هو العيب فينا ولا الزمن
!؟
ولا العيب لا فينا ولا فى الزمن والعيب فى حد تالت إحنه لسه مش عارفيه
:rolleyes:
؟!؟!
هو إحنا ليه
دائما بنسمع خلى بالك من مستقبلك
!؟
بكره هيبقى أحسن
!؟
لا يأس مع الحياه ولا حياه مع اليأس
!؟

ليه دائما بيضحكو علينا ويدونا أمل فى بكره اللى مش باينله ملامح ده
ليه بيقول أهم شىء شهادتك وبعد كده الحياه هتفتح أبوابها معاك
!؟
مع إن القهاوى بقت مرشقه شهادات مش لقين شغل ولا لقين ياكلو

ليه طول عمرنا من أول ما بنتولد بيقعدو يقولولنا الصدق هو اللى بينجى متكذبش متعملش كذا وكذا وكذا
!؟
وفى الآخر اللى بيقول الحق بياخد على ( ق...هـ )

ليه إحنا شعب فيه أكتر من 77 مليون بنى آدم منهم 5 أو 6 آلاف هما اللى معاهم والباقى بيشحت منهم

وفى الآخير يسألو ليه مستوى العنف إرتفع
!؟
مش عارف الصراحه
ليه السرقه إنتشرت
!؟
بردو مش عارف
ليه الجواز العرفى بقه موضه
!؟
بردو مش عارف
ليه وليه وليه وليه ................ لحد بكره
وبردو مش عارف

أنا بصراحه مش عارف أنا بكتب إيه ولا بكتب أصلا ليه كل اللى عارف ومتأكده منه إنى بجد خلاص زهقت
مبقتش قادر كل ما ببص لبكره بتعب بحاول أعيش النهارده بتخنق
ببص على الماضى بتصعب عليا نفسى


بس فى الآخر عاوز أسأل سؤال
هو إحنا فعلاً ممكن يجيى علينا يوم من الأيام نكون فى حال أحسن من كده
؟!؟!

فعلا دي اسئلة كلنا بنعاني منها و للاسف مش لاقيين ليها حل بس الله اعلم يمكن فعلا ييجي علينا يوم نبقى في حال احسن من ده

هوا ممكن ييجى اليوم فعلا اللى يكون حالنا احسن من كدا

لان دوام الحال من المحال
بس فى الحقيقه اللى احنا فيه احنا مسؤولين الى حد ما عنه
يعنى مثلا اتجاه الشباب للزواج العرفى بسبب البطاله والغلاء ومغالاه الاهل فى تكاليف الزواج

نعيب زماننا والعيب فينا 000 وما لزماننا عيب سوانا
ونهجو ذا الزمان بغير ذنب 000 ولو نطق الزمان لنا هجانا
وليس الذئب يأكل لحم ذئب 000 ويأكل بعضنا بعضا هضاما

ومشكور على طرحك لهذا الموضوع
جزاك الله خيرا

مشكور على الموضوع الجميل ده يامان , ممكن اعلق تعليق صغير

العيب لا فينا ولا فى الزمن العيب فى الحاكم الاكبر .( الريس )؟؟؟

شكرآ على الموضوع واعتقد الكل هيفهم التعليق

بسم الله الرحمن الرحيم

جزاكم الله خيرا...على الكلمات الرائعة

والاروع...كونها لم تكن من فراغ

بل من شىء نجده ونلتمسه ونتعايشه في حياتنا

بكثرة او قد يكون امام عيوننا يوميا...

ودوما يكون اللوم على الزمان...

مسكين ايها الزمان...

من كل صوب انت المدان


من الصغير والكبير

من الذكر والانثى

من الحاضر والغائب

وما الزمان الا...ذاك البرئ الذي

حمل على عاتقه...اعبائنا

وحملنا واثقالنا ...بكل مشاكلنا وهمومنا

بكل تقصير منا...الى متى ايها الزمان سوف

تبقى صامتا ..وتبقى الملام..


همسة :

سمعنا كثيرا ان الناس تتغير

وعارضه من قال ان الزمن الذي يتغير

من الذي يتغير هم ونحن ام الزمن ؟؟؟؟


عرفتها بإبتسامة تشق شفتيها .....

عانقت فرحتي واثلجت صدري بدفأ حنانها ..

علمتني كيف نصنع من الثلج دفأً .....

ومن النار برداً ...............

عزفت على وتر قلبي الحساس ..........

وكم كنت فرحا بعزفها ...............

أين هي الان .......... أرتني كتفيها مبتعدة عن

وجهتي ..........

من الذي تغير هي ام الزمن ..........

ماذا فعل الزمن ......... لتتغير ......

ام الاثنين تغيروا معاً ............................


من الذي سهرني اهو الزمن

ام تباعد خطاها .. عن طريق حياتي ؟؟؟؟؟؟


من الذي يتغير

الزمن ام قلوب البشر ؟!!!!!!!!!!!!



عموما وللجميع

هل يعقل ان الذي عرفنا انه مخلص لنا

قد تغير ام حوله الزمن لبقايا ..............

هل يعقل ان من رحل عنا هو الذي تغير ..........

لم نجرحه !!!!!!

لم نزعله !!!

كم نحبه نحن ؟؟؟؟؟؟؟

لماذا لا يعود لنا ؟؟؟؟؟؟؟؟؟؟؟؟؟

هل ارضى بأن يقال انه تغير !!!

ام الزمن له الدور ..............

لعلنا نجد حلاً لنقول ان من احبنا قد تغير مع الزمن


قف امامك ومضه !!!!!!!!!!!!!!!!!!!!!

وقفه صريحه مع النفس والذات والاعتراف

بما اقترفته عقولنا وعواطفنا بثقتنا العمياء

ببعض الاشخاص الذين هم ليس اهل للثقه

ووضعنا ارواحنا بين ايديهم ورضيناهم

بالغالي والنفيس رغم .. اخطائهم معنا

وتجاهلنا من هم اضاؤوا اصابعهم العشره

شموعا لإرضائنا والتقرب منا ..

وابتعدنا عنهم ..


فكان خطأ الثقه بنا وخطأ التقدير بنا

وخطأ اعطاء الثقه بنا .. نحن .. وليس بالزمان ..

فكفى تلوم زمانك .. واعرف جيدا احبابك ...

وابتعد اقصى البعد عن اعداؤك ..


فسوف تحب (( زماااانك )) ..

ولن تلوم ((( احبابك))) ...


لك انت .........

وانت فقط .....

نعيب زماننا والعيب فينا وما لي زمننا عيب سوانا



وجزاكم الله خيرا على الموضوع الاكثر من الرائع
واسف للاطالة

بص يا محمد مشكلة الشباب سبب منها الاباء
الاباء عايزينا صورة منهم او صورة من الماكيت اللى هما عاملينه لينا فى دماغهم

تيجى تتكلم يقولو لا .........تيجى تعمل اى حاجة انت شايف انها صح يقولو لا

يمكن هما صح بس لازم نجرب

و الله انا كمان تعبت جداااااااااااااااااااااااا جداااااااااااااااااااااااااااااا كل يوم بتعقد و كل يوم بحتار اكتر

صراحة من الاخر انا حاسة انى تايهة جدااااااااااااااااااااااااااا

شكراااااااااااااااااااااااااا يا محمد ع الموضوع

العيب فى الياس و عدم التمسك بالمبادئ و الاحلام اللى بنحلمها
العيب لما نقول املنا اننا نعمل كذا و نكون كذا و فى الاخر نستسلم للى شيفينوا ادمنا
لما نجرح نفسينا و اللى ادمنا علشان خفنا من الزمن و من مصرنا
لو فكرنا نعيش و نواجة المصير مهما كان شر او خير خير نعيش فية شر بادينا نغيروا
لكن العيب مش على الزمن العيب علينا احنا الخوف و الجبن بقا ملينا و دور على حجج
نوهم بيها نفسينا العيب مش عليك يا زمن دة والله العيب علينا

والله العيب مش فينا ولا في الزمن اكيد العيب في الحكومه
الحكومه هي نقطه ضعفنا الحقيقي ومينفعش اي حد يتكلم ويقول اي حاجه
ولو اتكلمنا هنروح مشوار صغير الي بوابه جهنم
جزاك الله كل خير يا اخ محمد علي كلامك الجميل علي فكره في كلامك معاني جميله جدا
وشكرا

ما هو لا ياْس مع الحياة ولا حياة مع الياْس :D

فلما يبقي تلت تربع شباب مصر ياْسين

يبقي حال البلد رايح على فين :(

ميرسي يا سادات على الموضوع :)

ما هو لا ياْس مع الحياة ولا حياة مع الياْس :D


فلما يبقي تلت تربع شباب مصر ياْسين

يبقي حال البلد رايح على فين :(


ميرسي يا سادات على الموضوع :)

ياااه بجد القطة الروشة مشفتكيش من زمان منورة المنتدى والله

أنا عجبتنى جملة ميس رانيا دى اوى

نعيب زماننا والعيب فينا 000 وما لزماننا عيب سوانا
ونهجو ذا الزمان بغير ذنب 000 ولو نطق الزمان لنا هجانا
وليس الذئب يأكل لحم ذئب 000 ويأكل بعضنا بعضا هضاما

ياااه بجد القطة الروشة مشفتكيش من زمان منورة المنتدى والله


أنا عجبتنى جملة ميس رانيا دى اوى




ازيك يا حبيبتى عاملة ايه

بس مين ميس رانيا دى :rolleyes:

ازيك يا حبيبتى عاملة ايه

بس مين ميس رانيا دى :rolleyes:
دى ميس رانيا حسن (http://www.thanwya.com/vb/member.php?u=50863)
أنا كنت برد على موضوع السادات