السلام عليكم
انا علمي رياضة تالتة ثانوي
انا خلاص تعبت انا ضيعت كل مجموعي فى الفيزياء بس الحمدلله
وكدة انا مش هقدر ادخل كلية الهندسة اللي بحلم بيها
بس انا فى ناس بتقول ان فى معاهد سنتين بتدخل كلية الهندسة بس مش فاهم
فياريت حد يفهمني واية هي المعاهد دي وفين
والسلام عليكم

اه فعلا المعاهد الفنية الصناعية بتقبل طلبة ثانوى عام وازهر علمى وطلبة الدبلوم الفنى الصناعى...وهى تعتبر فرصة ذهبية للى ماحقققش حلمه فى ثانوى
المعهد سنتين والمجموع تراكمى..مطلوب منك امتياز على الاقل علشان تدخل هندسة ان شاء الله يعنى (من 85% لفوق)..
وعلى فكرة المعهد سهل جداااااا تجيب 95 وانت مستريح كمان مش محتاج اكتر من ربع مذاكرة الثانوى...بس انت بتاخد كورسات فى المعهد علشان اعمال السنة عليها 40% من المجموع الكلى
واطمن بجد والله المعهد سهل جدا وفرصة متضيعهاش
حتى لو لاقدر الله ماجبتش امتياز فى فرصة انك تعمل معادلة هندسة مطلوب انك تنج فيها بس ولو منجحتش ممكن تعيدها...بس ان شاء الله انت تجيب هندسة على طول متضطرش تعمل معادلة
المعهد فى مميزات حلوة كتير..وهو بيضم الاقسام اللى فى كلية الهندسة.يعنى كهرب مدنى ميكانيكا.الخ
والمعاهد الفنية الصناعية كتيرة فى المطرية وشبرا والصحافة فى القاهرة وفى معهد بنها وسوهاج وشمال سينا...لو عندك اى اسئلة تانى مش هتأخر ان شاء الله..بالتوفيق يا باشمهندس