندرية فقط هو عدد ساعات العملى بتبقى كبيرة وده حسب الجدول ورغبة الطالب انا شخصيا بعض المشاريع كنت بشتغلها فى البيت لان احيانا جو الكلية بيبقى غير مناسب ماعدا المشاريع الاجبارى بس فى السنين التانية سمعت ان لازم الشغل يبقى فى الكلية فعدد الساعات اللى فى الكلية بتبقى كبيرة
عدد الدفعة 300وحاجة كدة اما السكاشن فهى 50 تقريبا حسب عدد الباشمهندسين والدكاترة اللى احنا بنتوزع عليهم
اما بالنسبة لمادة الفزيا فالدكتور منتدب من كلية علوم واغلب الشرح انجلش وهى على فكرة فزياء بصريات اما الكيميا فهى كيمياء صناعية وهى مادة موجودة فى هندسة زى مادة الرسم الهندسى اللى احنا بندرسها عشان كده الدكتور بيشرح بالعربى الا فى المعادلات و جو الكلية جميل كلنا بنساعد بعض
ويارب اكون افادتك :)

abo.omar66

24-06-2013, 05:55 PM

abo.omar66

26-06-2013, 12:00 AM

ويا ريت يا باشا بالمره رقمك ع الخاص لان شكل حضرتك مش بتدخل كتير هنا

bahaaeldeen

27-06-2013, 10:10 PM

يااااااااااااااااااه يا استاذ بهاء .. والله بدور على واحد زيك بقالى فتره
صلى بينا ع النبى بقى :d
انا احمد خريح تجاره 2013
كنت ادبى وجبت 88
واكتشفت انى مش هعرف امشى فحاجه غير الديكور لانى بعشقه
دلوقتى بقى ايه الوضع؟ هل فى جامعه مفتوحه لفنون جميله ديكور ؟؟
او دورات كويسه بتقدمها الكليه سواء جميله او تطبيقيه
وهل لو ماليش تعليم ف ديكور اساسا
حضرتك ترشحلى كورسات ايه اخدها بس تكون ممتازه بحيث اكون زيى زي اللى دارس

عليه افضل الصلاة والسلام اسف جدا لان الحساب كان فيه مشكلة :)
هى للاسف فنون مش بتقبل تحويلات سابقة لكن ليك انك تعمل دراسات حرة
او تقدم تربية فنية وتقوى نفسك بكورسات فى الجرافيكس والديكور :)
اتعلم فوتوشوب ولاوتوكاد واى برامج تصميم وانت وشطارتك :)

abo.omar66

28-06-2013, 12:15 AM

عليه افضل الصلاة والسلام اسف جدا لان الحساب كان فيه مشكلة :)
هى للاسف فنون مش بتقبل تحويلات سابقة لكن ليك انك تعمل دراسات حرة
او تقدم تربية فنية وتقوى نفسك بكورسات فى الجرافيكس والديكور :)
اتعلم فوتوشوب ولاوتوكاد واى برامج تصميم وانت وشطارتك :)

اولا حمدالله ع السلامه
ثانيا ايه افضل كورسات ديكور موجوده؟؟

abo.omar66

02-07-2013, 10:30 PM

يا جماعه السؤال مش للاستاذ بهاء بس طبعا

اللى يقدر يفيدنى ميبخلش الله يعزكو

شكرا

بشمهندس احمد

04-07-2013, 02:17 AM

يا جماعه السؤال مش للاستاذ بهاء بس طبعا

اللى يقدر يفيدنى ميبخلش الله يعزكو

شكرا

هو بشمهندس بهاء قال كل حاجة بس انا ممكن اضيف انك ممكن تقدم جامعة مفتوحة فى الاسكندرية وكمان انت ممكن تسال فى شئون الطالبة فى الكلية وهما هيفيدوك اكتر اما الكروسات فنفس الكلام اللى كتبه بشمهندس بهاء و بص على صور كتير لتصميم الداخلى والعمارة الداخلية هتكتسب خبرة انشاء الله

abo.omar66

05-07-2013, 01:32 AM

هو بشمهندس بهاء قال كل حاجة بس انا ممكن اضيف انك ممكن تقدم جامعة مفتوحة فى الاسكندرية وكمان انت ممكن تسال فى شئون الطالبة فى الكلية وهما هيفيدوك اكتر اما الكروسات فنفس الكلام اللى كتبه بشمهندس بهاء و بص على صور كتير لتصميم الداخلى والعمارة الداخلية هتكتسب خبرة انشاء الله

يعنى اسكندريه بتقبل ادبى 88% ويبقى ليا قسم ديكور؟

بشمهندس احمد

05-07-2013, 05:00 AM

يعنى اسكندريه بتقبل ادبى 88% ويبقى ليا قسم ديكور؟

لا انا بقولك جامعة مفتوحة بس ودى بصراحة مش عارف شروطها بس انا سمعت ومش متاكد من ان لازم تكون مر على شهادة التخرج 5سنوات و يقبل من خريجى جميع الكليات النظرية بقسم الجيرافيك فقط اما قسم الديكور شرط ان يكون الدراسة فى نفس المجال وده فى التعليم المفتوح بس
ولو عايز تعرف معلومات اكتر عن التعليم المفتوح اذهب الى ادارة التعليم المفتوح فى كلية الفنون الجميلة اللى فى جانكليس فى الاسكندرية وربنا يقدم اللى فى الخير :)

mohamed arafa

07-07-2013, 02:42 AM

طب دى ازاى .. انا لما رحت ملقتش غير فنون وعماره ,, اختربت عماره ونجحت بس مجموع ى مجبهاش ( الكلام ده السنه الى فاتت ) وكنت جايب 92.8

Ameera.123

07-07-2013, 08:44 AM

يا جماعة انا أدبي ينفع ادخل قسم ديكور ؟!! انا سمعت ان جامعة اسكندرية ينفع فيها و يا ريت لو حد يعرف اعمل القدرات امتى ؟! انا بتصل عالجامعة و محدش بيرد عليا

bahaaeldeen

08-07-2013, 12:12 AM

يا جماعة انا أدبي ينفع ادخل قسم ديكور ؟!! انا سمعت ان جامعة اسكندرية ينفع فيها و يا ريت لو حد يعرف اعمل القدرات امتى ؟! انا بتصل عالجامعة و محدش بيرد عليا

امتحنى ف اى امتحان وحولى اى كلية

Ameera.123

08-07-2013, 12:25 AM

هو يوم 20-7 ده يوم الامتحان و لا يوم هسلم فيه الاوراق و اقدم و اعرف معاد الامتحان امتى ؟ و ازاي اعرف الحاجات اللي همتحن فيها و اذاكرها منين ؟! و فيها نظري و لا لأ ... انا كنت ناوية اروح حلوان بكرة ان شاء الله انا من الدقهلية كده هروح عالفاضي ؟ .. و لا اروح اسكندرية ؟ انا حرف الألف و ادبي و عايزة ادخل ديكور اسكندرية ان شاء الله ..

bahaaeldeen

21-07-2013, 12:19 AM

yasmin2210

30-07-2013, 03:08 PM

لو سمحتم انا عايزة اسال عن الدراسات الحرة قسم ديكور؟ هل كويسة فى ان الواحد يقدر يحترف التصميم وايه الكورسات اللى مفروض اخدها بعد كده؟

مدحت 2009

02-08-2013, 04:30 PM

انا دلوقتى معايه الدبلوم نظام ال3 سنين وجبت 75% فا انا عايز اخش فنون جميله قسم الديكور ارجوكم سعدونى هل ينفع اخش وله لا ولو ينفع يارت حد يسعدنى ازاى اخشها انا من القاهره يارت تسعدونى

bahaaeldeen

08-08-2013, 02:06 AM

انا دلوقتى معايه الدبلوم نظام ال3 سنين وجبت 75% فا انا عايز اخش فنون جميله قسم الديكور ارجوكم سعدونى هل ينفع اخش وله لا ولو ينفع يارت حد يسعدنى ازاى اخشها انا من القاهره يارت تسعدونى

للاسف لا
فنون لا تقبل الا نظام 5 سنوات واقسام خاصة كمان وبتقبل عمارة بس

bahaaeldeen

08-08-2013, 02:07 AM

لو سمحتم انا عايزة اسال عن الدراسات الحرة قسم ديكور؟ هل كويسة فى ان الواحد يقدر يحترف التصميم وايه الكورسات اللى مفروض اخدها بعد كده؟

الدراسات العليا مفيهاش ديكور
تقدرى تطورى نفسك بكورسات ثرى دى ماكس واوتوكاد :)

Taha Maklad

12-08-2013, 04:22 PM

لو سمحت انا علمي رياضة وجايب 381 وجالي فنون حلوان كده لو حولت اسكندرية ممكن ادخل قسم ديكور ولا لأه هو اسكندرية السنة دي اخدت من 382

booody12

21-08-2013, 01:19 AM

انا جايب 90%ادبى وجتلى فنون حلوان وعاوز ادخل ديكور اعمل اية عشان ادخل القسم دة

booody12

21-08-2013, 01:24 AM

انا جايب 90%ادبى وجتلى فنون حلوان اعمل اية عشان نفسى ادخل القسم دة وتقريبا حلوان مبتخدش ديكور من ادبى ياريت اعرف اية الحل احول المنيالة اية ياريت الرد.شكراااا

bahaaeldeen

22-08-2013, 06:56 AM

انا جايب 90%ادبى وجتلى فنون حلوان اعمل اية عشان نفسى ادخل القسم دة وتقريبا حلوان مبتخدش ديكور من ادبى ياريت اعرف اية الحل احول المنيالة اية ياريت الرد.شكراااا

ديكور لادبى ف اسكندرية وبس ومينفعش تحول بعد اى سنة
يعنى تقضى ال5 سنين
وكمان التنسيق الداخلى ف اول اسبوع دراسى
انت ممكن تبقى ف حلوان وتدخل قسم جرافيك شبيه لديكور :)

bahaaeldeen

22-08-2013, 07:05 AM

لو سمحت انا علمي رياضة وجايب 381 وجالي فنون حلوان كده لو حولت اسكندرية ممكن ادخل قسم ديكور ولا لأه هو اسكندرية السنة دي اخدت من 382

وليه تحول يا طه؟؟ انت كدة ضامن ديكور
انت قدم فى فنون جميلة حلوان وكدة بتدخل ديكور من اعدادى من غير اى اجراءات
اكتب بس ع الدوسيه انك عايز اعدادى ديكور مش اعدادى فنون :)

.roro

23-08-2013, 01:46 AM

لو سمحت انا بسمع ان ادوات الكلية بتقى غالية اوى و الترابيزة كمان و الحاجات دى ممكن اعرف المصاريف دى كلها بتبقى فى حدود كام كدة

bahaaeldeen

03-09-2013, 01:12 PM

لو سمحت انا بسمع ان ادوات الكلية بتقى غالية اوى و الترابيزة كمان و الحاجات دى ممكن اعرف المصاريف دى كلها بتبقى فى حدود كام كدة

لا مش غالية للدرجادى
بتاع 300 جنيه فى الاول وبعدها المصاريف هتقل متخافش
فيه اسعار لكل الفئات وعلى حسب مهارتك فى استخدام الادوات يعنى ممكن حاجة رخيصة بس عايزة مهارة اكتر وهتطلع شغل ممتاز :)
متقلقش من الاسعار

Nosaiba.A

02-10-2013, 05:46 PM

محمد ميدو22

03-10-2013, 07:30 PM

جزاك الله كل الخير وجعل هذا العمل فى ميزان حسناتك

bahaaeldeen

12-10-2013, 01:41 PM

السلام عليكم

انا طالبة ثانوية عامة مصرية في الكويت .ميولي كلها فنية
لكن كلية فنون كانها كلية دون المستوى في العيلة
عايزة اعرف ايهم افضل تخصص عمارة ولا ديكور !!!
عايزة كلية اعرف اثبت فيها نفسي وان اختياري للفنون مانش خطا واحقق طموحي
اتمنى القى رد :")

بصى التخصصين بيكملوا بعض والاتنين ممتازين سواء ديكور او عمارة والاتنين بيلاقوا شغل ممتاز برة مصر ف شوفى انتى حابة تنطلقى فى انهى مجال
مشكلة ديكور بس انه لحد دلوقتى مش تبع نقابة المهندسين ولكن بنعمل محاولات لكدة وفيهع شعبتين عمارة داخلية اللى هو تصميم داخلى وفنون تعبيرية اللى هى تصميم ديكور سينما ومسرح وتليفزيون وازياء وعرايس متحركة وانا كاتب توبيك ف المنتدى عن كل الاقسام
كلية فنون جميلة فعلا هتكون كويسة بالنسبالك وهتحققى طموحك باذن الله واى سؤال احنا فى خدمتكم :)

nesma ezzat

25-10-2013, 01:22 AM

انا قريت الموضوع بتاعك ومحتاجة اعرف حاجات كتير عن القسم داة لو تقدر تساعدنى :rolleyes:

bahaaeldeen

27-10-2013, 05:32 PM

انا قريت الموضوع بتاعك ومحتاجة اعرف حاجات كتير عن القسم داة لو تقدر تساعدنى :rolleyes:

اكيد طبعا ائمرينى

دانا اسعد

28-11-2013, 09:26 PM

انا عايزه اعرف لو سمحت هو لازم عشان ادخلل ديكور ادخل من علمي

bahaaeldeen

30-11-2013, 07:33 PM

انا عايزه اعرف لو سمحت هو لازم عشان ادخلل ديكور ادخل من علمي

لا ممكن ادبى بس مجموع فوق التسعين وتدخلى تنسيق داخلى فى الكلية نفسها فى اسكندرية بس وانتى وحظك ومينفعش تحولى منها
لكن ممكن تدخلى اى كلية فنون ادبى وتدخلى قسم تصميم الجرافيكس :) قسم ممتاز

الحضاره

06-12-2013, 02:02 PM

انا تالته ثانوى نظام قديم من الاقصر ونفسى ادخل فنون جميله وعايزه اعرف الحد الادنى من المجموع الى ممكن يدخلنى وفى اى جامعه بالظبط مع العلم ان انا علمى رياضه

الحضاره

06-12-2013, 02:11 PM

انا علمى رياضه ونفسى ادخل فنون جميله قسم ديكور وعايزه اعرف الحد الادنى للمجموع الى ممكن يدخلنى

الحضاره

06-12-2013, 02:18 PM

ارجوكم حد يرد عليا عشان انا بجد مش عارفه اى حاجه عن اى حاجه

mai hamed

27-12-2013, 03:20 PM

طيب انا دلوقتي 3 ثانوي علمي علوم و عايزة ادخل فنون جميلة ديكور..اعمل ايه عشان انجح في اختبار القدرات؟؟
و لو في كورسات ايه هي مواعيدها لو سمحت ؟؟

bahaaeldeen

28-12-2013, 09:05 PM

انا تالته ثانوى نظام قديم من الاقصر ونفسى ادخل فنون جميله وعايزه اعرف الحد الادنى من المجموع الى ممكن يدخلنى وفى اى جامعه بالظبط مع العلم ان انا علمى رياضه

بصى هو ديكور ف حدود 93 او 92
عمارة 94 93
على حسب تنسيق اى سنة ف لازم تراجعى مكتب التنسيق ولازم تكونى لائق فى السنة القديمة

bahaaeldeen

28-12-2013, 09:06 PM

طيب انا دلوقتي 3 ثانوي علمي علوم و عايزة ادخل فنون جميلة ديكور..اعمل ايه عشان انجح في اختبار القدرات؟؟
و لو في كورسات ايه هي مواعيدها لو سمحت ؟؟

بصى فيه كورسات الكلية وفيه كذا مكان بيوفر كورسات منها صفحة تبع الكلية تقريبا اسمها كورسات امتحان فنون
لازم تتمرنى ف الرسم على التمثال والتصميم الابتكارى وتشوفى حد كويس يقدر يساعدك فى دة :)
حد يكون خريج الكلية او من الكلية لكن مش مدرس رسم وخلاص :)
بعتلك رسالة بخصوص الكلية

new jaguar

15-03-2014, 02:01 AM

شكرا جزيلا وجزاك الله خيرا على هذه المعلومات المهمة .

محمد محمود بدر

20-04-2014, 01:26 PM

جزيل الشكر والتقدير لحضرتك
مجهود طيب
جزاك الله خيرا وبارك الله فيك

ßî bä

08-10-2014, 02:49 AM

bahaaeldeen

10-10-2014, 12:30 AM

السلام عليكم
اولا انا ادبي وعايزه ادخل قسم ديكور ان شاء الله وانا سمعت كتير ان جامعة اسكندريه بتاخد من ادبي بس مش عارفه لحد دلوقتي ولا لاء .. بس كنت عايزه استفسار عن حاجه هو انا ينفع ادجل اول سنه في جامعة اسكندريه وبعد كدا احول على حلوان ولا مينفعش و جامعة اسكندريه دلوقتي بتقبل من كام من ادبي
وشكرت :)

بالفعل فنون اسكندرية بتقبل من ادبي بس بتنسيق داخلى بمجموع كبير من اول التسعين لانهم بياخدوا عدد محدود من ادبي واعلى درجات
لا التحويل مينفعش خالص حتى لو تالت او رابع سنة او حتى لو بتقدير بسبب موضوع الادبي
حوالى 89 90 او 88 على حسب لان دة موضوع متغير جدااا
وبالتوفيق

ميار زياد

17-11-2014, 12:21 PM

ممكن اعرف الفنون الجميله والتطبيقيه انهى واحده اقدر ادخلها م الادبى والتنسيق يبقي من كام ؟؟
وايه افضل قسم ؟؟

bahaaeldeen

29-11-2014, 08:20 PM

ممكن اعرف الفنون الجميله والتطبيقيه انهى واحده اقدر ادخلها م الادبى والتنسيق يبقي من كام ؟؟
وايه افضل قسم ؟؟

فنون جميلة بس بتاخد ادبي وعلمى
ادبى ليكى قسم جرافيك وتصوير ونحت
التنسيق فى اول او نص التمانينات

إسراء بلال

06-12-2014, 03:07 PM

شكرًا جدًا ليكم على مجهودكم
بس كنت عايزة أعرف
علشان أدخل قسم ديكور لازم آخد قدرات فنون فنون مش فنون عمارة؟

*(amera)*

22-12-2014, 03:15 AM

جزاك الله خيرا موضوع مفيد :)

كنت عايزة لو سمحت استفسر عن شوية حاجات

هى الدراسه فى الكلية كلها انجليزى
ولا فيه مواد بالعربى "المواد النظرى مثلا"

كمان انا فى اولى جامعه بس كلية تانيه
لو قدمت عذر عن الامتحانات فى كليتى دى
وحولت مع السنه الجديدة ينفع ولا مش بيقبلوا التحويلات
واانا ما عملتش امتحان القدرات ينفع اعملوا مع الدفعه الجديدة السنه الجاية

وكنت علمى علوم ومجموعى 95%

bahaaeldeen

26-12-2014, 12:05 PM

جزاك الله خيرا موضوع مفيد :)

كنت عايزة لو سمحت استفسر عن شوية حاجات
هى الدراسه فى الكلية كلها انجليزى
ولا فيه مواد بالعربى "المواد النظرى مثلا"
كمان انا فى اولى جامعه بس كلية تانيه
لو قدمت عذر عن الامتحانات فى كليتى دى
وحولت مع السنه الجديدة ينفع ولا مش بيقبلوا التحويلات
واانا ما عملتش امتحان القدرات ينفع اعملوا مع الدفعه الجديدة السنه الجاية

وكنت علمى علوم ومجموعى 95%

لا الموضوع مش بصعوبة يعنى فيها انجلش وعربى
للاسف صعب جدا بس لو قدرتى تمتحنى قدرات يبقى ينفع ولو انها بقت صعبة جدا للاسف :(

معاذ نصر

27-02-2015, 11:08 AM

لوووو سمحت انا ادبي 3 ثانوي من اسكندرية وعايز اعرف قسم الديكور بياخد من كااام

basma moharm

01-03-2015, 05:25 PM

bahaaeldeen

03-03-2015, 07:48 PM

لوووو سمحت انا ادبي 3 ثانوي من اسكندرية وعايز اعرف قسم الديكور بياخد من كااام

فى اواخر التمانينات 85 86 وبتوصل 89
بس ديكور لازم تجيب اعلى لانهم بيعملو تنسيق داخلى وبياخدوا عدد محدود جدا ناس وناس :) يعنى لو جبت فوق التسعين تبقى احسن طبعا

bahaaeldeen

03-03-2015, 07:52 PM

انا لسة فى تانية ثانوى و عاوزة ادخل فنون تطبيقية بسرمعرفش حاجات كتير عنها وعاوزة اعرف اذا كانت دراستها سهلة وﻻ صعبة وليها فرص شغل وﻻ ايه وانا بعرف ارسم بس مش حامدة اوى فى الرسم فممكن ادخلها وﻻ ﻵ

الدراسة صعبة من ناحية انها عملية جدااا بس احسنلك تدخلى فنون جميلة لان مفيهاش تنسيق داخلى وتدخلى ديكور قسم عمارة داخلية على طول من اعدادى لكن تطبيقية فيها تنسيق داخلى بعد اول سنة وانتى وحظك
كمان فنون جميلة فيها شعبتين جوة قسم الديكور وهما عمارة داخلية وفنون تعبيرية والاتنين نفس الحاجة سواء تطبيقية او فنون جميلة بس اسهلك فنون جميلة
اة طبعا مش لازم تكونى بيرفكت فى الرسم وكمان كويس فى اوقات فراغك حاولى ترسمى اكتر هيبقى احسن طبعا :)
وتحت امرك فى اى اسئلة واى وقت :)
بالتوفيق

basma moharm

04-03-2015, 03:10 PM

basma moharm

07-03-2015, 10:58 PM

ومعلش ايه الفرق بين فنون تطبيقية وفنون جميلة يعنى لو دخلت فنون جميلة قسم ديكور هطلع برضه مهندسة ديكور زى فنون تطبيقية وﻻ بتختلف

bahaaeldeen

13-03-2015, 05:16 PM

والله انا حاليا علمى بس لسة مش عارفة هدخل علوم وﻻ رياضة بس بما ان فنون تطبيقية او فنون جميلة بتاخد من اﻻتنين فانا هدور ع اﻻسهل وادخله بس ايه احسن قسم ممكن ادخله ويكون مستقبله حلو للبنات فى الشغل وكده

تطبيقية بتاخد علمى رياضة بس لكن فنون جميلة بتاخد علوم ورياضة
فنون جميلة قسم الديكور لانك بتدخليه من اعدادى من غير تنسيق :)

هاجر أمين

23-03-2015, 09:07 PM

لو سمحت انا كنت عايزة اسأل فنون جميلة قسم ديكور خدت من كام من القسم العلمي سنة 2008 ... و شكرا مقدما

هاجر أمين

23-03-2015, 09:12 PM

عايزة اعرف لو سمحت فنون جميلة ديكور سنة 2008 خدت كام من علمي رياضة ؟ وشكرا مقدما

bahaaeldeen

05-04-2015, 12:14 PM

لو سمحت انا كنت عايزة اسأل فنون جميلة قسم ديكور خدت من كام من القسم العلمي سنة 2008 ... و شكرا مقدما

حوالى 90% ع الاقل
انتى بس اعملى اللى عليكى وسيبى الباقى على ربنا ومتحسبيهاش لانها ساعات بتقل وساعات بتزيد على حسب عدد المتقدمين
مرة اخدت 92 ومرة اخدت 89 بس الرنج بتاعها من 91 92

basma moharm

10-04-2015, 12:55 PM

bahaaeldeen

16-04-2015, 01:15 AM

انا فى تانية ثانوى علمى وكنت عاوزة ادخل فنون جميلة او تطبيقية وناس كتير بيقولى ادخل جامعة خاصة بس انا لسة سامعة عن نظام الكريدت فى الجامعات الحكومية فعاوزة اعرف معلومات عن النظام ده وهل هو موجود فى فنون تطبيقية جامعة حلوان وﻻ ﻵ. ومعلش هو قسم عمارة احسن وﻻ ديكور من حيث الشغل والدراسة .
وشكرا :-)

لالا متدخليش جامعة خاصة الا لو مجموعك ميجبش
فنون جميلة احسن وفيها النظام دة عن تطبيقية
ديكور وعمارة كويسين بس ديكور بصراحة اشمل من نواحى كتير لان مجاله اوسع لكن عمارة بتخرج اعداد اكبر

toma ali

26-04-2015, 08:04 PM

طيب انا عاوزة اعرف هى الفنون الجميلة بتختلف اقسامها من الادبى والعلمى الرياضة والعلمى علوم ولا هى هى بس بأختلاف التنسيق

toma ali

26-04-2015, 08:09 PM

لو سمحت كنت عاوزة اعرف بس هى الفنون الجميلة اقسامها بتختلف من علمى رياضة او علمى علوم او ادبى ولا هى هى والاختلاف فى التنسيق بس

bahaaeldeen

02-05-2015, 12:23 PM

لو سمحت كنت عاوزة اعرف بس هى الفنون الجميلة اقسامها بتختلف من علمى رياضة او علمى علوم او ادبى ولا هى هى والاختلاف فى التنسيق بس

بصي علمى رياضة وعلوم متاح ليهم امتحان فنون جميلة فنون ودة بيأهل لاقسام (اعدادى ديكور - اعدادى فنون)
اعدادى فنون بيأهل تانى سنة لجرافيك او تصوير او نحت اما ديكور بيبقى لوحده
وعلمى رياضة متاح ليه قسم عمارة ودة ليه امتحان قدرات عمارة
ادبي ملوش الا اعدادى فنون وامتحان فنون جميلة فنون
ومفيش تنسيق ولا حاجة هو مفيش الا 3 تناسيق
فنون جميلة فنون لعلمى رياضة وعلوم
فنون جميلة فنون لادبي
فنون جميلة عمارة لعلمى رياضة بس

وتحت امرك فى اى استفسار

tasneemnky

07-05-2015, 05:22 PM

bahaaeldeen

10-05-2015, 05:07 PM

بسم الله الرحمن الرحيم
انا من بورسعيد و عايشه في الامارات
حاليا انا في ثانيه ثانوي علمي بس حابه على السنه الجديده احول ادبي
وانا قرأت أن في اسكندرية بيقبلو من ادبي
انا كنت حابه اعرف هم بيقولو بس الي من اسكندريه ولا ممكن عادي من محافظه تانيه (التنسيق و التوزيع الجغرافي و كده ) وكمان كنت حابه استفسر عن امتحان تحديد القدرات لاني مش شاطره في الرسم
ولو مفيش أي حل لموضوع الرسم ده يبقى اخد كورسات ايه بالظبط
وشكرا

اهلا بحضرتك
اسكندرية بتقبل ادبي بس بتنسيق داخلى يا تسنيم لكن باقى كليات فنون مش بتقبل ادبي الا ف جرافيك او تصوير او نحت
عادى اللى بيدخل من اى محافظة
لازم تنسيق اعلى من تنسيق الكلية لانهم بياخدوا عدد محدود واعلى ناس
امتحانات القدرات بتبقى للشهادات الوافدين والمغتربين بعد انتهاء امتحانات قدرات الثانوية العامة المصرية وبيتحددلها ميعاد
فى صفحة كويسة اوى رسمية بتعمل كورسات ممتازة هبعتهالك ف رسالة
ومتشيليش هم الرسم لانه سهل مش صعب عايز تدريب بس والكورسات بتاعت القدرات بتكفي :)
وبالتوفيق وتحت امرك دايما

toma ali

10-05-2015, 06:00 PM

بصي علمى رياضة وعلوم متاح ليهم امتحان فنون جميلة فنون ودة بيأهل لاقسام (اعدادى ديكور - اعدادى فنون)
اعدادى فنون بيأهل تانى سنة لجرافيك او تصوير او نحت اما ديكور بيبقى لوحده
وعلمى رياضة متاح ليه قسم عمارة ودة ليه امتحان قدرات عمارة
ادبي ملوش الا اعدادى فنون وامتحان فنون جميلة فنون
ومفيش تنسيق ولا حاجة هو مفيش الا 3 تناسيق
فنون جميلة فنون لعلمى رياضة وعلوم
فنون جميلة فنون لادبي
فنون جميلة عمارة لعلمى رياضة بس

وتحت امرك فى اى استفسار

طاب لو سمحت هو قسم الديكور من ادبى جامعة الاسكندرية اعلى مجموع بييقبل بيه طلبة ادبى كان كام يعنى ايه المحموع اللى صعب يعلى عنو ؟؟
وكمان هو بيفرق القبول بأنى مقيمة ف اسكندرية او لا ؟
وكمان هو القبول من شعبة ادبى بيبقى بالاكتفاء الذاتى ؟؟
يعنى ممكن لو اكتفوا بالعدد مياخدوش شعبة ادبى ؟

ميكو مان

15-05-2015, 01:48 AM

لو سمحت كنت عايز اسال قسم ديكور فى كلية فنون جميلة جامعة المنيا بيقبل من كام لعلمى و القبول فى الكلية 2014 كان 331.5 و هل ينفع تحول للكلية من كلية اخرى ولا مينفعش

bahaaeldeen

20-05-2015, 06:10 PM

طاب لو سمحت هو قسم الديكور من ادبى جامعة الاسكندرية اعلى مجموع بييقبل بيه طلبة ادبى كان كام يعنى ايه المحموع اللى صعب يعلى عنو ؟؟
وكمان هو بيفرق القبول بأنى مقيمة ف اسكندرية او لا ؟
وكمان هو القبول من شعبة ادبى بيبقى بالاكتفاء الذاتى ؟؟
يعنى ممكن لو اكتفوا بالعدد مياخدوش شعبة ادبى ؟

فوق التسعين يعنى مثلا 91 90 فى الرنج دة
على حسب الاعداد بياخدوا اعلى ناس
لالا مش بيفرق القبول بس خلى بالك لو دخلتى ديكور ف اسكندرية مينفعش تحولى منها لديكور اى كلية تانية مادام ادبي
لا هما بيحددوا نسبة بسيطة اوى لطلبة ادبي وبيعملولهم تنسيق داخلي
وتحت امرك فى اى وقت

bahaaeldeen

20-05-2015, 06:11 PM

لو سمحت كنت عايز اسال قسم ديكور فى كلية فنون جميلة جامعة المنيا بيقبل من كام لعلمى و القبول فى الكلية 2014 كان 331.5 و هل ينفع تحول للكلية من كلية اخرى ولا مينفعش

من علمى حوالى 90 91 92 بالكتير اوى
بيتسمى فى الفنون (فنون جميلة فنون) مش عمارة
ينفع طبعا التحويل

aya ga

26-07-2015, 08:04 PM

bahaaeldeen

30-07-2015, 11:41 PM

لو سمحت هو انا لو عايزة ادخل ديكور بعد ما اكتب فى الرغبات فنون جميلة جامعة حلوان فنون بيبقى فيه تنسيق داخلى فى الجامعة يعنى بعد ما تبدأ السنة بقدم على ديكور و بعد التنسيق الداخلى ده بعرف اذا كنت اتقبلت و لا لأ ؟

لا انتى لما بتقدمى فى الكلية فى اول يوم بتدخلى اعدادى ديكور لانك علمى تلقائى :)
مفيش تنسيق داخلى

Nada Ma7mad

30-08-2015, 07:45 PM

bahaaeldeen

11-11-2015, 11:35 PM

انا داخلة فنون جميلة المنصورة وسالت في الجامعة قالولي ان مش بدخل ديكور من اول سنة وان اول سنة باخدها اعدادي وحسب مجموعي في السنة دي بحدد القسم اللي هدخله فا من فضلك تقولي ايه الحاجات اللي اعملها عشان اتفوق في الدراسة وايه الحاجات اللي المفروض ادرب عليها من دلوقتي وعايزة اعرف الاقسام التانية دراستها ايه ولو دخلت ديكور ممكن اشتغل معماري بعدين وﻻ ﻻ ؟ عشان انا قرات كتير ولقيت في مواقع كاتبة ان ديكور صعب يشتغل شغل معماري ولكن معماري يشتغل شغل ديكور بس اللي لقيته اني بدرس مواد معماري عادي لو اتخصصت عمارة داخلية فا انا مش فاهمة الموضوع ده ياريت حضرتك توضحلي :cool:

هو طبعا ديكور معمارى من الدرجة الاولى ومش صعب ولا حاجة 99% من بتوع عمارة بيشتغلوا فى الديكور والتصميم الداخلى
اغهم حاجة تكون بتعرفى نسبة اسكتشات ومناظير interior & exterior ولاندسكيب واكواريل واسكتشات رصاص سريعة
فى توبيك هنا عن اقسام ديكور وكيفية الاستعداد ليه وتحت امرك فى اى وقت

Naiera

23-06-2016, 10:18 PM

هو شرط في فنون جميلة قسم عمارة اني اكون موهوبة رسم ولا مع الممارسة في الكلية هتعلم ؟

Naiera

24-06-2016, 04:37 AM

محتاجة رد لو سمحتووو

فاطمة محمود حسن

27-07-2016, 04:20 PM

عن تجربة لابنتى ...قسم (الديكور) قسم جامع وشامل ولذلك فهو ممتع يعلمك الصبر وطول البال لأنك فى النهاية سوف تشاهد بنفسك نهاية صبرك فى انناج من صنع يدك وماتم تصميمه من فكرك ومهارتك وقدرتك ........................ بالاضافة الى ذلك بعد الخمس سنوات بأمر الله .. بأمر الله الشغل موجود سواء فردى أو مع مجموعة أو فى خارج مصر ... اتمنى لكم التوفيق ................كن مع الله ... دعاء ( يامالك الملك وكلتك أمرى واستودعتك همى فقدر لى الخير حيث يكون وارضنى به ياأرحم الراحمين) وكل أمرك لله فهو علام الغيوب

RANA AMER

30-07-2016, 11:07 PM

bahaaeldeen

02-08-2016, 06:31 PM

هو شرط في فنون جميلة قسم عمارة اني اكون موهوبة رسم ولا مع الممارسة في الكلية هتعلم ؟

لا مش شرط تماما موهبة او تواجدها من اصله
الكلية هتعلمك كل حاجة وبالكورسات مخلتش حاجة
بالتوفيق :)

bahaaeldeen

02-08-2016, 06:32 PM

bahaaeldeen

02-08-2016, 06:34 PM

ممكن اعرف ايه الاحسن انى ادخل فنون جميلة ديكور ولا هندسة عمارة خاص ممكن مقارنة بين الاتنين ؟ انا ثانوية عامة السنادى وجبت 89.6% ...انا شايفة ان ميزة عمارة خاص انى هدرس بالانجليزى و كمان تابعة للنقابة بس ديكور برضه فيها مميزات كتير وانا لارم افرر درورى عشان اقدم ...وهل ممكن عمارة فنون جميلة تنزل مرحلة تانية؟؟

على حسب مجموعك الاتنين واحد بس عمارة تتبع نقابة المهندسين وتصنيف اول كمان لكن ديكور بيحاول
لكن ف الاخر كله بيشتغل ديكور حتى بتاع هندسة عمارة لانه مجال واسع وبياخد مجموع اقل ف على حسب مجموعك كمان الدراسة واحدة فى الاتنين
اكيد عمارة بتنزل مرحلة تانية بس اكتبيها اول رغبة وبالتوفيق دايما :)
وتحت امر حضرتك فى اى استفسار

elkausar

04-08-2016, 12:39 PM

انا عندي استفسار لو سمحت انا ادبي وجايب 98% وقبلت في فنون اسكندرية ينفع ادخل ديكور السنة دي لان في واحد قالي احتمال ميخدوش ادبي السنة دي ويكتفوا بعلمي هل الكلام دا ممكن ولا لازم يخدوا عدد محدد من طلاب ادبي اسف عالاطالة ^_^

bahaaeldeen

14-08-2016, 05:17 PM