السلام عليكم
هل فيه اى حد من الاخوة الافاضل اخد قرض بضمان المرتب وياترى من بنك ايه وايه هى البنوك اللى ينفع ناخد منها وماهو افضلهم من ناحية الفوائد وعلى كام سنة لو حبيت اخد قرض 5 الاف جنيه
وماهو المطلوب منى كأوراق ؟؟ وحأروح بيها فين ؟؟وحيقعد كام يوم على ما اخد المبلغ ؟؟

ياريت اى حد جرب الموضوع ده يوافينى بكل التفاصيل وجزاه الله الف خير

الرجاء من السادة المشرفين تثبيت الموضوع لبعض الوقت فقط ولهم وافر الشكر والاحترام

السلام عليكم
هل فيه اى حد من الاخوة الافاضل اخد قرض بضمان المرتب وياترى من بنك ايه وايه هى البنوك اللى ينفع ناخد منها وماهو افضلهم من ناحية الفوائد وعلى كام سنة لو حبيت اخد قرض 5 الاف جنيه
وماهو المطلوب منى كأوراق ؟؟ وحأروح بيها فين ؟؟وحيقعد كام يوم على ما اخد المبلغ ؟؟

ياريت اى حد جرب الموضوع ده يوافينى بكل التفاصيل وجزاه الله الف خير

الرجاء من السادة المشرفين تثبيت الموضوع لبعض الوقت فقط ولهم وافر الشكر والاحترام
اولا حضرتك علشان تاخد قرض لابد ان تكون مدرس اساسى يعنى تكون اتعينت مش معلم مساعد ثانيا البنوك كتيرة منا بنك ناصر ويحتاج لضامن وتحول مرتبك وفيه بنك مصر بتحول مرتبك دون ضامن وفيه بنك اسكندرية بتحول مرتبك
واحدة صاحبتى سحبت قرض من بنك اسكندرية هيه بتقبض 700 جنيه سحبت قرض 20000 جنيه على سبع سنوات كل شهر يخصموا منها 390 من المرتب
الاوراق المطلوبة مفردات مرتب وصورة البطاقة ووصل نور او ميه او تليفون والبنك هيديك ورق تمضيه من المدرسة ومن الادارة وهتصرف بعد شهر من التقديم
دى المعلومات اللى اعرفها ولو حد من الزملاء عنده المزيد يا ريت يكتبه

الأخ العزيز انا عارف ان الكلام دا مش هيعجب ناس كتير
يا ريت بلاش قروض لإنها ربوية وحرام ومثال علي كدا كلام الاخت هويدا
القرض كان 20000 وهيتسدد علي 7 سنوات يعني هيترد حوالي 32000
لتفادي المشكلة دي ممكن حضرتك تروح لبنك فيصل الاسلامي او أي بنك إسلامي وتقولهم انت عاوز تشتري إيه وهما بيشترهولك وبعدين تقسطلهم

جزاكم الله خير جميعا وشكر خاص للاستاذة هويدا ع المعلومات القيمة

الأخ العزيز انا عارف ان الكلام دا مش هيعجب ناس كتير
يا ريت بلاش قروض لإنها ربوية وحرام ومثال علي كدا كلام الاخت هويدا
القرض كان 20000 وهيتسدد علي 7 سنوات يعني هيترد حوالي 32000
لتفادي المشكلة دي ممكن حضرتك تروح لبنك فيصل الاسلامي او أي بنك إسلامي وتقولهم انت عاوز تشتري إيه وهما بيشترهولك وبعدين تقسطلهم

للاسف عارف شبهة الربا وعارف انه استغلال واضح وصريح بس انا مش عاوز اشترى بيه حاجة ده مصاريف متفرقة انا فكرت كتير وملقتش غير الحل ده للاسف

للاسف عارف شبهة الربا وعارف انه استغلال واضح وصريح بس انا مش عاوز اشترى بيه حاجة ده مصاريف متفرقة انا فكرت كتير وملقتش غير الحل ده للاسف
عندى اقراح ليه ما تعملش جمعية مع زملاءك فى المدرسة واخدها الاول أو الثانى وحتكون هى أفضل من شبهة الرباوالتعامل مع البنوكالى حتديك 20000ألف وحتخصم من مرتبك حوالى 27000 ألف جنية

بنك القاهرة بيدى ضمانات على المرتب...........والموظف بيشرح لحضرتك لو هاتسدد على كذا سنة هاتدفع كذا
ممكن ثلاث سنوات ممكن اقل ممكن اكتر
والافضل تحول المرتب على البنك

أفضل بنك هو بنك ناصر الاجتماعى
يوجد به قرض اجتماعى ب 5 الاف جنية وبدون فوائد وبيخصم 150 جنية فى الشهر ولكن علية مصاريف ادارية فقط حوالى 250 جنية طول المدة

الف شكر يا جماعة انا فعلا تفكيرى دلوقتى محصور مابين بنك ناصر وبنك مصر اقل فوائد
متشكر جدا لأهتمامكو

با استاذي الفاضل مبلغ 5000 جنيه مش كتير ممكن تعمل جمعية مع زملائك واقاربك وتقبضها وتقضي مصلحتك او تاخدهم سلف من اي شخص وسدهم بعد سنة اما القرض فبتكون فائدته حوالي 13.5 % وهي فائدة مركبة يعني اللي واخد قرض 30000 جنيه بيسددهم 42000 جنيه بعد 7 سنوات .......... فاحسن حل هو الجمعية او السلف

انا نويت من فنرة اخد قرض لاني لسه واخده شقه ومش معايا فلوس كافيه للتوضيب
اول خطوة بالنسبالك انك تروح البنك وتاخد استمارة وهتلاقي ترحيب كبير من الموظف المختص ولو ناوي تاخد خمسه هيقنعك تاخد 15 لانه عمل معايا كده قالي راتبك يسمح ب16 الف و500 وانا كنت رايحه علي عشرة بس
الخطوة الي بعد كده انك تمضيها وتختمها من المدرسه
وبعدها الادارة
وترفق معاها صورة البطاقه ووصل مرافق
المهم ان بعد ما عملت كل ده مخدتش القرض لان اصحابي القريبين خوفوني منه ومن عواقبه ومسابونيش غير لما قطعت الاستمارة
مش عارفه اقولك ايه
انا فعلا متعسرة بس جوايا يقين ان ربنا هيعني لاني رفضت الربا
والامور ماشيه والحمد لله
ادعي ربنا يفك كربك ويقضي عنك الدين
وصدقني بلاش احسن
انا لما عرضت عن الفكرة مكانش بدافع كلام وبس
لا
كان بوقائع حقيقيه محدش اخد قرض وسلم من الضرر

ياريت تتواصل معانا وتقول عملت ايه

انا نويت من فنرة اخد قرض لاني لسه واخده شقه ومش معايا فلوس كافيه للتوضيب
اول خطوة بالنسبالك انك تروح البنك وتاخد استمارة وهتلاقي ترحيب كبير من الموظف المختص ولو ناوي تاخد خمسه هيقنعك تاخد 15 لانه عمل معايا كده قالي راتبك يسمح ب16 الف و500 وانا كنت رايحه علي عشرة بس
الخطوة الي بعد كده انك تمضيها وتختمها من المدرسه
وبعدها الادارة
وترفق معاها صورة البطاقه ووصل مرافق
المهم ان بعد ما عملت كل ده مخدتش القرض لان اصحابي القريبين خوفوني منه ومن عواقبه ومسابونيش غير لما قطعت الاستمارة
مش عارفه اقولك ايه
انا فعلا متعسرة بس جوايا يقين ان ربنا هيعني لاني رفضت الربا
والامور ماشيه والحمد لله
ادعي ربنا يفك كربك ويقضي عنك الدين
وصدقني بلاش احسن
انا لما عرضت عن الفكرة مكانش بدافع كلام وبس
لا
كان بوقائع حقيقيه محدش اخد قرض وسلم من الضرر

مقفولة قفلة السنين يا مريم

ياريت تتواصل معانا وتقول عملت ايه

سبحان الله روحت البنك وقاللى مينفعش قبل 20/7 وانا اصلا محتاجهم قبل اليوم ده فكنسلت حوار البنك

الحمد لله الذي هداك لهذا وما كنا لنهتدي لولا ان هدانا الله
ربنا يفرج كربك وكرب كل مكروب

انصحك بلاش القرض لان ده ربا صريح والربا هو محاربة الله ورسولة فهل تقدر على محاربة الله ورسولة ؟
فقط خذ بنصيخة الاخوة بعمل جمعيات وعليك بالدعاء.

قرض إيه اللي أنت جاي تقول ليه
أنت عارف أبله معنى القرض إيه
ربا ما تطوله حتى في خيالك
حاجة أسوء من حياتي ومن حياتك
ظالمه ليه دائما معاك
كان هو خلاك ملاك

السلام عليكم اخي الكريم بالله عليك لا تذهب الى اي بنك اسئل مجرب
قال رسول الله ( ص ) (( من ترك شيأ لله في الحرام عوضه الله خيــــــــــــــــــــــــــراً منه في الحلال ))
اترك لله والله لن يخذلك الله والرازق هو الله

انا فعلا كنت ناوى اخد قرض لكن الحمد لله ربنا ابعدنى عن هذا الطريق